神戶屋日韓放題

營業中

休息中

神戶屋今日經開旺角 無意中去左呢間放題去試下 一開始食之前 佢有得比你揀一次性要生蠔或海膽一客 我就揀左要海膽 味道都ok 而之後就開始食刺身 可以揀既款式都唔少 盤上既賣相都ok 三文魚同帶子新鮮幾好食 另外我叫左個壽喜燒 份量十足 牛肉質素都唔差 鍋裹面都有金菇娃娃菜 另外佢都有火鍋配料俾你揀 款式都有好多 不過我就無叫 因為我覺得放題應該系食刺身同其他會開心啲😂 至於佢啲炸物一流 我試左芝麻雞翼 炸得層皮好脆 雞肉好滑 好味 炸廣島蠔 炸粉唔厚 蠔都新鮮 可以一試 而值得一試 既系佢地既榴槤炸彈 同樣炸粉唔厚 而裏面真系有榴槤肉 系流心同好香榴槤味 中意榴槤既朋友一定要試 而壽司我就叫左火炙三文魚壽司 因為三文魚新鮮 刺身同飯團比例好 幾好食 熟食就試左燒三文魚腩同汁燒和牛 三文魚腩肥美同和牛都幾稔 可以試下 而麵食就試左叉燒拉麵 份量都幾足 叉燒有驚喜 幾好食 總括黎講 呢間放題性價比算系幾高 有唔少野食都有驚喜👍🏻