神戶屋日韓放題

營業中

休息中

係openrice買左179每位嘅優惠券去，點知埋單時仲要每人比多78，講真咁嘅假期，係酒店食自助餐都得。環境很窄、人很多，坐得唔舒服。食物又很一般，打邊爐d肥牛應該係最廉價果d，肥得很。其他炒通菜、麻辣底嘅菜式全部共用一個汁，一樣味。刺身又唔新鮮。下次一定唔會再去

好耐之前都去兆萬食過日式放題，唔記得係邊間，但印象中係唔錯。呢間個名好熟口面，可能好多都差唔多名⋯⋯見到openrice有優惠就買左放題coupon⋯⋯去到，地方環境真係細，衛生唔算好乾淨⋯⋯食物款式雖然算多，但食完唔覺得邊樣好食要encore...令我印象深刻既，係沙律的菜啡哂變左色都可以拎出黎俾人食🙄放題coupon要另加服務費$79，呢個買之前已經見到，但原來堂食兩小時價錢仲平，團購係食耐d但食到咁上下都會飽。始終食物質素同環境衛生真係麻麻，有比較之下同之前食旺角另一間日式放題絕對不能相比！只此一試，不會回顧。給大家參考⋯⋯亦都提醒自己唔好再去😥（不解為何會有好評🤔）

環境方面一坐低已經覺得好迫 唔好坐 通道好細 通道每次淨係可以行兩個人 要讓黎讓去 野食方面 廚房亂咁俾野 明明冇叫又俾 有叫果啲又唔黎 野飲種類少 食物質素差 真係好失望 手員工態度好好 都好樂意協助你

今天工作非常忙錄，襯中間有空閒時間就偷來和👭朋友二人世界😂😂 我們選了位於旺角兆萬中心8/F的神户屋。環境舒服，坐位全是梳化，很闊落😌😌還有兩間Vip房，適合一家大小和三五知己享用。而食物方面，選擇也非常多，以ABCDEFG分類選項，有日韓川菜火鍋壽司手卷等多款任你點。頭盤有日本魚生拼盤，非常新鮮，尤其三文魚和蝦類，很鮮甜，沾上醬油更美味。惠顧即送火鍋三選一，迷你麻辣雞煲，惹味不太辣，雞滑味濃，醬汁非常入味。有湯品、蔬菜、生果……每款細細碟，可以叫多一點來品嚐😁😁 馬拉盞炒通菜，爽脆有咸蝦味，味濃有特色、朱古力心太軟，外脆内軟，濃濃的朱古力味，一口可吃多幾粒、牛油炒什菇，味香沒有草腥味，炒得剛剛好，不太淋、各款壽司等都做得很岀色，飯軟硬適中，配料味道 恰到好處，值得一試！另外，服務也很好，照顧亦周到。整體食物豐富，午市任食放題只需💰209 相當吸引，兩人加起來都不用💰500，性價比亦高！多款甜品飲品選擇，或可以選其他加費飲料和升級套餐，加多幾十元就有海鮮雪糕清酒等等享用。

好嬲呀！真係未食過咁垃圾既放題，好難搵到一間放題係無野稱得上好食，講無野好食都太俾面，係極度難食先啱。雖然食得放題都唔會預期食物質素好高，但呢間係食過最垃圾既放題，唔係普通既差。一開頭d野唔好食，但都仍然抱希望，以為咁岩叫左d唔好食既野，點知越食越唔對路，樣樣都難食！而本人係唔主張浪費，通常叫左既野都會盡量食曬，所以全餐就係強逼自己食垃圾！😡今次係我食得最少野既放題，食完都唔飽，原因唔係因為佢供應既野食唔夠，係太難食唔想再委屈自己，真係食到成肚氣，係現場就已經不斷對住男友抱怨。非常非常非常唔建議黎呢間野食，野食既外表還好，但真係難食，未食過咁難食既放題。

刺身拼盆賣相吸引食慾，三文魚，甜蝦清乾淨蝦腸，食得放心，泰式生蝦新鮮醬汁開胃，螺肉惹味少少辣串燒乾身香氣撲鼻，推薦脆網炸蝦香脆蝦甜炸榴槤波波唔油膩，榴槤肉足飲料任飲款式多，心太軟朱古力味濃，韓式炒粉絲爽身好食，海鮮料配搭得剛剛好，壽司材料新鮮也做得合格，四川香辣雞煲確有麻辣味，用個爐㷫任食熱辣辣，雞滑味濃夠惹味，韓式牛肋肉配薯仔夠特別設有兩間大VIP房，四五知已自成一角，可舒適地享受食物之餘還有個大大窗口可以睇吓景，談天說地飲吓酒確係唔錯。開放式吧台可觀察廚師們工作，觀察衛生情況，食得比較安心總括而言，今時今日咁嘅價錢有咁嘅食物，服務質素，環境舒服都值得。😁

星期日，周圍都好多人排到，我地6個人要分2枱坐，見呢間唔洗排隊，勁肚餓既我地當然即殺入去食🤣食物的確好多選擇，但食食下就會唔知食咩好，而且雪糕陋1人1個，太少了一開始係火鍋同刺身到左先，速度都幾快，至於刺身品質就尚可，放題黎講唔係最好食果間芝士焗帶子同蠔，超搶手，我地1打1打12隻咁叫🤭串燒叫左燒蝦燒雞燒牛舌壽司都帶十幾款，不過舊飯細啲會開心啲，可以食多幾款炸物大雜燴，炸雞翼、炸豆腐、炸芝士、炸芝士年糕、炸芋心丸、炸榴槤丸韓式炒粉絲炒魷魚

我自己經常吃日式放題，是大家耳熟能詳的那幾家所以我不多提了，耳熟能詳的不同分店的也吃過，不同地區的放題也吃過。我習慣了如果吃過覺得好吃，會寧願繼續光顧同一間，也不會有新的嘗試。這一次，我們朋友之間想聊天比較久，所以吃這一家，因為午市可以吃六小時，晚市可以吃三小時。我吃過最難吃的放題，放題中最難吃的刺身。我提前搜索吃哪一家的時候，我看到openrice有很多負面評價，當時我還抱著半信半疑的心態，因為我吃過放題中，全部都對得起個埋單的價錢，所以我沒想過、也沒經歷過失去水準的放題刺身。另外，所謂晚市三小時放題，是在1.5小時的時候就截單，然後你的東西可以吃到第三個小時。其實檯面的食物放多半小時已不是好吃的狀態。主打的火鍋、日韓放題，回想起來都是很cheap的食物。最後的最後如上圖顯示，極上帝王水產和神戶屋，是同一集團，（除非不是）

神戶屋日韓放題係一間係兆萬中心屹立多年既老字號，能夠係競爭對手眾多既美食天堂存活落嚟，除左係因為佢有一顆善良嘅心之外，更加係因為佢食物既質素，多種類既選擇，認真既調味同高級既選材都係佢成功既秘訣！首先上場既係壽司刺身，一盤刺身既水準，好大程度取決於刺身既新鮮程序同埋刺身既選材，依方面，神戶屋可以講得上係模範生，三文魚既油脂分布平均，用料新鮮，入口有強烈既油脂香化開。玉子同蟹柳既甜度亦都剛剛好，唔會死甜，鮮蝦既味道更加係水準之上，一個完美既頭盤就係如此誕生。壽司方面，芝士火灸既配合從來都係歷久不衰既配搭，加上完美選材既三文魚，入口化開既油脂香同火灸芝士完美融為一體，好味既化身！再黎既係瑞士汁雞翼，瑞士汁既味道同平時茶記既唔太一樣，味道無咁濃烈，取而代之嘅係餐廳花左好多時間去處理雞翼，骨肉分離，入口即散，不論口感定係方便性都非比尋常。🤩炸物方面都可以話係放題必點之選，鮮蝦天婦羅一貫美味，蟹柳不過不失，不得不提既係炸春卷，可口既春卷配上鬆脆既外層，內部既雜菜又提供另一種鬆脆既口感，依種從外到內再到返外既口感實在令人一試上癮。蟹粥方面梗加係不可錯過之選，手掌大細既碗中放入半隻蟹，蟹中精華儘在碗

今日中午想食放題，就同朋友open rice 搵吓，可能因為晏晝，樓下冇好多人介紹同派傳單。同朋友睇完兆萬水牌，最後決定試吓呢間~後來先知道原來OpenRice可以買兌換券，仲抵啲添！！上到去先醒起之前原來都食過晚市~ 可能對上一次食都有段時間，今次餐牌都唔同左，有少少驚喜，呢度除咗有一般嘅壽司刺身，炸物之外，有韓式料理食！有我鍾意食嘅豬手、人蔘湯同炒粉絲。呢度我最欣賞嘅除咗係食物嘅味道之外，最重要嘅係，每一樣食品都係熱的，好新鮮，分量大細都剛剛好，雖然我哋兩個人食，但係可以每樣試到少少，都好滿足(^O^) 於是食到好多種食物！主食仲有個迷你火鍋可以俾我選，自己揀湯底再揀食物，真係食到哂日韓食物~另外服務態度都好好，埋完單之後，店員都冇趕我哋走，仲話叫我哋可以坐下先，真係第一次食放題，可以坐耐啲，唔係一夠時間就趕我哋走！Ps: 雪糕竟然有韓國既芝士雪條也太好了吧~~

最近因肺炎的肆虐，整個香港可謂人心惶惶，港人對放題火鍋及自助餐等幾乎隻字不提。幸而11月初時逐漸受控，身為大胃王的我當然要與朋友去大吃一頓。位於兆萬中心的神戶屋，應該不少香港人都有去過，記得不久前曾經有過不錯的用膳經驗，故此舊地重遊。當天兆萬中心的電梯門一打開，我與好友均被眼前的景象震撼到。五顏六色的便利貼，形形色色的抗爭布偶以及種類繁多的卡通佈置，令人大開眼界。從來沒想到誤打誤撞竟然碰上了一間黃店， 令人頓時心情愉悅。當天朋友有些水土不服，故此很可惜地沒有點太多生冷食物，反而着重點了許多熟食小炒，沒想到結果令人喜出望外。壽司方面，壽司刺身一向是放題的重點。雖說朋友當天腸胃不適，我亦不禁點了少許軍盤壽司試。當中以花之戀壽司最為突出，富有日式醋香的珍珠米被厚切三文魚片包圍，壽司飯上灑滿了蟹籽沾上濃郁的沙律醬，整體配搭非常出色。老實說，以材料份量而言非常飽足。另外，鰻魚壽司亦是令人出奇地驚訝。一般放題店的鰻魚通常不會有任何鮮味，而且將鰻魚切成薄片， 基本上完全沒有味道可言。但神戶屋的鰻魚壽司剛放進口裏，便能嚐到濃郁的鰻魚味，而且厚度適中，略帶口感。另外亦有一款神戶屋特選壽司推薦，炸軟殼蟹牛

今日同朋友喺旺角行街，唔係好諗到食咩就比兆萬樓下嗰啲哥哥仔氹左上去食放題，因為佢話靚女上去有discount同埋送多啲甜品俾我哋食，反正我哋都諗唔到食乜，就放肆一晚食放題啦。上到去唔駛等好耐就可以坐低食嘢，而且點餐紙都好多款，有刺身、炸物、熱食、冷盤、火鍋、好多款。多款到幾個女仔每款食一樣都完全食唔晒。不過坐低要揀咗一樣嘢先，就係一開始有個小火鍋送俾你食，我哋就求其揀咗個和牛壽喜燒。之後叫咗round刺身同埋炸物，雖然有啲炸物有少少燶，不過味道都okay，刺身就每塊都好口好足料，唔會好似其他放題咁樣好薄，要叫幾round先食返夠皮，而且刺身質素都唔差，放題呢個價錢來講已經叫好唔錯。再加上樓下哥仔送多咗每人一隻生蠔俾我哋，隻生蠔都好新鮮，唔會好霉。熱食方面我哋叫咗好多唔同款，你諗得出嘅基本上都會有，我哋叫咗款炒蜆，基本上都冇沙，同埋炒到好似大排檔咁好惹味。基本上我哋都係叫到成枱都係嘢食，林林總總真係好多唔同唔同嘅款式，最特別嘅係連溫泉蛋都有，我真係好鍾意食。最後叫多咗round刺身同埋壽司，花之戀同埋吞拿魚軍艦仲有蟹子壽司都係我嘅最愛，而佢嘅吞拿魚軍艦都相當足料唔會好馬虎咁俾少少你就算。

今日黎同幾個朋友聚下舊，行下旺角，因為疫情旺角街頭都少人左好多，唔係好諗到食咩，幾個男人去食下放題都係個唔錯嘅選擇。係兆萬樓下比D哥哥仔sale下，佢地好多時都比個9折又或者減十蚊比你地，不過上到去都唔洗好似以前咁等位好快就入得去。其實放題黎黎去去都係食果啲，不過呢間又係良心小店，職員又會好好禮貌咁，同你講下邊啲落單落多少少，因為新鮮整可能要等耐啲，而家放題嘅服務都好左好多。雖然過耐少少，不過都好快有野食，首先職員會問定你個小火鍋想要咩湯底，我地就普通揀左和牛壽喜燒，牛味好重，都幾好食，而且會有隻生雞蛋，你可以煮熟食又得，生食配上和牛又得，不過我地就煮熟左黎食，始終自己腸胃唔係太好。過左陣就上埋個刺身拼盤，仲送左一人一隻生蠔tim，餐惑嘅刺身都好足料，每塊都好厚身，而且唔係平時食果D邊邊位，塊塊都係一整塊好靚仔咁。我地之後都叫多左兩round魚生，質素都係咁好。之後仲叫左D炸物、熱食、冷食、小食果啲，款式真係好多，每款試少少都好夠飽，不過我真係好中意食壽司，所以都唔怕好飽叫左花之戀同埋吞拿魚軍艦，相當足料。最後食埋個烏冬同埋叫多round火鍋，好滿足。走個陣仲有一人一支韓式雪條送比你食

服務員的態度超好，食物質素和賣相差到一個點，可以用難食來形容，環境好逼，地下污糟，勝在唔太嘈雜，成餐飯最好食都係三文魚刺身，不值得一試再試，可以有更好的選擇嘅話就別來了

今日同友人嚟到旺角食一間日韓放題，午飯時間人流唔算特別旺，好快就有位啦。餐廳嘅侍應都非常之有禮貌同友善。 我哋首先嗌左刺身啦咁非常之新鮮啦我哋我哋大概有叫咗刺身蝦，生蠔🦪，三文魚...... 餐廳仲有提供一啲火炙嘅壽司啦—火炙芝士三文魚，火炙黑松露油甘魚......餐廳另外仲有加錢提供海膽！我哋另外仲嗌左呢間餐廳嘅炸物，特別係佢嘅炸日式芝士年糕非常之好味😋餐廳更加提供一啲日式嘅料理啦我哋有嗌鐵板燒嘅一口牛，份量非常多 另外仲有串燒牛脷同串燒雞。總括都不錯👍🏻