神戶屋日韓放題

營業中

休息中

聚會小天地🤩今日同好姊妹黎兆萬食日式放題+打邊爐，一路食一路傾😋😋😋呢間放題，野食種類繁多，刺身壽司之餘，仲有火鍋、炸物、韓式料理等。仲設有卡位同細房，聽住歌仔，食住傾計，超自在☺😊刺身鮮美，老友最中意有頭既甜蝦刺身🦐，瘋狂追加。而我就覺得巨赤蝦刺身最正，大大隻，啖啖蝦肉！燒蠔、燒扇貝，簡直對芝士控既恩賜！濃濃芝士厚厚一層，食落超滿足😋😋青魚，燒到岩岩好，完全唔焦，配檸檬汁食落香口。冇過諗呢度竟然有百福豆腐花，入口即溶，超滑。勝在份量精緻👍，食完唔飽肚，可以食其他野是日甜品，朱古力味雪糕令我surprise，脆皮筒內有一層朱古力，有咬口之餘，濃濃既朱古力充斥口腔！雪糕質感很滑，濃度高，朱古力控必食！

⭐刺身篇海膽好好食 做到入口即溶 仲要有濃郁嘅海膽味但係都唔會太腥；第一次食蟹鉗刺身 十分新穎；鮑魚和象拔蚌都鮮味十足 好有咬口 比好多嘅放題店都做得更好；呢間放題仲提供生蠔 不過就冇提供到香草或者檸檬汁以提供左一個類似泰式辣醬嘅醬料 如果唔識得辣嘅朋友就唔知點算好；蝦有大中細隻任君選擇⭐小食類小弟點左一個馬拉盞通菜 老實講其實幾好食上面仲鋪左好多嘅櫻花蝦 可以盡情享受淡淡菜有淡淡蝦 但係我點左一份佢就俾咗一大碟我分量好似多咗少少；至於清酒煮蜆 本人就覺得酒味太淡所以冇乜特別 ⭐鍋物類呢間放題店仲提供左壽喜鍋同埋部隊鍋 都算係少有嘅放題店會做到嘅 不過就Hea左少少囉 都係得啲平時食開嘅五餐肉火腿加塊芝士咁姐不過鋪頭仲有提供韓式嘅雪條 可以話呢間放題店嘅食物種類真係花多眼亂

話說純粹去到旺角兆萬附近，懶得諗食咩嘅時候先決定不如食放題，即刻上一上OpenRice睇吓，八至10樓都唔錯咁喎！然後就揀咗呢間。晚上大約八點時間每位$279+1。呢日係年初三，唔知道有冇比平時貴左。有時候價錢都唔係問題，最緊要係啲嘢好唔好食。通常首先就係會叫刺身先。（圖片如下.....）外觀幾唔錯啊！所以影左一張相咁大把！不過啲刺身唔係咁新鮮！象拔蚌感謝梅梅地.........然後d 甜蝦都一樣不新鮮的刺身就已經咁樣好失望......然後開始點壽司熟食等等.....火焰壽司都唔錯幾好食！似番啲樣跟住又來超粉既天富羅......omg......仲有好多未開晒既炒蜆.....花枝卷我估計係冇，但係冇員工講比我知，因為點完兩次都冇嘅時候仲要埋左張單都冇黎到，自己估嘅啫.....仲有超級正嘅人蔘雞湯，冇人蔘味又冇雞味嘅湯.....我究竟飲緊啲咩其實八點係咪好晏呢？啤酒飲咗一罐已經冇存貨唔係呀嘛.....心太軟又係極品！一啲都唔心太軟蛋糕都唔似囉⋯⋯我食緊乜嘢最後甜品揀咗好耐先揀到一個甜筒，因為想食嘅雪糕糯米糍都冇。。。終於終於有樣嘢覺得好食啦可惜呢啲唔係飽肚既野！仲有員工態度方面都叫做唔差

個600幾個😋係咪買返黎？非常難食，啲熟食係完全唔熱，打邊爐既菜係爛既，換完都係唔熱/爛菜，環境又唔好，簡直係食過最難食既放題，得個個半鐘又趕，又無熱茶，簡直無一可取之處！

其實都唔係第一次食神戶屋，皆因地點方便，環境同食物都好岩心水，食完要再黎食。最近因為假期關係都好多人食，所以記得要提早訂位，而且訂位有加推食物送架～平日晚上來到唔算多人，加上訂左位等左一陣就可以入坐，餐廳播放KPOP背景音樂而且天花掛有聖誕裝飾，都幾有氣氛。我同朋友一坐底店員就即刻拎左 醬汁同前菜黎，酸酸甜甜都幾開胃，邊食邊開始點菜。食放題當然要即刻點返個刺身拼盤啦！我地每樣都點左小小，當刺⾝⼀出場我同朋友都搶住影相，因為好有份量之餘佈置仲好精緻，刺身下面係滿滿既冰底，所以刺身好夠凍好新鮮。三文魚，甜蝦，泰式生蝦，帶子， 玉子，刺身任你點，而且仲有生蠔同海膽食，好豐富。三文魚刺身色澤好靚～大大塊好肥厚，食落好新鮮好軟嫩帶子好大件～蝦好甜好軟海膽入口即溶，⽣蠔⼝感唔錯，而且都大件，鹹鮮得黎又略帶甜甘，食落好爽滑！要稱讚既係餐廳上菜速度都幾快，我地開始食刺⾝無耐，炸物就開始陸續有來，擺到成台都係。我地叫左網紙蝦卷， 避風塘豆腐， 蜂蜜芥末炸雞 ， 各式天婦羅等等，作為芝士控我最中意食呢個呢個芝士燒黃金沙律開邊蝦同埋韓國炸一口芝士 ，食完想再叫多轉。食完以上食物其實都飽左８成，我地考慮到出面

真係好耐好耐無食過放題，過年前約朋友住食飯，朋友話想食放題，諗住搵間地點就腳既黎食，之前Facebook見到有介紹，咁就揀左依間，因為我同佢都係早放工，所以就約左六點半早D 黎食。 可能因為我地早到既關係，所以都仲有位，walk in就搞掂，但當我地走個陣門口已經勁多人等位。 食放題首先梗係要食刺身，佢地刺身都有好多款。一定唔少得香港人最鍾意既三文魚啦，必點，而我最鍾意就係佢地有好多款既蝦，佢地有天使蝦、甜蝦、有頭甜蝦、同埋泰式生蝦。我最鍾意就係佢地既天使蝦同埋泰式生蝦，夠彈牙又有咬口。當然魚生梗係止食一輪啦。另外，每一枱 都有一個鍋送，但因為我早幾日已經打完邊爐，所以就無叫了。 食完兩輪魚生之後，就叫左d 壽司試下，黑松露壽司幾特別。跟住當然就要食熱食啦，芝麻雞翼好味，叫左幾次，跟住仲有天婦羅，同埋焗蠔。不過因為食得太多刺身關係，都無咩點叫其他熟食已經好飽。 飲品方面都有驚喜，有得飲啤酒，Hoegarden飲多幾罐都回本。最後食埋雪榚，夠哂滿足。

刺身寫兩三張先來一盤，淨係得熟食來齊哂，啲壽司又留單，冇叫既熟食又亂上，啲單勁亂。壽司豉油就會個好深既細膠碗，又唔環保又難點。熟食既質素不高，唯一比較食得落既得火炙壽司。

窮遊香港-旺角放題點評.講開放題 實唔可以同高級日本餐廳比咖啦日式放題 最緊要多款抵食 咁呢間又做唔做到呢？又有咩做得比人好呢？.呢間最平$179 like fb/ig再平$10（價錢睇圖）今日平日1930黎到 呢到已經爆場‼️可見人氣幾高呢到仲有一大賣點👍🏻就係全場卡位設計👍🏻枱同坐既位都比較大同舒服既但走廊岩岩夠一個人行.⭐️必講 刺身👍🏻最特別既係有松葉蟹鉗刺身👍🏻幫你開埋殻 一口一隻 爽 絕對可回本（但開左殻鮮度有所流失 當然唔可以同即開蟹腳比）👍🏻三文魚刺身夠厚切👍🏻帶子 夠大夠甜👍🏻八爪魚 外層係爽口既👍🏻蝦類刺身都唔錯 真心高質夠甜有d蝦頭仲帶有蝦膏（睇個人喜好啦）（但綠綠地賣相就差左d...冇位放圖啦想睇可問我）.同埋第一轉叫15舊三文魚 其他1-2舊最後全部5舊（就係封面圖）（可能因為外觀賣相問題 可以理解）👍🏻之後第2-3轉叫小小都有黎足既 加分.⭐️壽司係可比高質立食壽司如果前者100分 呢間放題壽司有80分當中推介 ⭐️黑松露珍寶帶子壽司（可睇圖）帶子大小唔算珍寶 但合理既 👍🏻夠甜 👍🏻抵食出面高質 壽司店最平都$20🤦🏻‍♀️但豉油碟竟然係個唔太好用既膠兜（可睇圖）（

神戶屋今日經開旺角 無意中去左呢間放題去試下 一開始食之前 佢有得比你揀一次性要生蠔或海膽一客 我就揀左要海膽 味道都ok 而之後就開始食刺身 可以揀既款式都唔少 盤上既賣相都ok 三文魚同帶子新鮮幾好食 另外我叫左個壽喜燒 份量十足 牛肉質素都唔差 鍋裹面都有金菇娃娃菜 另外佢都有火鍋配料俾你揀 款式都有好多 不過我就無叫 因為我覺得放題應該系食刺身同其他會開心啲😂 至於佢啲炸物一流 我試左芝麻雞翼 炸得層皮好脆 雞肉好滑 好味 炸廣島蠔 炸粉唔厚 蠔都新鮮 可以一試 而值得一試 既系佢地既榴槤炸彈 同樣炸粉唔厚 而裏面真系有榴槤肉 系流心同好香榴槤味 中意榴槤既朋友一定要試 而壽司我就叫左火炙三文魚壽司 因為三文魚新鮮 刺身同飯團比例好 幾好食 熟食就試左燒三文魚腩同汁燒和牛 三文魚腩肥美同和牛都幾稔 可以試下 而麵食就試左叉燒拉麵 份量都幾足 叉燒有驚喜 幾好食 總括黎講 呢間放題性價比算系幾高 有唔少野食都有驚喜👍🏻

我地兩位，店員都比咗個細卡位，坐得舒舒服服咁食。有齊日式、韓式放題嚟講佢嘅價錢唔算貴，一坐低仲會見到like facebook／follow ig就減$10，相當優惠！一坐低當然先叫刺生，賣相同質素都唔hea！個人最推薦三文魚、北海道角螺同海膽（需加錢）唯獨蟹柳同玉子雪得硬咗少少，一舊起兩舊止～ ＃平時日式放題款式已經多，呢度加埋韓式就更多！除咗基本放題都有嘅刺生壽司、炸物鍋物燒物之外，佢仲有日式壽喜燒同韓式芝士部隊鍋，更可以之後加料！我地叫咗個部隊鍋，湯底夠味辣辣地，料都比較多，2個人食會比較多，所以3人以上食會好啲。＃對於炸物愛好者嘅我嚟講，呢到絕對係天堂！其中最最最推薦係炸牛奶！真係勁好食！一個人食咗6條（好似太過份了哈哈）其次係一口芝士同吉列蝦（同天婦羅蝦唔同的！）反而我最愛嘅芝士年糕厚粉咗少少，會重mochi口感多啲～＃飲品方面選擇唔算多，不過都好大路，有汽水、果汁、荳奶、雀檸… 甜品有牛奶樂、杯裝雪糕同雪米糍免費添食 又或者可以選擇其他 有movepick添！＃整體食物水平可以、店員服務態度唔錯、坐得舒服。＃

行開旺角兆萬見餐廳果幾層有好多平放題，又成日滿座，所以決定訂枱穩陣啲。剛剛遇著晚市放題時段開始，職員忙住上菜，好好彩我哋有訂枱，一到達就已經有得坐低食。同朋友基本上乜都叫咗啲，諗住好食先再encore。首先有蒜香牛柳粒，蒜粒經煎炸後又香又脆，同帶有些許脂肪嘅牛柳粒相映成趣。據我所知，鹽酥雞軟骨就唔會跟炸蒜嘅，不過佢呢度做得咁出色，我地決定照殺！夠熱，夠酥脆，軟骨唔會太硬，配啤酒一流！（啤酒可以任飲）食得放題，又點少得魚生。呢度魚生選擇繁多，只不過我同朋友淨係食呢幾種魚生，有三文魚、甜蝦、帶子、北寄貝、拖羅、等等。又有另外一位同行嘅朋友，佢淨係食熟食，所以特登叫咗啲熟壽司俾佢，有大量火灸三文魚壽司同鰻魚壽司。聽佢講啲熟咗嘅三文魚都仲係好滑，魚油同魚肉分佈得夠平均。除咗炸蒜出色，呢度嘅炸物都值得推介，例如係炸蝦！淨睇見佢金黃色嘅外表都已經贏咗一半，再一啖咬落去外脆內軟嘅蝦身，即時落單追加一份。羊架加咗啲孜然粉去整，無乜騷味，又帶到羊肉味出黎，又無破壞到肉質。可以改善嘅地方反而係個醬，通常食羊會配介末醬同得薄荷醬，但呢個醬兩樣都唔係。甜甜地又酸酸地，似沙律醬多啲，真係唔係好夾，建議就咁食個羊

<<旺角高質放題>>好耐冇食放題啦!! 而家鍾意lunch食放題任食，因為食到飽飽之後仲有大半日行街慢慢消化，而且仲平啲添!😛話食lunch其實上到去都已經過晒lunch hour,人唔算好多，完全唔迫亦唔嘈，很好!廢話少講，快啲點嘢食先!即刻拎晒啲點心紙出嚟係咁劃~食放題刺身當然係重點!忍唔住全部點晒，魚類刺身唔算超多，但蝦同貝類都有唔少~估唔到仲有生蠔添!!成盤刺身拼盤咁上到嚟真係好震撼!!!而且樣樣都好新鮮~激巨赤蝦真係冇得輸，勁鮮甜又肥美!! Encore encore!!😋除咗刺身，炸物都係必食之選~天婦羅脆而不膩，脆漿唔會太厚，唔錯唔錯~不過都係芝麻雞翼最正!!超級香脆熱辣，食不停口!好邪惡呀!燒菠蘿超甜又多汁!!!其實只點了2件，但佢俾咗勁多，但都全部KO晒!!😝😝清酒煮蜆都唔錯，好多蜆，同埋啲蜆唔會縮水縮到唔見曬😂最後食埋雪糕做甜品~臨走先見到原來出面有個雪櫃有韓國雪條😅雖然唔係任食，不過好似book咗枱就可以問職員拎～芒果雪條真係超正!!好滿足!!

今日選擇了放縱一下，食日韓放題，可以食不同美食！食放題，最方便梗係黎兆萬，上次試咗其中一間，今次俾個機會另一間，來到八樓嘅「神戶屋」。刺身嘅種類有好多，而且都好新鮮，個人比較推薦天使蝦刺身，蝦肉鮮甜，而且仲好大片，泰式生蝦都好特別，雖然同出面正宗泰式生蝦有小小分別，但都好有泰式風味！三文魚刺身更加唔洗講，無論去到任何地方都係必點之物，呢度嘅三文魚更加係厚身新鮮。而壽司方面，個人最推薦嘅一定係花之戀同火炙三文魚壽司，無論去到邊度食放題都係必點之物，呢度嘅壽司更加唔會差。而小食方面，個人最推薦一定係一口芝士、芝士年糕同雞軟骨，好多都係啱啱炸起就上。今次仲試咗個日本和牛壽喜燒，呢個鍋完全係足曬本，肥牛嘅份量足夠，仲有好多菜同金菇，湯汁都好夠味，相信大家一定會中意食！最後仲有好多甜品可以揀，有雀巢雪糕、糯米粉、小蛋糕，仲有好多雪條可以揀，款式種類真係好多！總括而言，呢度環境寬敞，服務員嘅態度都好好，見到枱上面有空碟都會即刻幫我地收，上菜速度又快，完全唔洗擔心漏單同要吹單嘅問題，價錢都算合理，完全係高質放題之選！

一開始碟刺身送到黎睇個名已經知唔係路，3款蝦完全冇味，三文魚難食，質素味道仲差過爭鮮，d熟食除左雞翼外真係擺唔到入口，d醬完全唔得，呢間野認真唔得。好垃圾，完全唔會值200幾蚊，佢連百幾蚊既質素都比唔上，垃圾中既垃圾當初同個friend睇open rice比人fake左入黎，見咁多好評所以就諗住試下，點知間野會咁難食，真係食左半粒鐘就想比錢走人，不單止選擇少又難食，真係第一次見識過咁難食既放題，除左野飲冇伏（因為唔係佢地整），其他野真係伏到傻...大家想對放題有陰影可以黎試下

上星期已經book咗呢間喺兆萬中心嘅日韓放題😎😎因為訂枱嘅話有海膽/生蠔/韓式雪條送，唔好蝕丫嘛😂😂😂😂七點半上到去都差唔多坐滿曬😲😲好彩有訂枱咋!!! 員工安排咗我哋坐卡位😍😍😍一黎就梗係點刺身先啦，回本之選😂😂😂好多款刺身全部厚切好大份!!!! 蝦都有分好多款🤣🤣甜蝦/有頭蝦/泰式生蝦/天使蝦，我要試晒佢!!!😋😋😋 嘩💓💓💓💓一上枱就忍唔住即刻post咗上ig打卡!! 預先訂枱送嘅海膽都大份新鮮一d都唔hea喎(要講十次好彩有book枱😝) 👍👍火炙壽司🍣 軍艦壽司🍣日本小食🍥韓國小食🍢仲有火鍋(我地淨係用黎食菜同菇😂😂)🥘通通都好味👍👍呢個honey mustard炸雞脆卜卜微辣正呀!!! 嗌左2件過口癮🐔🐔燒菠蘿好甜勁多汁🍍🍍 任飲都有兩大個雪櫃可以任揀😍😍 啤酒竟然有hoegaarden😲😲😲!!!!之後當然唔少得甜品🍦🍧🍨港式雪條係飲任食😆仲有我最愛的香芋味雪米糍😋😋😋(臨走見到個訂咗枱送嘅韓國雪條雪櫃😆😆OMG 條芒果/士多啤梨雪條喺便利店買廿蚊㗎😍😍如果唔食生蠔/海膽嘅話必揀哩2條呀!!!)