神戶屋日韓放題

營業中

休息中

這天早下班，而且很久沒有吃放題了，5:30pm入座，任食兩小時也只是$209加一，總在太便宜了，二話不說便進去吃了。值得一讚的是服務員服務周到，態度非常好，不時詢問有何需要幫助，而且介紹食物非常詳盡。吃放題當然所有食物都大吃一番，各國食品任君選擇，很多食物都有，由日本刺身到壽喜燒，至火鍋配料都有。下單前店員先詢問我們是否所有刺生都愛吃，我們也不挑食，他們就上了一整個刺身拼盤給我們；其他食物的上菜速度也很快。而且飲品的種類很多！吃得很飽準備離開，但最後知道只加十多塊就可以吃movenpick 雪糕，又忍不住要加買了

用$299+10%，即$330一個人食埋啲炸野，仲要唔好食...你張紙落單點咩就無嚟咩呢個係放題基本啦只係熟食就好快嚟，因為全部已經煮好晒！仲要全部都好難食又唔熱燒蠔同扇貝就係搵隻兩吋錫紙兜仔裝住一隻半隻手指公咁大嘅蠔 或 五蚊銀咁大嘅扇貝，加一pat現成忌廉白汁，真係唔該晒！炸野一睇就知油溫唔夠，啲年糕一㩒落去，咇晒啲油出嚟！刺身就真係超級一般，螺，鮑片，蝦（唔會俾足數量你），北寄貝，五毫子大嘅帶子等等...最後提提大家，當你寫紙落單時，或者睇佢傳單啲圖，以為好似好多野食，個名寫到好吸引，野食嚟到時你個樣係會o晒咀⋯⋯哦，原來係燒牛柳粒....原來係雞煲.....真係認唔到佢真身...飲品選擇都基本有啲紙包，其他罐裝。另外個場真係超級逼！又多人！最後最後唯一要讚，啲員工大部分都係後生仔，咁忙嚟講禮貌都算唔錯！最後最後最後，聽聞九樓都係佢地....大家自己諗諗

佢地既刺身係不錯，不過餐廳衛生環境惡劣，d魚生有幾乾淨就真係心照😖😖😖 去到個自助甜品雪櫃先恐怖， 個甜品櫃隔離放垃圾同碗碟，地方窄同黑又將成盤垃圾放地下都夠膽死。個透明玻璃雪櫃就已經見到d甜品漬周圍都係。見佢地d野咁食乜都吾開胃，叫番d熟食算啦，點知個金菇肥牛，蜆都係凍既wtfffff食完係間餐廳已經feel到肚屙，個洗手間當然吾乾淨，依家重有武漢肺炎，都吾明點解冇洗手液！見佢地係黃店先簡，不過呢間黃店真心害死手足囉。真係貼錢買難受😭😭😭😭😭😭😭*****最後，請大家不要盲目俾like!

今日嚟到旺角神戶屋食放題，一坐低首先嚟咗個刺身拼盤先，刺身都非常新鮮特別推介北海道角螺刺身，入口爽甜，肉質夠爽口。另外生蠔非常鮮甜😍。炸物方面，炸鮮奶同榴槤炸彈口感幾得意，炸鮮奶外脆內軟，榴槤炸彈好勁榴槤味呀。仲有大量燒物同炸物燒羊架、燒牛舌、炸天婦羅等，每款質素都正常。另外叫咗一個日本和牛壽喜燒，除咗有日本牛肉仲有大量蔬菜🥬食放題點都要食返蔬菜平衡返先😆雪糕拎咗個黑糖薑母味，係唔健康嘅食品中，食落又有少少健康左嘅感覺🤣走果時每人一支雪條送返添，食到你捧住個肚走啊🤣整體來講食物上菜速度快，冇漏單的情況，而且仲係黃店🤣👍🏻

由於8個人食飯，人數較多就打電話去book位！所有野都confirm好哂！當天佢竟然話我無book位！我話你地同事一早確認左我無問題！點知佢反問返我，佢地幾點打過黎！最後話安排唔到比我，一句sorry, 打發我...要我臨時臨急再搵過餐廳！奉勸各位幫襯前三思！

用左呢個app咁耐，估唔到第一次會的起心肝寫食評就係比差評，地方窄都算了，冷氣又唔夠，櫈又唔好座，野食真係差到爆，魚生係常溫完全無凍凍地感覺，一坐低店員話怕我地等得耐幫我地落住招牌小食先，點知D食物愈黎愈多，差唔多每樣食物都幫我地點左，我地都就食飽果時仲黎左一大兜天婦羅，太多我地食唔哂，最後決定退返比店員，點知佢地攞左入廚房過左一陣攞比隔離嗰張枱，真係唔知點解會有咁多好評，有被騙感覺。真係感覺到好失望

本身諗住平平哋食宵夜時段樓下張牌寫住夜晚9點後$209上到去攞原位諗住再問一問幾多錢點知話$279入咗見到有打卡$10優惠， 一問之下話一早已經冇再做如果真係冇再做點解唔收返起佢算數避免令客人誤會呢但因為太肚餓成幢野又得佢一間黃店所以照食食物不過不失，其實款式唔算太多呢個價錢亦都唔算平同埋留意佢嘅燒牛舌並唔係平時喺燒肉店食嗰隻薄嘅牛舌，而係牛脷厚嗰隻諗住健康啲要個生果點知原來係罐頭蜜桃我相信好多人如果一早知道係罐頭蜜桃嘅話都唔會叫黎食可以唔使為咗一定要有生果已特登用水蜜桃罐頭搵返之前人哋嘅食評，1月份宵夜時段都只不過係$219可能因為多人幫襯所以價格會有所調整但如果真係調整左嘅話係咪應該update返個價錢比客人知道因為就算喺舖頭出面嗰張紙墊都係寫住$209定唔知$219無可否認佢員工態度係非常之好又會主動問你食嘢食上齊未 幫你去追單而且舖頭會播願榮光歸香港，呢個令人十分欣賞但要知道而家點解疫情期間都仲係咁多人食我相信因為係同路人嘅原因但如果靠之後繼續做落去靠嘅要係口碑希望會見到有進步

員工態度還可以主動提出！頭次要點多D食物怕人多會漏單但廚房漏單嚴重剌身還可以！！我地叫羊架追三次都係冇到食物件數除剌身外永遠得四件！食咗咁多間放題未試過可以打25分鐘機覺得唔飽再要落街買野食！一定唔會再幫襯

見呢間有優惠飲食券賣，就試吓，訂左六點半，我們準時到達，六點九才安排入座，入座後，發現是四人一起坐二人枱，中間有塊紙皮，店員還叫我們先點選火鍋⋯⋯真不知怎麼放得下，食物方便，點左好多都沒有上，味道普通，牛好硬，呑唔到，話送的海膽又沒有，款式又少，連炒菜都好咸，我覺得炸蝦比較叫做好食，總結就是無下次，同唔好貪平買券，其實買券後還要每位加59元，計起上嚟同其他放題差唔多價，但質素就差得遠了！這間是我食過放題中最差的

首先，單張寫平日7點到9半入座係$219加一，但入座一刻就話$279加一，既然嚟到就照入去試下。•首輪刺身姐姐有交帶落數量寫多啲，我哋都有照寫，送上嚟嘅時候我地都r晒頭，因為寫咗16片三文魚嚟得7片，2片玉子就變6片，冇寫過嘅蟹棒又無啦啦出現咗6條，其他嘅唔詳細講基本上數量係亂上，泰式生蝦唔知雪藏左幾多個星期，夾上嚟係直不甩再帶點冰，得雪味。•之後有再叫過三文魚刺身同帶子刺身，但明顯細塊同薄左好多，可惜見到已經冇咩心情所以冇影低。•壽司方面不過不失，「火炙沙律三文魚腩」有少少誤導，上嚟嘅係沙律醬😂但明明英文都係寫Salad，希望執一執返啲字眼。神戶和牛卷都寫左做Korean beef roll，唔知佢嘅神戶係解日本嘅神戶定神戶屋味道上就有味嘅，但真係好一般，而且有好幾樣都漏單。手卷都係一樣，唔特別而且淋左一pat咁。•炸物方面，雞軟骨幾粒痴埋一齊，靠個類似椒鹽粉嘅嘢嚟吊味，但唔太好食。芝麻雞翼比其他放題嘅大隻，明太子雞翼冇貨但從來冇人通知天婦羅個外皮炸到好似平時茶記油炸豬扒咁，唔係脆身嗰隻，係有少少發脹嗰個樣，炸蝦天婦羅夾住佢可以係彈下彈下，而唔係直身一條一口年糕同一口芝士唔錯。•串燒

地方細窄，環境一般壽司同刺身比較新鮮服務態度好，燒物味道偏鹹，特別係燒魷魚鬍小龍蝦味道都唔好食，比期望中味道差好遠，又鹹又辣，，無香味，無特別之處！食物黎得太慢，例如烤鮮蝦，坐低之後就開始叫，等成個鐘都未黎，催完又催，食飽食緊甜品先黎，除左壽司刺身黎得快，其他野都要等一輪。飲品款式少整體黎講：唔抵食

炸物好新鮮熱辣！好高質！炸鮮奶！芝士年糕！炸榴蓮！！多春魚天婦羅好多春有汁超好食！壽司偏大舊放題黎講，不過個黑松露醬都幾香刺身比嘅分量唔太符合預期不過都差唔多野飲個日冇無糖飲品⋯嘢食多元化，仲有得打邊爐好正雪糕全部韓國貴價雪糕正！整體我覺得係中上，價錢合理亦都冇伏嘢service好好！一開始會提你第一張刺身張單會加快 之後會等耐dand唔會趕你走夜晚時段如果冇人等位平日食9-11最後埋單$250一位

黃店💛芝士年糕👍🏼👍🏼  羊架👍🏼👍🏼炸鮮奶👍🏼👍🏼雪條櫃，好多選擇👍🏼👍🏼韓式辣豬手煮得好冧好有膠質👍🏼炸雞👍🏼人蔘雞湯同想像中有啲岀入🤔🤔鐵板燒一口牛太多汁甜品同飲品冇乜驚喜香芋丸上錯左炸榴槤🤮張枱有啲污糟，上錯野食問題有少許嚴重，浪費食物。

每年母親節總要考慮吃什麼，今年便選擇了這家神戶屋日式放題，因為剛好也看到有生日優惠，四位同行一人半價，所以就選擇了他。但突然發現在openrice上竟然有團購劵能買，而且算了一下發現，竟然比生日優惠便宜...這操作很迷，也很不理想... 這是訂座前的插曲。到了餐廳後，店員安排了我們坐在窗店附近的卡位，一坐下就發現窗台那裡很髒，感覺很久沒人清理過，媽媽看到就有點不高興了...一開始就給了3張點餐紙，一張是訂座優惠，有海膽生蠔雪條，一張是火鍋，有壽喜燒部隊鍋雞煲，還有一張是刺身的。我們就選了海膽跟壽喜燒。海膽的味道不錯很新鮮。壽喜燒就普通，也肯定不是日本和牛吧...刺身：味道還可以，選擇也多，三文魚不錯。壽司：火焰三文魚腩壽司不錯，有入口即熔的感覺，吞拿魚壽司很普通，因為都是飯沒叫很多。炸物：這個問題有點大，要等好久才上，以為是即炸的，但上桌後發現是冷的，而且有部分是放太久了，變軟了，味道還是正常的，就出單方面的問題了其他熟食感覺都還好，沒什麼大問題，除了漏單情況嚴重外。甜點有幾款，都有拍照，那個心太軟千萬不要叫就好了。飲品都是常見款式沒特別。

隨住「限聚令」放寬，好多舖頭終於都開返👏，假日亦都多咗人出門睇戲食飯喇，不過大家都仲要注意衛生喎💦。而小編今晚就去咗旺角為朋友慶生🎂，而且係五個人呀！旺角最多係食乜？就緊係放題啦🤤。而食開黃店嘅小編就去到兆萬中心８樓一間叫做《神戶屋日韓放題》😳，過咗幾個月終於都可以放任去食喇🤣。✦✦✦✦✦✦✦✦✦✦✦✦✦✦５個人食加上一位朋友生日，平均～＄２３０一位，價錢合理💵。而且未入去食野之前見到個雪櫃放滿哂雪條，好吸引呀😍！入到去之後，款式有Ａ-Ｊ款，都分得好清楚一張張易睇，唔洗撕出嚟慢慢撕📜。等緊嘢食之際，小編已經好餓，好彩餐廳準備咗三款前菜小食🥗，依下肚先啦👄。✦✦✦✦✦✦✦✦✦✦✦✦✦✦食放題必嗌就係刺身🦐，而餐廳用嘅盤佈置得幾靚，樣樣刺身分得好鮮明，味道亦都唔差😮。大家都爭先咁夾自己最鐘意食嘅刺身呀，小編都唔可以執輸👀。另外，炸物絕對一讚，雞翼同炸紫薯都超級好食👍，真心推介大家嚟到必點☑。另外仲有多款烤焗海鮮，燒物，壽司飽肚嘢食🤤，實會食到肚脹呀😣。而小編同咁多位朋友都係食貨之人👅，最後就緊係嗌埋火鍋食啦🥘，有肥牛，菜類作為今晚放題嘅結束🥰，小編都飽哂了。甜品款式都好多，有菓子，西式甜品