真心泰國菜館 (已結業)

今日去左朗豪坊隔離既朗晴坊午餐，食我至愛既泰菜👇位於二樓既真心泰國菜館裝修充滿泰式風情坐位舒適，天花佈置很靚以午餐黎講，選擇真係算好豐富，成本餐牌有6,7頁，樣樣都想食三色冰、泰色奶茶奶茶味道十分正宗，跟泰國飲既9成相似炸蝦餅外脆、內彈，juicy唔乾，有蝦味海南雞飯雞肉份量幾多，肉質超嫩滑，附上既醬汁勁惹味乾炒海鮮河非常有鑊氣，河粉口感綿滑有蝦、青口、魷魚、蟹柳辣肉碎煎蛋飯帶點辣，超惹味，同泰國食到既一樣味道雞煎得好靚，邊位脆又有蛋香

這間餐館位於朗豪坊旁，地點都十分方便。然而，可能位於大廈2樓的關係，並不是很多人（還是只因最近大家都少左外出聚餐的原故？）。即使在星期日的午飯時間，也輕易的有位，人不多，環境靜靜的，也很不錯呢！食物方面，選擇都算很多，而且價錢也很經濟呢！這天點了泰式撈檬（變左係米線），配上泰式涷奶茶！ 撈米線的感覺也不錯（醬可以少一點點），泰式涷奶茶好好飲👍🏻👍🏻👍🏻

座位有啲逼，如果坐通道位，冇位比人行，有人行過一定要企起身收起張櫈。嗌左碗鴨肉撈粉，味道普普通通，米粉都算入味，食落就係咸味加蒜味，唔係好泰式，上面一粒粒既唔知係咩，有點硬，難入口。

旺角經常有唔同嘅隱世美食🤪🤪🤪今日同朋友喺旺角行開街，就捐窿捐啦睇下有咩好嘢食👅👅🤤🤤行過見到呢間真心泰國菜裝修好有東南亞風味，而且店員全部都係泰國人，於是就一心諗住入去試正宗泰國菜🤘🏻🤘🏻點不知最後有少少失，首先我哋嗌左咸檸七，但七喜味道比較淡，好似溝左水咁🤢🤢🤢另外我哋仲叫咗生菜包同埋炒金邊粉 生菜包嘅豬肉普遍比較肥膩，咬落去啖啖都係肥膏，而且唔夠惹味！另外金邊粉茄汁味比較重，幾乎蓋過其他材料嘅味道🥴🥴🥴

雖然旺角好多野食，但係旺角返工耐左真係唔知可以食咩。聽講呢間泰國野唔算好貴，就黎左試下。一入去全部都係泰國人既職員，感覺好似好專業咁。但係就有d逼，枱與枱之間空位唔多，坐低都怕整到後面。我同同事兩個人叫左食泰國野一定要食既菠蘿炒飯同金邊粉，野飲叫左可樂同青檸梳打。野飲到先，可樂係同事飲，但佢話可樂好淡，似溝左水。而青檸梳打有咸味，似咸柑桔，但就得個咸味，唔酸，唔太好飲。菠蘿炒飯就好普通，似普通炒飯多d，但就夠大份，由於真係好普通，唔知講咩😂個金邊粉就有d失望，炒得太濕，搞到d麪好「林」，又勁茄汁味，似茄汁麪多d，同埋好細份，唔夠飽。總括黎講，食物麻麻地，無意欲再黎食。

今日出旺角做完野後有點肚餓，一諗起前幾日食完泰國菜，食完總是覺得未夠喉，橫掂今日約左朋友食午飯，就不如又去食泰國菜啦！嘻嘻！！在旺角，見到呢間泰國菜位於朗豪坊隔離的一座大廈，都算蠻方便的。上到去，地方不是太大，但好有泰國氣色。天花鋪滿色彩繽紛的紙傘，周圍放了好多佛教神像和公仔。我們安排入座後就睇下有什麼好野食先！餐牌入面每個菜都有張相，可以方便客人睇到實物的樣子，都幾細心呀！我地睇睇下，侍應就俾左另一份餐牌話俾我地知，下午茶時間就到，可以睇下下午茶餐。咁我地就睇睇下午茶有什麼好食先！見到下午餐都幾抵食，仲包埋飲品，我想講佢個餐牌好貼心，佢餐飲係寫得好清楚跟餐如果想飲特別飲品時係加幾多錢，唔使食客自己計差價，真好！我們又見餐牌啲小食又幾吸引，所以就點了幾個下午茶餐和兩個小食。第一個下午茶餐到，呢碗係鴨絲湯河，湯底味道濃沃，鴨絲份量都幾多，好有鴨味，啲湯雖然濃，但唔會搶走鴨絲的味道，河粉份量都適中，唔會覺得下午茶餐就會俾少啲既感覺。第二個下午茶餐係泰式咖喱海鮮配白飯，入面有蝦，魷魚，蟹柳等等，咖喱味香，唔會太辣，份量都適中。第三個下午茶餐係乾炒豬肉河，炒河炒得算乾身，豬肉份量都夠多，還加左

天氣越來越熱，最好不過就係食泰國菜，同朋友一行4人沒有訂檯，臨時臨急諗起朗情坊樓上呢間真心泰國菜，記得很久前已經食過，今次就walk in入去，食物依然有水準👍🏽必食既生蝦刺身肉碎生菜🥬包馬拉盞通菜，好香口冬陰公湯🌶串燒（半雞半牛）泰式炒貴刁蒜蓉包，蒜蓉味好香燒魚，肉嫩另外叫左3個椰青加一杯泰式凍咖啡，椰青好甜，泰式咖啡啡味濃👍🏽，最後埋單一人都係$270，仲有甜品送，好味又抵食，一定會再黎食😋😋

位於朗豪坊左手邊一幢大廈裡. 消費來說, 在旺角比較低, 很合適預算不高的人.食物品質比較參差, 海南雞完全不是海南雞, 像煲湯後的渣, 肉差非常嚡, 斬得亦非常差, 每件都是容容爛爛. 圖中是所謂半隻的份量.另外點了串燒, 有牛和雞. 牛還未熟, 清楚見到紅色的肉. 通知了店員更換.明爐鳥頭做得十分不錯, 魚肉新鮮, 肉厚, 調味亦十分好. 菠蘿炒飯不過不失, 正常味道. 最後有一個冬陰公湯, 只有酸味, 同行4人都說味道不好.

餐廳裝修已經好有泰國風味，連侍應都係泰國人，似係地道嘅泰國餐館!但質素偏差，朋友叫我劣評呢間餐廳😂泰式生牛肉金邊粉 - $39個湯底有點咸，牛肉正常，當填飽個肚算...泰式雞絲撈麵 - $42雖然佢平，但份量都唔少,聞落都幾香可惜食落無味...友人表示十分不滿，話唔知食緊乜。午市套餐，送埋飲品～椰汁我走了冰所以偏甜，我諗椰汁冰還好掛！佢位置就在旺角朗豪坊隔離嘅朗睛坊，好方便！午市時段仲免加一，不過如果對泰國菜有番咁上下要求，我諗就唔係好的選擇了...

朋友話好食喎⋯⋯即管就去試吓啦果然好生意一入去差唔多坐滿👣環境非常之咁擠迫,差唔多係同隔離貼住枱坐，人哋講乜你完全聽到曬🗣所以當晚成個場都好嘈好迫☹️食物價錢係樓上鋪頭嚟講的話比較唔係屬於平🤑其實價錢次要🤙🏼首要食物質素☝🏼生菜包啲豬肉一陣雪藏豬肉味而且出晒水完全求其炒埋一堆🤮生菜葉已經細細塊仲要比得嗰5塊你，問佢可唔可以比多幾塊😑佢話要$15⋯要你幾塊生菜啫會唔會貴咗啲啊😧生蝦唔太新鮮正常應該係透明但唔知點解佢地係白色仲要完全冇味🤭炸蝦餅比較正常🈚️問題！用呢個價錢食泰國菜🍽我可以🈶️其他更好選擇⋯⋯😓

依幾日係咁落住雨，同個朋友黎旺角想做GYM，做運動之前就要食野既，見都好耐無食泰國野，咁就揀依間黎食。 因為我地早黎，黎到都好多位，MENU有散叫有套餐，因為我同個朋友都係諗住食完就去做gym，所以都係各自各叫個套餐就好。 我朋友叫左個泰式咖喱雞扒配白飯餐，咖喱唔係好辣，重椰汁味。 我個個泰式冬陰炒公仔面好食。第一次食冬陰公炒，有驚喜，酸酸地又辣辣地，因為佢都有小小濕炒咁，可能因為咁面就好淋。不過份量如果再多d 就好。 套餐包杯飲品，叫左海底椰，同埋甜品，一個人連加一約100蚊。

作為一個港島人，真的甚少去旺角一帶，因為人實在太多了！不過，今日要去朗豪坊附近做training ，所以記要在那裡附近覓食，突然見到旁邊有一幢大廈，有很多不同食肆，於是，就選一間去試⋯⋯來到門口，一入去見到有位，就第一時間坐低，有個好多午餐的餐牌，叫了個濕炒河，朋友叫了冬蔭功炒錢仔麵、海南雞飯，另外加了個蝦餅一齊食。整體而言，味道是不錯的，但份量就真的少得可憐，對女仔嚟講就勉勉強強，但男仔就真的唔係好夠，不過，都要56元一個餐，都算有些貴！但上菜速度都算快，不過不失吧！

週末行吓旺角朗豪坊，行街購物之餘，先食番個下午茶，再繼續行程。附近嘅朗晴坊有間真心泰國菜館，食品幾地道，連店員也是泰國人，茶餐經濟實惠，一於去光顧吓。點了泰式菠蘿炒飯，份量都幾多，炒得幾夠鑊氣，菠蘿粒是新鮮嘅，唔係罐頭貨色，雞肉粒夠軟滑，唔會太乾太韌，酸酸甜甜幾開胃，跟餐飲品叫左百事可樂。因為有D口渴，叫多個椰青，椰青很大個，椰青水份量十足，連埋D軟滑椰青肉就更加滿足。芒果糯米飯熱辣香口，糯米飯煮得夠軟滑，芒果亦夠香甜多汁，椰奶香滑可口，係一道唔錯嘅甜品。

泰國菜是香港人常吃嘅菜式，今次光顧嘅真心泰國菜館位於旺角朗豪坊附近嘅朗睛坊，地點唔太起眼。食店裝修簡樸，以木製枱椅為主，有平實嘅泰國風味。下午五時許還可以食個茶餐，食店顧客不算太多，較容易揾位。泰式干炒牛河幾有鑊氣，河粉大塊軟滑，牛肉有牛味，伴菜嘅芥蘭亦新鮮爽脆，碟頭夠份量，還有餐飲幾抵食。芒果糯米飯製作需時，新鮮熱辣，黑糯米白糯米混和令飯嘅口感更加豐富，芒果清甜可口，伴以香滑椰汁，糯米飯和椰汁亦很配合。再加叫一個大裝椰青，椰青水份量很多，清涼可口。

餐廳裝飾好有泰國風味酸辣脫骨鳳爪好食！不過偏辣，而且鳳爪份量不多，基本上都是青瓜和蘿蔔絲炒金邊粉甜甜酸酸十分開胃惹味青咖哩海鮮炒飯好食惹味香口的青咖哩味，唔會太濃味亦唔會太咸。可惜海鮮份量不多小食拼盤（大）蝦餅：好食！咬落有啖啖既蝦肉粒，新鮮炸起卜卜脆魚餅：炸得有點兒乾，而且不太有味，勝左咬落彈牙春卷：入面係粉絲，蘿蔔絲，冬菇絲。炸得脆口，配以泰式甜辣醬十分惹味雞翼：好細隻，味道一般青芒果沙律酸酸辣辣十分開胃