神戶屋日韓放題

營業中

休息中

預約咗先去，一去到就立即入座，一坐低果下就後悔，如果係3-4個人坐卡位都好啲，兩個人去食將一張4人枱隔住塊膠板分左兩邊，枱原本已經細間開左仲細，侍應叫我地快啲用QR code落單落多啲，怕人多出得慢，成個過程好似幾日無食野咁，不停將到咗嘅野食係咁塞落個口（因為啲野上左無位擺），啲野食量足味道都好，但完全唔覺得自己係餐廳食梗嘢，一味係咁倒嘢落個口。餐廳用膳時間為90分鐘，我哋食咗一個鐘就走咗，因為食得實在太急，同朋友傾計嘅時間都冇，位又窄枱又細用膳時間又短⋯價錢埋單614兩個人，300蚊一個人其實食嘅嘢算中規中矩無特別，一般任食水準，但餐廳嘅座位安排真係令我唔會想再去，食後感非常差⋯

今日約好姊妹行下旺角，行行下開始肚餓，搵個地方醫肚，突然好想食放題，就去附近兆萬中心食神戶屋日韓放題，真係好耐無食放題，價錢好親民，真係好開心呀！😂😂🎀首先點選必定係刺身，有好多刺身選擇，嘩！刺身船好豐盛呀！三文魚🍣好肥味好新鮮呀！帆立貝刺身好鮮甜，海膽更加無等頂😋😋😋🎀日式炸物，有天婦羅炸物，仲有炸榴連波波球、炸芋圓波波球、炸雞翼、炸多春魚，炸物襯熱食超正呀！😋🎀日式串燒，燒得岩岩好，燒蝦串，可以連埋蝦殼食埋都得呀！調味得好入味😋😋🎀除咗日式，仲有馬拉盞炒通菜，炒銀芽菜、 炒蜆都有，炒得好入味，最愛食炒通菜😋🎀飲品區有各式各樣飲品選擇，有罐裝飲品和紙包飲品👏🏻🎀甜品區，有甜點，有豆腐花，仲有各式各樣雪糕雪條食呀！😍🎀仲有火鍋選擇😍今日呢餐食得好豐富，二百幾元真係好抵食，食得好滿足又好開心😄

首先今日訂今晚七點，問佢可以食到幾點？佢就話兩小時，去到我地早左15分鐘到，就6點50到。第一轉刺身還可接受，我地叫左炸物，就見到有一件炸物懷疑有隻腳仔既小朋友，有一個好似經理級同我地講係黑芝麻，都嗌左一段時間，我地就話算啦算啦算啦。無耐到7:50-55分到開始，趕客流程開始黎了，走過來同我地講：你地仲有半個鐘last order，我地當時無理佢，仲有成個鐘wo，就同我地講last order?無耐又開始問我地吹我地，我地個程式就快轉其他餐牌個啲，大概咁既意思，跟住又話:依啲要唔要幫你收野呀，啲野食黎左未呀，幾個樓面同事夾攻，我地忍唔住就講，我地訂7點黎，你地就8點都未到就吹我地？所謂既經理走過黎同我地講，你地走左幾個字到，我就話吓？以家八點二十幾分炸wo?最記得有位女同事同我地講，啲雪糕甜品係大門出邊，係門口出邊食，我真係第一次聽。仲有8點鐘就叫你結帳，結左就話:你地出門口拎翻找番啲錢，就唔係走過黎找番啲錢比我地😑食物方面:好無技巧炸物可接受，第一轉刺身，所謂甜頭，可接受，其他真係垃圾。感想:唔會第二次黎，為左番枱趕客，雖然有講唔好意思前唔好意思後，唔係大唒，講就話有兩小時坐，實質上

今日同朋友經過旺角想食放題，經過兆萬商場見到有好多間放題。跟住就揀咗一間放題叫做神戶屋，我同朋友入去嘅時間係5:30咁你知呢個時間入去食就一定會平同埋抵好多㗎啦！呢一間餐廳都有好多嘢食：刺身、沙律、炸物、天婦羅、日式料理、串燒、壽司、手拳等等一坐低就見到佢有好多醬汁預備咗俾我，仲見到有泡菜同埋其他小食。食放題第一樣嘢就梗係要叫刺身啦，刺身就最代表到成間餐廳嘅質素啊。我想講佢全部刺身都好鮮甜冇雪藏味，尤其是佢啲蝦勁大條又好鮮甜，佢啲帶子都好鮮甜又大件。跟住我仲叫咗一個清酒煮蜆，蜆肉有好大浸清酒味而且d蜆肉仲要係難得冇沙！跟住我哋仲嗌咗好多炸物，佢嘅粉漿唔算太厚而且薄得來又好趣口。我仲叫咗牛舌同羊扒，兩樣都唔會話特別蘇而且牛舌亦都好爽。我想同大家講樣好重要嘅嘢就係門口有一大個雪櫃入面有勁多雪條同埋雪糕可以比大家選擇。就連之前人氣益力多乳酪都有喺度，佢仲有好多款唔同嘅韓國雪糕可以試吓。同埋我哋臨走嘅時候佢仲送咗一杯movenpick 雪糕俾我哋。真係超級正！同埋我想講呢一間餐廳嘅侍應真係超級好禮貌，問乜嘢佢哋都會好落力咁樣去搭。而且佢哋都會同我哋講炸物可能要等好耐叫我哋先order左炸物先。

有史以來見過最垃圾嘅放題，冇一樣野好食，冇一樣野係人食嘅，無論係質素或水準都係最差的，環境噏噏揼揼，好似茶餐廳，廚房環境差到極致，睇過其他食評，已經肯定有曱甴，壽司吧望落都好污糟，刺身唔新鮮，軍艦的紫菜淋啤啤，粟米全部都係粟米乾，牛柳粒望落唔知似咩。服務態度更加不予置評，喺樓下派傳單嘅紋身哥哥就話咩都送，上到去乜都唔送，問佢係咪送海膽，服務員不情願咁幫我哋落單，送到黎，爭啲見唔到海膽，勁細粒，食咗一陣，就有服務員不停騷擾咁問我哋，有冇嘢要收，自己睇啦，啲嘢食都係個枱上面，做咩不斷喺度問，去到1個鐘多啲，直情好似想趕我哋走，唔會再有下次！兩個人$481，想食垃圾就去啦，一定後悔！包保你終身難忘！

上星期同朋友嚟到旺角嘅神戶屋食午市放題，食物種類好多好豐富呀，有最大路嘅刺身選擇：三文魚、油金魚、帶子、蟹棒、甜蝦、玻璃蝦等等。除咗刺身，熟食亦好豐富，我哋叫咗個牛肉壽喜燒，麻油味非常重。如果朋友仔唔食生嘢刺身類嘅，仲可以將刺身放落去打邊爐添！除此之外，我哋仲叫咗好多炸物：炸雞翼、炸蟹棒、炸春卷、椒鹽豆腐等等，真係食到我哋飽到嘔。佢每份食物嘅份量都唔少㗎，如果大家眼闊肚窄嘅話，記得要量力而為，一次唔好叫太多啊。最後作為一個放題嘅終結，梗係要食返啲甜品啦，我哋就揀咗芒果味嘅雪條，大細都比我想像中大呢。總結而言，呢間放題嘅食物水準係水平之上，食物選擇亦幾多，如果午餐想平平哋同朋友食餐豐富嘅都不妨嚟到旺角嘅呢間神戶屋呀，埋單都只係每人二百幾，幾抵呀

兆萬呢到好多野食，諗唔到食咩就去左神戶屋食放題，lunch hour 都係200幾蚊一位，幾抵食。一開始就叫左個壽喜燒，之後落單主要都係QR CODE落，冇咁易溜單。壽喜燒入面好多薄牛肉片，湯底甜甜地，幾唔錯。另外，都有小食類，炸物類，刺身類等等。刺身拼盤好足料，三文魚係厚切! 仲有玉子，蛋卷中間有蔥。帶子好厚肉好新鮮。熟食方面叫左個炒蜆，好夠味，有時食放題好多呢類都得番D 殻，但呢到真係粒粒都仲有隻蜆架。炸物不過不失，上台的時間都仲熱辣辣。最驚喜係呢到既甜品，雪條牌子選擇比其他的多，簡左款芒果味雪條，好滿足。而且呢到既員工態度都好好，值得一黎!

食放題都要支持黃店，我地黎到旺角西洋菜街1號兆萬中心8樓「神戶屋日韓放題」，一出lift就見到大大塊連儂牆，呢個絕對係一個大加分位！入面空間算大，日式既裝飾好日味濃郁 (我好想去日本呀！！！)，叫做安慰一下我題既「遊日之心」...香港人廢話唔多講，拎定幾瓶飲品擺定陣準備大戰三百回合，d落單紙好Colourful，分哂長短一目了然。醬料同前菜好多元化，有炸物必用既沙律醬仲有泰式甜辣醬，正！首先到既係大大刺身拼盤，有成半張檯咁大，個盤擺得好靚，有幾塊大竹葉做綠葉陪襯十款刺身，食落食材幾新鮮，冇雪味冇腥味，特別三文魚好滑，好軟滑。然後我地叫左個鐵板紐西蘭羊架，味道唔太膻有少少根，點少少沙律醬提返肉味，整體ok可接受。之後係鐵板一口和牛粒，味道唔錯👍🏻再黎就係我最期待既壽司拼盤，好靚，真係好靚。第一次見有造型既壽司架，好似旋轉樓梯咁。呢度有六款唔同既三文魚壽司，有原味，有芝士，有沙律，有黑松露，有火灸岩鹽，仲有好邪惡既花之戀~食完生冷野當然要食返熱食，有各款炸物同三式雞翼，皮炸得好穌脆，入面好多汁。最後食埋PANGTOA雪糕三文治就功德圓滿，可以抱住個大肚肚離開戰場。

旺角放題雖然選擇多，但良心小店並唔多，記得之前都有試過呢間嘅晚市，今次試埋午市放題。入去嘅時候，客人唔算多，今次竟然可以坐卡位！午市食物款式同晚市一樣多，刺身嘅款式都好多。熟食嘅食物種類都好多，而且仲有火鍋揀，我哋揀咗日本和牛壽喜燒鍋，入面嘅食物都好多，所以我哋冇另外再加火鍋配料。甜品方面不過不失，冇咩特別，可以留返肚食其他食物。招牌炒蜆、豉椒魷魚酥、韓式辣牛柏葉都係必食！食物等候時間唔算好耐，而且落單嘅食物都有上齊。飲品方面選擇多多，而且仲有啤酒揀，想健康啲嘅都有竹蔗馬蹄，比較驚喜嘅地方係竟然有蜂蜜雪梨茶！雪櫃有唔同種類嘅雪糕、雪條、糯米糍，除咗有常見嘅雀巢雪糕，仲有啲韓國雪條，食多幾條都回本！仲有movenpick 揀，但要另外加錢。整體而言，餐廳食物豐富，另外見到OpenRice做緊優惠，買餐飲券只需$179（另加$79服務費），性價比高！

好耐好耐冇食放題喇，起碼1年！ 有見疫情放寬，梗係相約好友來個gathering😊今次我地book左旺角兆萬中心嘅神戶屆日韓放題，之前我同家人都來過一次晚市，勁多人！ 反而今次午市就少人🤔一坐低，即刻點返一盤刺身先，刺身款式over 10款，樣樣都點少少，全部都新鮮！最正一定係帶子同天使蝦😋跟住再點左個韓式部隊鍋，午餐肉同辛辣麵真係絕配，夠辣夠惹味！當然唔少得點一啲炸物同燒物，焦糖燒菠蘿好yummy! 炸榴彈球都好好食啊！仲有好多好多食物，淨餐單都有差不多10張，每樣食少少都夠晒飽，午市放題一人都係$179喳（未計加一），真心抵！

今日同朋友去兆萬中心睇睇有咩食，發現特別多放題嘢食，所以選擇左呢間比較吸引嘅放題餐廳🍴由於我哋中午食，所以價錢都唔會太貴😂由於嘢食種類繁多 好難一次過講晒😆🈶️A-J項嘢食1.刺身大拼盤（乜嘢都有啲，覺得都幾有水準）2.壽喜燒（不過不失，如果唔夠嘅話可以自己再點打邊爐嘅嘢食）3.熟食（辣魷魚、炸雞軟骨、豉椒炒蜆🧡好好味）4.炒通菜🥰都幾好味5.牛油粟米🌽、雜菌、辣嘅牛柏葉佢寫係韓式牛柏葉，但食落去似川式🤣最後梗係有唔少雪糕甜品🍮整體嘢食都唔錯！而且種類都真係幾多，適合一班朋友仔一齊傾吓計任食🤣因為可以食三個鐘

刺身唔新鮮 好大陣冰鮮雪藏味三文魚刺身有筋 唔肥美然後見到 甜蝦刺身 有一粒粒 好核突嘅嘢係綠色一粒粒 即刻好驚職員話係生嘅蝦子 但已經冇晒胃口炸雞粉漿好厚 食緊粉漿芝麻雞翼 冇乜醃過 食落去冇乜味道感覺上食材準備 好求其雞肉串燒完全冇乜肉 明顯係燒完之後攤咗好耐 乾晒日式和牛火鍋 其實係肥牛 配料好普通 有幾塊雪藏味重嘅肥牛 娃娃菜 一舊菇午市放題賣單唔平 $230 一個人 已經95折左OpenRice訂位 佢話可以食六個鐘其實冇呢回事 都係兩個鐘會叫你買單食啲咁嘅質素完全唔推介！！

食物質素差，基本上係無一樣野係好食，，最基本嘅餸都可以唔好食,完全擺唔入口，全程係冇食過乜嘢，價錢又貴完全唔值。 諗住打邊爐會安全啲，點知爛菜都可以上盤，廚房完全求求其其。鋪面環境差, 又窄同迫，坐得一啲都唔舒服， 不值得一試嘅餐廳！

場地坐得逼，野食還好，但完全不是呢一個價位同埋場地衛生唔好，張枱黐立立，地下都仲要唔乾淨，諗住食完就走，都叫做填下個肚同埋食下刺身，壽司。但會唔會過分到食物入邊有隻用郁嘅曱甴，諗住支持下小店，但都唔係過分到基本衛生都冇掛？同店舖反映左嘢食入邊有曱甴，處理方式都不是很滿意，因為好似收走咗就算，同埋+1句唔好意思，好彩最後都影咗相，希望可以話俾大家知，如果你接受到嘢食入邊有曱甴就去啦😂仲要係未死既。

今日4月2日 係樓下見到傳單話今日5點半前入座$189 星期六日同公眾假期加$10 咁諗住$199入座 加埋一咁 點知一上到坐低開左單話係$239 話$189係長者價 然後即刻收左我張傳單 可以上佢fb見到就算情人節食都係成人$209一個 （睇附件圖） 都冇講過話$239 95折係之前拎coupon先有佢門口貼左4月1日加$30 冇講4月2日都係 好啦咁算啦 都坐低左開左單 話食120分鐘 勁逼 同隔離唔識既人手貼手 都算啦D野係正常放題質素 只係有叫既冇黎 冇叫既又黎左咁點知食左1個鐘頭15分鐘就話last order 1個半鐘就趕你走 有甜品食但要坐lift口囉 好尷尬既個個唔帶口罩咁一齊係lift口食甜品 之後佢枱面寫左like 社交平台再加send message係可以減$10 可以同其他優惠一齊用 點知我跟足steps做d員工淨係話唔用得 總之唔用得 然後就趕我地走 點解做生意可以咁唔老實 點解唔可以明碼實價寫出黎幾錢 幾耐呢黃店有好多要支持 係咁既我寧願支持其他