神山麺屋 (創紀之城五期(apm))

營業中

休息中

食物唔夠熱 服務態度差 行行下見到呢間拉麵 想食熱食 就坐入黎試下 係門口個侍應問我坐卡位o唔ok 叫我寫左安心出行紙先 低頭寫完 佢已經影都唔見埋 位都無帶 叫左碗沾麵 一上台 已經摸到唔熱 只係暖暖地 試左一啖湯 問左侍應叫wendy(老老地)可否加熱 佢話呢個麵暖食架 我問佢可否加熱 佢話無 對於佢完全不樂意提供幫助的態度感到非常失望 麵食左一半都無 已經成碗變左冷麵 除非你食得好快 又好趕時間啦 如果唔係 真係唔建議食呢間 今次用餐體驗好失望

🍜身為拉麵/沾麵控的我(😂?) 一直很想試這間「麵屋武藏高級版」🤭本身對這店沒甚麼期待 因為麵屋武藏令我很失望🤷🏻‍♀️誰不知這神山沾汁麵卻出奇地驚喜 沾麵掛湯✔️ 湯底濃郁✔️ 最重要是豚肉超超超超好吃☺️而湯餃子就... 不點也可🤭推介這裡的沾麵～～～下次有機會再試湯麵👀-

不推薦的拉麵屋食物偏鹹到係咁飲水拉麵麵質還可 但唔入味 同個湯分離左😑溫泉蛋過熟拉麵湯配餃子又過鹹油膩感超重雙色牛舌直頭想放低筷子.....Bye bye no next time 🥲

等左幾個月，終於有番晚市堂食，諗住搵間拉麵店食下。經過APM，見開左甘耐都未食過，就入黎試下。係門口要登記&體溫，企係門口接待果個女職員態度勁差😒，超冇禮貌，好似想趕客，又吾帶位，叫我地搵位坐。碗拉麵黎到，試下個湯，好重味精又油，啲麵超難食吾好味，塊肉又’鞋‘。真係吾會再黎，呢度$85一碗真係吾值，普通一碗出前一丁都好味好多！！！無諗過甘簡單既一碗拉麵都可以整得甘差，真係好令人失望，極度不推薦！！！😡😡😡

見咁多好評，放假就走去試試，結果未食已令我感覺不良好，等位接待員叫到我number後，我用手寫填表登記個人資料，結果我填完後，接待員走開了，就算睇到我企喺度等咗佢好耐，佢都依然冇意識想帶我埋位先，個刻心情真係好無奈😡好啦，叫咗個白神山叉燒拉麵，結果舊叉燒好鞋口，好令我失望😞不過隻蛋整得幾好味，但都應該唔會再幫襯仲有一樣要讚嘅係衛生環境幾好，我坐位對住班師傅整拉麵，見環境都好乾淨，係疫情下依樣係好重要

已經好耐冇同朋友出街食飯了～～今次黎到觀塘既神山麵屋❤️❤️果然名不虛傳啊😆😆-🍅蕃茄叉燒拉麵 $85✨呢個湯底好鮮甜，仲好香蕃茄味😋😋叉燒薄身，但都好夠味😍😍拉麵質地有口感，食落好彈牙～～份量都好多，食到好飽🤤🤤-🍖白神山豚角拉麵 $85✨呢個豚骨湯底好濃郁！！好有驚喜😍😍豚角好似東坡肉咁，好肥美😋😋食落好厚身好有口感！！雖然好邪惡，但食到好滿足！！-🐤神山炸雞 (配芥末沙律醬) $42✨呢個炸雞好好食！！十分推介👍🏻👍🏻食落外脆內軟，好香口！！配埋個沙律醬好好味🤤🤤-🥬野菜甘酢豚 $48✨食左咁多肉，當然要食返d蔬菜🤣🤣呢碟有蓮藕、茄子、青椒、豬頸肉等，都幾豐富！！味道都唔錯😋😋-野飲方面，我地叫左菠蘿同蘋果特飲🍹🍹飲落唔會太甜，都好香果味😍😍夠哂fresh～～-總括黎講，我覺得呢間餐廳既野食都幾高質！！裝修都好日系，可以打卡影相❤️❤️大家都可以去試下🤗🤗

已經很久未有吃過日本拉麵，剛巧經過一家拉麵店，就決定在此午膳。吃主食拉麵之前，先來一客炸雞。炸雞份量不少，炸粉厚度尚可接受，雞肉有汁，不會太乾太柴，少少沙律醬能增添食味。黑神山叉燒拉麵即黑蒜油拉麵，一如預期，呷口湯後，滑滑的湯頭蒜味香濃，令人不禁多噶幾口。麵條煙靭有彈性，非常好咬口；叉燒腍滑而嫩，整碗拉麵轉眼完食。通常拉麵店都只提供凍水，這裡竟有菠蘿特飲，夠獨特之條，在吃完豐富的拉麵和炸雞之後喝，特別醒神，膩氣全消。由小食到拉麵到飲品，是十分滿意滿足的。

早前去觀塘搵朋友行街食飯隨心簡左間日本餐廳 聽說拉麵🍜是好食掛？但我地見有推出下午平價的飯明太子玉子小碗飯 （$42） 我同朋友都覺好希望🤦🏼‍♂️🤦🏼‍♂️d 飯係好一pat pat🥺得咸的味道🤦🏼‍♂️難以評分🤭如果好食價錢是吸引的！而且需要加一服務費🥲只可以怪我們不揀拉麵食吧！？另外試咗個小食 燒鱈魚 （$38） 好吧 兩口食完 正正常常 但份量太少🥺神山麺屋 (觀塘)觀塘觀塘道418號創紀之城五期(apm)2樓L21B號舖

今平時多數係公司食午餐，今日好開心終於可以出去食午餐啦，睇到呢間好平好似幾多，而且又近公司，一於去試吓食呢度嘅拉麵啦。入到去門口帶位姐姐都好nice，態度好好咁同我地講幾多位同埋食啲咩。今次決定揀佢嘅招牌，神山沾麵，上到枱其實感覺比較簡單，因為外面有D沾麵係有石頭過同埋都比較熱，但係依度就簡單用瓦碗就完，所以保暖效果真係好一般。而且食落去麵底感覺好硬，上到枱面已經係痴哂一嚿，麵個麥味唔太夠。加上沾麵上面嘅肉都比較韌，所以食完都有少少痴牙，同埋佢上面有好多類似麵豉醬嗰啲調味醬，但因為我食沾麵，所以如果就咁食呢一舊肉落肚就會比較鹹，所以我感覺依個肉真係有D唔係好知道應該點處理。我估唯一比較好嘅只係個溫泉蛋。最後$86呢個價錢真係唔係話好吸引，再加上比完錢之後先發覺原來係要加一服務費，所以就感覺上接近$100去食一碗麵真係有啲唔抵，所以大家真係要諗清楚。

今日下午食午餐，等了10 分鐘都沒人派飛，帶位侍應服務超惡劣，貼錢買難受😣經理服務態度亦非常差。列入永不幫襯名單。食完好飽，因為食都一肚氣。拉麵食完超口渴。湯底好咸。食完要狂飲水。

原本見到有二百幾個like喺OpenRice, 諗住都幾好，即管去試試，點知一坐低佢哋serve嘅幾杯水啲水杯好邋遢，有水漬，咁咪叫佢哋換過，點知嗰個男侍應態度十分之差除咗皺晒眉頭仲要話嗰啲唔係漬！隻杯係咁😡🤬我叫佢攞返嗰隻杯嚟，如果我哋抹得甩嗰啲漬咁點，跟手佢攞個第二隻玻璃杯嚟，仲要係咁喺度吟吟沉沉，依家係你地嘅問題重要態度惡劣！大佬啊你地飲食服務行業，食具潔淨是首要條件！食物質素只係平平，再加上咁樣嘅服務質素想再嚟都幾難😡

今日同朋友嚟試下呢間拉麵🍜因為2人限聚所以我地2個人麵有得坐卡位🤩個要境幾好 光線充足都坐得好舒服 2個人叫左2個餐 一個係拉麵 因為唔係太餓所以叫左個炒飯 赤神山拉麵🍜$78 呢個係辣既 顏色好紅但其實都唔算太辣 但真係比較多油 一開始食都ok 但食到最後就有少少膩啦 但個味道幾好 麵質麵算幾彈牙 溏心蛋都好正😋可惜叉燒太少高菜叉燒小碗炒飯$38 雖然佢寫住小碗 但嚟到都唔小碗 份量都算ok 有啲雪菜同叉燒所以都幾有口感 好香蛋味✨而且係珍珠米 煙煙韌韌 🤪估唔到炒飯都唔錯

次次黎親觀塘行街，都會好煩惱食啲咩，因為觀塘真係好多好嘢食同埋夠晒多元化。不過今日朋友介紹，話呢間係APM嘅拉麵店非常高質，咁就一於嚟試吓啦。其實自己平時唔係特別鍾意食拉麵，如果食日本菜都多數會食壽司，不過冬天食拉麵特別亂粒粒，好過食凍冰冰嘅壽司。我就叫咗個叉燒拉麵，一上枱已經見到個湯底好濃。食落真係好有驚喜，因為佢濃得來係完全冇味精嘅感覺，好明顯係用豬骨熬出嚟，飲咗好多都唔會口渴呀。而我覺得好值得一提嘅係佢個糖心蛋，好多地方都會整到太熟，但係佢真係整得啱啱好，而且食落個質感係好正，非常襯呢一個拉麵。而呢度嘅炸物竟然都好出色，一上枱熱辣辣，而且好脆，面頭嘅炸粉唔會太多，越食越開胃呀。呢間拉麵店咁出色，而且而家冬天咁凍，呢排一定會多啲嚟食呀。

其實APM都有好多食肆, 最近都不斷去試食, 今日揀咗呢間麵屋, 價錢其實都偏貴, 店裡座位都唔算好多, 加上疫情只可入半數人, 所以等位都等咗10分鐘黑蒜叉燒拉麵 - 賣相一般, 叉燒好薄都好食, 黑蒜油係比較油口, 所以成碗麵都油感黑蒜叉燒沾麵 - 賣相都係一般, 沾麵湯底偏咸, 沾麵都不錯總結 : 今次嚟真係試食, 比想像中好一般, 心態係試一次就夠, 起碼有試食過, 或者可能我真係唔識欣賞, 都係鍾意食返傳統既拉麵, 好懷念札幌拉麵店

就黎限聚令，諗住食返個最後的晚餐，見APM有間神山，個樣好熟口面，好耐之前喺呢個位食麵屋武藏， 沾麵已經係差。因為太耐無去APM，以為轉左手，原來只係轉左名，唔明點解咁多人行入去食，價錢還算平。黑蒜油一啲香味都做唔到只係黑色嘅一啖油基本上已經唔想食，好彩枱面既辣椒油幫到手，有蒜片，變返有味既汁。叉燒黎講幾好食，流心蛋係好食，面麵都可以掛到好多汁個汁就偏凍左少少，可能打左卡啦但個汁無味，唔係咸唔咸，而係真係無味，真係浪廢左成碗麵只可以講唔會再食