真心泰國菜館 (已結業)

同女朋友喺朗豪坊睇完戲，發現原來隔離有個叫朗晴坊既地方，仲有幾間餐廳，就決定揀左呢間泰國菜試下。餐廳用左好多紙傘佈置，幾有特式。餐牌有好多頁，大部分諗到既泰國菜式呢度都搵到。今次首先要左我最愛既炭燒豬頸肉，外層燒到好香脆，而內層瘦得黎完全唔會乾，充滿肉汁，而且味道亦調教得岩岩好，唔需要加汁已經好好食，十分高質。之後要左一碟乾炒雞肉河粉，炒得夠哂穫氣又唔會油。驚喜既係河粉係粗身個款，食落更有口感。最鐘意佢地D蛋絲，好香口而且索哂D汁。最後仲要左一碟海南雞飯，油飯粒粒分明唔油膩，但個人覺得可以再濃味少少。主角海南雞去哂骨，好嫩滑，雞皮亦好爽。醬料方面只有一碟辣醬，如果有埋黑豉油就仲正!飲品方面要左杯檸樂同龍眼冰，最後仲有免費椰汁紅豆大菜糕送，岩哂食完咁濃味既泰國菜之後比個口清一清。兩個人食到飽飽都係二百幾蚊，相比喺朗豪坊入面食野真係化算好多!

行完朗豪坊有點累要搵晚餐食，唔想行太遠，唯有又去朗晴坊搵野食，朋友想食泰國菜，所以去了真心泰國菜館！已經是我第三次來，晚餐有一人晚市套餐，價錢60-70左右，以地段來講算平環境也挺不錯首先來是我的喇沙雞絲米粉，想不到像撈麵，醬汁又濃郁，啖啖都是喇沙味😋😋👍🏾雞絲配上喇沙醬就變好食了（我本身不太食雞絲，怕沒有味道）另外跟餐+$10有2隻雞翼很熱很熱👍🏾,如果雞翼再大一點會更好朋友點了肉碎生菜包，微辣，份量多，很多豬肉碎甜點是泰國糯米飯，糯米飯還在冒煙！上面黃色的應該是炸綠豆，很正宗😌口感煙韌的糯米加上脆口的綠豆～好吃～跟餐有飲料，椰汁紅豆冰要補$10、喊檸七補$5真心泰國菜館真心不錯👍🏾

旺角逛街想吃下午茶，走到朗豪坊附近，見到朗晴坊樓下好多餐廳介紹廣告，最後，選了真心泰國菜。走進店內，天花板全是傘裝飾有著好濃厚的泰國色彩，氣氛好好，餐牌封面是木雕刻好精緻，看看餐牌，食物價錢適中，味道非常好~ 泰式串燒夠淋很好味，炒金邊粉聞到濃烈鑊氣味，河粉好滑身好好味，整體上食物質素水準高。

本人最喜歡東南亞菜，尤其泰菜。上星期剛剛去完曼谷，又想再回味一下泰菜既美味😋餐廳地點方便，地鐵站兩分鐘就到啦，雖然地方唔大，但裝飾好有心思，最喜歡天花頂舖滿既彩色傘，環境充滿東南亞氣氛，餐牌以木板製成封面，未用餐整體感覺良好。食物我點了一個細冬陰功、紅咖哩豬肉飯、芒果糯米飯。冬陰功材料好足，有大量菇、兩隻蝦size都唔細，去了蝦腸感覺乾淨，食落好放心，味道方面偏辣，怕辣的人就應該受唔住啦，但本人最愛辣，所以呢個湯對我來說正好，湯內有唔少材料，所以味道好濃，泰國當地都未必有咁足料同濃味既冬陰功，推介！紅咖哩豬肉飯都係材料充足，有豬肉片、茄子、不同的泰國蔬菜、用料好多夠惹味，仲有金不換提起了整碟菜既香味，好食！好掛住泰國既芒果糯米飯，所以要點😁雖然份量偏少，但勝在賣相有心思，椰汁亦夠多夠香。服務亦周到，侍應會主動加水，最後兩個人食左$253，食飽飽滿足的一晚。

真心泰國菜館位於朗豪坊隔離二樓，位置方便，有Lift有樓梯可到達。我建議行樓梯就唔洗排隊等lift. 裝橫有泰式風味, 感覺良好。冬蔭公不是太辣，可接受，飲落都好飲，適合香港人口味。條魚都幾好味 豬頸肉少少乾，唔夠淋。串燒大大串，肉好食，沙爹汁更佳，可惜冇影相。生菜包，肉炒得比較辣，除了辣冇咩味，想玩下用菜包肉可一試。菠蘿炒飯成碟上，視覺效果好差。炒通菜OK, 如果連炒菜都唔掂就好大鑊 整體而然，服務OK, 食物味道有提升高空間，而且可加大食物份量，我自己應該唔會再黎。

突然興起想食泰國菜 記得我幾年前食過呢間上來睇下先 坐左幾枱客依舊係泰式佈置 好夠傘系天花板Menu個封面系木板製 好可愛嘢飲選擇有好多 朋友揀左椰汁 我揀咗龍眼冰先叫咗個椰汁雞湯 唔算味精 熱辣辣趁熱飲有少少微辣 好滋味 入面有幾舊雞 雞肉不孩 細size兩個人飲已經好足夠叫咗個飯超級抵食 馬拉盞通菜併豬頸肉配白飯 $68 only!!好惹味 豬頸肉又唔肥食哂呀成碟而我就叫咗冬陰公金邊粉share 食個人覺得可以再辣d金邊粉面質爽滑 貼心的附送甜品 一人一舊今餐都好滿足

同朋友喺朗豪坊附近行街，行完街朋友話想食泰國菜，於是上網搵到呢間真心泰國菜館。原來旺角有兩間，不過呢間近啲，所以我哋就揀呢間啦。係朗晴坊嘅呢間餐廳，係要上兩層樓。大廈入口唔係好顯眼，但係見到少少嘅人龍，應該都係等緊升降機上去。我哋於是都跟住排隊。好好彩，唔使等位。打開餐牌，價錢都唔太貴。晚市一人套餐，連甜品同餐飲都唔使＄70，加埋一就70幾蚊。1) 泰式雞扒咖喱炒河 (⭐⭐⭐⭐💢)咖喱飯就食得多，咖喱炒河比較配搭新穎，加埋泰式雞扒，希望可以食得飽肚啲。有咖喱嘅濃郁，但係又唔算好辣。河粉方面，滑身，份量適中。雞扒煮嘅熟度啱啱好，講質素好過出邊啲茶餐廳。2) 泰式咖喱雜錦配白飯 (⭐⭐⭐⭐⭐)雜錦嘅意思係有唔同種類嘅肉。雖然我都唔係好分得清楚，應該有豬扒、雞扒。味道唔錯，調味料香口，配白飯一流。3) 蝦醬通菜 (⭐⭐⭐⭐⭐)菜好爽身，食到蝦醬嘅味道，但係就唔算太鹹。份量適中，配飯一流。餐飯很有泰式感覺。而且菜又唔算太油，健康一族都可以食。另外，送甜品同埋嘢飲。我同朋友分別嗌左椰汁冰同埋紅豆椰汁冰。紅豆椰汁冰要補＄10，椰汁冰就只需要補兩蚊。泰國野食當然唔少得泰式飲品！食完一套餐我哋都好滿足

周日上午，同阿妹睇完早場電影，在附近走走逛逛，順道尋覓醫肚之選，遠遠望到真心泰的招牌，正好想食泰國菜，Deal~第一次來到朗晴坊，雖然門口好多食肆宣傳牌，但一路行樓上去，都覺得自己係米行錯後門XD行到一樓見到兩個深綠色垃圾筒，直頭覺得行錯路，急急腳想落下揾正門，好彩後面咁啱有人上來，就照行多層試下啦。真心泰在二樓，室內裝修睇得到有花過心思，倒掛雨傘的天花更是擊中我的最愛，滿室泰味濃厚的擺設，但明顯一切都有時間留下的痕跡，有點陳舊，有點褪色......兩點幾的時間，正值tea time, 可能位置隔涉，不太旺場，五六桌人安靜用餐，我倆選擇了近窗邊的角落位。下午茶meun選擇頗多，全部都係$3x， 包野飲同甜品，而且睇隔離枱，份量一點都不下午茶，同lunch 無分別！如此價錢，實在良心！！選擇困難症發作一輪後，我點了喇沙雞絲米粉，阿妹食泰式冬蔭炒金邊粉(因為我想食金邊粉，所以轉咗~) 勁多花生碎同蝦米仔！！！喇沙湯底非常夠味，而且有花生碎和蝦米仔，令我想起之前在檳城食的喇沙！！對完全唔食得辣的人來講，可能會有少少辣，但惹味是肯定的！而且份量非常夠，作為一個大食的女仔，食完好飽！！金邊粉亦相

前日同個老友去旺角行街 見肚餓又想吃泰菜於是就搵左朗豪坊附近嘅泰國餐廳。。入到去個環境好舒服首先來個到泰菜必叫泰式鳳爪 辣辣的 微酸的 爽爽的 好味好開胃跟住來個海南雞飯 d飯軟硬適中 係油飯來 吃落好香 d雞好嫩 正再來個通菜 一d都吾會老 好鮮 吃完吾夠喉🙈😋再來個炒金邊粉 聞到濃濃的鑊氣味 好香 d粉冇炒到散晒 加埋d蝦爽爽的 好好味啊最尾來個青咖哩雞 個咖哩味夠濃 好creamy nice nice呢餐吃得好飽 捧腹走

以前在旺角區居住及工作多年，梗係識得窿路搵平靚正嘅好野食，唔通成日去朗豪坊食貴野咩！所以以前一直有幫襯呢間位於朗晴坊二樓的真心泰國菜，佢抵食得來又幾正宗，因呢間泰國菜係泰國人開嘅。今日重回舊地，見到老闆娘十年如一日咁笑咪咪坐係收銀櫃枱，其他泰國姐姐就如常勤快咁落單及起菜，真係好有親切感。今日先知，原來星期六都有下午茶餐嘅！真係超扺食！$28 生牛肉湯河套餐連飲品及甜品（龍眼冰+$10）生牛河係上枱先浸熟啲牛肉嘅，所以牛肉幾嫰口，最正係個濃湯，超級香濃，啱晒我呢啲重口味嘅人，不過老公就覺得重味左少少。清甜龍眼冰係阿囝超愛，一粒龍眼肉都冇剩。干炒海鮮河粉條套餐$52 （青檸梳打+$5）炒河好夠鑊氣，海鮮料十足，仲好有蛋香。泰式小食拼盤$158呢個係全家至愛，各有喜好。我最鍾意佢個泰式煎魚餅，香辣得來好惹味！阿囝同老公都最鍾意食佢個炸蝦球，外面勁香脆，入面蝦味濃郁，仲好彈牙！其餘嘅泰式春卷同雞翼都相當可口！跟餐餸嗰個粟米綠豆蓉糖水非常之好味！

同朋友去 旺角 朗豪坊睇戲， 順便食埋晚飯 ，旺角有很多餐廳食肆， 想找一間 方便 又清靜的 餐廳 食飯 ，朋友提議在朗豪坊鄰近的朗晴坊，那裡有間泰式餐廳( 真心泰國菜館)。餐館內環境清幽 ，雅潔。 而且 裝修 佈置， 充滿泰式 氣氛。 好讓客人置身於泰國 食餐。我先點了一碟 泰式海鮮炒公仔麵， 公仔麵份量 足夠我們兩個人食用， 而且材料 有 青椒 ， 紅椒 ，蝦仁。 味道略有少少微辣 ， 相當醒胃 ，我們很快便掃光了。朋友 便 柯打咗一碟咖哩海鮮飯， 海鮮飯 有蝦仁和蟹柳 ，咖哩汁不算太濃，清清淡淡 ， 又有少少㗎哩味道 ，如果不愛吃辣的 朋友較為適合。飲品方面 : 我個人推薦柑桔檸檬 是最好的選擇， 酸酸甜甜， 飯後 ，可以幫助消化。

最近同朋友去旺角 朗豪坊 商場購物， 做晚餐時間 ， 我們便找餐廳 食飯 ，原來在鄰近朗晴坊 二樓有一間(真心泰國菜館)。 我們因為很久沒有食泰國 餐，所以到這間(真心泰國菜館) 嚐泰國菜滋味。餐廳 地方不算 寬敞， 但 餐枱 擺設 整齊， 周圍環境 清潔 ，裝修 充滿泰國風味。天花板上掛上 色彩繽紛的雨傘 ，顯出 雅緻特色。我們先點了一個 泰式 菠蘿炒飯。 炒飯用了半邊菠蘿盛載， 份量充足 有肉鬆 和腰果 餡料非常豐富 ，炒飯乾身 ，軟綿。咖哩海鲜， 配料 略為 遜色咗啲 ，但很有泰式咖哩 味道， 咖哩味濃郁，而且不算 太辣 ，可以接受 ，如果配上白飯， 撈上咖哩汁 一定最開胃醒神。最後仲有 甜品奉上 ，冰凍椰汁糕 ， 味道鮮甜 ，口感,涼快 。我們都吃得很飽足 ，可算是 不錯的泰式; 晚餐。

椰青焗飯 $138一睇菜單已經俾呢一個招牌菜吸引左。呢排工作壓力好大，最啱食啲甜甜酸酸嘅嘢。我哋就揀咗呢一個椰青焗飯，佢哋都真係充滿椰青椰汁嘅味道，好香濃都好足料，好多海鮮係入邊，十分之好味。泰式冬蔭炒麵 $68冬陰公炒麵，比我嘅感覺係香港菜配合泰國菜。酸酸甜甜十分之開胃，唔想食咁多咁飽嘅，就可以叫呢一個菜。龍眼冰 (set加$10)黎到泰國餐廳點可以唔叫龍眼冰！我哋最鍾意就係龍眼冰，又甜又對喉嚨好。椰汁西米糕

最近天氣凍凍地，成日都想食啲辣辣地既野暖下個胃，咁首選當然係泰國菜啦！因為臨到聖誕係咁瘋狂購物，所以今日lunch唯有食得平平地，同荷包止下血，見完客就同同事去左一間價錢親民又坐得舒服既真心泰國餐廳。門一開，終於明點解佢叫真心泰國餐廳，因為真心係泰國人經營，由擺設裝潢菜單都係正統泰國風味，未坐低就己經覺得好有氣氛，差在啲姐姐未同你講聲沙哇啲咖。一打開個menu 發現有太多選擇，至少100樣，剩係睇menu都睇左10分鐘，香葉肉碎飯又想食，青咖哩又想試，炒貴刁都好吸引，仲有多款小食同飲品。心大心細左一輪，我最尾叫左蝦餅，炒貴刁同椰青，同事話呢到既海南雞飯一向都好有水準，所以都叫返個配返杯咸檸七。呢到既服務快靚正，姐姐話咁快就先送飲品，椰青大個個，味道相當鮮甜，我一啖已經唔覺意飲左半個，肚餓起黎忍唔住食埋啲椰肉，椰味十足。同事就覺得杯咸檸七充滿泰國家鄉風味。等多陣就有炸蝦餅。呢到既蝦餅有成個拳頭咁大，粒粒都熱辣辣，炸到金黃香脆，咬落去啖啖肉，充滿蝦味唔在講，配上我鐘意既泰式辣醬，既暖肚又開胃，即刻令我食指大動。跟住就係海南雞飯，同事果然無推介錯，雞皮同雞肉既油脂分配平衡得岩岩好，雞皮滑溜而

食正宗泰國菜唔一定去九龍城 近近哋鬧市中心旺角朗晴坊樓上鋪都有一間食泰菜嘅地方餐廳由早上十一時營業至晚上12時 包括午餐時段 下午茶時段及晚餐時段 午餐及下午茶時段都不需要另收加一服務費極具東南亞風味嘅裝修 五顏六色 環境光猛衛生 氣氛安靜閒適 逃離營營役役的急速生活節奏餐廳食物種類繁多 湯 粉 麵 飯 沙律 小食 咖哩 燒烤 一應俱全 數之不盡今日同朋友品嚐咗小食類 香炸雞中翼$63 及泰式豬頸肉$93泰式豬頸肉值得一試 燒得一啲都唔乾 外面帶點焦脆 中間嫩滑多汁 爽口又彈牙餐廳自家製醬汁有畫龍點睛嘅效果 香茅味好重 泰國風味濃厚香炸雞翼(5隻) 雞肉滑嫩 沒有雪藏味 炸雞翼外皮香脆不油膩 配上泰式辣醬 酸酸辣辣非常惹味飲品方面選擇亦都唔惹少 大眾化嘅汽水 椰青 或者 餐廳自家調配特色飲品以及啤酒類都有海底椰冰及咸檸檬七喜 各$35 若果跟餐加$5便可以大大粒海底椰 真材實料 清新 清甜 非常好喝 推介