神戶屋日韓放題

營業中

休息中

行開旺角又諗唔到食乜好，所以就揀咗神戶屋食放題，因為食物款式夠多要咗好多款唔同嘅刺身，全部都好新鮮生蠔有好清新嘅海水味同埋蠔味海膽好鮮甜，同埋食落有少少回甘，正！松葉蟹棒有少少蟹味三文魚永遠係我嘅摯愛，大大塊充滿油香，好味呀！帶子夠大粒，又鮮甜，唔錯鮑片都係好鮮嫩，鮮甜燒羊架唔騷，都算大塊亦都好鮮嫩黃金芝士燒廣蠔，芝士嘅香味加埋蠔嘅鮮味，兩者配搭都幾好北海道燒扇貝，個汁有少少微酸，再加埋帶子嘅鮮甜，都唔錯火炙芝士三文魚壽司，少許焦香味加上香濃嘅芝士配上三文魚，我鐘意炸鮮奶，外脆內軟，奶味好香，非常好食！炸雪糕，內冷外熱，好強烈嘅口感對比，入面嘅雲呢拿雪糕都好 creamy，唔錯樂天嘅桃味碳酸飲品，好香嘅桃味，非常之好飲食到好飽好滿足，性價比都真係幾高。另外，值得讚賞嘅係店員服務態度非常好，亦不時會詢問食物到咗未，齊唔齊，又會幫我哋催促廚房，下次再返嚟幫襯！

其實之前黎呢間同極尚帝王水產幾次都已經見到有曱甴喺冇人坐嘅檯面爬（一次爬喺我食緊嘢嗰張台），我亦有低調好心提示店家注意清潔衛生（我選擇原諒佢，亦有付款）。本月四號夜晚同女朋友唔信邪再去，今次曱甴見唔到，但兩個人食完輕微食物中毒，痾到今日。不得不第一次寫食評，其實唔係食評，係批評係控訴！黃店可唔可以做好啲，香港人唔係老馮潮撐你呢類型黃店。不可一不可再，只能夠講路係自己揀結果痾到慘！各位香港人自己睇路，無謂攞條命博。

食物：魚生質素算ok，但蝦不夠鮮甜壽司細細舊我反而幾鍾意燒物有啲咸同唔夠味（雞軟骨勁咸，菠蘿就幾好食）天婦羅油咗少少火鍋冇食到因為反咗胃飲品：選擇唔算多但係都夠飲，樽裝茶冇放雪櫃值得一讚清潔：第二輪魚生有小強喺甜蝦上面服務：經理都非常唔好意思有曱甴，送咗兩杯雪糕俾我哋同埋9折，其他服務員攞單送食物都無問題整體：較早時段5-7收219其實算ok，但喺咁少人既情況下都見唔到有曱甴喺隻蝦上面我真係接受唔到

好耐冇食過放題，所以今次嚟神戶屋食返餐勁嘅！首先要點一大堆刺身是常識吧！三文魚甘香，蟹棒一梭梭，鮑片 & 帶子都好鮮甜，生蠔有海水味鹹鹹地亦有好香嘅蠔味，海膽甘甜可口，全部都好正！店員為我地送上唔同嘅醬，仲有螺頭，中華沙律，子薑食完刺身就到炸物多春魚天婦羅，入面真係有好多魚春，好飽滿，口感一流！蟹棒天婦羅，外脆內軟，依然食到蟹棒嘅鮮甜一口芝士，外面嘅脆皮包住流心嘅芝士，芝士味非常香濃，真係超好味！飲品方面亦有唔同嘅汽水，紙包飲品，啤酒任君選擇韓式雞軟骨，有椒鹽味嘅炸雞軟骨，非常香脆可口之後叫左個燒羊架，鮮嫩多汁，唔係太騷，我都幾鍾意食之後就到甜品時間心太軟，雖然唔係流心，但係佢都幾重朱古力味炸雪糕，炸脆漿包住呍哩拿雪糕，一冷一熱有冰火感覺炸鮮奶，外面脆入面軟，仲有好香嘅鮮奶味最後就當然係試埋每人限拎一支嘅韓國雪條，我試左呢個榴槤味，味道非常濃郁，鍾意食榴槤嘅你一定唔可以錯過！價錢唔貴但係食物都好高質，性價比非常高，店員服務態度都好好，會問我哋啲野食到齊未，使唔使幫我哋追，下次一定會返嚟再食

今日到星期五同同我仔經過旺角兆萬中心，仔話想食日式放題，於是直上8樓神戶屋。望下錶剛好5點正，當然平D啦＄199 ，早食早享受！入咗後店員好細心講解點餐注意事項：首輪刺身任叫、煎炸食物早啲叫因為需時、免費送火鍋三揀一。第二步當然唔少得攞嘢飲解解渴，飲品選擇有好多，數數應該有10款選擇添。亞仔第一時間衝出去揀飲品🧃🧃🧃刺身選擇多籮籮：三文魚、北寄貝、八爪魚、甜蝦、鮑片、松葉蟹腳、帶子、吞拿魚⋯⋯勁食刺身一定值回票價！亞仔最鍾意北寄貝喇！和牛火鍋不錯，明火爐十下，仲可以寫紙📄任選火鍋配料加入去，火鍋配料應有盡有不能盡錄！值得一讚係豉椒炒蜆同炒魷魚，有鑊氣非常惹味，仲有一個麻辣帶子，愛辣之人一定要試。我覺得佢屬於中辣🌶另外壽司、卷物、天婦羅🍤即叫即製新鮮脆口，落單人士千祈唔好心急。食住其他嘢慢慢等。

平貴菜式選擇基本上應有盡有，大家入座後只需從剔紙上揀選便可，而且日式放題最大優點雜錦種類通通都能試盡，務求飽腹離開讓你兩小時內大放縱盡錄200款美食琳琅滿目綜合時令刺身/燒物/炸物/壽司及涮鍋等....絕不可錯過冰震刺身，盤起冰震鮮甜刺身口感軟嫩，外表結實色澤通透，亦主打三文魚/北寄貝/帶子/角螺最為大愛，偏厚肉質甘甜味濃啖啖回本令人食得過癮另嚐大量燒物同炸物頗多，熱辣香口炸漿脆薄不乾身，尤其係天婦羅/芝麻雞翼既表面即炸即食色澤穩定卜卜脆，無論大胃小胃口隨著放題先後次序搭配食多幾轉都由你話事啦

神戶屋已經大半年冇放題過，同家人去旺角一心都諗住搵放題食，行過兆萬我地就停低睇左陣就決定簡左8/F的神戶屋；上過openrice 見佢都好多好評，而且價錢好合理，佢地收$209 加一 任食兩小時，老實講多野食到就算大胃王都唔會食到兩個鐘😂一去到熱情阿姨就帶左我地去梳化位，再問我地有冇唔食既刺身，我地答佢冇之後佢就話幫我落隻刺身雜錦船，超多種類，每樣有4-5片，擺到靚一靚；食刺身既同時我地又落壽司order, 推介火炙燒既壽司同埋黑松露壽司，好好味🤟再之後就係天婦羅，新鮮炸起，熱辣辣，粉皮又香脆🤟炸蠔，一口芝士，芝士年糕都係必點既串燒類我推介牛脷，羊架同青魚唔知邊個手多劃左碗龍蝦湯烏冬，食埋個烏冬我都飽到8成😑，BTW 碗烏冬入邊真係有龍蝦肉🤤，食飽出去行下行左出去拎飲品，原來韓國hite啤酒任飲，我地都飲左2,3罐😜，仲有d比較少見既果汁見仲有時間我地再嗌多輪熟食，有麻辣小龍蝦，牛柏葉，炒菇炒菜，豬手，食埋我地真係飽到郁唔到，阿熱情姨姨同我地講門口位仲有雪糕😂😂😂😂😂 以呢個價錢我真係推介咁多位黎試下，性價比係高既！

事源同朋友行左勁耐街，諗住隨便搵一間放題食，咁見呢一間都好多好評就諗住試下，點知真係有驚喜到。同其他放題一樣有好多張紙可以揀咁佢仲有壽喜燒、部隊鍋同雞煲可以揀一個，一齊同放題食，我就揀左壽喜燒，肥牛分量十足同埋好大塊呢個係牛柏葉，但佢同一般既牛柏葉有少少唔一樣，帶有麻辣味，岩曬鍾意食辣野嘅人佢個芝士年糕非常有咬口，雞翼仲要係超熱咁送過黎，外脆內嫩，講起又想食雞翼不得不大讚賞上圖嘅壽司，由於太好食叫左三輪刺身方面，食材非常之新鮮，玉子梗係好厚咁送上黎甜品方面都係自取既，但特別點題呢一個三文治雪糕係有驚喜到總括係食得勁飽，同埋係度要大讚員工，因為我攞咗筷子去掂生嘅肥牛，員工馬上重新再比對筷子我，呢件事係我冇要求底下佢自動比，俾我感覺好窩心，覺得係員工真係有留意到我嘅需要。我所以佢嘅食物同埋員工會令我有再去多次嘅意欲

一大班人最好就係柴娃娃去食放題日韓放題 ！旺角咁多選擇當然要揀啲平靚正又抵食！今次去揀左呢間又係旺角既放題，種類食品都唔錯有好多既選擇！熟食刺身一應俱全！仲係飲品甜點都有得任食佢送來嘅刺身都好新鮮！熟食壽司都性價比高，唔會因為多人就出品求其兩個鐘既時間足夠晒你一路吹下水一路慢慢食！仲有一個免費既和牛火鍋俾你，落單都有埋火鍋配料俾你打埋邊爐，真係十分細心仲有時段優惠，唔同既時間都有不同既價錢，大家要睇清楚先入場呀

好耐無食放題，我要解放狂食呀🤪今次揀左旺角這間，我們食21:39 ，原來都好多人，好彩有預訂位嘩！先來個刺身併盆，唔係講笑！又大又靚呀！最欣賞係海膽（放題好少有咁靚海膽），其次係生蝦，大大隻，三文魚也生鮮，仲有希靈魚，帶子，螺片放題形式款類必多，這間就可有迷你火鍋，佢有 雞煲/壽喜燒選擇，我地就揀左壽喜燒，除此外之後可再加火鍋配料最尾我們取甜品，接待員窩心的提議我們食「哈根大師」雪條新味道來架。備註：21:00入坐，$229/位抵喎

我喺網上訂座原先book8點 , 但因為有事想改8點半 , 但網上顯示是晚網上訂座已滿....咁打去餐廳又無人接聽 , 但當日下午餐廳職員來電confirm booking , 我米講反我個情況....職員表示無問題可以改8點半 , 我同老公算準時到達 , 門口好多人, 我報到時職員話2人位要稍等.....跟住嗌4位以上既客人入座 , 等左10分鐘我再問訂左位都仲要再等? 職員話未有二人枱走.....結果8:50...等成20分鍾先有枱>.< ...除book左枱都要等咁耐之外 , 入座時職員放低點單紙會講解邊款食物因製作需時要等耐D , 要食客人留意....呢方面算細心.....食物上得都快, 二人枱當然張枱係細D啦, 我同老公叫左鍋物, 之後既小食都幾分鐘咁到 , 搞到我都趕住清晒一碟二碟, 先比老公遞紙..... 另外近走廊位既座位幾窄 , 要單線"行車" .....但不時黎錯食物款式 , 炸物要炸鮮奶, 炸芝士....但食落唔係鮮奶.....

很久沒放題了，呢日心血來潮，行過見到530pm兩個鐘任食都只係$209加一，唔洗諗喇重要事講三次。黃店，黃店，黃店。放題第一樣例牌係食刺身。呢度隻刺身船又大又靚，岩哂打卡。刺身好新鮮，我最欣賞既就係榮螺，超鮮甜大粒。壽司選擇有好多，本人就力推花之戀。除左厚身三文魚口感極佳之外，佢既花之戀做到三文魚，飯同沙律醬份量比例剛剛好。唔會好似某啲放題咁變左三文魚飯團，或者沙律醬卷。燒物黎講，羊架就係絕對絕對不能錯過！剛燒起既羊架熱辣辣香噴噴，咬落去除左係嫰滑質感，仲係滿口羊肉香味既大量肉汁，一定要嗌。邪惡野都係賣飛佛。呢度既炸物全部新鮮炸起熱辣辣，只有一層薄薄既炸粉，所以唔會有一絲翻炸/過多既油炸味。我自己就鍾意炸芝士年糕同埋炸榴槤。鍋物我就揀左日本和牛壽喜燒。和牛足5大塊，認真成本製作，入口嫰滑冇得彈。甜品同飲品都有好多種類，但前面講既野已經食到我好飽好滿足，恕不能盡錄喇，自己去試啦！

人人都話兆萬係美食界既「勇者之塔」 我地偏偏唔信邪 繼上次係果度試過其他日式放題之後 今次我地又黎到位於8樓既神戶屋日韓放題大快朵頤喇佢地既任飲任食放題價錢由$179起（指定時段） 而我地一行二人係星期日晚去食 每位收費$229加一 價錢比起同類型放題黎講算係幾抵 首先會黎左個刺身船先（有三文魚 海膽 希靈魚 帆立貝 珍寶蝦 玉子 等等）賣相好精美 一黎到我地兩個立即舉起相機 味道亦唔錯 刺身都幾新鮮 值得一讚既係食放題都居然食到唔單只唔臭而且仲好鮮甜既海膽刺身 非常驚喜！食物選擇多 劃餐紙由A排到J 刺身 天婦羅 日韓料理 串燒 拉麵 火鍋等等應有盡有 唔洗擔心冇野食/食唔飽部隊鍋：滿滿既芝士同肉肉肉肉 非常邪惡！飲品選擇比起同價位放題多 特別在有呢款芒果味啤酒 好fresh好得意雪糕雪條選擇亦都多 好多款都好吸引 有我最鍾意既藍莓乳酪雪條其他食物都唔錯 味道未必係最好 但以呢個價錢黎講算係超水準 而且選擇十分多 推介佢既壽司 炸物同埋黃金蝦 必食！甜品唔錯 係略嫌有d太甜 服務方面 雖然個場都幾爆 但上菜速度快 而且店員好細心 會主動問我地有冇野漏左單幫我地跟返最後埋單2百幾蚊位

日式放題響旺角來講真係好難搵唔到，呢間神戶屋特別抵食嘅，刺身、壽司、炸物、卷物、熱食、串燒，甚至乎火鍋都應有盡有，逐樣逐樣重點介紹吓先！最近加推送火鍋三揀一，今次我哋揀咗壽喜和牛火鍋連一隻雞蛋，牛肉同配料都甜甜嘅最啱口味，如果覺得基本火鍋唔夠食仲可以任添加各款火鍋配料。刺身一定唔可以錯過啦，刺身起碼15款以上選擇，一定有大家喜歡嘅。今次比較鍾情壽司有鰻魚壽司同蟹子壽司，蟹子壽司嘅紫菜非常脆口，蟹子滿滿，口感一流所以encore左兩次。卷物有驚喜，特別推介牛油果軟殼蟹卷，香桃炸蝦卷，細細粒一口一口，唔錯唔錯！天婦羅來講，炸蝦天婦羅一定要勁叫，小蝦非常鮮味，仲要唔少得一款炸雪糕，又凍又熱好過癮！最後食雪糕只得粟米味，食落都OK！雪米糍都唔錯⋯⋯原來好戲在後頭，離開前店員請你在雪條櫃任選名氣雪條，因為唔係任食雪條所以一定要揀自己最最最想食嗰支！

我未試過為咗一間咁難食嘅餐廳寫食評，呢間真係劣質到一個點，真係越諗越嬲。兩個人埋單$480仲要係5:00入場🤢一上到樓首先講個裝修是非常殘舊，去到門口基本上冇人招呼你，嗰陣係5:00成間鋪係一個客都冇，我去到經過職員都冇理我，我要問佢有冇位佢先帶我入去楚但係冇事先介紹餐廳有什麼菜式和基本收費，坐低咗佢已經放低咗小食係枱面，嗰陣佢先介紹收費詳情，即係話想走都冇得走，逼住人喺度食咁樣，咁我就同我女朋友硬着頭皮坐低食，都未落單背景音樂已經破壞晒所有氣氛，播緊嘅竟然係嗰啲老MK歌，仆佢個街我同女朋友嚟食飯佢竟然喺度播緊啲粗口歌，唔係咁玩我呀，搞到成個氣氛都好尷尬，呢次仲要係我第一次同佢嚟食放題，搞到我真係唔夠膽再去。😵刺身質素可以話係差過爭鮮級數，除咗三文魚之外冇任何其他魚嘅刺身，其他刺身都係垃圾級數嗰啲凍冰冰又要淡茂茂嘅仿製鮑魚，冇味嘅八爪魚，我都唔想詳細講落去，總之你想像下將一舊凍嘅塑膠點豉油擺落個口度，就係嗰陣味啦。🤢唔想寫咁多字，總括而言，火鍋冇火鍋嘅質素壽司有冇壽司應該有嘅質素天婦羅都可以揸到舊榴槤係臭嘅我本身好鍾意食榴槤佢搞到我有陰影。🤢奉勸各位唔好去真係！同差唔多價位既餐廳，出面