神戶屋日韓放題

營業中

休息中

今日約左朋友去旺角食放題！😍😍食放題最緊係要食物數量多啦，😋😋我地揀左呢間神户屋，呢度野食真係好多，我地點食物紙都點左十分鐘，點完仲要每台仲送多個火鍋！😝😝已經准備接受今晚既放題挑戰！！野食好快就黎到，我地係咁食食食食食，店員服務都好好👍🏻👍🏻，會keep住收野。😋朋友中意食刺身壽司，我就中意食鐵板燒多d，最中意食係牛油粟米同鐵板炒銀芽，😋😋叫左幾轉，朋友都笑我食放題食粟米同芽菜😂😂因為食左好多肉啊，要食返d蔬菜類解下肥膩！😍😍食到咁上下，店員見我地無晒野食，就主動問仲有無咩係未到，咁我口頭講左幾樣，轉頭就即刻到喇！👍🏻👍🏻收集左好多野食既相同大家分享，呢度只係我地點野食既其中一部分，有d食左唔記得影😝😝飲左幾罐飲品，食左幾樣甜品，就為呢個放題之夜作結😝😝👍🏻💕

一入到店員就好好態度，立即推薦個魚生比我地一邊食一邊揀其他食物，魚生品質都非常好，特別係蟹肉，八爪魚，辣生蝦，三文魚同帶子都非常新鮮，最好食。本身就有中華沙律同螺肉呢啲頭盤放好係枱，少少地又唔洗出去拎唔洗叫先有，開胃又方便，除此之外麻醬，沙律醬同硬婦羅汁都一早set好，呢d貼心位真係加分。一黎已經見到好多野食揀，上菜速度非常快，點菜後幾分鐘已經有食物到，炸物我最鐘意食芝麻雞翼，好脆口同唔會好油，其次係天婦羅，比較特別係多春魚天婦羅。壽司方面就特別鐘意食佢個黑松露類壽司，味道唔會太濃烈，搞正冇哂刺身本身既味。另有火鍋類，牛肉都幾好食，有溫泉蛋附上，細細個鍋兩人分岩岩好，正過去吉野家。除外仲有其他小菜都好好食，例如豉椒炒蜆，牛脷，一口牛肉，菇類配菜都好推薦。飲品甜品方面都有沒少選擇，食飽後仲有韓國雪條作甜品，放題黎講都算唔錯，有機會一定再黎食！

聖誕唔想同人逼所以早兩日黎食放題慶祝，一入黎店員已經好親切問我地有咩刺身唔食，幫我地落左先，而且兩個人一個卡位，坐得好舒服唔會為左多啲客逼埋係張細枱。首先刺身同壽司來貨認真唔差，全部都好新鮮，最愛泰式生蝦同隔離個唔知咩名既蝦，兩個都大大隻啖啖肉！其次炸物上枱係岩岩炸好的，一口芝士係放題食好膩，但實在太好味忍唔住一個人食左兩粒。而之後既一品料理先睇得出間野好唔好食，豉椒炒蜆夠新鮮，隻隻都開哂殻，而且好惹味，如果唔係放題真係想加碗白飯。同樣惹味既有牛脷，夠厚夠大塊，所以完全唔會乾到硬哂。中間叫左個日式肥牛鍋、沙律、茶碗蒸同埋啲菜菇類既沖淡下個口，黎放題食沙律好似好奇怪，但佢兩塊番茄都好大塊，醬料又唔會慳住慳住比，滿足哂我呢啲麻醬控！唯一不足係雜菇好似落重左手鹽，鹹左少少。臨走仲叫左燒菠蘿同心太軟做甜品，因為太心急一野ko左兩年燒菠蘿冇影到相，燒到暖暖地一咬落去爆哂汁！心太軟好甜仲有少少黐牙，不過細細粒唔怕太膩，但係另一個壞處就係底下既會有少少窿左不過唔緊要啦上面果層都夠食，唔係會好大罪惡感！總結黎講，兆萬呢幾層韓燒放題打邊爐成日都轉，有啲仲好伏，估唔到呢間係咁多間放題黎講算高質，中途都冇漏

有時候都會覺得自己好奇怪，會突然間好想去食某一樣野。比如今次咁，之前聽朋友講左咁多次呢間神戶屋，但都無行動過，一直到前幾日，就突然諗起佢，然後就即時出發了。呢間神戶屋，睇落去好似係日式放題，但其實佢係集合左日韓兩國既特色食物，而且食物的選擇都極多。岩岩行出升降機，就係對住一個巨大既雪條櫃，裏面放滿左十幾種韓國雪條，睇落超級吸引。等左一陣，終於可以入得。裡面條通道有少少狹窄，原本以為食野會迫，點知一坐低，發現其賓座位都算幾寬敞。壽司卷：芝士蟹柳，和牛，牛油果軟殻蟹同芒果炸蝦。整體味道都唔錯，而當中和牛就特別出色，因為佢味道相對比較重，唔會比白飯遮蓋。

旺角放題選擇超級多，朋友之前介紹過兆萬神户屋。位置方便，油麻地同旺角去都近！呢到啲位都幾多，人多嚟食都唔怕坐唔哂。就算兩個人食，都有卡位坐，好加分。飲品係自助形式，自己拎。先食刺身！帶子十肥美厚切，夠哂鮮甜！三文魚都好正，而且估唔到有蟹鉗仲有好多貝殻類食！壽司款式都夠哂多咖當中我最中意芒果炸蝦卷同軟殻蟹卷兩隻都係香口嘅款式，岩哂我中意食炸野嘅人講起炸野，就梗係叫咗啲炸物食啦炸鮮奶卷幾特別！外脆內軟，香香甜甜另外少見嘅仲有網紙蝦卷，同樣有水準每次食放題我都中意叫炒雜菜，懶係健康啲咁！呢到嘅炒菜有埋蘆筍，一啲都唔hea咖。而且有香濃嘅牛油味，加埋木魚絲，好食！整體食物質素都有中上，而且店員都好有禮貌服務夠好，即時都加啲分！係旺角又多個任食嘅選擇喇！

小週末，想同父母一齊出去食餐特別D，預早了一星期BOOK位! 起初見OPENRICE有咁多個笑哈哈，心諗應該唔會伏點知......係我地食過咁多間之中，最差差差。當晚6點9，在樓下已經見到幾個職員去派單張招客。爸覺得可能因為唔掂，先要不斷兜客，心不敢抱寄望。上到去，還未坐滿，雪糕櫃放在升降機前，應該都係環境太細關係。職員安排我們去卡位，又仔細介紹一下有火煱、海膽/生蠔贈送我們點了壽喜燒，牛肉好鞋。即使有點餐紙有火煱配料揀，但我們都沒有叫過，因為主要想吃刺身。第一籃刺身好快就送上。海膽/生蠔都到了! 貨色非常一般，刺身叫了一次都唔想再來。馬拉盞炒通菜、炒蜆、一口和牛、魷魚鬚、清酒煮蜆，全都是凍的!瑞士汁雞翼、燒海蝦，肉質都是脢!韓式的牛栢業和帆立貝、牛舌，醬汁都濃過頭，調味也不好吃!雞軟骨的味道都不好!一口豆腐、芝麻雞翼和蝦卷，是比較可以，起碼是熱的。諗住冇野好吃，也叫蟹粥頂肚，稀得來都係唔熱!!!!壽司方面，只是叫了幾款，起初不敢叫咁多，好吃的再ENCORE、可惜，只有一轉....蟹籽未上枱已經掉晒，扣分吧!生食物唔太OK，神戶和牛卷比較安全。 其實都唔係食左好耐，因為D野上的好快，但

同老公二條友出旺角， 搵食都離不開食放題， 因為可以食到多d 款式嘅食品， 今次同老公去兆萬 8樓嘅神戶屋醫肚。 齋睇神戶屋嘅order紙都算多， 由刺身到熱食都有， 刺身款式都唔少。 飲品就自己出去拎， 款式都好多吓。先嚟個刺身先， 款式都唔少喎， 特別係我鐘意食嘅蝦都有5款呀， 當然唔少得三文魚呢。 小食沙律都有㗎， 愛食技豆， 老公叫咗個泰式鳳爪， 但我覺得太辣喇。炸物天婦羅當然唔少得啦。呢個黃金芝士廣島蠔正呀， 原隻廣島蠔俾你， 出面好多都係切碎㗎。 食埋呢個火鍋就好飽喇。 點飽都要留肚食甜品嘅。  大滿足呀。

一入到去神户屋，環境好唔錯，有啲似cafe既格局，唔似平時放題個啲咁老土，樓面啲佈置令到成個環境好新穎同特別，令我收左工都有啲放鬆嘅感覺！一坐低，店員都好積極講解有咩食，首先叫我地揀個鍋先，我地揀左部隊鍋，入面超級足料，有齊一般部隊鍋有既食材喺入面，而且佢嘅味道都唔係特別辣，啱哂唔係話好食得辣嘅我！揀左個鍋之後，我地仲有得揀海膽同埋生蠔食，海膽食落好鮮甜，一啲雪味都無，生蠔唔算好大隻，但味道幾好，仲有d海水味，咸咸地，鮮味都好夠！食完呢兩樣，我地就開始落筆瘋狂畫野食喇！ 首先係刺身，哎左三文魚，甜蝦，生蝦，玉子，帶子，象拔蚌，鮑片同北寄貝！值得留意嘅係刺身個到，餐廳有好多唔同既蝦刺身可以哎，如果你係一個好鍾意食蝦嘅人千祈唔可以錯過呀！佢有甜蝦，泰式生蝦，天使蝦，有頭甜蝦同埋激巨赤蝦刺身！炸物方面，我自己最中意就係炸鮮奶，芝士年糕，香芋丸同榴蓮炸彈！最緊要最緊要！係要點佢個個一口芝士呀！因為佢個芝士味好濃！一咬啲芝士就漏哂出嚟！諗番起都有啲流口水！其餘餐牌上嘅炸物同一般你食放題想點嘅炸物都會有喺到！其餘食物都好有水準！！如果大家想食放題都可以諗下呢間，唔錯！！

好一排冇食放題啦，今日朋友突然間有呢個諗頭，於是我哋喺旺角揀咗呢間餐廳。之前試過覺得ok，朋友未試過，於是帶佢嚟。餐廳每圍枱送一碟壽喜燒或者部隊鍋，主打日韓款式，同其他放題有啲唔同。我哋比較喜歡壽喜燒，因為天氣開始變得寒冷。牛肉嘅切片比較薄，易於咀嚼。打埋隻蛋落去就係正宗正原味壽喜燒。我地仲點左刺身拼盤。一嚟坐低就當然先點刺身拼盤啦，咁先抵玩呀麻。我哋分別點左帶子、三文魚、泰式生蝦等等，各款嘅刺身色澤光鮮，我地食完之後再黎多盤。云云天婦羅之中，最鍾意就係海老天婦羅。雖然天婦羅脆炸外皮包住，但係食落仍感覺到蝦味。炸天婦羅唔算太多油，可以接受。至於另一碟食物，日式芝麻雞翼，驟眼睇芝麻都幾多，食落感覺到濃厚嘅芝麻味。鍾意食雞翼嘅我就一定會點，不過始終都係熱氣野，唔敢點太多。最後食埋甜品，食到飽一飽先至離開。

琴晚同朋友慶生 佢話想食放題 我地就去咗兆萬度食 朋友提議話佢之前食過8樓嗰間日式放題幾好食 所以我地就去咗一入到去見到都幾多人 但係店員都冇忽略任何一個客人 即刻過嚟招呼我地坐低左之後 店員就同我地介紹第一round應該點嗌（出得快啲）非常熱心 佢送咗一份海膽一份生蠔俾我地 生蠔好新鮮食落好重海水味！海膽都好鮮甜！之後我地就選擇咗個韓式部隊鍋 材料好豐富！個人特別鍾意佢個黃金芝士燒廣蠔同北海道燒扇貝！佢上面啲醬汁配落呢兩款海鮮到都好夾，甜甜地，似沙律醬，但味道係甜啲既！然後有啲芝士係面，佢燒埋就黐埋啲海鮮咁食，又唔會好膩！推介！另外一定要點個個菠蘿！我本身都已經好鍾意食菠蘿，仲要呢間餐廳燒個程度好適中，唔會太硬，都唔會太淋，一食就一pat野咁，而且！佢一啲都唔酸！！原本以為會偏酸（我本身都食得酸，但我朋友嘛嘛地酸），但點知又唔酸喎，我個朋友都食到成晚我地一食完一round，就即刻再畫紙，出食物嘅速度都好快，唔駛點等好耐。最尾最開心嘅係，佢有隻好好味嘅雪條呀！係韓國個食，好smooth，好有果味架！成晚都食得好開心，性價比又高，會再食過

旺角神戶屋的放題選擇多，刺身同熟食一樣出色。店舖寬落，今次仲可以坐入房，同朋友傾偈更開心。刺身拼盤非常豐富，有甜蝦，有螺，有墨魚片等等，其中我最鍾意三文魚同油甘魚刺身，非常新鮮，而且脂肪含量低、蛋白質豐富，營養價值非常高，尤其是其中富含不飽和脂肪酸，不只好吃，對於開發智力、促進腦部發育非常有好處。熟食方面選擇亦多，我偏愛香口，椒絲炒通菜少辣又香口，雞軟骨又脆又香，炸鮮奶外表香脆，內裹甜滑。炸雞翼皮脆肉嫩，忍不住食了好多隻。黃金忌廉系列最有特色，焗蠔、焗蝦、焗帶子，上面鋪滿厚厚的芝士忌廉，食落口濃香細膩，夾著海鮮的鮮甜，回味無窮。

喺旺角行完街，去咗兆萬中心搵食😝😜 同朋友最尾揀咗喺八樓嘅神戶屋食放題。 六點幾去到神戶屋都幾乎滿座，不過等咗一陣就好快有位。侍應嘅服務都幾殷勤，仲安排咗我哋坐卡位，坐得幾舒服。 食物嘅種類都幾多 ，有二百幾種。 呢排天氣凍凍地叫咗肥牛火鍋， 同埋人蔘雞湯暖一暖胃。 肥牛火鍋連埋gas爐上， 煲仔細細但係入面非常足料， 肥牛片肥瘦適中，肉味夠濃。 韓國人蔘雞湯夠滋補， 食到碗底仲見到原條人蔘😍刺身全部都有上齊，而且擺盤仲擺得好靚😂。 三文魚厚切無筋，而且夠新鮮。 甜蝦夠鮮甜，珍寶蝦大大隻肉質鮮嫩。串燒方面，鹽燒海蝦真係值得推薦😍 海蝦夠大隻，外殼燒得香脆， 蝦肉夠彈牙， 配埋海鹽食夠滋味。 雞肉串燒雞肉夠嫩滑， 配燒汁十分惹味。同朋友叫咗幾轉都冇甩單，同埋都幾快上曬啲食物。 仲要有好多款飲品，同埋有我最愛嘅韓國雪條食😍😍 下次約朋友去旺角聚會都會揀去神户屋食放題~~

刺身質素相當唔錯，除咗帶子、三文魚相當厚身外，仲有不同種類嘅甜蝦，個人最愛有頭甜蝦，無雪味腥味而且十分鮮甜。各類火灸壽司質素都相當唔錯，食到魚肉經火槍燒過之後滲出嘅油花。熟食方面，各類炸物、串燒同日式料理都幾有水準，例如炸芝麻雞翼食得出係即叫即炸，唔係炸定夾畀你。牛脷雖然調味重手咗少少，但都食得出入面幾多汁同柔軟。但我至愛燒鯖魚，除咗燒得剛剛好外，魚肉亦一啲唔鮮仲相當肥美，平時吉野家加配一件都要加十幾蚊，但𠵱家可以任點，真係一唔小心就食多咗幾嚿。

聽朋友講呢間放題唔錯，所以就決定book位去試下。去到佢安排左卡位比我地坐都幾舒服，一去到佢就比左張首輪剌身紙我地，叫完好快就會有得食，啲剌身都幾爽口。刺身好多好豐富！好大碟又吸引。店內環境明亮舒適😲，絕對不會有侷促感😁。點餐紙整齊的排好😌，款式之多不容置疑👍。食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。服務都幾好，服務生好有禮貌又幫忙收碟，而且無漏單、點了的都好齊的送上。酥炸雞軟骨🐔：爽脆的口感😋，加上香辣的味道🌶，以它作為佐酒小菜🍻，簡直一流👍！我就好鐘意食蜆，見到佢有炒蜆就一定叫黎試下啦，一份都有好多好大碟，個人認為個汁整得幾好幾回味。之後必食推介一定係芝麻雞翼，香口又大隻，真係皮香肉滑。之後仲有個限量火鍋叫左日本和牛壽喜燒，果然冇叫錯，啲牛肉薄嫩易入口，個湯都甜甜地，所以啲菜同金菇都鮮甜。總結：食物款式多元化✨，送野食既速度都算快，份量都岩，係剌身有d會比多左，食物種類都好多，味道不錯。可以一試！加上價錢合理💵，性價比不低喔！

喺週末嘅一個朝頭早同朋友做完運動，落旺角搵食。因為肚餓嘅關係所以決定搵間放題店食餐飽。呢間神戶屋日韓放題喺西洋菜街兆萬中心，食放題最熱門嘅地方之一。雖然話係週末，但係搵位都唔難。餐廳佢環境寬敞，坐得都幾有空間感。食物方面，見到點餐紙上面顯示嘅款式都幾多。日式照燒汁雞肉串 (⭐⭐⭐⭐⭐)雞肉肉身好林，加埋個日式照燒汁，醬汁可以話係雞肉串嘅精髓，令到味道層次提升左。點咗兩串，如果食得落嘅話肯定會點多幾串。鐵板馬拉盞炒通菜 (⭐⭐⭐⭐💢)本身以為好辣，但係原來一啲都唔辣。通菜唔單只好味，仲可以幫助消化，令到放題既時候食多啲嘢。吉列大蝦 (⭐⭐⭐⭐⭐)不嬲都好鍾意吉列質感嘅食物，吉列配蝦就真係好吸引。吉列大蝦熱辣辣，趁熱食真係好入味香口。三文魚刺身 (⭐⭐⭐⭐⭐)刺身都幾新鮮，三文魚就係香港人嘅至愛。呢間餐廳都俾足料，點幾多片就真係黎咁多片。甜蝦刺身 (⭐⭐⭐⭐💢)蝦刺身嘅款式其實都有幾多，例如有泰式生蝦等等，最好味嘅都係甜蝦刺身。甜蝦體積唔係好大，所以要食多幾件先滿足。總括而言，這間餐廳的選擇十分多，而且味道不錯。 ~~~~~~~~~~~~~~~~~~~~~~~~ 神戶屋日韓放題 旺角西洋菜