磯野水產

營業中

休息中

上openrice見到呢間好多好評所以趁男朋友生日黎呢度試下。我地都好鍾意食日本嘢，但今次係我第一次去香港嘅居酒屋。黎到地方唔大，但好似真係去左日本嘅居酒屋，幾舒服唔會太逼。Menu 有太多嘢都想試，所以冇叫套餐 ~前菜 野菜條沙律伴鯷魚醬🥕🥒前菜係必上，不過唔係免費。清爽嘅蔬果配略咸嘅鯷魚醬好特別，胃口立即大增，我未影相已經食先😆火炙左口魚邊壽司& 三文魚腩壽司 🍣 OMG! 係我食過最好食嘅火炙左口魚邊壽司><三文魚腩壽司都好好食！兩款壽司都好厚好肥美，味道一流🤤日本海膽味噌甲羅燒 🦀 海膽、三文魚籽mix蟹膏嘅味道非常特別，係令我地最難忘嘅一道菜。下次去一定會再叫！ 鹽燒牛小排🥩  熟嘅程度啱啱好，味道唔錯但不是特別出色。為左個牛小排叫左一碗飯 活日本文蛤蜆 浜燒 & 時令貝 浜燒 黎到總要試下海鮮浜燒，經過店員介紹，我地選擇左活日本文蛤蜆同紐西蘭刀貝浜燒。有啲失望，一隻蜆要差唔多一百蚊但味道冇咩特別，性價比低。 椰子雪糕🥥 最後上了生日甜品，本身想試雪葩但當日冇😢  不過男朋友鍾意食椰子，佢表示非常好食。冇expect個椰子雪糕都有咁大塊board寫住Happy

📍𝕮𝖆𝖚𝖘𝖊𝖜𝖆𝖞 𝕭𝖆𝖞 🚙#cynincwb #eatincwb #teaincwb▪澳洲活龍蝦(兩食) 💯💯𝔸𝕦𝕤𝕥𝕣𝕒𝕝𝕚𝕒𝕟 𝕃𝕠𝕓𝕤𝕥𝕖𝕣 𝕚𝕟 𝟚 𝔽𝕝𝕒𝕧𝕠𝕣𝕤日本活白貝 💯ℕ𝕠𝕣𝕥𝕙𝕖𝕣𝕟 𝔾𝕣𝕖𝕒𝕥 𝕋𝕖𝕝𝕝𝕚𝕟南非活鮑魚 💯𝔽𝕣𝕖𝕤𝕙 𝕊𝕠𝕦𝕥𝕙 𝔸𝕗𝕣𝕚𝕔𝕒𝕟 𝔸𝕓𝕒𝕝𝕠𝕟𝕖時令活蠔 🦪𝕆𝕪𝕤𝕥𝕖𝕣火炙左口魚邊沙律 💯💯𝕊𝕖𝕒𝕣𝕖𝕕 𝔽𝕝𝕠𝕦𝕟𝕕𝕖𝕣 𝔽𝕚𝕟 𝕊𝕒𝕝𝕒𝕕燒鱈魚乾 🐟𝔾𝕣𝕚𝕝𝕝𝕖𝕕 𝔻𝕣𝕚𝕖𝕕 ℂ𝕠𝕕 𝔽𝕚𝕤𝕙鹿兒島A5和牛烏冬 🐮𝔸𝟝 𝕎𝕒𝕘𝕪𝕦 𝕌𝕕𝕠𝕟日本蛋卷(朱古力、巨峰提子) 💯𝕁𝕒𝕡𝕒𝕟𝕖𝕤𝕖 𝔼𝕘𝕘 ℝ𝕠𝕝𝕝-----。-----。-----。-----。-----。-----。-----。-----。-----。-----。-----。-----依加晚市冇得堂食又撞正星期一 唯有提早慶祝👫🏻💕🐰見到有龍蝦兩食諗都冇諗就揀左~ 分別有刺身同甲羅燒 好食到差啲想食埋🐻嗰份🤫多謝🐻帶🐰食好嘢 之後都要繼續錫🐰唷😘 (雖然某🐻明明前一日先臨急抱佛腳諗餐廳 但又點都唔肯認😶🤷🏻‍♀️)▪

地方: sogo 附近直行向灣仔方向 普通居酒屋裝修沒有房間 多人時候會比較嘈勝在食物多選擇 生熟食 燒物 炸物 飯麵手卷都有 （唔知係咪淨係晚市）任何 720mL清酒買一送一 1）坐低自動比甘筍白蘿蔔青瓜一兩片菜伴隨有蠟燭座熱住點個醬食開頭以為係蟹膏之類原來名堂叫做多春魚乍甸魚混合醬 幾鹹香一定要趁熱食 收費 $34 2）松葉蟹肉青蘋果蟹子沙律 $ 128好大兜夠四五人食當然係爽脆青蘋果佔大多數碎條上 蟹肉得丁丁 有車厘茄 但好開胃3）想食刺身的話今日有五款魚 池魚 赤鯥 金木叼 跟住唔記得咗揀咗金木叼做刺身 原條 $588 staff 話可以揀厚或薄切 多人食薄切上啱啱好 食完可以煮湯或者炸來送酒 揀咗炸 呢個唔係好清楚好似唔使收加工費？4）牡丹蝦刺身 都大隻 $78 each 食完又可以加錢（每位 $50 ）用來整湯或者炸蝦頭我們選擇煮湯 可以選擇白魚湯 蜆湯 或麵豉湯今次試吓白魚湯 湯裏面有豆腐 味道唔錯食完咁多生嘢 飲完個肚暖笠笠開始食熟野5）大愛左口魚邊壽司一客有兩件 $68 抵食最鍾意面頭燒少少嗰浸油香味而且唔係度度有得食6）店員介紹一個鮑魚係凍食 一個鮑魚係燒熱估唔到兩

近周晚市堂食令解禁，梗係要四出搵好嘢食啦！餐廳中間已經燒緊海鮮，香氣撲鼻。試咗一個最紅嘅「磯野二人餐」，唔單只好味，服務亦周到，絕對值得推介~頭盤青蘋果蟹子沙律，青蘋果絲切得非常幼細整齊，加上鮮紅蟹子，新鮮好味，胃口大開。燒雞泡魚乾香暖鮮甜，帶點煙韌性，有嚼勁，係餐前至佳佐食！刺身壽司盛盒擺盤精緻吸睛，有三文魚刺身、赤蝦刺身、原隻磯煮鮑魚，刺身極之新鮮甜美，鮑魚好有質感又夠腍滑，可以留返個蝦頭去煮一陣個白蜆湯添。 仲有松葉蟹肉、黑松露帶子同火炙左口魚邊壽司，每款都精心配製，尤其係左口魚油脂豐富，甘香回味！主角係原隻活龍蝦，極之生猛大隻！肉身做咗刺身，師傅刀工厲害，切得片片厚薄均勻，食落鮮甜無比。 龍蝦頭釀咗蟹膏之後做咗甲羅燒烹調，龍蝦香氣同蟹膏混合，正呀。 一隻龍假蝦兩種食法，滋味無窮！鹿兒島和牛鋤燒，先俾我哋睇吓塊厚厚和牛先，烹調之後用鐵板上枱。 加上秘製醬汁，香味濃郁，和牛入口即溶，喺口腔中衝擊味蕾，歷久不散呀！！！主食係蟹膏帶子炒飯，雖然已經好飽但我哋俾鮮味嘅蟹膏同粒粒分明嘅飯粒所吸引，仍然食個清光。 最後白蜆湯雖然好飲，而且配料極之豐富，但珠玉在前，實在俾之前嘅嘢食比下了！清酒

是日與好友到姜濤灣打卡，為慶祝430大日子好友預先訂了位於「磯野水產」大歎高質日本料理，這家餐廳常常爆滿，很難walk in 有位，最好預早訂位啦。點菜前，餐廳會送上「雜菜蟹膏沙律」作前菜，配有青瓜、紅蘿蔔及白蘿蔔條，蟹膏用蠟燭微微溫著，味道較鹹香，點上雜菜條更清爽鮮甜。 隨後我們二人點了「磯野二人餐」$1888先來「青蘋果蟹子沙律」青蘋果清新酸甜，蟹子沙律亦很新鮮。跟住來燒得微熱的「燒雞泡魚乾」，入口惹味，送酒一流。剛好餐廳做清酒買1送1優惠，買1支750ml的清酒再送1支。「刺身壽司成盒」包括有三文魚刺身、原隻磯煮鮑魚、松葉蟹肉壽司、赤蝦刺身、黑松露帶子壽司及火灸左口魚邊壽司。「原隻活龍蝦」有刺身及甲羅燒（兩食做法），刺身龍蝦鮮甜美味，質感彈牙。甲羅燒食法，超香口勁惹味，配上梳打餅一起身更添滋味。「鹿兒島和牛鋤燒」和牛入口即溶，很到滿口油脂，甘香美味。「蟹膏帶子炒飯」炒飯一上枱便香味撲鼻，帶子煎香可口，每粒都沾上蟹膏，口感軟糯，好吃到一口接一口。「白蜆湯」加上了蝦頭一起煲，令白蜆湯味鮮上加鮮，飲後更暖胃來作結。

和外國來的朋友聚餐聚餐 挑選了這間日本野唔平不過d野都好新鮮好食海鮮拼盤必叫 鮑魚都唔算差只是座位有dd擠逼 不過係銅鑼灣無辦法啦間唔時黎食好東西也是可以的👍🏻👍🏻👍🏻👍🏻👍🏻

肚仔餓餓，一人前可以食啲咩呢？銅鑼灣出名「浜燒海產」嘅 @isonosuisan 居酒屋裝修好似去咗日本，入到餐廳已經聞到香噴噴嘅炭燒味😋😋 ⭐️辣味噌大根牛脷煮 - 厚切牛脷粒肉質鬆軟，入口香濃，蘿蔔超入味。⭐️帶子三文魚煙肉白汁意粉 - 肉質鮮甜大大隻帶子配上每條意粉都被香濃白汁包住，每一啖都滿足感爆燈！⭐️活北寄貝 浜燒 - 一個字 UMAMI🔥 燒物最緊要掌握時間，稍為多幾秒鐘食物質素便會有影響⭐️深海池魚薄切刺身 - 刀功好，保留到魚肉纖維爽脆彈牙

今日午餐想試新野，去左呢間喺OpenRice人氣都幾高嘅磯野水產，主打日式燒海鮮。入到去裝修以深色木材為主。一黎到先上紅蘿蔔青瓜同生菜dip，個鯷魚醬用小暖鍋暖住，好香吞拿魚味，好西式feel。埋單先知原來要收$34，好離譜喎，應該要早啲講聲先。疫情期間午市時間冇午餐。第一次黎費事諗，叫左個激安二人前，價錢六折為$1186再正價加一。火炙左口魚邊沙律火炙左口魚兩條開左四條，冇乜火炙味，都好多汁同脆口。沙律係沙律菜，青瓜片，車厘茄，同洋蔥，加左大量柚子醋。燒鱈魚乾燒鱈魚乾一客12塊，暖暖哋上枱，非常薄脆，帶淡淡魚味，伴有加左少少七味粉嘅沙律醬。食落似薯片。服務員先拎盤食材俾我哋睇吓，之後逐一喺我哋座位附近用火槍同爐燒。主菜3選1，有龍蝦同象拔蚌揀，我哋揀左鹽燒伊佐木。鹽燒伊佐木大大條，服務員建議鹽燒，我哋梗係照跟。個人覺得魚肉正常，皮都算脆又唔會太多鹽，不過冇驚喜。伴有酸汁，白蘿蔔蓉，同檸檬一塊。魚肉沾酸汁食好啲，因為冇乜味。活海鮮浜燒5選3，我哋揀左時令活蠔，南非活鮑魚，同蘇格蘭活蟶子。其他仲有北海道活帆立貝同活貴妃貝揀。南非活鮑魚兩隻，去左殼咁上，一開4片，伴柚子胡椒醬。肉質有嚼勁，

今次嚟到呢一間專門食水產嘅餐廳，但係我哋冇嗌海產不特止仲一味食飯～～好彩試到一個非常高質、值得推介俾大家嘅餐點！呢個鹽燒牛小排飯索價二百大元，睇落細細份好似好唔抵食咁，但係其實佢嘅牛肉質素真係非常高，每一啖牛肉都無筋無渣，嫩滑到唔需要太用力就已經咬得開，牛小排係半熟嘅，呢個處理方法令到牛肉味更加濃厚突出，而且最值得一提嘅係佢嘅米飯全部都索哂牛肉嘅肉汁，每一粒圓轆轆嘅日本珍珠米都比肉汁完完全全咁樣包圍，食落口嘅滿足感真係非常高，所以下次嚟不妨喺水產以外試一試佢嘅牛小排呀！

唔知點解之前啲人話好食、 環境好、服務好及高質。我今次試咗激安二人前，前菜嘅鯷魚醬死鹹，所配嘅蘿蔔雖然有甜味，但好乾身，好似放左係雪櫃一段時間，龍蝦兩食中嘅刺身一啲鮮甜味都冇， 而龍蝦甲羅燒死鹹， 燒鮑魚有腥味， 燒聖旨及帆立貝有少許鮮甜味，但燒海鮮呢部份，份量極少。 鹿兒島和牛烏冬當中嘅牛肉份量又係極少，而湯都係得一個咸字，冇乜其他鮮味。環境一般， 佈置嘅旗幡佈滿塵同有發霉，枱比較細張，似平價嘅日本餐廳，呢個餐加一後$14xx 完全唔值!

/ /銅鑼灣高質磯野水產🦞✨見到最近有個激安二人前！真係幾抵食！接近半價🤩🤩🤩即刻bk位嚟食先！先嚟左個前菜🐠醍魚配埋個沙甸魚 、多春魚煮嘅醬食落偏鹹，但前中後嘅味道好特別火炙左口魚邊沙律🥗好fresh！配埋個柚子胡椒醬🍊左口魚邊好香油脂味愛知縣白象拔蚌🦑真係超大隻！！有刺身食！切得好簿，食落好彈牙仲可以自選3款活海鮮，燒得啱啱好🥰時令活蠔🦪蘇格蘭活聖子✨南非活鮑魚💗鹿兒島A5和牛烏冬🍜A5和牛油脂好均勻！配埋壽喜燒湯底，甜甜地、好好食！日本卷蛋🇯🇵朱古力味、巨蜂提子🍇質地偏硬，建議可以融多陣雪先食但味道唔錯，唔會太甜！

又係週末鬆一鬆嘅時候，約咗朋友去食日本料理。店內環境唔算大， 店中間放咗一個磯燒爐， 客人可望住烹調過程。雜菜蟹膏沙律作前菜有青瓜蘿蔔小小菜， 用材新鮮好爽脆， 蟹膏用微溫暖著，好細心。磯野壽司盛合八款賣相非常精緻，八件壽司 分佈在木九宮格內。 件件都新鮮好味， 特別係海膽 鮮味十足。親子雞肉飯呢個配搭真係冇得輸，蛋同雞好滑， 仲有菇類同洋蔥增添鮮味， 加上日日式醬汁， 好有日式家庭風味。西京豚腩肉有啲似叉燒， 燒得外脆內軟， 有少許燶邊， 好香口，豚腩肉肥瘦分佈均勻， 份量十足。西京燒銀鱈魚同豚肉一樣， 燒得出色， 銀鱈魚好嫩滑，用材新鮮。雜錦天婦羅賣相好有氣勢， 大蝦超級大隻， 成個蝦頭脆卜卜食埋唔好嘥， 仲有冬菇翠玉瓜， 上枱還熱辣辣，正。

前排見到銅鑼灣一間專門食日本海鮮嘅「磯野水產」正推出期間限定二人前套餐 $1,186，便心思思約朋友黎試一試。餐廳裝潢甚有日式風格，環境整齊寬敞，邊食邊播着日本歌曲，令人彷如置身於日本。食物質素高，特別係海鮮，都係即開即燒，非常新鮮。加上服務都唔錯，餐廳職員會按照我地嘅進食速度去燒海鮮，以確保食物嘅鮮味，呢方面值得一讚👍前菜 - 野菜條沙律爽脆冰凍嘅青瓜、白紅蘿蔔切成條狀，配上由多春魚同沙甸魚所造嘅醬汁。醬汁以慢火加熱，魚味濃郁偏鹹，但當配上清新嘅野菜條便可以中和鹹度，而且一冷一熱口感相互交織，味道不俗，係款幾有特色嘅前菜火炙左口魚邊沙律左口魚經火炙後特別香且油份十足，配搭新鮮翠綠的沙律菜，非常開胃😊燒鱈魚乾咬落有陣鱈魚香，非常香脆可口，點上沙律醬，滋味無窮😋澳洲活龍蝦 (兩食)先食活龍蝦刺身，賣相討好誘人，整體顏色鮮豔奪目，當然要即刻打卡啦🤭 龍蝦肉呈透明好新鮮，口感爽甜彈牙，份量亦算多，食得好滿足🙈再來就係甲羅燒，擺碟同賣相雖然冇活龍蝦刺身咁精緻，但龍蝦膏同龍蝦肉同時鋪滿喺原個龍蝦殼上，感覺好澎湃😍 食用時放喺脆脆地嘅小餅乾上，蝦味濃郁、滋味而不膩口，正呀！北海道活帆立貝 x1上碟

冇夜晚堂食😔，午餐都要食好啲😋。掛住日本，就去左磯野水產品嚐佢地嘅活海鮮浜燒😚😚，都相隔左一段日子先再訪，食物依舊高質。宜家佢嘅二人餐做緊優惠，$1186/2位😚前菜蔬菜條有青瓜🥒，甘荀🥕，沙葛，配溫熱左嘅多春魚混沙甸魚醬，味道更濃更咸香，配搭爽口清甜嘅蔬菜條真係無得輸🥳🥗火炙左口魚邊沙律左口魚邊火炙過後魚油更豐盈，口感滑溜，沙律菜新鮮爽脆，沾上酸醋很醒胃。🐟燒鱈魚乾呢個超好食，鱈魚乾好薄好脆好鬆化，亦有鹹香味，按喜好蘸上酸酸嘅沙律醬亦都好相夾，佐酒一流，可惜個餐冇包飲品，想飲就要另外追加喇🤪龍蝦🦞兩食店員會將各款鮮活海鮮靚靚咁擺在盤上比客人影相先，呢個時候我地瘋狂打卡🤭😂🦞澳洲活龍蝦拎岀黎個時隻龍蝦仲好生猛🤩，咁鮮活最適合做刺身以品嘗其最原始嘅鮮味和肉質。師傅幫我地將龍蝦起左肉，擺盤賣相好靚，令人垂涎欲滴🤤平時食上湯煮嘅新鮮感龍蝦已經覺得係人間美食，今次嘅刺身龍蝦真係食到我地兩眼👀發光🤩，蝦肉晶凝通透，忍唔住一啖食左佢，食落肉質爽彈，蘸上豉油，鮮味更岀，讚！仲有啲肉會癡係個蝦殼上面，食得唔好浪費，師傅會起埋啲肉連埋蝦頭入面嘅膏整個龍蝦甲羅燒比你嘆埋🤗，此為第二食，蝦膏鹹鮮味十足，配餅

今日男朋友話帶我去食日本野，勁期待前菜：鯷魚醬配蔬菜條鯷魚醬係用沙甸魚同埋多春魚混合而成，咁疏菜條就有青瓜，紅蘿蔔，白蘿蔔感覺新鮮開胃燒物：北寄貝＆貴妃蚌北寄貝肉質肥美厚實，而且非常鮮甜味，仲帶有一陣陣嘅海洋味貴妃蚌，切粒上，而且佢夠熱唔韌而且多汁刺身總共有六款嘅刺身（每款兩件）包括有牡丹蝦,吞拿魚,三文魚,帶子等等。全部都十分之新鮮肥美超高質主食：溫泉蛋壽喜燒汁醬調得非常好，牛肉肉質嫩滑，再配上溫泉蛋以及鮮甜新鮮蔬菜，好快就食曬成碗飯。