石鍋堂

營業中

休息中

假日來到旺角，與友人走到人氣石鍋店，吃一碗滾燙的手打烏冬，嚐一下在炙熱的石鍋中透出的湯香，也聽聽日文歌曲。店鋪的座位適合二人至四人聚餐，每個座位底下放置了一個籃，用來放置背包。燒鰻魚石燒手打烏冬配黑松露香菇湯($98)，上桌時香菇和黑松露的香氣撲鼻。烏冬沾上黑松露的顏色和香氣，再喝一口湯，口內香氣滿溢。濃郁的黑松露和白芝麻置中，在沸騰的湯包圍下猶如一座孤島。醬燒鰻魚另碟奉上，頂層少量白芝麻微微增加脆感和香氣，適量的鰻魚汁帶出鰻魚的鮮味，而不會掩蓋鰻魚本身的味道。鰻魚肉扎實，同時嚐到鰻魚本身獨特的煙靭。石鍋堂海鮮石燒手打烏冬配黑蒜油豚骨湯($84)，蒜香比黑松露的香氣更濃烈。烏冬同樣能掛上湯底，只是掛上的湯底不及黑松露般濃郁。海鮮種類多，有蠔、蝦、蜆、帶子和蟹柳棒等，當中以蝦最為鮮爽，還有十分爽脆的蟹柳棒，為整碗烏冬加分。關東冷豆腐($28)，吃過燙熱的烏冬，再吃冷凍豆腐，微微帶來味蕾的刺激。豆腐頂層鋪上柴魚絲和少量櫻花蝦，為冰凍軟滑的豆腐增加櫻花蝦鮮脆的口感和微微鮮鹹的柴魚味。吃過烏冬，店員送上甜品，紅豆菓子。從晶瑩的皮可看到紅豆內餡，甜度適中，煙煙靭靭，是滿分甜品。烏冬份量大，即使男

我好鍾意食日式烏冬但以石鍋烏冬為主打嘅餐廳選擇都唔算太多有人介紹位於旺角女人街嘅石鍋烏冬性價比好高而且味道不錯石鍋烏冬除咗可以揀餸，仲有有幾款唔同嘅湯底我因為太鍾意黑松露嘅香氣二話不說當然要試吓呢度嘅人氣黑松露香菇海鮮石鍋燒配手打烏冬一上枱石鍋燒得熱辣辣中間有一湯勺黑松露未混合黑松露既香菇湯底已經非常鮮甜手打烏冬非常彈牙 而且好入味同湯底非常配合海鮮份量亦十分足夠有2隻大蝦 生蠔 蟹柳棒蜆材料非常豐富同新鮮食到最後麵條同湯底都仲夠熱非常滿足另外友人點了醬油豬手配上泡菜辛辣湯 醬油豬手一上枱好有驚喜估唔到同餐牌嘅份量一樣係原隻豬手有足足有手板咁大呢個價錢淨係食豬手都抵豬手炆得好入味，皮同肉都非常嫩滑而泡菜辛辣湯非常醒胃更可中和豬手嘅肥膩感更令人越食越開胃最後仲送上日式甜品口感煙煙韌韌紅豆餡料唔會太甜非常好吃另外呢度嘅店員非常友善係開飯嘅好選擇

好好味的石鍋堂, 石頭鍋烏冬 用上手打稻庭烏冬。即叫即整， 活動非常之嫩滑可口。咬落彈牙 兼任好味道我自己就叫咗個安格斯肥牛， 肥牛肉汁醃甜味味食得出是上等牛肉 六成熟少少粉紅色 半生熟咁樣想點交配上滾滾熱辣的湯 灼熟牛肉非常之好味。牛肉肉質好鮮味。之後朋友就叫咗個黑豚肉， 黑豚肉大大嚿 肉同脂肪分佈恰當好處。之後仲叫咗個吉列炸蠔， 炸粉薄薄地， 炸蠔蠔味濃沃。甜甜好味， 可重號的精華美叫杯凍檸茶 解解渴消消暑呢度電源服務態度都非常之好

而家周圍都去唔到，唯有去唔同食堂食各國菜式，今日就輪到去食韓國菜，石鍋堂就食唔同石鍋系列。我先點了一份厚切鵝肝野菌石鍋飯，不得不說厚切鵝肝相當肥美，油脂豐富，而且煎香後味道濃郁，配上野菌本身特有的香味，兩者間相輔相成，十分吸引。朋友則點了安格斯牛肉石燒手打烏冬配上魚介豚骨濃湯，魚介豚骨濃湯味道相當濃厚，輕嚐一口，飲得出相當足料，沒有用味精提味，安格斯牛肉則肥瘦均勻，重牛味，上桌時呈現半生熟狀態，經石鍋的高溫後，恰到好處，相當不錯。脆味軟殼蟹，作為小食相當不錯，軟殼蟹大小恰當，一口可食到半隻，蟹香味濃，配上沙拉汁，減低油膩感，正呀。兩人去食，叫了多款小食連特飲都只係$400左右，幾抵食。

旺角食肆很多 但是石頭鍋專門店實在不多 今天在來到了這間 主打是石頭鍋烏冬於是就來光顧了分別點了一個 安格斯牛肉石燒手打烏冬 以及 雪國手打烏冬 另外點了一份關西風味鍋貼安格斯牛肉石燒手打烏冬特別配料黑松露湯底 味道非常夾 老闆推薦不錯 值得回味 烏冬很有彈性 不會煮得過火 而且配合黑松露湯底非常香 而且很濃郁適合重口味的人士以及黑松露的愛好者 安格斯牛肉很嫩滑 整體來說非常美味雪國手打烏冬比較遜色 因為只是配上簡單的芝麻醬 但因為烏冬的麵質很好 所以整體來說的亦非常美味很有彈性非常q彈最後是關西風味鍋貼 配上沙律醬的鍋貼感覺很新鮮 摩貼比較細隻但一客有五隻亦不錯

Ishiyaki Cafe (旺角)鰻魚石鍋飯用上珍珠米 飯底分明鰻魚的調味開胃肉質結實 頗嫩 鐘意佢熱辣辣 仲有飯焦 特別美味😋Overall🌟: $ 76 ( 7.5 /10)

係旺角番工太多野食，成日有選擇困難症，同事就推介我去石鍋堂食，話好大份好抵食，咁我梗係去試下！試左個照燒雞扒烏冬，真心係幾好食同幾大份！照燒雞扒烏冬 ($47)推介指數：8.5/10烏冬湯底都幾出味，唔算太濃，但個味係會覺得足夠，係開胃既。而塊雞扒都算大，肉質唔會硬，但當然覺得雞滑小小會更加好食！個照燒汁亦調製得非常好，係將成件事升華曬！$47係午市食到呢個份量，都算係幾抵！我覺得呢間石鍋堂係絕對可以成為我既飯堂，見到其他人叫飯，係超大份量！我係男仔都未必食得曬。加上佢既味道亦有番咁上下水準，價錢便宜，可以去食多好多次！

​📍 石鍋堂 安格斯牛肉石鍋烏冬女人街附近有間食烏冬既餐廳經常性排長龍，有次夜晚去食要等15張檯，結果放棄左。呢排因為virus outbreak，咁啱食晚飯時冇乜人排，可以即刻入座。事不宜遲，即刻入去食下小編想食好耐既石鍋烏冬先。-嗌左個安格斯牛肉魚介豚骨濃湯烏冬，因為相係menu上真係好吸引，同埋天氣凍想食啲熱辣辣嘅野。上檯個陣真係好有氣勢，啲湯滾住上。湯底濃郁，唔會好鹹。啲手打烏冬好彈牙，熱辣辣，好好食，等佢滾耐啲仲吸曬啲牛味同湯底味，好正。唯一不足既係牛肉唔算腍，咬落好硬，唔知係咪煮得太耐。-地址：旺角通菜街2A-2P號鴻光大廈地下D號舖

咁啱嚟開油麻地買嘢，一直沿着通菜街搵食，見到石鍋烏冬好似幾特別，就揀咗呢間餐廳。入到去見到大部份座位已被坐滿，叫咗照燒雞扒石燒手打烏冬 ($74)同石鍋堂海鮮石燒手打烏冬 ($84)。餐廳枱與枱之間嘅位置好窄，其實都有啲擔心會容易發生意外。上菜時湯仲滾緊，店員都有特登比隻碗裝海鮮殼。兩款石燒烏冬都叫咗黑松露蘑菇湯，見到其實係好稀嘅蘑菇湯再加啲黑松露喺面，攪勻後食落去味道都唔算好濃，烏冬都因為浸得太耐而塌晒。雞扒好乾身唔入味，比較好嘅地方係餸嘅份量比想像中大。不過覺得衛生麻麻，下次未必會再嚟😰

Switch出新Game所以就出咗旺角買Game，因為疫情下嘅我，已經成兩個月無行過街，無出過街食晚飯了。所以買完隻Game後點都要行多陣同食埋晚飯先返去。難得晚上7點無咩人的女人街，行過路過都真係行得舒服。行行下發現一間餐廳有人排隊，同條街形成一個大對比，我就八卦望下。原來係石鍋堂，諗下自己又好似好耐無食過石頭鍋，咁我同Honey就排埋一份。拎咗個籌好好彩都好快有位。入到去發現原來要搭枱，都無所以啦。不過剛剛又有一張2人枱埋單，職員仲主動過嚟問我地轉唔轉枱，真係好細心。排隊嘅時候就已經諗定食咩，好快就落到單。Honey點了石鍋堂海鮮-山地獄辛辣湯見到有嘅海鮮包括蝦、蜆、帶子Honey比咗蝦同蜆我食，都好新鮮，蜆無沙，蝦就好鮮甜另外見到帶子都好大粒。而我就點咗安格斯牛肉-黑松露香菇湯黑松露比想像中份量都算多，望落都有成一湯匙我就先飲咗啖未撈黑松露嘅湯，已經好香菇嘅味道再將黑松露撈埋落D湯，成個湯嘅味道再提升哂鍾意黑松露嘅人真係一定要試吓。另外牛肉份量都幾多，因為我分咗D比Honey後都仲有好多塊。而且牛肉肉質都好嫩滑。除咗兩個石鍋烏冬外，我地仲點咗3個小食日式炒雜菜-味道都幾好，不過除

間鋪比較細，所以都要等位，不過店員就係我地等緊嘅時候比左menu我地點餐先。一坐底佢就有樽酒精搓手液比我地😆我就叫左個黑蒜湯底嘅炸豬扒烏東，我覺得湯底咸左啲，其他都不錯，個豬扒好正之後再叫左炸軟殼蟹，好食我地3個人食一碟其實唔夠喉😂😂😂食到咁上下店員無啦啦上左碟野話係送比我地嘅甜品，類似麻糬咁，個皮煙煙靭靭，入面係紅豆，味道不錯。 但有樣唔好嘅事發生左，就係食食下有隻好細嘅昆蟲係枱度行😰嚇死

📍熱辣辣石鍋烏冬 -- 石鍋堂🍜旺角通菜街好多好嘢食😍烏冬有好多款式，有照燒雞扒，鰻魚，豚肉，安格斯牛肉等等，真係選擇困難發作😂掙扎完一輪揀咗厚切豚肉😍跟住又要掙扎埋湯底😂最後就要咗黑松露香菇味😋-------厚切豚肉石燒手打烏冬 配 黑松露香菇湯（$74）石鍋烏冬熱辣辣標晒煙😂聞到好香嘅黑松露味😆豚肉份量好多，有成五大塊，仲要件件都勁厚🙊啱晒肉肉控😂湯底味道帶黑松露味，但小編略嫌唔夠濃😭扣咗少少分😭豚肉索咗湯底嘅黑松露味，食落唔錯，好軟腍，仲冇肥肉👍烏冬食落滑捋捋，但唔知係咪喺石鍋一段時間之後受熱太耐，食食下會開始變腍，唔夠彈牙🙊整體不過不失🙊-------創意照燒雞扒蛋包飯 ($72)首先份量多，好大碟😍蛋包飯嘅蛋皮炒得幾香，可惜口感食落比較鞋口老身，略為扣分，但好彩淋喺面頭嘅照燒汁為蛋皮加返少少濕潤嘅感覺，令佢不至於乾身。內裏嘅炒飯好香，帶照燒汁甜甜地嘅味道，惟炒乾身少少會更好👍雞排件件都好厚肉，咬落爆晒肉汁，好juicy😍😍雞皮仲燒到脆脆地，好邪惡但忍唔住係咁食😋整體唔錯，性價比高，可以一試💕另外店員服務好有禮貌，用餐體驗好好😍------評分（10分滿分）賣相：7味道：6性價

近期天氣入夜比較涼，想吃點熱東西暖肚，朋友提議去吃石鍋晚餐。這小店非常旺，晚飯時候爆滿，我們離開時還有人等位呢！鮮活蜆石燒手打烏冬我們選了黑松露香菇湯底，一上枱香氣四溢。石窩很夠熱，湯滾得沸騰。湯底菇味濃郁，黑松露醬給得慷慨，有一大舀，非常美味，滿滿的大蜆蓋滿鍋面，蜆肉大粒鮮甜，手打烏冬煙靭順滑。原來石鍋溫度可高達300度，怪不得吃得最後，溫度還是保持熱度。燒牛仔骨牛舌石鍋飯燒汁牛仔骨肉質鬆軟，惹味。牛舌雖是薄切，但牛味濃洧，有咬口。飯絕對是重點，加入店內自家調製的芝麻日式豉油，撈起飯粒和脆口飯焦，非常香口惹味，一大鍋亦吃清光。絕味燒雞翼一份有兩串，共有四隻中等size雞翼。雞翼燒得皮脆，油香十足，灑上少許辣粉，是非常惹味的小食。最後，還有甜品送呢。是紅豆餡的菓子，煙煙韌韌的外皮包着紅豆餡，不會太甜，我們都吃得滿足。

好耐之前去過石鍋堂一直念念不忘所以今晚晚餐決定帶朋友去係市道低落下石鍋堂依舊滿座真係唔簡單我地兩個人分別叫左安格斯牛肉石燒手打烏冬照燒雞扒石燒手打烏冬吉列蠔佢地店既賣點係即叫即製 熱辣辣手打烏冬用石鍋上保持住温度 沸騰個人好鐘意佢地既手打烏冬粗幼度岩岩好比一般既烏冬粗身非常有咬口而且非常彈牙索湯汁冇得頂必試朋友既安格斯牛肉好有質素切成薄片 半生熟入口非常之香軟我既照燒雞扒都非常有份量外表燒到出哂油香雞肉十分嫩滑 而且好入味到小食吉列蠔有3隻 即叫即炸處理得好好 唔油膩 又香脆岩哂鐘意食蠔既朋友仔總括黎講石鍋堂 性價比好高好味道又親民既價錢

今日黎到旺角，又係搵野食既時間，天氣突然凍返少少，梗係要食啲暖既野食喇！今次揀左石鍋烏冬！以為食烏冬好普通？一定唔係，呢間餐廳有不同湯底俾大家揀，你可以揀自己鍾意的餸菜配上合適的湯底。今次我地試左大蜆配豬骨濃湯。蜆的數量唔多，其他配料又唔多，好快食哂。湯底有少少偏咸，如果唔鍾意濃味既人要留意。另外仲點左吉列豬扒配黑松露磨菇湯，呢個湯底好香，遠遠都已經聞到，湯底有少量菇，好好味，湯底係其他地方較為少見，可以一試。豬扒炸得唔乾，有肉汁鳥冬較為粗身，好彈牙