神戶屋日韓放題

營業中

休息中

冬天個個都去打邊爐呀BBQ呀，放題呢類生冷嘢喺呢個時候難免門可羅雀，大胃最唔想同人逼，呢個時候最好搵位入師傅5點先上場，大胃太早嚟，慢慢試勻啲嘢飲先唔記得咗放題係有得Shabu-shabu𠻹，暖一暖身先刺身先行部隊嚟喇，有好多種蝦，仲有海膽𠻹溫泉蛋嗗一聲食咗落肚，滑不溜口裝壽司個裝置好正呀，打卡一流，仲分晒類𠻹壽司唔會大大舊飯躓飽你，而且好多料𠻹呢個時候最好食吓生果仲有手卷，一樣滴滴骰骰炸物都唔差，有啲甜嘢落口中和吓天婦羅都幾脆口雞翼包餡一樣有炸雪糕上碟嗰吓都仲未溶，效率奇快

新鮮刺身，好味熟食的非一般放題講起放題好多人都係諗住以食到夠本嘅心態去，對於食物質素冇特別期望同要求，但係今次係神戶屋令我有改變啦。刺身拼盤鋪排得好靚，色澤新鮮，肉質亦都係比較有口感嘅，可見刺身唔係擺咗好耐。而且仲有生蠔同埋海膽，兩樣都好肥美，好鮮甜，的確係非一般!出面要另外俾錢嘅泰式生蝦竟然喺呢度都屬於任食刺身之一，真係好唔錯👍🏻壽司方面，我就推介松露系列啦，上面嘅黑松露好香，配搭起新鮮嘅刺身同埋大小適中嘅飯，令人覺得好滿足，但係又唔會令你咁快飽，仲有好多位繼續食啊。迷你炸雪糕係幾得意嘅嘗試,以前喺長洲食炸雪糕(即係炸雪米遲)都要$10以上一粒啦呢,度就係用綠茶味嘅迷你雪米遲,外面嘅粉唔算太厚，裏面又可以保持到涼浸浸嘅感覺，值得一試。甜品方面選擇亦唔少雪糕櫃裏面有至少五款口味嘅杯裝雪糕同埋本地嘅雪條，仲有一啲自家製嘅甜品杯甜例如啫喱，朱古力慕絲等等，夠哂滿足！

見到openrice有好多讚所以先選呢間，雖然有85折，感覺上好抵食。結果是 "十分伏"，刺身選擇少，而且不算好新鮮，熟食都唔好味，唯一好處係汽水夠凍。所以唔明點解會有咁多Like??

因為預早打電話book，3個人可以坐卡位，呢間座位比較闊落，坐得舒服。三文魚，帶子刺生，壽司少不了，各樣選擇都很多，火炙三文魚🍣最喜愛就是可以有得烚菜，事關最近減肥要清淡, 津白，白菜，油物菜啱唒。牛油金菇有好香嘅牛油，好味。韓式粉絲帶少許辣，好嘢味。另有燒菠蘿，生果，沙律，日本一口紫薯，又是健康之選。食緊之際，突然播生日歌，原來呢度有得預早訂蛋糕$50同朋友慶生🤠冇得彈。食到咁上下服務員又會問佢地有冇漏單，夠細心。埋單了，出面有個精選雪糕櫃, 每人限取一件,Haagen Daze雪糕😍

今日同好朋友慶祝生日，一早就訂左位在旺角兆萬中心8樓，原來放題品種有很多款，有日式同韓式食品。一個小時的放題每人249元，另加一服務費合計279元，小童收119元，如果小童高度係1米以下就免費。另外提示，如果朋友生日4位送半位架。到左8樓，一開門見到餐廳，環境氣氛好似去咗日本咁。首先我們被安排坐4人卡位，座位算舒適，不會太逼。首先去冷櫃度拎飲品，飲品選擇算多，如果唔太鐘意凍飲，可以自行要柚子茶，熱水同埋熱茶，無限添飲。日式火鍋，首先朋友唔食魚生，所以她叫左火煱喇，叫左芫茜魚湯湯底，加埋津白同小唐菜，清清地地最適合要食素的朋友。至於韓式嘢方面，點左韓國人蔘雞湯，平日咁辛苦做嘢，真係要補一補它了。湯味道好濃郁，仲食埋件雞添。韓式炒粉絲，味道好香濃，加埋韓國辣椒醬，粉絲好煙韌，加埋配菜，好味道呀！日本甜薯仔，細細粒容易食，又香又甜呀！清酒煮蜆，味道好清甜，蜆好新鮮。牛油果軟蟹卷，魚籽加州卷，味道一級棒，好開胃。帶子壽司，厚燒玉子壽司味道正宗。黑松露珍寶帶子，蟹棒壽司，香濃黑松露加埋大大隻帶子有甜又爽口，味道好正。最正主角當然係魚生船。松葉蟹棒刺身，望落好新鮮，有三文魚刺身，玻璃蝦，甜蝦，鮑魚

咁岩行開旺角肚仔餓想食放題，同老婆二話不說就上左來食大餐。今次係我第二次來食呢間神戶屋，食物同服務依然到位，沒另我失望對比起坊間嗰啲連鎖放題，最鍾意既就係神戶屋多元化同高質既食物，咁既價錢咁既質素，唔差。開波第一輪首先叫左個刺身拼盤，刺身都算新鮮又多種類，最突出既就係嗰幾粒刺身帶子，大大粒咬落去幾滿足另外燒牛舌絕對係本人極力推介之選，嗰種燒法嗰種調味真係食過翻尋味。除左炸生蠔既炸粉漿有啲厚之外，基本上樣樣食物都唔錯其實自己都好耐未食過坊間嗰啲連鎖放題，嗰啲連鎖放題既食物食來食去都果幾款，真心食到悶。最後走之前仲有得去佢個特定雪櫃撰一款雪糕/雪條，雖然嗰度啲雪糕每人只限攞一款，但啲款色都係少見又想食

久違了的日本放題啊今日同友人行旺角 就諗住shooping完之後再食餐full的所以就揀左放題喇見到放題紙都多第一round 的刺身張紙會唔同因爲話會優先做左先之後就正常翻但其實上菜速度都ok 而刺身都多選擇 除左平時一定有的三文魚，油甘魚，吞拿魚之外，有我最中意食的帆立貝，北寄貝同象拔蚌重點係甜蝦都有2款 好有肉地依家入座會有野食送，可以揀生蠔或者海膽或者韓國雪條我地4個人揀左2生蠔2海膽我地中意海膽因爲好新鮮就咁食真係好surprise 生蠔都好新鮮架不過海膽surprise 程度大啲之後就試下壽司，但無嗌好多因爲費時太飽友人話山葵八爪魚好食，我就食花之戀壽司店都好細心壽司細細粒但好足料另外亦有得叫一個shabushabu 我地叫左壽喜燒湯底！經過今次我覺得原來食放題有個熱野食都幾好可以暖下胃，同佢個湯底好夠味，所以食食下我地滾下菜食 成件事好滿足呀而配料之後都可以另加，仲有腸仔，丸類，牛肉都可以無限任加而熟食方面，有我最中意食的炒芽菜！蠔油炒但唔會太咸，蒜炒通菜都係另外仲有牛油炒雜茹，有清酒煮蜆！熟食選擇好多呀 ，份量亦唔會小而飲品方面over 10樣選擇除左盒裝飲品仲有可樂個啲

好耐無去旺角食放題啦，跟住睇下open rice，就搵到間叫神戶屋既放題，就膽粗粗試下，丫，又真係少有係呢區食到間高質得黎地方又寬敞既放題！首先一黎就當然係點我最喜愛既刺身啦，d三文魚又真係好肥美，比起一般出面既新鮮好多，好有係日本食既感覺，真係必食同唔會淨係食得一轉甘少！另外神戶屋食物既選擇好多，有鐵板炒芽菜，馬拉盞通菜，一口牛肉粒，炒蜆，清酒蜆，炒尤魚鬚，避風糖一口豆腐，全部都好高質好好味，其實出面未必有哂甘多款選擇比你揀，食放題就梗係呢樣食下果樣食下啦！最後環境方面，都好寬敞，唔會好迫，行開行埋，去拎野飲呀，去拎甜品又或者去洗手間都好方便，來去自如！如果想食放題既話，呢到一定岩哂大家心水！

幾個女仔去食日本野，為左迎合各人嘅口味，我地揀左去食日式放題，咁就可以每樣都食少少，又可以坐成兩個鐘慢慢傾計啦。呢度嘅飲品係任飲架，可惜無任何無糖飲品，戒左飲甜野嘅我唯有飲清水啦。刺身選擇都好多，三文魚，劍魚腩，赤貝，甜蝦，希靈魚，吞拿魚，八爪魚等等。全部都好新鮮，無咩雪藏味。咁多種類入面，甜蝦同三文魚最鮮甜，賣相亦都好靚，顏色鮮艷，三文魚切得好厚，甜蝦都啖啖肉，蟹棒亦都好爽口，完全唔似係平野，非常滿足，我地仲叫左足足3轉添呀。炸物係即叫即炸，炸得香脆，下面仲加多左張隔油紙，令到食物入口唔太油，值得一試！沙律加入沙律汁後入口非常清新，食落非常爽口，幾開胃，我地仲有encore添。韓式炒粉絲用左蘿蔔絲，冬菇，洋葱同埋黑木耳，再加返個汁，味道好，又唔會太鹹。白酒加左蒜頭做湯底，再加入大大粒既蜆肉去煮。湯底雖然偏鹹，唔建議大家飲，但係蜆肉並無脫殻，唔需要係湯底度搵蜆肉食。食完咁多美食之後，仲有甜品添。好似雪糕，布丁，泡芙等等。連加一每人＄260左右，食到咁多高質食物，款式又多，都算唔錯架啦。

路過這間放題好多次，平時樓下都會派傳單，終於有機會約朋友上去試下一坐底職員就幫手上左個刺身拼盤，刺身就係正常的放題水準，不過好過很多連鎖店 最開心的是這個價格有海膽和生蠔(雖然只能叫一次)。小食都有很多選擇，基本既應有盡有，本人推介嘅有牛舌串燒，佢個調味一試難忘飲料大部分都係我鍾意飲既，而這間店最驚喜的是有好多款雪糕，款式多過其他的放題店最重要係有我最中意的香蕉雪糕雖然間店唔係好大，但食開連鎖店既朋友仔絕對可以試吓呢間

爸爸鐘意食刺身，媽媽鐘意炸物，去食放題就最好不過。神戶屋放題同普通放題不同之處就是選擇超級多，加入不少韓式料理。平時去食放題最驚係好迫，依度座位好寬敞，坐得好舒服，好岩一家大細來聚餐。我最愛係三文魚同甜蝦刺身，三文魚刺片厚切，油脂分佈平均，甜蝦也好新鮮，沾上wasabi 醬汁，新鮮好味。另外炸芝麻雞翼也不錯，外脆內軟，好Juicy入味，我Encore了幾次。最驚喜的是芝士焗蠔，內是酸甜沙津汁，面是拉絲芝士，吃起來又香又甜，而且烤到剛好，帶子吾會過老。媽媽都對天婦羅炸物讚不絕口，沾上餐廳特製的天婦羅醬汁，酸酸甜甜，好開胃。我都試了幾款韓式鐵板料理同蜜糖芥末韓式炸雞，味道不錯，但就比較辣。餐廳還不時推出不同節日限定，這次我選了日式牛肉壽喜燒火鍋，不過不失。

朋友生日 🎂 佢話想食放題，決定去兆萬中心睇一睇，因為選擇好多放題，不過見到一間曾經有朋友介紹過，決定上去試下walk in 睇下有沒有位，上到有位，我攞蛋糕比服務員，佢地好細心幫我放好。安排我們坐一邊，我們一坐低自己去選擇飲品，選擇都好多，見到有我最愛水蜜桃飲品，我哋一坐低即時叫一盤刺身，好快就到，食得出刺身都好新鮮，我們都有叫左一些壽司🍣 唔會好大舊，細細舊，唔怕好飽肚，可以食到其他野，仲叫左炸物，食到好熱辣辣。 服務員又好細心攞左雪糕比我們。我想攞蛋糕出黎 他們幫我攞出黎，佢地即時響生日歌。

雖然好多人都對兆萬有抗拒心但係平價放題唻講呢間真係算有誠意餐牌選擇都多 上菜係極速開始前可揀一客生蠔/海膽生蠔相當唔錯中等身材 飽滿白滑之後就嗌吓壽司同刺身呢樣嘢最容易界定放題質素我想試多啲嘢所以每樣嗌嘅份量都唔多居然上菜嘅時候擺盤咁有心思之前都喺旺角食過啲樓上放題試過唔新鮮嘅雖然覺得好嘥但真係食完兩啖擺唔落口呢間放題嘅刺身雖然唔可以同四五百蚊十二件居酒屋比較但係新鮮乾淨之餘 味道都唔錯甜蝦同北寄貝超出預期好食一個人食哂一盤冇難度連燒物都有諗過點擺盤好滾動食完呢兩碟熱嘢 其他兆萬餐廳唔清楚係點但起碼佢喺我心目中可以洗脫兆萬污名放題另外會送一個火鍋我揀咗雞煲個辣係有層次嘅香辣 味道好好 但係係認真嘅辣度唻食得辣嘅可以挑戰吓我就去咗汽水機回回血了最後揀咗the cheesecake雪條平時喺便利店買都十零蚊好抵暫時係同一價位放題食過最好食一間

第一次去呢間神戶屋揀咗6:30入場貪佢早食夠平而且時間早 入到去冇咩人2個人可以坐卡位 啲位都幾闊落如果一大班人gathering可以有房仔除左平時點餐紙店員俾咗兩張點特別單紙其中一張係重點刺身 應該係higher priority 另一張係限定火鍋 不過我驚火鍋太full就最後先點呢間店刺身最特別係有象拔蚌 巨赤蝦同松葉蟹棒係食過其他連鎖式放題冇得點嘅而且重點係新鮮 冇雪味巨赤蝦大得黎啖啖肉 仲有松蟹棒 冇得輸呢間店另外加錢仲可以有生蠔 海膽清酒 雖然冇點但係老細送咗兩隻生蠔放埋係刺身 都係好新鮮 雖然重點係刺身不過仲有10款點單紙 好多種類選擇比較特別佢有韓式系列人蔘雞同韓國辣豬手仲有麻辣小龍蝦 鹹蛋黃金蝦我都好鍾意食店員服務都好周到 好快收單同出單印象中都冇漏單雖然佢冇骨盛載殼 但係換碟都好快唔會食到張枱污漕另外有飲品區同甜品部雪糕種類都唔少 整體黎講呢個價錢可以話物超所值

好耐都冇食過放題，今日要去食就當然要去返呢間食過好多次既餐廳㗎啦！我哋七點幾去到已經就嚟冇位，如果呢個鐘數食一定要訂枱啊！一上枱已經即刻俾咗前菜我地，雖然唔飽肚，但係都可以頂到一陣，我個人最鍾意食中華沙律！第一轉嘅魚生來得好快！平時食放題好少有海膽，就算有都剩係得好少，呢度嘅海膽好新鮮，而且份量好多！海膽味好濃，真係超正呀！而其他嘅魚生都非常新鮮，我最鍾意食甜蝦，因為夠大隻，超鮮味！生蠔都係勁正！睇相好似好細隻，但係其實好大隻，海水味唔算濃郁，但係都食到陣鮮味！生蠔算係比較creamy，食多幾隻都唔怕漏！ 至於熟食，我個人最鍾意食炒雜菌，真係超好食！平時食放題好多時都淨係食肉，好少食菜，呢個炒雜菌雜啱晒啦！又好食又有營養！