神戶屋日韓放題

營業中

休息中

初初睇食評以為其他人有偏見負評，但係原來係真係超伏超難食，未試過食放題食完第一輪已經唔想再叫其他嘢，因為完全食唔落口🤮首先鋪面已經非常擠逼，地下黐立立咁，碗碟都有明顯嘅油漬牛油炒什菇，唔知佢用啲咩牛油味道好怪，啲菇都霉霉地清酒煮蜆，雪藏蜆嚟，咩味都冇又難咬仲要凍黃金蝦，因為我自己試咗其他蝦(刺身/鹽燒)又黑又霉到不得了所以驚咗冇食；不過朋友食咗話味道可接受牛舌，可能係唯一口感正常嘅食物，不過味道古怪，有啲酸味火鍋配料同火鍋湯底，配料都預咗唔會靚得去邊，叫做普通質素，啲蜆係未淥已經開口，第一次見咁嘅食法；至於個湯底，我哋叫豬骨味，佢個色本身已經奇怪，食落仲更加不知所謂仲有個人參雞湯同麵豉湯根本係呃人，人參雞湯係平時茶餐廳例湯零人參味、麵豉湯變咗紫菜湯成間野只要係廚房出嘅都係難食，不知所謂，係服務員頗有禮貌同幾熱心，不過成日會行埋嚟催你食埋一兩嚿趕著收碟，總括建議千祈唔好試依間野，係非一般咁難食

第一次寫食評，人生中食過最難食既餐廳，仲要300蚊人頭，貼錢買難受！！！首先收費已經唔清晰，成間舖都搵唔到價錢牌，問佢地咩時段咩價錢，好似扮傻扮聾咁， 完全冇答過，環境又擠迫，無一樣野係好食。。嗌火鍋嗌左半個鐘，連個爐都見唔到，催左幾次先叫我地再落過。。 飲品選擇已經少，仲要係一啲都唔凍。。啲火鍋配料非常唔新鮮， 肥牛得肥膏，啲蜆係急凍蜆 ， 蝦又黑又霉菜又冇黎。。。總之無下次，咁無良心既舖頭，收費完全對唔住質素同服務！！！

7點前入座 佢夾硬開張7pm 單俾我地 仲要貴過樓下派傳單的價錢 我開聲問點解會同樓下睇傳單價錢唔同 仲好意思話因爲傳單update 唔切🤬咁點解唔索性我地上到黎你開double 價錢？入到去完全俾佢既人海嚇親 疫情之下 一張4人枱坐兩pair人 中間只係放左一張細紙皮格開兩個人同格離台只係大概50cm既距離野食瘋狂漏單 加多兩次單d野食都係唔黎野食已經唔好食仲要叫我地mark 左兩次有咩未到Mark 完都係唔黎 要我地呆等左半個鐘 同時間都聽到格離台話d野食唔黎雖然好想幫襯黃店 但咁既垃圾真係$100都俾多 加埋一要差不多$300一個人

如標題,服務態度真係好好,有比袋放口罩,我係2個人坐4人枱好寬鬆,旁邊放左2張凳唔知係想等行走廊既人同客人距離遠 d定做六人枱,後面枱係比較迫,枱與枱嘅距離都好貼,中途有位員工keep住check有無漏單,到最後每位員工都好有禮貌,但始終係一間餐廳,客人最注重食物質素賣相有D係ok有D真係認唔出佢邊位,想建議返起上菜嘅時候講返食物嘅名稱每一款食物都無味,texture都好奇怪,唔知自己食緊咩,黃金蝦以為自己食緊雞肉,天婦羅每一樣都無味又好油膩,芝麻雞翼完全食唔出係雞翼,炸野真係無味,有個海苔雞係真係唔知自己食緊咩...壽司手捲紫菜淋曬,唔新鮮,又係無味,炸雪糕入面溶曬,真係唔好意思,我無食到一款講得出好味既野,飲品都多選擇,走既時候先見到門口有一人一雪條,建議可以一開始&比錢既時候同客人講返有宜樣野我無留過食評,但宜間真係難食到過分左,想留返個評語,其實唔止我一個指出唔好食既問題,作為黃店真心想支持,但食物質素真係真係要改善,加油啦,餐廳自己應該試下自己既野食,減少種類做好每樣野,無改善的話應該唔會再去....價錢係249+1,平日6點入場,第一次食放題食到無曬mood早走,宜個價錢真

🥢假日6小時任食午市放題 $179+$79服務費/位 見呢間放題店係Openrice做緊半價餐飲劵($399➡️$179)加$79服務費就可以坐足6個鐘任食同埋寫明送生蠔海膽同特選雪糕所以就即刻諗都唔諗就買咗點知就中伏啦🤯-先唔好講間放題店環境差到根本連坐係個到1個鐘都頂唔順佢樓下其實有個易拉架寫住收費係每位$209+10% 仲有95折優惠啫係walk-in仲平過預購🤷🏻‍♀️去到先發現生蠔無貨，所謂特選雪糕都係雪櫃任拎個啲雪條唯一符合description嘅就係圖(二)個ped腥到震嘅海膽🙍🏿‍♀️-衞生情況都幾惡劣長期見到好多污糟嘅碗碗碟碟喺走廊燈光又黑孖孖咁可想而知啲壽司同刺身都唔新鮮得去邊叫咗一轉之後就徹底放棄咗疊埋心水嗌咗個火鍋食生菜🙄🙄🙄🙄-🌟評價 𝗥𝗮𝘁𝗶𝗻𝗴𝘀🌟食物 𝗙𝗼𝗼𝗱 2/10環境 𝗘𝗻𝘃𝗶𝗿𝗼𝗻𝗺𝗲𝗻𝘁 2/10服務 𝗦𝗲𝗿𝘃𝗶𝗰𝗲 4/10性價比 𝗩𝗮𝗹𝘂𝗲 𝗳𝗼𝗿 𝗠𝗼𝗻𝗲𝘆 1/10整體 𝗢𝘃𝗲𝗿𝗮𝗹𝗹 2.25/10-📌劣食嚟講呢間一定係佼佼者!!! 神戶屋連基本嘅餐廳要求都達唔到，就算幾黃都好難吸引到人再黎😔最少都應該要提供到合理嘅食物質素，唔係求求其其推

好難食，絕對唔會有下次，就算係黃店又點？啲好評唔係咁樣比，認真討論。錢比咗得啖氣，又難食，比啲心機啦黃店。刺身 - 第一輪可以接受，但我嗌4片鮑片你比10幾塊，嗌10隻甜蝦比4隻👎🏻去到後面我就開始淨嗌甜蝦，因為其他真係唔係咁好食，如事者每次嗌10隻，每次比4隻。咁last order我都好聲好氣話，可以比足啲嗎？結果6隻我再問，佢地答我，今日甜蝦賣哂，咁可以轉帶子嗎？佢地答cut咗order。咁你賣哂我想轉都好正常姐。。。最搞笑係，過左半個鐘佢比一兜溶冰底10隻甜蝦我，我食唔食好？留意返，時間係4點，我2點入座就4點last order，6個鐘放題12點開始，大家嗌野食自己就時間😉其他有啲枱我後尾聽到5點3 last order，唔知佢點作準。其他炸物 - 亂咁上，冇落過order嘅照上比你，咁我咪當試下囉。不過好油，唔推薦，連芝麻雞翼都好難食天婦羅 - 由第一張order落到last order終於有3隻蝦上咗，蝦ok嘅，係粉多啲燒物 - 燒牛舌 - 係灼完再燒，所以咬落去會好淋，冇燒嘅爽口感羊架 - 可以試，好重香料味燒菠蘿 - 又係灼完再燒，好難食，唔係正常嘅燒菠蘿心太軟 -

見旺角帝王水產激安優惠有95折, 另訂座仲送韓國雪條，好吸引，立即致電訂位同朋友購物後一同黎食。刺身款式選擇都算幾多，有我喜愛嘅三文魚腩，海膽，朋友鍾意嘅珍寶赤蝦刺身，北海道帶子刺身，味道鮮甜。壽司推介名貴黑松露珍寶帶子，油甘魚及煙三文魚，爐端燒嘅羊架廣島蠔同埋牛舌，味道不錯.炸物種類很多花多眼亂，最後挑選咗雞軟骨粒，炸廣島蠔，炸牛奶，炸芝士年糕，不會皮厚多粉，而且新鮮熱辣辣送上。眼見侍應較為年輕，但係都好勤快同埋收碟，最後會查問有冇漏單，服務算不錯,整體價錢二百蚊有找，算是一個不錯嘅選擇。

係App上見到呢間好出名嘅放題主打日韓料理🇯🇵🇰🇷於是前晚去咗呢間兆萬商場入面嘅放題💛一坐低已經送左好大盤刺身拼盤我哋🥳入面嘅三文魚同八爪魚🐙花之戀同炙燒三文魚腩壽司都好好食😋✨✨✨✨✨✨✨✨✨✨✨✨✨另外熟食方面燒羊架肉質鮮嫩 夠晒肥美 仲有川辣土豆絲都幾惹味！✨✨✨✨✨✨✨✨✨✨✨✨✨甜品方面 有期間限定嘅維記雪糕任食🍦分別係粟米🌽同薑母糖味 兩隻都好特別 值得一試😋另外維記芋頭同雲呢拿味雪米糍都係任食🍦門口仲有韓國牌子嘅雪條 每人限拎一枝🇰🇷

旺角嘅兆萬中心一向出名食放題，今次就見早食有優惠，同左朋友黎試一試。.每檯一坐低就會比一份魚生船，各式各樣都有，而且每一款都有好多見非常慷慨，而當中有泰式生蝦，非常特別🤩。.除左刺身之外，熟食同樣有唔同種類，我就覺得個鰻魚炒飯水準唔錯😁。.另外，日式紫薯非常可愛😍，細細粒柑，可以一啖一粒。.菜當然唔可以唔食，呢度竟然有馬拉盞炒通菜，味道都幾濃郁，甚至有幾分泰國菜嘅風味。.而呢度走嘅時候每日仲可以攞一支韓國雪條，有唔同款式任你揀👍。

終於放寬咗限聚令，成班舊同事約出去食飯。見到Openrice有Coupon，$179就食足3個鐘，可以邊食邊吹水。一大盤的刺身，顏色鮮明的刺身非常新鮮，加上塊塊都厚切，真係啖啖肉！同其他放題店唔同，呢到除咗有刺身外，仲有泰式生蝦刺身，入口酸酸辣辣，非常惹味。珍寶帶子刺身大大粒，又夠晒軟滑，！如果大家唔夠喉，仲可以加85蚊仲可以任食生蠔同埋海膽軍艦，再加清酒梅酒任飲。最衰有同事唔想飲酒，所以我哋今次無加到，下次再約班酒友嚟試下。雖然食放題唔應該食咁多壽司，不過有啲刺身唔可以就咁叫，所以我都叫咗鰻魚壽司、花之戀、帶子壽司、甜蛋壽司，同埋吞拿魚蓉壽司。我最愛嘅鰻魚壽司燒得都幾香，加埋甜甜嘅燒汁就更香口。食完刺身嘅帶子唔多夠，所以我再叫埋壽司。炙熱海膽蝦都係唔錯的選擇，表面燒香的玻璃蝦，食落幾惹味。芝士焗生蠔同帆立貝用錫紙兜住，蠔肉唔係太多粒，不過勝在芝士醬夠香。帆立貝用洋蔥炒香，加埋辣椒炒埋一碟，所以好香口！菠蘿又係必食，超級Juicy！一咬落去啲菠蘿汁咇晒出嚟，真係好鬼正！食飽又係食雪糕嘅時候！有維記雪糕同雪米糍任食，另外仲有韓式雪條。大家記住留肚食！

表弟係英國返黎，想我帶佢食日系好東西。係網上左揾又揾，見到兆萬8樓的神戶屋呼聲最高，所以放工就同佢去食。我哋9:30pm先入座，入面仲係人山人海，好彩等咗5分鐘就有枱。我自己有潔癖，係餐廳的環境有少少迫，不過衛生情況都不錯。餐廳提供的食物種類好多，除咗有魚生壽司仲有熟食同火鍋。識食第一Round一定係將D刺身叫到盡！佢呢到的款色好多！我自己就鍾意巨赤蝦刺身同埋珍寶帶子！兩款都超厚肉，入口鮮味十足！我之後都encore咗兩次！另外入座送蠔或海膽，雖然份量唔多，不過入口唔會苦。雖然唔多夠喉，不過我就留位食其他野。壽司好多款式，除了有我最愛的吞拿魚，仲有炙燒同反卷。每舊壽司都係細細舊，食多兩舊都無有怕。吞拿魚壽司呢D貴價食材，竟然切出黎都唔算薄！我唔係眼花嗎？仲有我親愛的香葱吞拿魚蓉！入口香滑，魚肉的厚度都唔少，重點係任食唔嬲！天婦羅蝦雖然唔算大隻，但全部都係即叫即炸，外脆內軟，而且唔會太過厚粉，絶對可以再叫。牛油炒雜菇有唔多款的菇炒埋一碟，牛油味香，加埋黑椒味更香。食飽飽就可以食甜品，除了有杯裝雪糕，每人仲可以拎一枝韓國雪條！D款式多到揀唔到落手。兩個人每人加埋一都係$241，呢個食物款式

旺角日式放題有好多間，但係要搵一間食得滿意真係唔容易。下午同朋友行街經過兆萬樓下，見有人派傳單，見神戶屋有超抵優惠，晚市放題都係200蚊度，預早訂咗仲有優惠，可以揀生蠔或者海膽或者雪糕。即刻打去定夜晚食。呢個刺身真係唔錯，我哋樣樣都食，所以每一樣都有叫。每款刺身都新鮮，大大隻大大片肥美厚肉。放題黎講，呢個質素既刺身算好高質。熟食方面，炸物好食，夠新鮮熱辣炸出嚟。款式多，一口芝士都好好味。仲有限定三選一煲，有和牛壽喜燒，芝士部隊鍋，香辣雞煲。我地揀咗和牛壽喜燒，湯底甜甜，仲可以另外叫配料。飲品同甜品方面都算好多款，仲有樽裝水同茶，甜品有盒裝豆腐花，雪糕，糯米糍。獨立包裝，衛生。唔錯。仲有其他好多唔同款式食物，都幾好食。

今日朋友生日請佢食餐放題tum下佢開心啱晒佢依個為食鬼 因為放題係最多選擇㗎啦一入到去嘅服務生佢哋嘅服務好細心好好即刻心情都好晒先講吓我叫嘅前菜牛柏葉 佢嘅醬汁係小辣 而且個醬汁係沾滿個牛柏葉嘅呢個係牛油蜜糖粟米 呢個超推介佢嘅牛油同蜜糖都好足 又甜又可口放題唔可以小野梗係壽司呀佢哋都幾多壽司款式揀見到佢哋啲壽司都細細件而且好正咁引起晒我啲 我朋友都好鍾意食呢度仲有得一路打邊爐一路等啲嘢食上tim雜物當然唔可以少啦佢嘅炸物係新鮮 所以唔會有啲凍哂嘅嘢好有心思好顧及客人嘅需要wah 流心芝士真係好吸引呀 但小心辣口頭先係超級推介嘅因為佢又軟糯 又厚 不妨見多幾塊刺身嘅擺盤好靚哈哈仲有個巴斯光年公仔甜品有泡芙食係完美嘅結束仲有豆腐花任拎走左仲可以任選一個雪條tim

工作辛苦自然想放肆吃獎勵自己，而且好長時間沒有吃日式放題，剛好旺角有一間很出名的放題店，所以就決定去吃！剛坐下店員就會幫我們點一個刺身拼盤！而且可以選1個限量火鍋，包括和牛壽喜燒，芝士部隊鍋，香辣雞煲，身為牛魔王當然毫不猶疑選壽喜燒！幾分鐘後壽喜燒鍋就到了，牛肉份量不少，配料份量都多，煮好後都很入味很甜，不錯！刺身拼盤份量很多，有三文魚、希靈魚、甜蝦、帶子等等，全部都很新鮮！當中很特別的是有日式放題很少見的泰式生蝦，酸酸辣辣，很開胃。角螺刺身非常好味道，忍不住狂吃！最後的生蠔非常鮮甜，拍得住外面單點的水準！另外有10張不同的點菜紙，總共過百款食物可以任叫，雖然好多選擇，但我們只有2個人，不可以眼闊肚窄當大晒鬼！所以只點了最愛吃的！去放題店最怕就是漏單！但這裡做得非常好，所有食物都有來齊！炸物中最推薦的是榴槤炸彈、炸一口芝士和炸鮮奶！味道夠濃又炸得剛剛好，非常香脆！燒牛舌燒得剛好，容易咬開不會韌！無酒精飲品是任飲的，有多款韓國飲品、亦有多款紙包飲品，總有一款合自己口味 。另外亦有維記雪糕杯和雪米糍，雪糕杯的味道是期間限定的薑母糖和粟米味，味道都不錯，可以一試。還有很多東西想嘗試，可惜我們

6點半左右去到，個時冇乜人，所以好快入座。(掛住食都冇點影相，同埋我哋嗌親都得好少，餵唔到相機😂)一坐低就極速點刺身同壽司，唔知係咪放題界嘅習慣😅刺身點親都唔會出得啱，今次冇嗌希靈魚，但係出咗😪其他都啱，係數量較落單嘅少。嘢食新鮮，超級推介生蝦刺身！好正🤩，同出面泰國餐廳有得揮。壽司就比較推介火炙類~熟食方面都不過不失，上菜速度好快。推薦食牛柏業🙆‍♀少少辣辣地但好鬼惹味！！！雞軟骨都好好食！😋食到少少茄汁味一齊煮，但係好鹹。少食多滋味😂(雖然好鹹，但我停唔到口)一口牛都幾好，唔韌，數量都多。燒菠蘿又甜又多汁，不過就多渣。燒蠔燒帶子就唔特別推介。嘢飲種類頗多，最尾仲有條雪條食(花輪同學?😂)。呢個價錢算唔錯，4.5/7分店員好nice好有趣😂