神戶屋日韓放題

營業中

休息中

行出旺角基本上周街都係日式放題，但係要搵一間又平質素又高嘅放題就唔係咁容易喇。而神戶屋算得上係我食過咁多間放題其中一間CP值最高嘅，價錢公道而且食物質素非常高。一嚟到店員就上咗個刺身拼盤先，依度所有刺身都好新鮮，特別係兩隻生蠔，超肥美。飲品種類都非常多，有酒精同非酒精。食放題就當然唔少得壽司同埋天婦羅啦，呢度嘅火炙三文魚腩笑得好好食，魚油嘅香味非常出。除咗刺身壽司等呢度仲包一款火鍋，可以揀壽喜燒或者韓式部隊鍋，我就揀咗壽喜燒，唔夠火鍋配料仲可以追加！炸物都好多選擇，點左炸鮮奶同埋炸廣島號，件炸鮮奶俾想像中好食，外脆內軟，忍唔住追加左幾件🤤🤤🤤仲有個泰式炒通菜，辣辣地好野味！最後再送韓式甜品不過就每人只限一份。依度實在太多野食喇，有日式有韓食，未試哂就飽哂，下次要再黎先得！

久唔久總會想食下日式放題過下口癮，今次就中午時間黎到神戶屋一飽口福🤤一黎到二話不說就點左刺身醫肚先～三文魚厚身鮮甜❤️而且叫三塊仲黎左6塊🤣食到肚仔飽哂👍🏻每樣刺身都點左少少黎試～好彩每款刺身都冇令我失望👍🏻樣樣都新鮮爽口😆特別係呢款蟹鉗刺身，食落真係同食緊真蟹口感一樣！推介大家一試～少不免都會點各款壽司食～特別推介花之戀壽司👍🏻細細件唔怕食完會霸左好多肚容量，而且三文魚都十分厚身❤️ 加上美乃滋蟹柳壽司都十分爽口👍🏻大家不妨一試！而呢款燒牛柳粒，都燒得10分惹味，加上醬汁令整個料理更加味道突出！當然唔會錯過我最愛嘅榴槤炸彈，一咬出嚟啲榴槤汁就流晒出嚟！食完真係齒頰留香呀！👅❤️而串燒雞軟骨都十分爽口，唔會燒得太窿，脆嘅程度啱啱好👏🏻燒天婦羅就不過不失，炸粉唔算太厚，但中間嘅餡料即略嫌太少🙈最後點返個韓式部隊鍋，芝士融入鍋中令窩入面嘅配料都有濃濃嘅芝士香味！❤️暖粒粒嘅鍋令成個日式放題有個好圓滿嘅結束😆🎉總括來講，餐廳嘅服務都令人滿意，上菜嘅速度好快。有機會都會再同朋友嚟食多次呢間日式放題👍🏻

今晚去左旺角食日韓放題, 地點都方便, 好彩有book位, 坐低一陣就full左.餐牌有A-J, 好多款式, 揀都有排揀.一坐低, 有人介紹餐牌同有咩食, 幾好招呼. 未講完已經有少量前菜同醬汁送到, 仲會每枱送上一隻刺身船, 有三文魚, 甜蝦, 有頭甜蝦, 鮑片, 北海道角螺, 北寄貝, 八爪魚, 赤蝦, 天使蝦, 松葉蟹棒, 厚燒玉子, 珍寶帶子, 象拔蚌, 生蠔, 海膽, 都幾新鮮.火炙岩鹽燒三文魚腩壽司燒得好香, 三文魚腩肥美! 叫左2轉.日本和牛壽喜燒壽喜燒湯底好香, 已經包括了和牛, 菜, 金菇, 冬菇. 如果唔夠, 仲有張火鍋紙, 有好多唔同既火鍋食物揀!日式即燒牛舌肉質好腍, 又夠厚身, 如果個肚有位, 真係想叫多碟.海老天婦羅, 松葉蟹棒天婦羅真係即叫即炸, 黎到都仲熱辣辣, 粉唔厚, 啱啱好.鹽燒活海蝦唔知點解會辣辣地, 不過燒得好味.

減壓既最好方法當然就係食啦，今次一於去大解放一下，盡情咁食我至愛既放題。晚上7時來到，幾乎滿座呀。刺身類選擇都好多我地幾乎差不多試哂，點了三文魚、甜蝦、松葉觸棒、厚燒玉子、珍寶帶子、象拔蚌、有頭甜蝦、北海道角螺、希靈魚、鮑片、激巨赤蝦、迷你北寄貝和八爪魚。最欣賞佢竟然有象拔蚌，呢樣係其他放題比較少有既。珍寶帶子壽司和藍鰭拖羅蓉軍艦壽司份量較細，咁樣就可以試多幾款，藍鰭拖羅蓉好鮮甜，紫菜夠脆，果然係新鮮即整。日式茶碗蒸蛋好滑，香濃蛋味。芝士燒黃金沙律開邊蝦開邊蝦雖然細隻，但超有咬口，用芝士燒好香。另外仲有沙律/日式前菜、唐揚炸物/韓式炸物/天婦羅、日本和食/一品料理/韓式料理、迷你手卷、火炙壽司/黑松露壽司、麵類、火鍋名物等等。自助甜品，款式不算太多。雪糕也是自助的，是雀巢雪糕。飲品也是自助的，除酒類外，其他任飲。

瓊華樓上呢間放題 🍣上菜快，而且足單， 唔使三催四催🙌係寫幾多黎幾多先係放題嘅重點!!! 七點鐘已經坐滿客好受歡迎😎😎一坐低當然先咗刺身😂😂 訂咗枱就有海膽新鮮，正呀 ❤❤其中赤蝦係最推介新鮮大隻🦐 好鮮甜!!! 三文魚都非常厚切🐟🐟火鍋可以選擇韓式或者日式🍜🍜🍜我哋嗌咗日式壽喜燒鍋配咗生雞蛋 🥚用嚟烚菜一流🥗🥗炸物方面試咗天婦羅🍤 同埋炸牛奶🥛 炸粉算薄 ，上枱熱辣辣要趁熱食 🔥🔥味道唔錯。炸牛奶比較特別 ，唔會好滯或者好油膩👍飲品方面超多選擇🍻🍻 超級推介呢隻日式嘅桃味啤酒🍑 就算喺日本買都十蚊罐，呢度竟然係任飲😆真係超值甜品雪糕雪條有分任食區同埋限食區，雪糕杯同埋雪米糍喺最入角落頭係任食嘅， 放得有啲入唔好走漏眼呀😂😂😂 而門口嘅韓式日式雪條就一人限一支，臨走喺搭𨋢嘅時候拎住走🤣 200蚊又捧住個肚走

其實而家週街都係放題 ，而且好多都做到好平 ，淨係兆萬都已經有幾間 ，但係神戶屋係其中一間我比較常去嘅， 因為我覺得佢嘅性價比係最高嘅!!!首先佢坐得好舒服，兩個人都畀張大卡位你坐， 其實呢點好重要，因為你去親放題都會叫到成枱都一碟碟，無返咁大張枱其實係好唔方便 ， 呢度張枱放咗一個小火鍋都仲有大把位，放其他小食 ，另外飲品有支裝嘅解茶，消滯最啱~~ 食物方面，我相信好多其他食家都介紹過所以我今次唔多講喇， 反而係想提出就係佢哋上菜都好快，同埋無乜漏單情況， 店員清理檯面都好快手!!最後點都要提下，佢臨走收銀檯隔離嗰個雪條櫃可以每人攞一支係韓國嘅雪條!! 好好味

今日放工又同朋友去旺角逛街，去旺角就會好想食放題，因為實在太多選擇，眼花撩亂。所以我們都決定在兆萬中心找一間未食過的試試看。基本上，旺角的日式放題都大同小異，差不多的間隔，飲品亦大同小異，就不多說了。由於刺身嘅種類很多次，我們乾脆跟職員說來一個綜合評判便好了，再加上他有得選擇生蠔海膽令人喜出望外。一定要提一提這個刺身的帆立貝，甜蝦，北寄貝，平常我們常常吃這幾類食物的時候都會感覺到有雪藏味，但這間一點雪藏味都沒有，還好鮮味。海膽和生蠔都好濃味。。贊贊贊。又到熟食，多款韓國特色小吃，同重點的火鍋，可以選擇和牛壽喜燒，亦時可選擇韓國部隊鍋，仲有好多款，好像火鍋放題咁。芝士焗海鮮的系列亦有幾款，芝士味亦濃又啖啖肉。同埋最後雪條櫃的雪條雖然一人得一條，但每款都係高質的。。

朋友約我食生日飯所以即興搵咗間放題其實神戶屋係大半年前已經食過今次再食質素都冇變依然都係咁好食選擇好似仲比以前多左而且依家仲有優惠只要like Facebook專頁或者follow佢哋嘅Instagram就可以每人減多$10真係好抵食啊首先刺身件件都係厚切而我最鍾意食嘅就係三文魚同帶子刺身另外蟹鉗都好值得推介至於天婦羅方面如果你唔鍾意食天婦羅嘅外層其實仲可以揀吉列炸蝦🍤一樣都係咁好食所有嘢都係即叫即炸食落口嘅時候又熱又脆而我最鍾意食嘅就係吉列蠔同埋一口炸榴槤一口芝士都好好味㗎另外想推介俾大家嘅就係牛舌同埋紐西蘭羊架呢兩樣我都覺得整得好好味而我其中一樣最鍾意食嘅就係燒菠蘿因為款式太多所以推介唔晒俾大家不過真係食到好飽連夜晚個餐飯都唔使食店內嘅飲品同埋甜品多任食不過大家記得留肚食因為買咗單之後出到門口會有另一個雪糕櫃每人可以揀一款黎食而我就揀咗榴槤雪條食落同真嘅榴槤冇乜分別所以我食得好開心整體來講呢度嘅放題性價比高職員也會主動嚟收單而且你點嘅食物絕不遺漏不過可能有時多人上菜嘅速度會唔平均所以大家記得耐心等候唔好重複點單浪費食物

食放題，很多人最重視刺身的質素，畢竟首輪必是以刺身為主、再到壽臨司、前菜、燒烤、天婦羅、和食及甜品。今日跟食量無底洞一樣的朋友聚餐，朋友訂了「神戶屋」晚飯，顧及大家的荷包。自定刺身頭盤點單紙共16款刺身，我們只挑想吃的，整體刺身不錯，質感有彈性，味道甜而不腥，愛吃刺身的朋有可重覆點。燒菠蘿、燒鯖魚菠蘿香甜多汁帶微酸，若果厚身點更為口感豐富。薄薄的魚皮燒而脆身，肉質結實滲透魚油香。玉米、毛豆蔬果類別不過不失，正常但沒驚喜。燒蝦蝦肉肉質蠻彈牙，味道也不錯，但一定要拆殼吃。放題來說，性價比不俗，種類多元而味道不錯。

兆曼有好多間放題但揀咗呢一間試吓入到去都係同其他放題一樣，有好多唔同種類嘅嘢揀，仲有得打邊爐係未點嘢食之前，會先有沙律拼盤有中華沙律，墨魚仔，都好開胃好入味之後叫咗個麵豉湯，都好足料，湯入面有好多海帶再來試下個清酒煮蜆，啱啱好一口一隻，而且d蜆無咩沙，有清酒味，鮮味之後就上左刺身拼盤，好大好多料。三文魚都好厚。刺身都好新鮮，冇咩雪味。我就最鍾意個帆立貝同埋蝦刺身，仲有泰式生蝦。而且仲有得揀海膽刺身再嚟就係天婦羅炸蝦，上到嚟仲係好熱辣辣，仲有煙噴出嚟應該係即叫即炸。粉漿唔多，唔會好厚粉，啱啱好包住一層就食到入邊嘅新鮮蝦。好好食叫咗幾轉炸雞翼，個味調校得幾好，算入味而且都好香口好脆燒牛舌同埋雞串燒，香口濃味埋單二百幾一個人 我地仲有用埋個fb 優惠 好似平多少少

仲好記得中學回憶就係食放題, 差唔多一個月都黎幾次兆萬食放題~ 宜家打多得邊爐, 真係少食左好多~今次再黎到兆萬, 呢間神戶屋好抵食, 係OPENRICE有COUPON 可以$179食足6個鐘! 不過其實點會食到咁耐丫~ 都係食左2個鐘就走~一坐低就寫一盤刺身先~ 咁多人梗係乜都叫D! 除左三文魚北寄貝呢D大路野, 我就好鐘意食甜蝦同帶子, 呢到既帶子都幾大粒, 仲好鮮甜! 而且仲送左2片海膽比我地哈哈! 無苦味幾甜唔錯喎!除左一般放題都有既炸野, 呢到仲有好多韓國野, 人參雞果有, 不過我地就真係食唔落啦~叫左個日式拉麵, 都相當唔錯~ 炸野唔錯, 熱辣辣~其實熟食都幾好食, 一口牛/炒蜆都幾有鑊氣, 感覺每樣野都係新鮮整起~甜品方面就少D選擇, 不過我好鐘意呢條芝士雪條, 咸咸甜甜咁好好味~~

今晚同好耐無見既朋友出黎食飯，朋友剛由外國返黎,話想食日本野，咁我就揀左呢間日韓放題，貪佢好似有好多野食！我地BOOK左六點半，去到已經好多人等位，好在我BOOK左位，侍應就帶左我地去卡位，然後我地即刻叫左個日本和牛壽喜燒，都幾好食，Ｄ牛又厚又多塊，呢個唔錯！不過可惜除左呢個之外，其他都麻麻……例如呢個生蠔同海膽，好腥唔新鮮，送既都唔好食！除此之外，果Ｄ牛油粟米就真係「粟」既，我食左一啖就放埋一邊！我朋友叫左份牛舌，其中一部分未燒熟，血淋淋，唔敢食！而個烏冬就浸得太淋，無晒口感！以上食物都嘥晒，不過無計，唔新鮮既野食唔通照食咩？！不過又唔係全部都差既，例如壽司都幾好食，款式普通Ｄ但至少新鮮入到口，刺身都OK，所以唯有食多Ｄ壽司同刺身啦！

好一段時間無食放題了，今日難得同媽咪撐檯腳，決定請佢食餐放題放縱一下！講到旺角放題，少不免都會諗到兆萬，係樓下派傳單嘅員工努力推介之下，今次就黎到位於8樓嘅神戶屋。對於樓上放題，我嘅印象都係環境逼夾，但呢度反而座位都幾闊落，由於都比較早嚟到，所以仲可以坐到卡位添。呢度店員服務態度值得一讚，一坐低先係同我地介紹食物分類，落單安排等，主動問我地需唔需要點精選鍋物先，態度好親切首先打頭陣嘅係一盤好精美嘅刺身海膽同生蠔係按人頭比，不過都大大啖！欣賞佢地生蠔好乾淨，望落新鮮，至少外觀都比到食客信心先啦唔洗幾耐即刻上埋個部隊鍋，入面啲料堆到成個鍋都係，有金菇、厚切午餐肉、腸仔、年糕等，仲有好多塊芝士。隨鍋仲附送一包辛辣麵，加埋包辣粉入鍋煮更加惹味雖然哩個咁足料嘅部隊鍋對於食放題黎講，係會霸左肚入面唔少位置，不過係幾好味嘅，媽咪特別喜歡燒物方面推薦嘅有羊架，唔會有騷味，同埋肉質嫩滑。另外炸物同天婦羅都相當出色。熱辣辣唔係一早炸起，天婦羅個皮略嫌厚左少少，不過唔會皮肉分離，炸到卜卜脆，特別喜歡佢嘅天婦羅多春魚，多春魚嘅春無苦味，炸完都食得出幾肥美，唔錯哩度嘅芝麻雞翼都好抵讚，皮薄香脆，唔似出面有啲皮好

行開旺角又好耐無食過放題就同左朋友黎呢到食返餐午市放題。 以前中學都成日黎食，今次返返黎回憶返返哂黎。依舊坐底就會即上一盆魚生，每款都好足份量，基本上食哂都唔洗再加。之後叫左幾款壽司試下，食得出食材同魚生一樣新鮮，而有新式既黑松露壽司，食落口係勁重黑松露味，有驚喜。之後叫左個炒蜆，食落都好惹味，而且份量岩岩好，唔會太多唔想食式者太小又唔夠喉。之後又有叫左個通菜，又係幾惹惹味。而且菜都唔係黃哂個款，絕對食得過。之後叫左個焗元貝，一大pat沙律醬一齊燒食落勁香口，size細但狂食都絕對一流。最後叫左個心太軟，食落去都好流心，又唔會太甜，唔錯。

好耐冇食放題，去完台灣旅行，又想食返啲日本野😂所以就嚟咗兆萬食放題😆不過依家都好少食刺身，所以今次主要都係食熟食。坐低另外會有一張紙仔比你揀壽喜燒或者部隊鍋，我哋就揀咗部隊鍋，上枱嘅時候見到湯底好淺色，同埋好多芝士好多配料，因為原來加埋個辛辣麵同埋味精粉就會變一個紅卜卜嘅部隊鍋😂而且加咗芝士又辣又甜好好食！另外壽司同埋炸嘢都幾好食，我最鍾意就係香芋丸同埋榴槤炸彈!!火炙三文魚壽司笑得啱啱好有少少焦香幾好食！