相馬日式火鍋 (已結業)

天呀！我想講呢個中華辣湯底真係勁好味，我已經約埋男朋友下個禮拜再食！首先一人一鍋已經好正，因為我自己近排因為皮膚問題唔可以食咁多牛肉所以我好多時都要同佢分開湯底就啱晒啦。睇吓大家啲菜一定要留到最後先食咁就會吸晒個汁所有嘅味😍超級無敵爆炸聲，入口嗰種辣，零舍不同。我男朋友佢話佢嗰碟美國特選牛肩胛，係超級正暫時佢食過差唔多價位嘅火鍋餐廳最好食就係呢間！佢話啲牛肉質素幾好佢自己一個人都食咗好多碟呀😝而我叫嘅嗰一份日本鹿兒島黑豚肉，我就覺得更加心心眼😍。因為超高質，一啲都唔鞋口，肉質鮮嫩無比。唔鍾意食豬肉嘅朋友我都勸大家可以一試！