石鍋堂

營業中

休息中

今晚與友人到西洋菜街搵餐廳食飯，見到是石鍋料理幾特別，於是揀左呢間餐廳。餐廳都幾細心，正值疫情施虐，餐廳都幾細心，四周都擺滿酒精搓手液俾客人用！超級細心。見到餐牌嘅時候，每樣食物價錢都唔貴，絕對是價錢貼地嘅餐廳。出菜都好快。我最滿意的絕對是石鍋烏冬！我完全估唔到厚切豚肉（魚介豚骨濃湯）肉嘅份量係可以咁多！比起一般日式麵食餐廳真係多得多！我和友人分享的時候，夾極都仲有！超級開心！加上我地食得比較慢，掛住食小食，點知再夾烏冬食嘅時候都仲係暖暖的！加上湯底非常濃郁，但絕對唔係鹹！烏冬都好煙韌彈牙爽！小食方面，真係不負我所望，串燒黑松露帆立貝好燒得啱啱好！咬落去好juicy，唔會乾巴巴！好後悔冇點埋其他串燒！炸芝士年糕，咬落去爆芝士果下真係大大嘅滿足！令友人最驚喜的是關西風石燒流煎餃子，可能是燒的緣故，成個餃子乾乾的表層但係入面係濕軟的口感，最後友人竟然同我搶食！

今日同朋友行完街，就去女人街睇下有乜好食，一見到石鍋烏冬覺得幾吸引就選擇依間，都要排一陣隊但15分鐘就已經到朋友選擇左吉列豬扒石燒手打烏冬配黑蒜油豚骨湯，用石鍋熱滾滾甘上枱，真係好想即刻大啖大啖食但 實在太熱，豬扒外脆內嫩，湯底香濃，烏冬口感夠煙韌，還有因用石鍋關係就算差不食完都還在出煙，真係好適合冬天去食我自己就選擇了厚切豚肉石燒手打烏冬配黑松露香菇湯，湯底濃郁但又不會太膩，豚肉真係好大件又厚切，女孩子胃口細真的未必食得完最後仲有個紅豆糕送，但我太心急相都未影已經食左，100以下食到一碗好足料既烏冬，真心平靚正

雖然話疫症嚴重，但點都要行街食飯，難得今日出左去旺角，就同老公去行下佢至愛既玩具鋪，行到咁上下就上開飯睇下附近有乜好食，為免揀太多人既食店，揀左好耐，終於揀左呢間石鍋堂👍🏻店舖不算大，而我地到達時間都算幾早下，所以不算太多人，亦都唔駛等位👍🏻望下餐牌，就在餐紙點餐，兩口子點了一個石鍋烏冬，一個石鍋飯，一個小食，一杯飲品，已經好滿足😋安格斯牛肉石燒手打烏冬：有幾個湯底選擇，我地就揀左黑松露香菇湯。當侍應將石鍋烏冬送來時係熱騰騰，塊牛肉係好靚，而且黑松露香味好正，撈勻之後，提升了成個烏冬味道燒牛仔骨牛舌石鍋飯：超香，牛仔骨好嫩滑👍🏻我特別好愛石鍋上的飯焦，好正要推介這兩串岩鹽燒牛舌，超好食超好食超好食要close up比大家睇下，係非常之厚切😍雖則厚身，但完全唔鞋，好滑呀，好回味大家一定要點👍🏻仲有兩件甜品係送既，令成餐飯好滿足🤗

心血來潮好想食鰻魚飯，在旺角女人街難得找到一間有提供原條鰻魚飯的餐廳。這間店向來人氣高企，無論是午餐時間或者晚餐時間來，都會見到等位的長長人龍，店鋪最出名的當然是招牌石鍋烏冬！今日過來，聽到店員說現在只有在晚市才會提供石鍋烏冬。不過我今次來是一心想食鰻魚飯，所以順利成章點了「原條鰻魚飯」跟餐飲紅棗桂圓茶。鰻魚份量十足，每啖咬下去都超滿足，不過鰻魚汁略嫌不夠，店員說如果不夠汁可以用放在檯面上的豉油，不過本來食鰻魚是想食甜甜的味道，變成配豉油飯感覺怪怪的。。。🤔而跟餐飲品紅棗桂圓茶味道偏甜，亦都飲唔到紅棗味。

排隊等左陣，都算快還可～叫左石鍋烏冬，豚肉松露菇湯底～石鍋上好熱，豚肉入味啖啖肉，呢一茶匙嘅松露伴住每一啖烏冬，係滿足嘅，食完好飽下。-不過drinks唔好飲都係真心，不過食熱野好難唔叫野飲喔。炸蠔可以skip，粉偏厚，蠔細粒唔係特別香，無feel。-但燒牛脷好食，要叫！厚切但唔會燒得太熟，無UN，呢個價錢黎講算好掂。-溫馨提示：相對上座位係冇咁舒適，要搭枱，傾計難少少，明白嘅，女人街嘅食檔係咁。

呢排天氣咁凍 最啱就係食熱辣辣既石鍋啦😋😋呢間餐廳除左石鍋都有好多其他菜式 但我地始終都係試左佢既石鍋先 下次再試其他😛首先要左個安格斯牛肉 配魚介豚骨濃湯 一上黎個時個湯重滾起 熱辣辣！上面重有啲櫻花蝦 令個湯底更鮮味！睇住啲牛肉慢慢碌熟 可以跟自己喜好食唔同生熟度既牛肉 不過呢個牛碌耐左都唔會好硬 而且牛味好重！👍烏冬都係我中意既 煙un有口感！朋友點左燒牛仔骨牛舌石鍋飯 食石鍋飯最中意就係熱到佢有飯焦 夠香口😋😋兩款牛都唔錯 份量亦好足 一定夠配一鍋飯食！呢碟炒雜菜亦好推介！佢個汁好好味 配埋會入味的蔬菜 正！埋單都係每人一百蚊鬆啲 但就暖笠笠了☺️

從前中學就在油尖旺區，時常也在旺角街頭流連。當年通菜街內的餐廳，除非門面太過不吸引的，近乎每一間也吃過。已經起碼五、六年沒有在這一帶覓食，每次都只是途經此地。一直有留意到這家名叫石鍋堂，主打石鍋烏冬的餐廳，門外總是滿滿的人潮。這天剛好下午六點多，又經過這裡，店內人數略少，便決意一試。石燒手打烏冬，也有五款湯底可選，配料更不在話下。安格斯牛肉石燒手打烏冬(黑蒜油豚骨湯底)($80)，配料比想像多，冬日夜晚，吃一碗熱騰騰的石鍋烏冬，特別惹味。男友點了汁燒牛仔骨和照燒雞扒冷烏冬($78)，滿滿一碟肉，令二人都嚇一跳。烏冬份量也不少，配上胡麻沙律醬，經典的香口惹味，性價比極高。起初不知食物份量如此驚人，還點了吉列芝士豬扒($25)作小食。十分欣賞夾在豬扒內軟熟、流心程度剛好的芝士片。無論拍照或食用，一樣滋味。離開時才不過晚上七點，店外已排著十幾人。吃畢還有甜點附送。果然，價廉物美，自然有口碑，大眾也會懂得選擇。

今日同個朋友去開旺角搵食, 凍凍地, 好想搵D熱驣驣既野食下, 朋友提意去食石鍋飯, 諗起女人街入面有人間成日有人排隊既”石鍋堂” 今日有機會試下了, 去到真係好好生意, 但係啱啱好有兩個人走, 又剛剛好有位, 但係好可惜, 我地可能太夜去到, 全部牛同牛舌都賣哂, 店員推介我地試下佢地既烏冬, 佢話湯底包有驚喜, 我地叫咗一個魚介豚肉烏冬, 另一個叫咗黑松露豬軟骨烏冬, 小食叫多咗個芝士吉列豬扒, 等咗一陣D烏冬好快到~ 上枱個刻真係好震撼~ 兩碗野熱到火山咁滾, 個石鍋好堅~ 堅熱~ 魚介湯真係不得了~ 好濃鰹魚味~ 每條烏冬都入哂味~ 豚肉有DD肥, 好林, 好啱冬天食~ 小食芝士吉列豬扒, 芝士勁流心, 炸得好好, 不油勁脆~ 結論: 用心製作的小店, 性價比十分高~ 會再去食好餐廳

女人街內街一向多小店🤤今晚黎搵食，見到呢間石鍋堂都幾多人排隊就試吓。餐牌睇圖都好吸引，都多選擇🥰環境企企理理👍🏻炸芝士年糕 $22/2件外脆內軟，煙韌，仲有流心芝士😋關西風石燒流煎餃子 $35/5隻同樣外脆內軟，餃子有肉汁，餡料好食脆味軟殼蟹 $45唔會太油膩，配上沙律醬及七味粉好香😋安格斯牛肉烏冬—黑蒜油豚骨湯 $80烏冬熱辣辣，黎到仲滾緊🔥 牛肉軟諗有牛味，烏冬都吸哂啲牛味👍🏻炸物配上沙律醬都好好食😋👍🏻喺旺角搵唔到野食可以試吓呢間，CP值幾高👍🏻 人均百零蚊

你知旺角特別多新奇有趣的小店，之前要到旺角上課，可以順度找找吃吃。通菜街兩旁，有很多林林種種食店，感覺近日天氣有點冷，便決定吃些溫暖的東西，就最好了。照燒雞扒配黑松露香菇湯，淨睇雞扒，都流晒口水了，雞皮香脆，肉質多汁嫩流。湯底好有素食的感覺。厚切豚肉配魚介豚骨濃湯，豚肉無比厚身，女孩子胃口細食，真的會吃不完。湯底濃郁美味。烏冬石鍋上枱時，好有熱騰騰的氣勢，真的非常精彩，內心感覺震動。日式炒雜菜，好清爽，不油膩。食飽來杯，特飲~青蘋果綠茶，真的好滿足。最後還吃到老闆給的甜品，黑糖紅豆糕，充滿黑糖味，好甜美的感覺。

入座無講用餐時間，等待食物需時10分鐘，用餐35分鐘後突然催埋單，先講原來用餐只有60分鐘，但等位用左超過1小時！！！石鍋咁熱如何於1小時內完成進食？而且等待食物又要時間，剛剛食無耐就俾人催左3-4次埋單！最後未食完就俾人迫走，永無下次！！！丫姐態度十分差劣，入座安排又混亂。等位期間又見到丫姐不斷安排人打尖，都唔係順號碼叫位。食物又普通，價錢又唔平，環境狹窄，而丫姐不斷於好窄的走廊送熱鍋，十分危險！

服務態度極差，等左9個字，得1個鐘用餐，野食又唔係即叫即有，差唔夠鐘就係咁催你走。食物唔算好好食，人均至少100蚊。其他地方都食到，但食到一肚氣，唔值。唯一好味係個飯後免費甜品。永遠唔會再食！

今日同朋友係旺角行完街，就去左附近女人街食晚飯，行過見到一間要等位，但食物選擇多，價錢亦合理，見排隊的時間不算長，就決定排隊試下。先黎芝士年糕，年糕外脆內軟，口感不錯，一咬落去，裡面有大量流心芝士湧出，好正!之後就係正餐石鍋飯。我點左燒牛仔骨牛舌石鍋飯，上檯時石鍋仲係熱辣辣，可自行加入豉油，最驚喜係只需一陣子，就有大量我最愛既飯焦，又香又脆又可口，但唔會過焦，好好味! 至於牛仔骨同牛舌各有三大塊，牛舌係薄切，彈牙唔會韌，牛仔骨肉質嫩滑，都燒得好入味。朋友點左厚切鵝肝野菌石鍋飯，鵝肝名乎其實厚切，而且外層煎得微焦香脆，食落很香口。最後仲有送小小茶果。

冬天凍冰冰，最好就係食返熱野暖下身。之前係女人街食野經過見到好多人排隊，今日終於的起心肝過黎試下。燒鰻魚石燒手打烏冬 配魚介豚骨濃湯（$98）原條鰻魚😍鰻魚醬汁帶微甜，好適合我的口味，最怕有些餐廳用太濃/太甜的醬汁搶曬鰻魚的肉味。因知道鰻魚有醬汁，所以揀左個口味清淡少少的湯底。豚骨湯底香濃度適中。烏冬爽口彈牙，就算浸住係熱鍋都唔會變淋。👏🏻.厚切豚肉石燒手打烏冬 配和風咖喱湯（$79）如果鍾意食重口味，就一定係揀咖哩啦。日式咖哩香濃得黎又唔會辣。厚切豚肉的肥瘦比例各一半，油脂味極香！ .炸芝士年糕永遠最愛的燒物，好多時去到日式餐廳都會點。芝士年糕入口煙煙韌韌，內裏的流心芝士香味十足！大愛😍

最近天氣凍食左幾餐邊爐所以想食返d 無咁重口味既食物，行過石鍋堂見到menu 食物既賣相都唔錯就入左去試試環境方面都幾逼，不過旺角間間鋪都逼既所以都可以接受，而且地方都幾清潔，唔會話坐得好難受野食我女友叫左吉列豬扒黑松露石鍋手打烏東，而我就叫左燒牛仔骨牛舌飯，再叫左兩杯野飲同一份餃子。味道方面黑松露烏東幾重黑松露味，豬扒亦都炸得唔錯。但個燒牛仔骨牛舌飯就唔太好牛仔骨好難咬又細塊，牛舌就無乜味，連牛味都無，成個飯偏小汁所以都幾乾下餃子就係平時食既章魚丸個隻汁既味，麻麻地不過不失。服務方面，個別服務員態度一般般，我地杯野飲黎錯左兩次，我已經無投訴只係好聲好氣講話杯野飲黎錯左但個服務員仲要大大聲同黑我面雖然後來唔知係咪店主有主動黎道歉同送甜品，但餐飯都食得唔係咁好。最後埋單兩人加埋240蚊，唔好叫烏東以外既食物，因為個烏東好食過個飯太多😂