神戶屋日韓放題

營業中

休息中

旺角行街緊係去兆萬搵食啦，之前聽朋友講話神戶幾好食咁就趁晏晝少人就去，放題黎講佢地款式都算多而且性價比高，味道真係好味過大路放題👍刺身大力推薦海膽同生蠔，好新鮮大粒夠冰凍，好中意佢陣鹹甜海水味，生蠔又即開即食，加檸檬汁爽呀，同時都有辣汁搭配，第一次食刺身沾辣汁原來又幾好味😋熟食清酒蜆同韓式蜆份量多，韓式醬惹味，昆布烏冬湯底清甜，烏冬彈牙滑溜，昆布爽👍壽司真心高質，好多時放題啲火炙都唔好食，火炙沙律三文魚腩入口即溶，油油的感覺好幸福啊，吞拿魚蓉軍艦加點芝麻香，一啖入口真係好好味！食左7，8件都仲想繼續食😂飲品我幾中意佢個熱茶消濟，仲有麥精同維他奶揀☕

疫情之後, 好耐無去過旅行啦!! 開始有D想念家鄉日本同韓國既味道, 好想好想一次過食到呢2個國家既食物, 今日去到旺角呢間「神戶屋日韓放題」, 一次過滿足哂我既願望~今日我同朋友book 左12:30, 可能比較早既關係, 客人唔太多, 變相坐得好鬆動、好舒服, 完全唔會有平時其他放題身貼身既感覺, 非常有私人空間(唔驚講秘密比人偷聽到XD)! 食物方面, 一坐低可以自選一款鍋物暖暖胃先, 可以揀雞煲/壽喜燒/部隊鍋, 唔想食辣/太濃味的話可以好似我地咁揀壽喜燒, 可愛既係佢有種麻油味, 感覺就如港式壽喜燒一樣。而其他食物種類都有好多不同選擇, 有A-H, 一共8張menu比我地慢慢揀, 除左有普通放題會有既刺身、壽司，仲有黑松露壽司系列、港式大排檔口味既招牌炒蜆、炸鮮奶, 韓式料理如人參雞湯、韓國牛肋肉粒、海鮮炒粉絲等等熟食，總有一款啱心水, 啱哂一班唔同口味既大胃王朋友聚會!!

首先, 上菜速度算係快, 一開始店員會提醒我地某D食物會製作需時可以叫定先, 而其他大部分食物落單後大概5分鐘就到, 叫左好多野食都得2樣野漏單, 同店員講番亦都有即時幫手follow-up, last order後更會比張單我地對, check下有無咩食物未上齊, 「有交帶」呢一點已經比時下其他經常漏單放題好, 印象分10粒星。以下介紹1 D 出面放題小見, 比較特別既放題食物刺身方面, 味道正常, 鮮甜, 擺盤亦都精美, 值得推薦一下佢既天使蝦。點解? 因為已經剝左尾, 非常貼心, 唔怕食到蝦殼~炸物除左普普通通既芝士年糕、香芋丸、芝麻雞翼同天婦羅之外, 更加有大大粒既好味道炸鮮奶、一口食得到既炸雪糕、外型模仿日式菓子既紫菜雞肉卷、韓風嫩滑蜜糖炸雞, 非常多選擇!燒物方面, 牛舌味道不錯無腥味, 切出黎形狀仲要咁岩係心型tim~ 燒扉貝就大大粒咁, 幾抵食。野飲亦都有好多選擇， 仲有D平時小見既維他飲品同罐裝飲品，如果有熱飲選擇就更加好！是日其他抵讚精選: 有特色日韓特色雪糕雪條、有口罩套提供、座位闊落坐得舒服

超級耐無食過放題，響旺角行街最方便就係週圍都有好多野食，所以同frds揀左兆萬上面呢間 神戶屋日韓放題，試下個lunch放題。坐低左簡直頭暈眼花，因為menu真係好多野食揀！！！有少少選擇困難症既我好彩都揀到好多野食。# 刺身拼盆 # ***** *** 8.5/10最推介係 : 象拔蚌，帶子，甜蝦，螺肉，北寄貝等刺身，好鮮甜。我friends話啲蠔都好鮮甜好好食，我自己唔食蠔所以唔知。太多野食 所以一次過講我推介既野食啦：炸雪糕，唔太甜，外暖內凍，好正。我第1次食炸雪糕，to be honest....麻辣炸雞軟骨： 極度推介！！！！！食落唔油唔咸，但係就有超甜麻辣粉味，超級喜歡！！！！燒羊架，牛舌，燒得好tender好juicy，味道啱啱好，啖啖都係孜然同牛羊既香味。燒菠蘿，燒到啲菠蘿軟軟地，好香好好食！炸物拼盆有超多種炸物，炸豆腐，炸芝士，炸蠔等都係我既推介。燒帆立貝都唔錯，燒到啱啱好，而且個汁都幾濃幾掛汁，真係唔錯。食完野最開心係見到啲雪糕雪條，有幾款韓國既可以選擇，超開心！野飲都有好多選擇，不過我少飲甜野 所以都係最緊要有道地茶可以揀就得haha。總括黎講，二百幾蚊一個人，真

限聚令下冇得好多人一齊食放題，但同fd兩個人慢慢食談下心都唔錯呢到既食物選擇都幾多，剩係睇食咩都有排睇，好彩一黎店員就上左個刺身拼盆，已經好夠食，剩係蝦都有幾款，好有心思和牛鍋都係一黎就上左比我地，和牛幾大片，個壽喜燒湯都好唔錯我就推介下幾樣我覺得唔錯既食物燒牛舌做到同出面串燒店一樣既水準，有好香港味，肉質又夠彈牙竟然有黑松露壽司，我見幾特別就要左件黑松露珍寶帶子壽司，帶子上面有一少撮黑松露，食落又真係幾有黑松露味，未試過黑松露壽司可以一試日本芝士年糕一次過滿足煙un控加芝士控，芝士味真係好足，軟心芝士配以煙un既年糕，口感十足炸雪糕呢個真係第一次係放題見到，凍冰冰既抹茶雪糕，外層就炸到熱辣辣，都幾得意呢到竟然有得打邊爐，岩哂d又想食放題又想打邊爐既人，我地最後要左個豬骨湯，碌下肥牛響玲果d，算係滿足左想打邊爐既心！不得不提，服務態度真係好好，店員係我去過咁多間放題最出色，店員不時都會黎睇下你有冇漏單 有冇食物要追 語氣同態度都好好

今日好開心同朋友去食放題慶祝生日，去咗旺角是但揀一間食，見到呢間神戶屋都幾好，於是就試吓，一來二百幾蚊價錢唔算貴，嘢食都算多嘢揀。坐低嘅時候職員好仔細咁介紹佢哋嘅刺身拼盤，問我哋有啲乜嘢啱食，刺身拼盤上枱真係嚇親我，非常大份，而且都算係幾新鮮，仲有泰式蝦刺身，鮑魚非常爽口彈牙，好容易變擦膠嘅墨魚刺身都好爽口。我哋又叫咗一個牛肉壽喜燒，甜醬湯底幾好唔會話太甜，打邊爐舊熱，仲可以額外叫其他餸天婦羅就更加不得了，所有嘢都係啱啱乍起，熱辣辣，特別欣賞佢個芝麻雞翼，調味唔錯，仲有豆腐粒，加少少辣粉，味道啱啱好放題當然仲有飲品任飲，而且選擇都唔少，亦都可以揀啤酒，韓國飲品冇話好慳皮食完之後仲可以食甜品，有啫喱之類，仲有雪米糍，特別正嘅係呢個豆腐牛奶雪糕，香港製造信心保證

講起食放題我第一時間諗到呢度！ 今次已經係第三次黎食喇 食物既水準都keep到 而且3小時任飲任食收費都只係$179起（指定時段） 真係好抵食 性價比真係非常之高！值得一讚既係食物選擇都幾多 燒物、刺身、壽司、熟食、炸身及甜品等等應有盡有 點餐紙由英文字母A排到J今次叫左個期間限定既「日本和牛壽喜燒」 黎試試 都幾驚喜 牛肉既份量好多 一d都唔孤寒 而且牛肉既質素唔錯 下次黎食都會再嗌另外刺身同熟食既水準都唔錯 尤其係刺身 色水好靚夠新鮮 推介泰國生蝦刺身、三文魚刺身同埋希靈魚刺身 我地嗌左幾轉添呀！燒羊架亦都唔錯 好入味好香孜然味 而且燒到岩岩好 唔會太生 同時肉質仍能夠保持juicy味美而佢地既服務亦係非常之抵讚 店員好主動咁問我地d食物到齊晒未 需唔需要幫我地跟進 呢d真係加分位黎ga!

星期日同朋友出旺角行街行到又攰又肚餓 經過兆萬見到神戶屋放題個價錢幾吸引 午市及晚市指定時段 任食任飲 3小時$179起 共有200款食飯選擇 一於試試佢果然食物既選擇種類超多 落單紙由A排到J 刺身 沙律 前菜 炸物 串燒 一品料理 火鍋 壽司等等 應有盡有 仲有期間限定menu 食物方面 主打既剌身船賣相擺盤好吸引我哋叫咗三文魚 希靈魚 泰式生蝦 同天使蝦剌身 剌身味道唔錯亦新鮮 點既數量都上足另外都order 咗個日本和牛壽喜燒 雖然細細鍋但裡面食材好足料尤其和牛份量都多塊 有啲喜出望外 仲有order咗各類壽司炸物同一品料理 味道都好食同好快上台 而且服務員會跟足單 會問有冇漏左order未到 挺細心的飲品同雪條種類選擇都幾多 有兒時最愛既大腳板雪條

今日同朋友黎左呢間神戶屋日韓放題，因為佢食物款式都幾特別，所以就係咁多間放題之下揀左呢間一黎就上左個日本和牛壽喜燒鍋，牛肉大大片，雪花分佈好靚，配以壽喜燒湯底，好有日味，天氣轉涼，食返個鍋物就最岩一黎幫我地上左一大盆刺身，想讚一讚佢個擺盆好有心思，用左紅色既楓葉做裝飾好有秋天既味道，刺身既款式都幾多選擇，而且都好新鮮，唔會好腥，個人幾鐘意帶子，睇落好白好圓潤，口感都好好食放題緊係要食下炸物，呢到有幾款炸物都幾出色炸鮮奶 真係唔係間間都有，仲要幾好食下，炸到香脆熱辣辣，面頭仲淋左煉奶，咬落去內脆外軟，入面既牛奶唔會勁甜但有十足奶香，配煉奶好夾芝麻雞翼每次放題必食，呢到既芝麻雞翼既特別之處係炸粉會厚少少，似炸雞翼，但都keep到肉嫩多汁朱古力心太軟其實唔算係真正平時食既心太軟，但就熱辣辣，食到少少軟心，最重要係有好香濃既朱古力味，所以encore 左幾粒最後再黎一個豆腐雪糕，個人好鐘意豆腐味雪糕，但就唔係周圍都食到，呢到竟然有！

史上最難食放題非神户屋莫屬。刺身款式小，三文魚唔新鮮，炸物其實冇得輸嘅項目，但佢居然都唔掂，佢個硬柴吉列炸蠔可以掉落地下都唔散，仲有個矽膠魷魚食咗包你頂住個胃即時嗌飽，佢送嘅生蠔唔新鮮不特只仲用個翻用蠔殻裝俾你！生銹凱撒沙律用普通生菜我都理解，但生銹兼霉凳凳嘅，心太軟就係一嚿朱古力蛋糕加D朱古力醬，滾燒菠蘿就冇燒過咁似滾水浸一浸，真係即時想走，咁嘅價錢$2xx 仲要夜晚10:30 後，真係想講粗口！依個價錢真係大把有得揀，本身想試10樓，但佢就收就俾佢幢咗落9 樓，佢哋應該兩間都係同一個老細！其實佢間嘢真係呃D細路，但呃得嚟都要填得肚先得嫁！難食到嘔！

成日聽人講兆萬啲放題麻麻地但撞啱呢排生日 朋友請食放題咁就去試下啦 原來呢間係良心放題食物種類都好多 詳細可以睇相片解釋飲品同雪條都係平時放題店嗰幾類 算係幾多選擇 雪條就每人可以有一條飲品仲有啤酒選擇 仲有幾款添另外有唔凍嘅茶同水 照顧唔同需要人士值得讚下係員工非常有禮貌 經常問我地有無漏單 仲有無食物未黎 非常貼心又提醒我地刺身係任食 其實我真係好想再食只係身體唔容許200幾蚊呢個性價比真係好唔錯啦有機會會再黎試下

好耐無同朋友仔食過放題啦😋 今次2個女仔約係旺角兆萬食放題之後可以去行街😆 兆萬地點方便就腳 1個商場就有好多間放題可以選擇 今次揀左呢間神戶屋日韓放題 因為我地比較早食 所以呢個時段比較抵食😆侍應先為我地安排位置 再好貼心咁講解落order既流程仲介紹我地可以叫個火鍋🍲服務態度非常好👍🏻 我地叫左個壽喜燒火鍋 裏面有牛肉同蔬菜仲有隻雞蛋 另外仲可以點其他火鍋配料 都好多選題擇😋 個湯底甜甜地 牛肉吸晒d湯汁又唔會太韌 可以夾埋娃娃菜一齊食😋😋芝麻雞翼係去放題必點 雞翼熱辣辣 岩岩炸起 雞皮好脆 入面既雞肉又好嫩好多汁 我地仲叫左韓式炸雞 雞肉一樣嫩滑 旁邊有柚子汁 配埋一齊好夾 酸酸甜甜👍🏻仲有天婦羅🍤 炸漿比例做得好好 唔會太厚👍🏻叫左海蝦、多春魚、蕃薯、南瓜 全部都即炸 所以好脆口 又唔會因為放得太耐而太油👍🏻食放題點少得食刺身😍 點左三文魚、帶子、蝦同甜蛋 刺身都好新鮮又肥美 可惜我地唔可以食得太多生冷野咁我地轉戰熟食😋燒海老、羊架、牛舌、意式香草蝦😆 燒海老上面有小小鹽 食落咸咸地 幾好味😛 羊架好香 不過朋友仔唔食羊 我食埋🤪🤪 牛舌好嫩口入好易咬得開👍🏻 意式香草蝦個汁好

限聚令完左之後第一次食放題，一：上到餐廳，見到佢嘅防疫設施就好放心。 除左基本嘅探熱同搓手液，口罩袋之外，嗰個臨時透明牆感覺好保護，令大家食得安心。 一坐低侍應就好好心機介紹，佢話已經幫我哋落左嗰大刺身拼盤，佢千叮萬囑叫我哋食咗個刺身拼盤先好再點為問第二輪嘅唔新鮮。 另外仲有三選一鍋物，同埋提我哋邊一啲食物選擇要用多啲時間（因為係即叫即做），所以要先點等等，十分詳盡而且有禮，印像已經令我哋感到舒服。大刺身拼盤非常吸引，我哋嘅著眼點去咗三隻生蠔，因為真係第一次食放題嘅刺身拼盤會有生蠔，而且係新鮮同好有海水同鮮蠔味, 其餘的有肥美嘅三文魚腩, 蝦都有好幾款: 天使蝦. 甜蝦, 激巨赤蝦, 泰式生蝦, 仲有珍寶帶子刺身等等, 好豐富吖! 竟然有我最鍾意嘅香蔥吞拿魚蓉軍艦，仲要毫不吝嗇，件件嘅吞拿魚蓉都是滿滿的， 紫菜十分新鮮都係脆口的。 花之戀嘅三文魚片好新鮮， 配合香口嘅沙律醬同蟹子粒，真係惹人喜愛。仲有海膽蝦壽司同元貝+油甘魚黑松露壽司，黑松露味好勁，夠矖過癮。 除左刺身之外，仲有爐端燒，落重料嘅芝士焗蠔，芝士帆立貝，另外我地都推介麻辣牛栢葉同帆立貝，平時食麻辣都油淋淋，依個麻辣就唔同

朋友介紹去食好彩有book位，因為都多人去食7點個場係滿哂一入到去叫左隻船全部魚生都好新鮮，同埋多種類無鯹味，同埋食到落尾都係夠凍食左羊架、火炙壽司、牛肉鍋、蝦、炸鮮奶...芝士火炙壽司好中意食，溶得黎好有芝士味同埋都幾多芝士，成個壽司係滿足既呢度員工好好周不時提我地點野食我估係之前有人投訴所以佢地都會每枱問下落左單未態度好好，睇得出有聽人意見再改善第一次食放題係會感受到員工怕我地冇野食同埋佢地落單好準確，無漏單情況總括黎講十分滿意！好食又抵食

最後一次考試，同好友去旺角神戶放題吃著美味的食物亦都大有驚喜，服務員的態度好熱情雖然人手不足，但服務員的態度都好專業能夠懂得互相尊重體諒身為食客嘅我 ，大家都食得好開心 。