相馬日式火鍋 (已結業)

呢排時熱時凍咁，真係打多左好多邊爐🍲去左西環試呢間日式火鍋店，見到個menu咁多野食每位都係二百幾蚊，咁抵食你又點可以錯過呀😎✅ 清湯 & 甜豉油湯 (一人一鍋)其實每款湯底都好吸引，今次就揀左清湯同甜豉油湯，甜豉油煮得愈耐會愈濃味，配牛肉係最perfect😋清湯就百搭，海鮮、肉類同菜都正，我就放左啲雞腿肉落去變濃郁既雞湯✅ 美國特選牛肩胛牛肉切得細薄，淥一淥就好快食得，口感嫩滑，牛肉味道都好濃厚✅海鮮拼盤海鮮共有7️⃣款 包括日本帶子，廣島蠔、蟹棒，青口，虎蝦，蜆，螺，廣島蠔同日本帶子好鮮甜，虎蝦也是很大的一隻，肉質厚實且帶甜味，仲有自助區可以拎時令蔬菜，食得肉多都可以煮啲菜平衡返

本身唔係一個食肉獸 又唔係食得多野 所以平時好少食打邊爐放題🤪 不過成日見人介紹呢間相馬日式火鍋 覺得幾吸引😋.佢一共有2款放題套餐 價錢$258或$278兩個價錢😋 120分鐘任飲任食 肉類可以揀美國特選牛肩胛或者日本鹿兒島黑豚肉👍🏻食物選擇好多😍朋友唔食牛所以我地揀左日本鹿兒島黑豚肉套餐🔸湯底：泡菜湯底 & 清湯自選湯底有六款，見到泡菜湯底咁特別又想試下，朋友揀左正常既清湯，諗住加海鮮落去做海鮮湯底，又幾好喎。泡菜湯底少少辣，加左肉落去成個味提升到另一個層次👍🏻🔸日本鹿兒島黑豚肉🐖一碟黑豚肉片份量都幾多，唔似坊間其他餐廳咁每碟得五塊，厚薄適中，豚肉肉味香濃，好好食😋🔸 炸物拼盤睇黎店員都知我地肚餓，係我哋揀完湯底無耐就放低左個炸物拼盤，有墨丸，蝦多士，蟹子丸，米網蝦春卷，吉列蝦，午餐肉，芝士春卷，款式夠多，總有一款啱你，每款都係新鮮炸起上到枱仲辣口，覺得最好食係佢個吉列蝦，炸粉唔會好厚，蝦肉好彈牙👍🏻整體✨ 店內非常大 而且位置好方便 👍🏻 無論肉類、火鍋配料、飲品選擇都非常多😋 相信食肉獸去到一定好興奮🤪

自從禁晚市之後都少左出去打邊爐，難得媽咪放假就帶佢食餐好😆😆今次同佢去左屋企附近既相馬日式火鍋🍲地方大之餘又坐得好寬敞舒適，外面仲有個任食自助吧包括有唔同既醬料同配料，食飽仲可以拎飲品同甜品☺️☺️☺️💗中華辣湯 & 番茄湯底🍲好欣賞佢地呢度一人一鍋，兩個人去可以揀唔同湯底，我呢個無辣不歡既辣妹就揀左中華辣湯，媽咪唔食辣就揀左番茄鍋🍅中華辣湯比我想像中濃郁，味道有層次又唔會過咸蓋過食材原有嘅味道🌶番茄鍋酸酸甜甜，配海鮮或者肉類同樣出色💯💗 美國特選牛肩胛牛肩胛肉脂香口，食落鮮嫩，牛肉味香濃，正😋💗 海鮮拼盤全晚最驚歎既係呢個巨型海鮮拼盤，當然都係 #相機食先 啦，拼盤包括多款海鮮，有日本帶子，廣島蠔、蟹棒，青口，虎蝦，蜆，螺。個人推介日本帶子，肉身光滑細緻，味道鮮甜有彈性。虎蝦蝦肉爽口彈牙，仲食到有滿滿既蝦蝦膏❤️除左以上小編心水推介之外，當然仲有炸物、雞翼、飲品同甜品可供選擇，值得一讚既係連雞翼都有七款口味咁多，用上單骨雞翼為食材，食起上黎無咁論盡，加分🥰

Weekday同友人去左西環chill下，歎下清新空氣，上openrice 一search就見到呢間人氣日式火鍋放題超級抵食😋不得不讚呢度環境寬敞，坐得舒適📷▪自助配料區餐廳設有自助醬料區，有多款醬料同配料可供選擇，小食無限仼添，甚至飯後甜品都可以仼食👍🏻👍🏻👍🏻▪ 清湯 & 番茄鍋湯底可以揀一人一鍋，我地就揀左一人一鍋衞生啲🤣番茄鍋有大量番茄肉，配肉類都幾清新，清湯湯底味道鮮甜，啖啖和風滋味。▪️ 伊比利亞黑豬肉鮮紅嘅豬肉片帶有雪花般的紋理❄️肥瘦分明，食落完全唔會韌，豬味濃郁，厚薄均勻，超級推薦😋▪️串燒除左肉類仼食之外，相馬既炸物、雞翼同串燒都係無限追加，串燒即叫即燒，每款都燒到好夠火侯，私心推介蔥段豚肉卷，你見我叫左咁多串就知正啦，豚肉燒到外皮金黃色，包住蔥段可以解膩，蔥香味道亦夠突出，正💯

又到一年一度既一田大減價，今日同媽咪去完西環既一田入貨之後去左附近新開既相馬日式火鍋，一人一鍋夠安全🍲餐廳環境好大，空間好闊落，坐得好舒服✨✨✨✨✨✨✨✨✨✨✨✨✨✨晚市120分鐘任食火鍋放題每位$258，套餐包括仼食自助火鍋吧、進口牛肉、豚肉同雞腿肉，仲有仼食海鮮、雞翼串燒炸物，連雪糕同仼品都係無限追加，真係好吸引❤️媽咪揀左清湯我就揀左番茄湯湯底一人一鍋嘅好處，就係可以一次過嘗試兩個唔同嘅湯底！醬油湯底味道清淡同埋，如果用嚟淥肉嚟食嘅話，就可以食得到肉嘅真正味道！而麻辣湯底，味道比較刺激，同埋濃味，用嚟淥面同埋海鮮都好適合，如果放啲海鮮落去做海鮮湯底亦得😎揀左湯底無耐店員放低左幾碟肉同一個重量級海鮮拼盤，睇到都流哂口水，仲要仼食呢個價錢真係超值美國特選牛肩胛美國特選牛肩胛肉味最濃郁，亦係相馬既signature🔥牛肉脂肪分佈好靚口感好正！雞腿肉平時食雞我淨係食雞髀同雞翼，相馬就啱哂我啦，雞髀肉大大件好滑❤️海鮮拼盤提供多種海鮮，有日本帶子，廣島蠔、蟹棒，青口，虎蝦，蜆，螺等等，虎蝦好大隻，食落肉質彈牙唔會霉，蜆肉鮮甜無沙，私心推介大家要瘋狂encore帶子同蠔，兩者肉質夠肥美唔會腥😍😍

店員Hazel一去到就主動介紹邊個套餐多人食，仲打開個餐牌介紹俾我哋，其他人亦都會得閒就走過來幫我收走枱上邊食完嘅碟。成個感覺好好。嘢食選擇好多又有海鮮同炸物選擇，整體，係一次好好既用餐體驗！下次會再嚟！

今日同阿妹嚟咗西環一間都幾出名嘅店舖度打邊爐，食咗呢個晚市120分鐘放題套餐 我覺得價錢係物超所值，首先我哋去到嘅時候可以自選湯底有分普通湯底同埋升級收費湯底💁🏻‍♀️今次我就揀咗甜豉油湯底。美國特選牛肩胛、日本鹿兒島黑豚肉、雞腿肉同埋嘢飲都係任飲任食，食到飽為止！除此之外估唔到仲有其他小食任叫。令我最欣賞嘅就係佢啲雞翼！佢嘅雞翼款式超級多蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼。我最鍾意就係佢嘅麻辣雞翼，因為真係辣得好過癮🫢仲有炸物拼盤都係幾吸引我㗎，有墨丸，蝦多士，蟹子丸，米網蝦春卷，吉列蝦，午餐肉，芝士春卷！我覺得款式都幾多每樣嘢都係新鮮炸起，熱辣辣上枱👍🏻覺得最好食就係佢個蝦多士，炸粉唔會好厚，有蝦鮮😍食過今次之後我哋兩個都決定下次要再嚟encore啊😆

呢間火鍋放題餐廳點解可以咁正㗎？佢除咗一人一鍋之外仲要有好多唔同種類嘅嘢食我哋平時食開嘅火鍋光年之外佢仲有唔同嘅小食等我為大家介紹吓啦！炸物拼盤就分別有墨魚丸，蝦多士，蟹子丸，米網蝦春卷，吉列蝦，午餐肉，芝士春卷。我覺得最好食嘅竟然係最普通嘅午餐肉！平時午餐肉都係攞嚟煎，好少攞嚟查，估唔到炸都一樣咁好食！首先我覺得佢好食嘅原因係因為佢個炸粉唔會太多！唔會食到個口好乾！仲要每一樣嘢都係熱辣辣上枱香味十足。仲有佢哋自家製嘅雞翼拼盤就更加犀利，因為佢哋全部都係單骨雞翼，識落超級方便一啖就可以食晒啲肉！初頭我淨係叫咗一隻試吓㗎咋點知咁好味結果我就將佢全部口味都試過一次，同大家介紹吓佢有咩唔同口味先啦！分別有蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼。總括來講我覺得每一款都好好食㗎！

平時同另一半一直都想搵一間坐得舒服又好食嘅放題火鍋店，我男朋友個朋友介紹咗我哋去西環呢間餐廳試下！我哋食過之後仲約埋佢個friend下次再嚟一齊食添啊！因為我近排腸胃差咗好多所以就冇得再嗌辣湯底啦今日唯有要食最普通嘅甜豉油湯底。我最鍾意嘅甜豉油湯好耐都冇食過啦佢嗰湯底真係可以攞嚟淥菜！一啲都唔會覺得好Heavy！我男朋友就叫咗中華辣湯，，睇住佢鬧得咁過癮我都勁想食呀我就偷偷地攞咗塊美國特選牛肩胛放落去淥熟佢，估唔到咁快就食得啦！大概30秒左右，我覺得超級好味。因為佢全部都係切成薄片，一啖一片。我簡直就好似開咗摩打咁樣係咁食！另外佢嘅炸物拼盤一樣係非常正㗎！款式都幾多最重要係新鮮製作唔會放到林晒👍🏻香脆可口！唔會有太多炸粉食到好油💯

一如既往我都係叫咗我最愛嘅甜豉油湯底，我覺得佢哋嘅甜豉油都算做得幾好唔會太鹹，反而真係有股甜味，食到最後我將啲菜一次過倒晒落去煮真係勁入味！我上次已經食過佢哋嘅小食了，由於今日真係太過肚餓啦所以我決定一於只係主要食佢哋嘅肉類！大大話話我同朋友都竟然一次過叫咗差唔多15至20碟！可能你會問我哋兩個人食唔食得晒咁多㗎？會唔會食淨野？我可以話你知一定唔會食唔晒，因為佢哋肉質真係超好味你試過就一定會繼續叫！食到你飽為止。佢哋嘅美國特選牛肩胛真係切得啱啱好唔會太厚唔會太薄，大概放入個鍋入邊，淥熟佢半分鐘左右就已經食得！一啖一片超級爽🤫

哈哈你冇睇錯啊，呢個火鍋放題店真係有海鮮食㗎！佢同一般嘅餐廳好唔同唔係剩係得嗰幾款海鮮可以揀，佢有好多唔同嘅種類㗎分別有:日本帶子，廣島蠔，蟹棒，青口，虎蝦，蜆同埋螺。我自己覺得佢啲海鮮冇雪味非常之好。令我迷戀嘅就係廣島蠔！我將佢放入去我預先叫好咗嘅中華辣湯底真係好正好正好正！跟住我仲叫咗雞翼拼盤，唔係講笑呢個雞翼拼盤我refill咗好多次。因為佢係單骨！我認為佢嘅蜜糖雞翼同埋黑椒雞翼係最好味！非常惹味呀建議大家一定要試吓！餐廳嘅位置都尚算闊落最緊要係佢哋嘅職員態度親切有禮。我諗未來嘅日子我好快就會再嚟！

我男朋友今日話好想食辣嘢🌶，因為我哋之前仲過招之後都好耐冇食過啦所以決定今日去食麻辣火鍋！呢度嘅中華辣湯底🌶的確好吸引最重要一定係要食埋啲菜，因為浸到入晒味係超級辣的有興趣大家可以挑戰下！🌶今日試咗好多嘢除咗有普通嘅衫物拼盤之外仲食咗美國特選牛肩胛同埋日本鹿兒島黑豚肉！兩個肉質都幾好㗎我自己都叫咗好多round。我男朋友話最欣賞就係佢啲牛肉，因為唔會話有好多筯！❤️雞腿肉就更加唔使講啦，煮得啱啱好唔會太過鞋！肉質鮮嫩無比！估唔到今次叫得最多嘅竟然係佢個雞髀肉啊我覺得都真係幾好味㗎！❤️

今日一定要介紹呢間相馬日式放題火鍋店，地址位於西環我覺得唔算太難搵上到去覺得勁舒服因為位置非常寬敞有梳化位，最緊要佢嘅環境非常整潔，餐廳職員有禮貌建議大家可以去試吓！阿妹之前已經同朋友嚟過㗎喇佢朋友介紹佢一定要食呢度嘅炸物拼盤！我哋試過之後真係覺得好正！阿妹仲好搞笑咁講話下次要帶埋爹哋媽咪一齊再去食過添啊，可想言之真係有幾好味啦！成個炸物拼盤拼盤我最欣賞就係蝦多士同埋春卷，因為佢哋揸得好香脆可口唔會話食到成口好油膩。亦都唔會話滿口炸粉我覺得真係整得幾好㗎建議如果大家有機會嘅話一定要試吓！仲有佢個雞翼拼盤都係好好食㗎全部都係單骨食得超方便！

香港人好鐘意打邊爐, 我都真係好鐘意打邊爐!🤭 呢期好鐘意去 "相馬日式火鍋", 因為價錢抵, 環境好, 服務好, 而且仲可以一人一鍋! 衛生得嚟又可以自己鐘意食咩湯底就咩湯底!🤗相馬放題既選擇好多, 不論飲品種類定食物款式, 甚至調味醬料, 尤其是菜類選擇, 真係唔少! 每款食少少都好飽, 而且好新鮮! 大讚!👍🏻👍🏻西環分店位於私人樓宇中, 環境好清靜, 而且樓底高又闊落, 坐得好舒服! 雖然侍應唔多, 但服務態度非常好!

天呀！我想講呢個中華辣湯底真係勁好味，我已經約埋男朋友下個禮拜再食！首先一人一鍋已經好正，因為我自己近排因為皮膚問題唔可以食咁多牛肉所以我好多時都要同佢分開湯底就啱晒啦。睇吓大家啲菜一定要留到最後先食咁就會吸晒個汁所有嘅味😍超級無敵爆炸聲，入口嗰種辣，零舍不同。我男朋友佢話佢嗰碟美國特選牛肩胛，係超級正暫時佢食過差唔多價位嘅火鍋餐廳最好食就係呢間！佢話啲牛肉質素幾好佢自己一個人都食咗好多碟呀😝而我叫嘅嗰一份日本鹿兒島黑豚肉，我就覺得更加心心眼😍。因為超高質，一啲都唔鞋口，肉質鮮嫩無比。唔鍾意食豬肉嘅朋友我都勸大家可以一試！