刺身 - 第一輪可以接受，但我嗌4片鮑片你比10幾塊，嗌10隻甜蝦比4隻👎🏻
去到後面我就開始淨嗌甜蝦，因為其他真係唔係咁好食，如事者每次嗌10隻，每次比4隻。咁last order我都好聲好氣話，可以比足啲嗎？結果6隻
我再問，佢地答我，今日甜蝦賣哂，咁可以轉帶子嗎？佢地答cut咗order。咁你賣哂我想轉都好正常姐。。。最搞笑係，過左半個鐘佢比一兜溶冰底10隻甜蝦我，我食唔食好？留意返，時間係4點，我2點入座就4點last order，6個鐘放題12點開始，大家嗌野食自己就時間😉其他有啲枱我後尾聽到5點3 last order，唔知佢點作準。
其他炸物 - 亂咁上，冇落過order嘅照上比你，咁我咪當試下囉。不過好油，唔推薦，連芝麻雞翼都好難食
天婦羅 - 由第一張order落到last order終於有3隻蝦上咗，蝦ok嘅，係粉多啲
燒物 -
燒牛舌 - 係灼完再燒，所以咬落去會好淋，冇燒嘅爽口感
羊架 - 可以試，好重香料味
燒菠蘿 - 又係灼完再燒，好難食，唔係正常嘅燒菠蘿
心太軟 - 其實係Brownie咪出聲，唔好扮心太軟，定心太硬？
其他野食我冇乜評論，食得落肚但唔會係好食，有推薦嘅，就係佢送嘅兩舊海膽，係ok嘅，葵廣手卷上面啲海膽嘅水準，唔臭嘅
唔好意思我冇乜影相，因為我冇諗過要打食評，但係最後嘅態度我真係忍無可忍，所以同大家分享，都留意係第一篇食評。
黃店唔係大哂架，唔好持住呢樣野去呃人上黎食。態度亦好重要，你班侍應後生唔緊要，可能你請班手足，但唔該你教好佢地，仲有，煮到咁難食，係浪費食物🙂
