神戶屋日韓放題

營業中

休息中

看，請看，在這亂世香港，疫情香港這樣的店是值得存在和賺錢的事隔16個月，我再來了食物，價錢，裝修都變了服務，味道仍然十分到位推：有禮貌的香港年青人，有心做，放題也會主動跟客戶溝通的，已沒有見過了，好正！推：任何刺身（不包括蝦），兩個鍋物韓國鍋和壽喜燒都適合小朋友，雞翼，串燒，燒菠蘿呵，一定要點，但要早早早接多多多，第二㷮的便沒有燒過甘得煙和熱無烤不推：烏冬類，鍋類，放題的芝士焗貝類都是好味，他一點都不行。不變的還有不好吃的海膽哩。飲品選擇完全多到合曬我河車在做12-6任食任坐，太抵食啦！甜品：燒雪糕太正啦,點多幾份不過心太軟，完全是我在荃灣威信凍肉散貨店，入口貨，算利申，兩間都唔關我事12：30先有冷氣，不用急去book12:00開門時間wow

餐廳環境寬敞，卡位位置好大，坐落非常舒適。店員全部都係好年青嘅後生仔女,但服務態度非常好神戶屋食物種類繁多，第一樣當然係點刺身，刺身拼盤鋪排得好靚，賣相已經好吸引。刺身種類好多，三文魚，赤貝，甜蝦，希靈魚，吞拿魚等等。全部都好新鮮。特別係海膽，非常鮮甜。生蠔非常亦肥美， 勁有海水味！炸物方面，炸日式芝士年糕,炸鮮奶同吉列蠔都沒有令我失望！之後仲叫咗個期間限定的韓式部隊煱, 配料非常豐富, 有金菇、厚切午餐肉、腸仔、年糕等，仲有好多塊芝士。 隨鍋仲附送一包辛辣麵，真係好好味，每啖都有濃濃芝士味。最後甜品有嘅我最愛心太軟, 用匙羹一不即刻爆哂流心, 我一口氣食左四粒, 超正啊~值得一讚係食嘅過程無漏過單，店員還不時問有無食物點了很久還未上需要跟跟,超貼心！非常滿足嘅一餐！

女友突然間同我投訴.... 好耐無去食放題!於是去旺角兆萬睇吓有咩餐廳啱心水.順便順路係兆萬果頭D手機店出新機過年.買完手機, 我個心就想研究吓部新玩具, 女友就一心想食放題, 所以佢話去邊間就去邊間.問我去神戶屋好唔好, 我話其實我都想去哩間架! 咁啱嘅!口就咁講, 其實個心念邊間都無所謂啦!不過.... 女人係要氹的, 咪話我做人假啦!上到去, 要等位, 等十零分鐘, 無所謂啦, 可以乘機研究吓部新玩具.我留意上..... 雖然幫襯時份已經入冬, 但魚生及刺身仍然用冰墊底, 保持低溫, 夠貼心.係云云嘅魚生當中, 我只鍾情三文魚刺身, 又係云云嘅蝦當中, 我只喜歡泰式蝦刺身, 兩款刺身我都滿意, 由其係泰式生蝦刺身, 極鮮甜.我中意食象拔蚌刺身多過放落火鍋, 因為刺身更爽甜.壽司之中最中意花之戀, 外形又令又有我中意嘅三文魚.唔知點解, BBQ燒羊架或者自己屋企煮羊架, 總係無人地燒得咁正, 次次放題點羊架,都無失望, 見到神戶屋有鈕西蘭羊架, 當然點兩隻嚟試試先, 肉嫩 juicy 入味又無太強羊騷味, 滿意.最后，無漏單，俾個讚先！PS:係門口等位時，成班控煙辦沖上嚟，走去后樓

旺角有好多日式放題，今日嚟到神戶屋。6點半嚟到人唔算多，店家好好咁俾咗卡位我哋坐。放題竟然唔洗同隔離痴住坐，心情特好。前菜同醬料已經準備好有海膽一份，都幾新鮮雞軟骨新鮮炸起，正天婦羅都係即叫即整等到刺身船啦，個賣相已勁靚。淨係蝦都有幾款，揀咗有頭甜蝦，天使蝦同泰式生蝦。帶子仲預先擠咗少少檸檬汁炸雞翼 炸年糕2人一鍋，揀咗壽喜燒。湯底幾正宗噃，食食吓仲好想食再加咗啲菜同肥牛燒烤都有好多款式，有羊架，粟米，波蘿熟食又有一口和牛。仲有小龍蝦同帶子，帶子都有啲辣最後一支好咩嘅芝士雪條作結尾

香港有很多形形色色各種不同的放題自助餐，神戶屋是其中一間可以算是超值的日式放題。位於旺角兆萬8樓的神戶屋，座位比一般日式放題更加寬敞，餐廳有大量卡位，非常舒適。神戶屋食物種類繁多，刺身亦有多種可供選擇。每位一客的海膽刺身，鮮甜。刺身拼盤，刺身非常新鮮，蝦刺身亦有數款供選擇，比較特別的是餐廳有泰式生蝦刺身。熟食方面選擇亦多，串燒，炸物，天婦羅，火鍋等等應有盡有。較為特別的有一些麻辣菜式，喜歡辣的朋友，不要錯過。炸雞軟骨清酒煮蜆麻辣帆立貝及小龍蝦雞翼天婦羅炸物牛肉壽喜燒火鍋炒蜆火鍋配料亦可以個別追加，讚。晚餐後甜品，餐廳有數款雪糕雪條供顧客選擇。

冬天個個都去打邊爐呀BBQ呀，放題呢類生冷嘢喺呢個時候難免門可羅雀，大胃最唔想同人逼，呢個時候最好搵位入師傅5點先上場，大胃太早嚟，慢慢試勻啲嘢飲先唔記得咗放題係有得Shabu-shabu𠻹，暖一暖身先刺身先行部隊嚟喇，有好多種蝦，仲有海膽𠻹溫泉蛋嗗一聲食咗落肚，滑不溜口裝壽司個裝置好正呀，打卡一流，仲分晒類𠻹壽司唔會大大舊飯躓飽你，而且好多料𠻹呢個時候最好食吓生果仲有手卷，一樣滴滴骰骰炸物都唔差，有啲甜嘢落口中和吓天婦羅都幾脆口雞翼包餡一樣有炸雪糕上碟嗰吓都仲未溶，效率奇快

我們提早2天訂好了位，19:30到達已經全場爆滿，好彩有訂枱。首先看了一下點餐紙👀，超吸引的，日、韓、泰的食物什麼都有，韓國🇰🇷佔得比較多。🙆🏻‍♀男女老少，一家人黎都適合，太棒了！先說刺身賣相，上菜相機先吃了，👀很吸睛。咩都點左啲拼出黎好有氣勢同滿足感。蝦嘅種類都幾多仲有埋泰式生蝦。🦐連頭甜蝦都幾鮮甜。其他刺身味道方面都唔錯，幾新鮮。還吃了燒牛舌，唔係平時果啲串燒薄牛舌而係厚身果隻，🐮加了7味粉，辣辣地都幾惹味。係日本餐廳食牛舌👅不嬲都唔平，所以牛舌係放題係必食！非常有水準！日本壽司👍👍很新鮮和很好吃。還有其他炸物，朋友都讚不絕口，炸日式芝士年糕同炸鮮奶都好好食👌🏻。而我至愛，炸榴槤丸、炸芋頭丸都沒有令我失望！

兆萬多嘢食就個個都知，不過我budget有限就要揀性價比高嘅餐廳，估唔到神戶屋係其中一間😳！唔叫刺身點叫食咗放題？😤一點就點咗一盆刺身，望落都覺得飽啦😆裡面我覺得好食嘅有：生蠔-海水味適中，肉質肥美又黏口，值得encore !泰式生蝦-如果你食得辣，記得要點埋辣汁先食，包你食到啲鮮蝦味甜蝦刺身-黏口而不膩，比起泰式生蝦溫和易入口如果唔中意生冷嘢，不妨食下炒雜菇！可能你猜疑放題熟食質素，但係我可以講：雜菇炒得好香，有黑椒同香草味，食過翻尋味😋甜品嚟計，炸鮮奶同榴連炸彈係值得叫一碟嘅，就算你食到幾飽，炸鮮奶又蘇口又暖，食完即刻夠你回氣又點餐😍榴連炸彈就因為香脆而值得食，不過係有啲頂肚嘅😅仲有一樣，就係黑牛雪條，喺香港真係好少見到有得食！😄

食物正，服務佳的神戶屋！今晚想食好少少，所以就同朋友去神戶屋食放題一去到首先叫咗一堆刺身，上嚟嘅時候見到個賣相非常靚，食慾大增三文魚好肥美，帶子好鮮嫩，鮑片好鮮甜，其他的都好好味之後我朋友問服務員，有冇唔凍嘅飲品，服務員話你見到咩飲品都可以幫你拎唔凍嘅畀你，態度十分好！之後叫咗個期間限定的日本和牛壽喜燒，服務員亦十分細心地特別拿多一對筷子給我們夾生的食物。牛肉好鮮嫩，蔬菜亦十分新鮮，不錯！麻辣小龍蝦都真係幾辣，幾過癮清酒煮蜆，鮮甜得黎帶有海水的鹹味，幾好鹹蛋黃金蝦，鹹蛋味炒得好香，非常惹味值得一試！日式即燒牛舌，非常之香，同埋好嫩，真係拍得住日本嘅和牛黃金芝士燒廣蠔，濃郁嘅芝士包住肥美嘅蠔，蠔味好濃郁，正！日本香芋丸，又真係幾香韓國炸鮮奶，食得出淡淡嘅奶味兩樣都炸到外脆內軟，口感非常之有層次！最後，到甜品時間，雖然好飽但係都要食返個朱古力心太軟同埋 movenpick 雪糕做結尾。心太軟嘅朱古力味好香濃，細細粒容易食，唔使食好多movenpick 的士多啤梨味雪糕，好香濃，我鍾意！真係飽到上心口，但係又十分之滿足嘅一餐！

為左就朋友係旺角區食飯，選擇左呢間食放題，貪佢入座時間比較靈活，吾似大喜屋限住得兩個時段入座。 去嗰日係星期五， 人多唔在講， 排隊搭𨋢上去排長龍。 上到八樓一出𨋢企滿人， 訂咗位都要等三四個字先入座。 入到去坐位迫夾， 我們坐的位可以望入廚房 ，看見廚房地下濕立立， 有食物殘渣掉在地上， 深感不妙！ 落單後上咗幾款炸物都好油膩 ，唯一正常啲係刺身。 其餘叫嘅食物又漏單，叫咗兩次雞翼都冇上，壽司又無。 咁樣嘅食物質素，絕對不會再幫襯。

今日收工難得同成班同事食宵夜，再加上有同事生日，便走出旺角慶祝，為食得開懷便選擇了食放題，所以我們選擇了到兆萬中心樓上的《神戶屋日韓放題》地方不算太大，但有兩間私人房間，正因我們有9人所以便提供了一間給我們說得（日韓放題），當然不能少得刺身及一些燒烤食物他的刺身整體是新鮮及肥美的，特別是赤蝦和希靈魚最為突出也正因我們有9人所以也特別送上生蠔及海膽，別以為送的物件便不是好東西，生蠔是新鮮肥美、海膽很濃味，絕不嬉場燒物及烤焗產品就稍薇薇稍遜炸的產品就欠缺乾身，但肉質還好至於這個一口牛，味道剛好肉質鮮嫩，仍帶點牛肉的味道我還有兩個窩物，味道只是平平另外值得一讚的是炒通菜，通菜新鮮爽嫩，味道微辣不會太濃

其實下晝三點先食晏飽到上心口，但又book咗六點去神戶屋食放題，心諗應該都食唔落不如Cancel啦～但老公又話好想食佢哋啲刺身，咁我唯有飲杯山渣水消消濟頂硬上😂我又點會估到最尾我居然食得落咁多嘢😨因為啲食材真係實在太新鮮好味！一坐低已經發現枱面放咗醬料同前菜，雖然係前菜，但一啲都唔馬虎，三款都好好味，全部落晒我個肚😆老公實在太太太想食刺身，佢竟然喺我唔為意期間點咗咁多！仲要叫埋壽喜燒鍋，我真係好擔心會食唔晒浪費食物，但食咗一塊希靈魚之後，我個胃就好似打開咗咁～～希靈魚真係好好味呀(⁎⁍̴̛ᴗ⁍̴̛⁎)之後再試埋北寄貝、象拔蚌、帶子...全部都好鮮味呀～～日本和牛壽喜燒嘅湯底甜甜哋好啱我胃口～牛肉淥咗咁耐都唔會鞋口，再加上有咁多蔬菜，邪惡感即時減低！麻辣小龍蝦真係好夠辣，又惹味，雖然冇乜肉食，但鐘意食辣嘅人一定鍾意！清酒煮蜆味道好清，蜆肉又夠晒大隻肥厚，咬落去啖啖肉冇得頂！老公超鍾意個日式即燒牛舌！牛舌夠味之餘仲一啲都唔韌，軟嫩感十足，唔怪得知臨尾佢仲要叫多碟啦～而黃金芝士燒廣蠔都好入味，濃郁嘅芝士味配上鮮甜嘅蠔好夾～仲有呢個咸蛋黃金蝦都係老公大讚嘅菜式之一，個咸蛋黃真係好好好香呀！食到呢個時候

冬天個個都去打邊爐呀BBQ呀，放題呢類生冷嘢喺呢個時候難免門可羅雀，大胃最唔想同人逼，呢個時候最好搵位入師傅5點先上場，大胃太早嚟，慢慢試勻啲嘢飲先唔記得咗放題係有得Shabu-shabu𠻹，暖一暖身先刺身先行部隊嚟喇，有好多種蝦，仲有海膽𠻹溫泉蛋嗗一聲食咗落肚，滑不溜口裝壽司個裝置好正呀，打卡一流，仲分晒類𠻹壽司唔會大大舊飯躓飽你，而且好多料𠻹呢個時候最好食吓生果仲有手卷，一樣滴滴骰骰炸物都唔差，有啲甜嘢落口中和吓天婦羅都幾脆口雞翼包餡一樣有炸雪糕上碟嗰吓都仲未溶，效率奇快

新鮮刺身，好味熟食的非一般放題講起放題好多人都係諗住以食到夠本嘅心態去，對於食物質素冇特別期望同要求，但係今次係神戶屋令我有改變啦。刺身拼盤鋪排得好靚，色澤新鮮，肉質亦都係比較有口感嘅，可見刺身唔係擺咗好耐。而且仲有生蠔同埋海膽，兩樣都好肥美，好鮮甜，的確係非一般!出面要另外俾錢嘅泰式生蝦竟然喺呢度都屬於任食刺身之一，真係好唔錯👍🏻壽司方面，我就推介松露系列啦，上面嘅黑松露好香，配搭起新鮮嘅刺身同埋大小適中嘅飯，令人覺得好滿足，但係又唔會令你咁快飽，仲有好多位繼續食啊。迷你炸雪糕係幾得意嘅嘗試,以前喺長洲食炸雪糕(即係炸雪米遲)都要$10以上一粒啦呢,度就係用綠茶味嘅迷你雪米遲,外面嘅粉唔算太厚，裏面又可以保持到涼浸浸嘅感覺，值得一試。甜品方面選擇亦唔少雪糕櫃裏面有至少五款口味嘅杯裝雪糕同埋本地嘅雪條，仲有一啲自家製嘅甜品杯甜例如啫喱，朱古力慕絲等等，夠哂滿足！

見到openrice有好多讚所以先選呢間，雖然有85折，感覺上好抵食。結果是 "十分伏"，刺身選擇少，而且不算好新鮮，熟食都唔好味，唯一好處係汽水夠凍。所以唔明點解會有咁多Like??