神戶屋日韓放題

營業中

休息中

生活雖然苦，但總需要有時間食下好嘢，放鬆下崩緊嘅心情。今次就決定食返餐放題，貪佢可以大吃特吃都冇問題入到去已經見到好多張menu可以簡另外每枱仲有一張期間限定嘅，有壽喜燒，芝士部隊鍋同雞煲可以簡，真係無論中日韓嘅人都可以有target!想講，侍應拎呢隻船出嚟嘅時候我都大嚇一驚因為真係超級大啊！！而且入邊足足有17款嘅刺身，好大好多好正，搞到我都忍唔住同佢打卡左成十分鐘添每款刺身都好新鮮，其中生蠔同海膽完全令我想瘋狂encore入面除左我最鐘意嘅三文魚，仲有5款唔同嘅蝦！平時總係以為放題嘅刺身都係超級唔新鮮但今次真係唔同，令到我同朋友都食得津津有味啊除左刺身，都叫左唔同嘅壽司，花之戀同黑松露帶子壽司都好正除咗比較生冷嘅刺身壽司，熟食都好吸引薯仔牛柳粒感覺係喺出面大排檔食到嘅味道，天婦羅都炸得10分鬆脆而且人蔘雞湯，係真係足料一小碗入邊，除咗雞件仲有蘿蔔添順帶一提，相片上面嘅芝士焗蠔都唔錯但重點係炸雪糕，平時喺長洲都要成$10一粒依家可以任點得來，味道仲唔差添總括而言，今餐放題雖然都要200幾蚊，但勝在有好多種類嘅食物，味道唔錯，而且地方都好方便，下次都要再黎食

兆萬一向多選擇,特別係放題,成日花多眼亂都唔知要食邊間好 !呢間其實我喺幾年前食喎 ,難得會再食,係因為選擇多 ,地點好,食物唔錯!講真,本身兆萬嘅放題好多都一般般! 首先嚟個刺身拼盤我自己本身好鐘意三文魚,都新鮮,放題咁嘅質素都可以!另外鮑片,帶子,八爪魚 同激巨赤蝦刺身我都有再叫!! 係openrice訂坐有座有海膽 /生蠔,生蠔略嫌有啲腥 ! 炸物  必試炸榴槤 ,一口咬落去有榴槤嘅用喺入面 ,外脆內幼滑。一口芝士就偏重口味。 多春魚同蝦都唔錯！！除咗放題之外仲有火鍋 ,雖然好飽但都要試下嘅 !呢個係和牛壽喜燒 ,和牛唔錯 ,不過因為太飽嘅關係其實我哋冇嗌好多配菜 !  一大班朋友最緊要食得開心,咩都有得揀就啱曬所有人啦 ❤️! 

好耐冇食一次放題，今日肚餓刺身癮起，想狂食，所以約左男朋友一齊黎食放題嚟到旺角緊係要去兆萬食放題，朋友公紹價錢同質素都比一般大喜屋高，所以都有ｄ期望我地book咗星期六夜晚, 都8成滿, 一黎到待應問有冇咩刺身唔食,我地話冇…兩個人等咗十分鐘左右….點知呢格船足足有十七款刺身呀!!! 講得出嘅都有, 三文魚 虎蝦 帶子 海膽 都算新䬺但最出色都係5款特色蝦, 玻璃蝦, 甜蝦, 凍蝦, 天使蝦都冇乜腥味, 留意到佢哋挑走咗腸, 好細心呀!!不過十隻手指都有長短, 我們都一致覺得角螺同希靈魚麻麻, 可能係雪得太耐, 有啲冰未解凍, 鮮味突出唔到出嚟之後我地食咗幾件壽司, 炙燒三文魚逼哂啲油脂出黎好香呀!! 頭先食得魚生多, 食幾件sushi減番低個油膩感, 另外黑松露帶子都值得一讚然後就係天婦羅, 都熱辣辣, 不過始終都係刺身最正相比起刺身, 呢間嘅熱食算有啲失色牛肉薯仔比較凍同咸..不過芝士焗蠔就拉番唔少分數… 入面粒蠔絕對冇欺場!! 配上香草嗅覺level up!!講吓個環境, 肆肆正正又幾乾淨之後串燒蝦同年舌都好好, 不過上面盆魚生已經食到我地七成飽了XD去到尾叫多幾件SUSHI,

首先等我講左訂座優惠先雖然放題通常都係任食嘅咁但係當然有啲特別嘅食材就一定唔會係俾你任食㗎啦 例如係生蠔海膽呢啲但係而家你只要喺OpenRice訂枱話呢就可以有一啲特選嘅材料可以送一款比你我哋今次呢就揀咗海膽都幾新鮮㗎。講完優惠就講返嘢食方面首先就梗係要講下刺身啦 呢度嘅刺身款式都非常之齊全其他嘅種類都有好多款包括 牡丹蝦 甜蝦 虎蝦我鍾意食蝦嘅人呢相信一定好適合啦我自己就最鍾意希靈魚 黃色一粒粒嘅口感非常之特別不過款式多最緊要都係夠新鮮。除咗刺身之外都有好多其他唔同串燒話天婦羅等等嘅選擇將會可以有一個鍋俾你揀做埋火鍋。最後呢就可以自己出去攞甜品啦同埋食嘅途中呢其實都可以自己出去攞一啲任飲嘅飲品款式都好多樣㗎

同朋友去旺角行街，好耐冇食個放題就心思思想食放題啦，見到網上呢間嘅日韓式放題都幾好，就book咗黎試吓啦。上到去覺得環境都幾舒服張張枱都卡位梳化位，傾計一流同埋一嚟佢已經問我地洗唔洗幫我地執個刺身拼盤，乜都有，第一輪梗係乜都試下先喇，服務都不錯首先要講嘅係佢啲刺身都真係幾新鮮,同埋呢個價錢book位仲送埋生蠔同海膽真係好少有佢哋嘅款式都幾多，當中我最鍾意食嘅係榴槤炸彈，芝麻雞翼同鹽燒活海蝦！佢啲炸物真係冇得頂！榴槤炸彈比其他嘅放題店更加多榴槤肉，芝麻雞翼做到好香脆，同埋鹽燒活海蝦好惹味同埋好彈牙！如果想食返啲暖笠笠既野可以叫個日本和牛壽喜燒期間限定限量架！食完凍野食返暖野就岩岩好同埋呢度一定要讚嘅係，佢哋嘅服務真係唔錯,一嚟到已經問我地洗唔洗執個刺身拼盤俾我哋啦，同埋佢哋上菜執碟都好快，又冇漏單情況！我相信其他放題店服務都冇佢地咁好

我哋都好鍾意食放題，同時都愛鍋物，所以今次嚟到呢間店食晚餐。先上嘅係吸引嘅魚生！選擇好多，我哋最愛嘅三文魚😊等左一陣令我哋期待嘅係牛肉壽喜燒都上喇😊牛肉份量都幾多，味道幾濃，連同湯底好好味😊另外有好多蔬菜配料在鍋入面，也好食炒或煎嘅小食都好好食，粟米好香甜佢有炸雪糕，都幾特別天婦羅好香脆，最鐘意南瓜天婦羅，日式小蕃薯都唔錯，香甜又軟壽司選擇好多。我地今次最鐘意牛油果軟殻蟹卷，及芝士鰻魚卷另外佢仲有個放甜品嘅雪櫃，選擇都有幾多，我地今日食左豆腐花，haha。仲有朱古力杯，都幾好食。飲品都有兩大個雪櫃嘅選擇，我就習慣飲麥精。 店員服務都好好，依日星期日都幾多人客，但上菜都快。值得encore 嘅一間放題🥢🥢最近我哋多咗出去食飯，依一餐飯題之後直到肚腩大大，係時候要收斂下啦。🐖🐖

與朋友一早留肚等放工一齊去食放題神戶屋位於兆萬 8樓 我地6點到 未開始多人第一次食 眼見鋪內大部份侍應係男性 坐低冇耐就已經主動叫我地先點刺身 一邊點一邊揀先發覺原來我哋兩個好鍾意食蝦 到上刺身盤時 我真係嘩左一聲真係整得好靚👍🏻 朋友邊食邊話好食佢同一般放題餐廳一樣都係用紙點餐任飲飲品同食甜品特別在佢有邊爐打 有得揀火鍋材料老實講我真心覺得多食物選擇我叫咗個壽喜燒牛肉鍋 多好料一次過滿足兩個願望炸鮮奶 可以試 黃金蝦 有濃郁鹹蛋味另外我哋嘅策略係每樣種類叫一至兩件為求試多啲唔同種類(我諗大部份人都係咁😅)全餐飯侍應幫我地換左兩次碟我同朋友邊食邊講咁就過咗個幾鐘餐廳都慢慢開始多人臨走時仲問我地食唔食甜品攞住杯雪糕走 女人心態(抵)總括來講侍應認真係細心 食物👍🏻最後兩位成為$5xx應該飽到聽日都唔駛食早餐

依一晚嚟到旺角食飯題，其實都真係好多選擇，花多眼亂。上網睇左呢一間都好多人稱讚，就試吓啦選擇好多，點餐紙整齊第一刻上枱嘅食物係魚生拼盤！佢嘅選擇都唔少，質素都唔錯😊最愛吃嘅三文魚！好好味之後佢上嘅係牛肉壽喜燒，牛肉嘅份量都幾多，肥瘦適中，壽喜燒甜甜地嘅湯底同肥牛好夾味。另外鍋裏都有唔同嘅蔬菜同埋菇類，呢個鍋幾健康。佢嘅冬菇有花紋，都幾有心機喎！之後我哋都點咗唔同嘅壽司，最鍾意係蟹子壽司同埋鰻魚壽司。呢個香芋波波都好有驚喜！外面香脆，裏面軟綿綿，香芋嘅份量都幾多。呢度都有雪櫃比客人攞唔同嘅甜品，有雪糕、雪條等。我哋今次就食咗依個朱古力杯同埋凍豆腐花。飲品嘅種類都有好多，我飲咗金橘檸檬同埋麥精。旺角的確有好多唔同嘅放題選擇，我覺得食放題嘅最重要係多選擇、上菜齊，店員友善。依間呢幾方面都做得唔錯。另外，呢間除咗有傳統嘅日式食品作為放題之外，我其實都幾鍾意佢可以有鍋，感覺好似多咗一樣打邊爐自助餐咁。下次多啲朋友一齊約嘅時候，呢間都會係我心目中嘅一個不錯的選擇。今次我哋得兩個人，的確唔會食得好多種食品，放題都好似多啲人會開心啲。

今次去咗兆萬中心食，真係好少搭𨋢上去食野🤣，因為呢棟野其他餐廳都出哂名架啦🤭而且樓下又多人派傳單，不過有朋友介紹呢間放題都唔錯，所以就去試吓佢😳呢度$229一位，食兩個鐘，價錢都合理，而啲座位都係四人卡位為主，所以我哋兩個人坐得都舒服😌，而呢度有三款鍋物俾我地揀，仲有可以揀食海膽同生蠔，每人有一份quota😆和牛壽喜燒啲牛肉望落都係ok，食落唔韌，有驚喜😀個湯夠味，啲食材唔駛豉油都好食，而且呢度有啲火鍋配料，肥牛，雞件都有嗌，咁就唔會嘥咗個鍋啦刺身拼盤份量絕對跟足你order，樣樣都合乎標準，望落都光澤，而且啲海膽都好濃郁，冇臭😝生蠔好正👍🏻👍🏻食完冇唔舒服鐵板一口牛好香口，啲牛肉嫰，唔韌，都值得一食😀串燒牛舌夠厚身，蝦夠彈牙唔霉👍🏻，羊扒大大夠，有羊味但啲肉比較散啲芝麻雞翼&韓式雞軟骨雞翼表面香脆，內裏juicy🤤，雞軟骨個味道有，不過啲粉厚咗啲龍蝦濃湯烏冬份量都係有三 四啖度，但龍蝦肉有驚喜，都幾多同爽口😆😆啲食物嚟得齊，嚟得快，味道唔錯，服務非常好，收紙仔同執走啲碟都好自動波，呢個真係值得一讚👍🏻👍🏻

好明顯呢間野係買好評刺生係完全唔新鮮以為熟食都唔會難食得去邊 點知都係好難食😑落單出野好慢最後埋單更加無端端每人加左20蚊 唔主動問佢嘅話應該俾昆咗未食過咁鬼難食既放題 佢真係第一間😑唔會有下一次

朋友心血來潮想食放題。揀呢間位於兆萬中心嘅日韓放題，貪佢有埋任食打邊爐(雖然我哋最後都係冇叫到)地方唔大但好骨緻，坐得好舒服。一坐低就奉上各三款前菜同醬料。每人送嘅一客海膽或者生蠔，因為我哋都唔太好，居然冇要到。剔咗一輪想食嘅嘢，冇幾耐就陸續上枱。首先登場嘅係刺身拼盤，全部食材都好新鮮，三文魚入口即溶，蝦好鮮甜，帶子夠嫩滑。壽司我哋嗌咗好多款。三文魚壽司肥而不膩，牛油果軟殼蟹夠fresh，辣味螺肉軍艦唔係好辣，蒲燒鰻魚好香口…輪到至愛嘅炸物。榴蓮炸彈咬開真係好香榴蓮味，鍾意食榴蓮又鍾意食炸嘢嘅實唔停得口。日本香芋丸軟綿綿嘅口感似食緊香芋味雪糕。芝士年糕一咬開啲芝士流晒出嚟…芝麻雞翼同明太子雞翼表皮好香脆，肉質好嫩好入味。明太子雞翼一咬開滿滿嘅明太子…當然唔少得啤酒汽水任飲，甜品雪糕任食。除咗有見慣見熟嘅牌子之外，仲有啲喺超市未見過馬拉牌子橙汁呢。價錢合理，質素不俗，最後我哋都係捧住個肚落樓，下次想食放題不妨試下呢間。

早排喺Youtube睇咗「乜page」嘅新晉youtuber「活著suffer」介紹去咗呢間喺旺角嘅神戶屋食放題！推薦大家都睇下佢哋，真係好搞笑呢！其實我平時都好少食放題，因為覺得啲嘢食質素都應該麻麻哋，但食完呢間，我對放題改觀咗，原來嘢食質素都OK架喎！ 呢到嘢食嘅種類好齊，有勁多款式！原來而家有個期間限定，每枱會送一個鍋物先，我哋揀咗日本和牛壽喜燒！等咗十五分鐘左右就上到！老實講牛肉唔係入口即化嗰啲，但都食得落口！湯底如果再甜啲會更好！一開頭先食一個刺身拼盤，店員有問使唔使整個雜錦俾我哋先，我哋見有啲嘢唔食就決定自己tick返！刺身大部分都好新鮮！冇乜腥味，海膽亦算甜！食完刺身就開始食熟食喇，火炙壽司都好食！表面燒一燒，啲魚嘅油份出晒嚟，好香口！帶有韓式味道嘅牛柳粒，唔同之前食開嗰啲淨係落少少鹽去炒嗰種，呢到係偏向帶點甜味，同埋有蘿蔔一齊炒！燒蝦嘅蝦殼有點痴身，牛舌ok！芝士焗嘅帶子都very good牛油粟米夠晒甜，食唔停口！炸雞軟骨好鬆脆，調味剛剛好，唔會死鹹！Häagen-Dazs杯裝雪糕任食！正呀！唔鐘意大大桶要自己「不」嗰啲！總括嚟講，呢間放題普遍食物水準都唔錯，都值得嚟

好耐無食過放題啦！所以今晚我同朋友決定去大食一餐😆😆😆位於兆萬中心8樓既神戶屋日式放題，呢度地方唔算好大，但好骨致，全部卡位，坐得好舒服😌即叫即整，淨係order紙都有10大類👍真係任君選擇，總有一款啱你口味🤣最特別既係呢度仲可以打邊爐架！係打邊爐！有個迷你鍋俾你，可以撰湯底，配料，不過由於我地兩個戰鬥力有限，所以就無嗌啦🙈因為我同我朋友唔太好生野，所以叫咗唔多款魚生，只係叫咗三文魚，甜蝦，帶子，象拔蚌，鮑魚片， 蟹柳。樣樣都好新鮮同鮮甜，而且三文魚切得好厚身，食落去好有質感😋另外呢度既火炙壽司真心好推介🥰火炙岩鹽燒三文魚腩壽司，火炙沙律燒三文魚腩壽司，火炙芝士燒三文魚腩，三文魚腩燒到好香，一咬落去，入口即溶，一啲都唔油膩，因為係不飽和脂肪，健康又好食🥰真係不能一一盡錄，有機會就黎試下啦！以一個價錢任飲任食，抵！

同朋友星期六去旺角行街，經過兆萬，有人派傳單介紹依間放題，行到攰想坐下又肚餓，就決定嘗試下。餐廳裝修正常，光猛乾淨，窗邊既卡位好闊，夠曬位。果日唔多人，所以都被安排左坐係卡位。侍應一坐低就提我地可以快d落左魚生船同壽喜燒先，仲即刻上左配菜同醬汁，服務唔錯。配菜有幾種唔同款，味道一般，食左少少中華沙律，留番個胃食其他野～飲品選擇幾多，我仲簡左荔枝烏龍茶，甜甜地但又唔怕太膩。食日式放題就一定有魚生船，送到過來既件數比我地叫既仲有多左。全部魚生都色澤鮮豔，夠凍夠新鮮。d甜蝦特別鮮甜，肉質算彈牙，唔會好水咁。壽喜燒賣相好靚，好多牛。食落湯底幾香，仲有麻油味。炸物新鮮出爐，熱辣辣，特別好食既係炸榴連。裡面有一絲絲榴連肉，又脆內軟，好香好好味仲叫清酒煮蜆，好多蜆，多汁，鮮甜。火灸壽司既飯同魚生既比例岩岩好，可以一啖一舊，表面燒到焦香。仲叫左一口牛柳粒，牛既質地夠稔，而且唔痴牙，調味好夠，另外既配菜都好味，特別係薯仔係焗薯，正。叫多個通菜，賣相靚，食落稍咸但唔辣。食左個焗蝦，好多沙律醬，外面燒到焦香，好味。牛油焗菇，好香牛油味。最後因爲太飽，所以無食到，但見到冰櫃都有幾多簡擇。整體既質素好，侍應服務

真係好耐冇食過放題，因為放題真係唔係間間好食，好容易中伏！但我朋友就極力推介呢間放題叫我要試一試，咁我就信佢去試一次啦！依間放題以日韓菜式做賣點，一坐低已經問我地要日式壽喜燒定韓式部隊鍋，仲叫我地可以揀定刺身，觀輪落單師博會優先處理，等我地唔洗等咁多，非常細心！另外一個細心位就係枱面一早預備左三款前菜，仲有三種醬料分別係雞醬、沙律醬同豉油，放題仲每人送一客海膽或者生蠔，我就揀左海膽，味道濃郁鮮甜，整體刺身水準唔錯，魚同蝦都好好，係蟹鉗無咩味，可以忽略。日式壽喜燒湯底夠濃，唔似其他放題限制一鍋鍋咁嗌，火鍋嘅配料可以隨意追加，根本就係任食打邊爐，正！壽司好有驚喜，平時放題啲壽司飯一係好硬一係就好重醋味，依度就岩岩相反，咬落啲飯唔會好實，件軍艦塊紫菜仲要係脆既，抵讚！熟食普遍都幾好味，炒銀芽同鐵板馬拉盞通菜都好惹味，炸物串燒亦都交足功課，燒菠蘿香甜多汁，嗌左幾轉！飲品選擇好多，但就無無糖茶，好在仲有自助既熱水熱茶，幫助消化，甜品仲有我最愛既豆腐花，正！最後埋單，每人$250都唔洗，性價比好高，我朋友真係無介紹錯，呢間放題真係唔講得笑，無論食物服務價錢各方面都做得好好，下次想食放題都會翻兜依間