石鍋堂

營業中

休息中

是夜去旺角唱k想食少少野先上去行經呢間鋪難得唔洗排隊就入去食三個人每人都嗌左個石鍋烏冬上台時見到熱騰騰咁感覺好正如果天氣凍啲食就仲好食一黎就先飲湯 因為係條既靈魂精粹個人覺得比起尖沙咀果間仲好食唔會好咸又夠味朋友叫左豬手烏冬食果陣分開上唔會淋哂 豬手好入味食完老闆仲送左甜品比我地可惜太飽食唔落總括黎講都算幾高質食完唔會好口渴

放假去左旺角睇下狗仔，順便四圍行下街，岩岩好食午餐時間，唔知去邊好，去女人街就岩哂。女人街2邊經常有好多新既食店，有時候去左1次，下次已經轉左手。食店既特式人係地方好細，所以人多就唔岩啦，今次得3丁友，就去睇睇啦。咁岩發現左呢間叫 石鍋堂 既餐廳仔，日式料理，其實呢條街都幾多日本野。餐廳位置好細同窄，坐得唔太舒服，人流都唔算少，而比較深印象既係 份量幾大。3人分開叫左 牛仔骨飯 (好難咬開，失望) 鯖魚雞翼飯 (OK, 符合期望) 芝麻雞翼雞薯餅烏冬 (雞翼薯餅香口顏色唔錯，烏冬軟身左小小，湯底太油但幾好味) 柚子蜜 紅棗桂圓茶午餐比下午茶貴小小，包飲品而且都幾好味。

今日上openrice見到女人街呢間嘢都算幾多好評女人街啲質素其實都參差 有啲真係入過去一次唔會想再去有啲價錢都唔平又有放題任食又有茶餐廳頹飯咁不論好壞 應有盡有 先post下個menu 先都係啲石鍋嘢韓式嘢有飯有烏冬咁韓式炒雜菜 $38份量黎講算ok嘅味道一般般冇乜特別嘅 不過炒雜菜都唔會有咩特別嘢帶廣十勝豚肉石鍋飯 $68熱辣辣嘅石鍋飯黎啦佢個石鍋都幾大碗下食到超級飽呀佢有幾件肥豚肉口味基本上係扣肉黎食落都幾好味勝在大碗照燒雞扒石燒烏冬 $68滾住咁拎出黎好正呀雞扒同烏冬分開上嘅烏冬都幾好味 淋淋地有啲彈性都雞扒都係大件嘅總結 佢個賣點係大件食到好飽味道唔差只係啲位好迫下

今日同朋友行完街，就走去女人街巷仔睇下有乜食，無意中發現呢間石鍋堂門口有幾個人等緊位，人氣好似幾好咁，我同朋友都決定等位試下。不過佢地方唔算太大，所以等位都要有耐性少少。既然呢到主打係石鍋飯石鍋烏冬，當然我地都要叫黎試下啦。我地叫左呢個地獄辛辣湯蜆烏冬，上枱時個石鍋熱辣辣，個湯底仲滾緊🤣湯底唔算話太辣，而且蜆食落口無沙，吐沙吐得好乾淨👍🏻手打烏冬浸耐左都唔會林哂又好彈牙😋呢個鵝肝石鍋飯上枱後要即食，唔可以俾鵝肝有凍左既機會！😂鵝肝好厚身，而且有兩塊認真抵食。呢串牛舌串燒非常之好味🤤好厚身，鹽燒唔會蓋過佢本身既牛味👍🏻最後仲有甜品送好窩心。

近排天氣凍了，所以今日約了好友吃石鍋烏冬和石鍋飯。石鍋堂之前吃過一次，覺得食物質素不錯，價錢亦合理，所以今次再幫襯。我們7:30去到餐廳，門口已排滿人，可見非常之受歡迎。我們大概等了半小時才入座鋪頭面積不是太大，但整齊乾淨。我點了一個石鍋烏冬，端上的時候，湯底還在高溫的石鍋中沸騰。湯底味道濃郁，調味亦剛剛好，不會死咸。蜆嫩滑鮮甜，正朋友點的石鍋飯，鵝肝厚切，外層煎得微焦香脆，食落很甘香。雞翼燒得剛好，皮脆肉嫩，食完仲有日式紅豆糕送

呢個星期天氣轉冷，最適合食d石燒類暖笠笠的食物。係旺角一開openrice就見到呢期熱辣辣的美食。好彩去個日係平日，8點鐘到唔太多人，等左20分鐘，5張枱就有位。叫左3樣食物: 厚切豚肉石燒手打烏冬(黑松露湯底)，鰻魚蛋包飯同鹽燒雞翼。石燒烏冬非常熱辣辣，d泡泡成5分鐘先卜卜完，個湯底有香濃的黑松露味，石鍋保溫力強，食到最後都仲好熱。豚肉好厚肉醃得好入味好juicy。鰻魚蛋包飯的鰻魚好大件，原條上的，味道好入味。鹽燒雞翼有4件，好抵食，醃得入味，燒得乾身同有鹽味。呢間餐廳值得攞介，尤其係冬天

琴晚食咗呢一間烏冬店，冬天黎呢間食烏冬好正，因為它的石鍋是很熱，可以令烏冬保溫，吃完都仲暖。我們叫了安格斯牛肉黑松露香菇湯烏冬和醬油豬手魚介豚骨湯烏冬再加了一個石鍋堂照燒雞扒。先談談牛肉黑松露香菇湯烏冬，湯底有重的黑松露味道，而濃度適中，不會唔夠味，亦不會太鹹，同時還有菇味，味道的確唔錯。至於個豬手烏冬，值得讚係比左成隻豬手，豬手啖啖肉，係濕煮，味道適中。魚介豚骨湯都不錯，與烏冬一起吃，都好滋味。個雞扒，用咗燒雞汁，所以有甜味，肉質都淡淡肉，唔會太唔硬👍最後仲有甜品，和果子。整體都有驚喜，價錢都正常。

同老公去旺角買嘢，晚餐時間要找餐廳食飯，經過一間石鍋堂，門口多位食客等位，想想之前也試過店內的濃湯，的確好好味！今晚都好想再回味一下，就同老公加入等位行列。店內地不大，但都坐滿食客，個個都食到津津有味！入座後，立即落單點了燒鰻魚石燒手打烏冬，湯底有五款，各有特色，我選了魚介豚骨濃湯，是用鰹魚乾、小魚乾、紫魚乾、昆布，和優質的乾魚粉、乾貝粉等熬煮十小時而成。鮮甜味十足！用燒熱了的石鍋盛載上枱，見到湯仍在滾滾燙的，石鍋的熱力能保持温度，食完碗麵石鍋還暖。魚介豚肉骨湯味道濃郁，烏冬掛上濃湯滑溜又惹味，另上的燒鰻魚厚肉帶爽滑。吉列豬扒蛋包飯吉列豬扒厚切又大塊，外脆肉嫩，嫩滑的蛋包住已調味的飯，再加上特製醬汁，甚惹味！咸檸七，咸中有甜的味道好特別，冰凍解喝。

天氣開始轉涼，筆者食既野都開始有所改變。食個石鍋等自己暖下先 ^^照燒雞扒石鍋手打烏冬雞扒好大件嫩口，件件都係厚切size，好有滿足感！加上表面塗上既照燒汁同芝麻，非常惹味吸引！厚切雞件大大件石鍋堂石燒手打烏冬成個鍋都係海鮮，有蝦，蜆，帶子等等。鐘意海鮮既朋友一定好滿足，筆者拆殼都搞左好耐，哈哈。今次筆者揀左黑松露湯，感覺有點怪怪的，可能豚骨湯會好d。石鍋既好處就係你放左好耐食，個鍋都仲係暖笠笠好好食。涼涼地食呢種鍋簡直就係一種小確幸。

今日難得出旺角食晚飯，經過呢間石鍋手打烏冬店，人流雖多，但排隊唔算多人，所以就揀呢間食晚餐。環境較細，但食物美味，且服務好，所以會再來食。300°C 熱石海鮮茶漬飯 $88先倒入魚介昆布綠茶，利用300°C熱石令茶漬飯更香更入味，仲有佛騰的嗞嗞聲，好吸引，再加入配料的櫻花蝦，散發更香的味。海鮮非常豐富，也很新鮮甘甜，有彈牙爽口的蝦，特別甜美，而飽滿的蜆肉也很多汁很鮮甜，帆立貝超大粒，好嫩滑，蠔肥美鮮甜，蟹棒啖啖肉好厚身。飯粒吸收哂茶湯的鮮味，有昆布同魚介提鮮，又有綠茶的清香，更有櫻花蝦脆卜卜的口感同獨有的香味，十分滿足。安格斯牛肉石燒手打烏冬 (黑松露香菇湯) $78湯底有5款，而呢款黑松露香菇湯就好吸引我地，有好香黑松露味，仲有濃重香菇味，而且牛肉用安格斯牛，嫩滑有牛味，用牛肉卷少少黑松露醬食，非常美味，超香超多肉汁。手打烏冬超彈牙，又滑溜，口感極好，就算浸係石鍋耐左都仍彈牙，加上有石鍋保持溫度，最岩冬天食。仲有甜品送，係透明和果子，口感微彈帶煙韌，內餡是紅豆蓉，味道微甜不膩，仲有粒粒紅豆。

今晚出旺角買野，經過石鍋堂，平時勁多人等，今晚我哋早，看見門口不是太多人等位，天氣又涼涼地，決定食翻鍋。店舖細細，但座位都不小。鮮活蜆石燒手打烏冬，滾滾下，湯好熱，蜆勁多，大大隻，蜆肉好鮮味。湯底揀了黑蒜油豬骨，黑蒜油好香，湯底不是太濃，又鮮甜。追加了低溫慢煮流心蛋，放入石鍋內等熱湯煮一煮，這樣食法，要快手，才可以食到流心蛋黃。石鍋熱辣辣，再飲冰凍野就最爽，所以飲品叫了鹹檸七加冰底。食石鍋湯烏冬，真係凍凍地食就最好，食完由肚暖到出來。

黑松露愛好者注意  今晚同親愛的又係旺角搵食都係個句, 其實好多都食過哂, 但係有D真係連寫食評都慳返...不過呢間石鍋堂係近期我的最愛安格斯牛肉石燒手打烏冬 (黑松露香菇湯) ($74)十級好食, 隔離台都聞到香味, 食落又好濃郁既味道啊!不過alert大家... 真係好熱, 熱到我辣親條利 汁燒帆立貝雞扒石鍋飯 (石頭鍋) ($68)太乾, 少汁到好似無汁咁, 雞扒乾身, 帆立貝太熟太煙韌唯一美中不足呢...就係個位置太細啦通風系通未必做得好足. 大家都係食緊石頭鍋既時候, 成個場都好熱咁岩我就同另外兩位客人坐最入既位置 ... 真係好焗架~ 希望遲下有改善啦 

最近天氣開始轉涼，令我忽然好想食石鍋烏冬 在網上找到這間石鍋堂，便相約友人放工後一齊去食平日放工後7:30左右到達，估唔到門外竟然有約數十人在等位！ 但好彩，好快，等左約十分鐘已經可以入座 👍🏻係門口等位時已經睇定餐牌，諗好食咩😆👍🏻我和友人共點了三款食物：1）海鮮石燒手打烏冬-黑松露香菇湯：$85好大pat黑松露醬😍 一聞，勁香黑松露味❤️ 海鮮份量多：大蝦、帶子好大隻、蜆、青口。海鮮 新鮮同大隻，性價比高2）燒牛仔骨牛舌石鍋飯：$78睇落平平冇奇，但估唔到牛舌同燒牛仔骨都好入味，而且石鍋飯有飯焦，好好味 3）芝麻雞翼：$42/3隻好香口，熱辣辣又好脆，好有驚喜！👍🏻埋單連加一，二人共二百蚊左右。性價比高 👍🏻

石鍋拉麵或者沾麵就食過，但石鍋烏冬真係第一次～石鍋堂店面細細，但晚市都坐滿人，啱啱好唔洗等位就入得！我叫咗海鮮和風咖哩濃湯（$84）好多料，有蝦、蟹柳、蜆、青口、元貝等，每一樣都好入味，而且無咩雪藏味。烏冬好爽口彈牙，雖然石鍋仲好熱，但唔會好快就變軟身，口感一流哈同埋湯底味道好濃，果然無揀錯咖喱味👍🏻男朋友叫咗原條鰻魚照燒汁蛋包飯（$88）鰻魚切開一半，好長條同埋好厚身，肉質唔會太腍。蛋包飯份量好大，勁多飯，如果啲蛋多啲，飯少啲啲就啱啱好啦！凍香芒果綠茶（$13）好解渴，不過有啲甜～

再次來石鍋堂吃晚餐，相隔多月，店舖一如往日大排長龍。在晚上七時前來到已要等位，可見其受歡迎程度。店舖細小，還能吸引如此多人來這，可見賣點不在於環境，而是食物和價錢。在物價高昂的香港，一百元以下已可嚐到一大碗熱燙的石鍋，相信只有這裏才能做到。每一款烏冬都可選自己喜歡的湯底，也因應湯底的價錢而所不同。石鍋烏冬依舊是我的首選。燒鰻魚石燒手打烏冬配黑松露湯底($88)，一大塊燒鰻魚被燒汁覆蓋，厚肉的鰻魚爽滑，店員以另外一隻碟盛着，以免被湯汁浸軟。亦可把鰻魚放進滾熱的湯內，鰻魚便蓋上黑松露的香氣。把黑松露醬在熱湯中拌，便會散發其松露香。手打烏冬彈牙，更能掛湯，每一口都嚐到湯汁的香味。300℃熱石海鮮茶漬飯($88)，店員送上茶壼，把茶澆飯，倒滿整個石鍋飯，飯粒滲滿茶的清香，如鐵板發出微微的滋滋聲。倒入拌碟的櫻花蝦一起攪拌，為飯添上一層蝦乾香，可同時嚐到櫻花的脆香、茶香和飯香。加上海鮮—青口、鮮甜的蜆、新鮮爽滑的蝦和鮮爽的帶子，整碗都用料十足。吉列芝士豬扒($25)，表層的粉炸得鬆脆，內層的豬扒夾着芝士，芝士量足，外脆內軟。上桌時所有食物都是炙熱的，要稍等一會才吃。食材新鮮、份量足、價錢相宜，在餐