相馬日式火鍋 荔枝角 (已結業)

天氣凍，我同男朋友都中意打下邊爐暖身，咁岩上網睇到呢間好似唔錯既打邊爐，所以泥試下佢啦，食完覺得唔錯唔單只得肉，重要有海鮮，岩曬我呢啲港女😂海鮮拼盤日本帶子，廣島號，蟹棒，青口，虎蝦，蜆，螺（虎蝦冇的輸，大大隻重要啲夠厚肉又爽脆鮮甜）肉就一眼睇得出好品質，雪花夠靚又夠新鮮，滾幾下就食得雞肉既話嫩係嫩，但太大一件，如果可以幫手切開細細件上台就好，我嫌大件唔方便食，搞到男朋友一個人食曬😭（老闆睇到就幫手改善一下吧）我會比9分呢間打邊爐👍

係時候獎勵下自已，上年健身成功，但又怕會反彈，今日有個朋友推介左間岩健身既火鍋，呢家除左肉之外，重有好多菜可以比我地呢班健身既人簡，我覺得呢間真係非常岩又中意食肉又怕肥既人，再加上肉泥講真心唔錯，比起好多差唔多價既打邊爐都好一啲，唔會係老又好肥，肥廋比例好，唔怕會肥，因為重係減肥期間，只好食多啲菜，好在湯底夠味又多選擇，我就簡左個中華辣湯，唔似其實打邊爐一係就咸，一係好鬼多油，呢個湯底辣得泥又夠香重要冇咩油，（中意食辣既人一定要試下）服務非常好，唔洗出聲主動倒水加湯，又唔會吹我地走人，整體泥講唔錯，下次會再泥

幾個朋友每年都會搵日出泥食下野，今年去樓下是旦食，點知又唔錯咁wo，有兩粒鐘可以是隨便食佢個美國特選牛肩胛，肉質緊實，牛味足，又多湯底簡，最最最重要既就係可以滿足我呢啲肉食動物，炸雞翼夠大隻，重有好多味絕對係即叫即炸蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼（我比較中意蒜蓉牛油😍）整體來講，呢一間餐廳嘅質素真係好高，不論係服務態度定係食物質素都唔錯！而且食嘅火鍋店來講，呢度嘅選擇種類真係多過其他地方好多，非常值得推介大家過嚟呢度試吓！

之前已經係觀塘試過呢間，不過個陣就淨係揀左90分鐘，所以就趕少少。不過印象記得呢間既湯底係幾好，本身都已經會好夠味，不過食完會好口渴，所以都係味精居多嫁啦😂。🐒 120分鐘牛肩胛海鮮放題💰$278今次係openrice訂座，正價餐牌就有85折，所以就當免加一，呢個Set除左有基本火鍋配料之外，仲有啲炸物，雞翼，小食可以寫紙仔落單。食物款式比之前多左，依家有埋炸物個啲，其他都無乜分別👉🏻火鍋食物質素都係正正常常，牛肉偏薄，海鮮都係雪藏個啲，不過個湯底夠濃郁，上菜速度都可以，自助區都係大路野👉🏻雞翼有幾款味道，但同串燒一樣都比較乾，另外都有啲燒物👉🏻炸物都有比較特別既蝦多士，越南春卷個啲，都幾好食熱辣辣

之前已經係觀塘試過相馬，不過個陣就淨係揀左90分鐘，所以就趕少少，依家6點後禁堂食，所以就晏晝時間再戰！。今次揀左120分鐘牛肩胛海鮮放題💰$278都係個d基本火鍋配料之外，另外仲有啲炸物，唔怕淨係烚下烚下，炸物有雞翼，比較特別既蝦多士，越南春卷個啲，都幾好食熱辣辣小食可以寫紙仔落單，另外因為係openrice訂座就有85折，所以就當免加一火鍋食物質素都係正正常常，個湯底夠濃郁，上菜速度都可以，自助區都係大路野雞翼有幾款味道，但同串燒一樣都比較乾，另外都有啲燒物

今日難得放假，媽媽有事又唔煮飯，雖有同細佬兩個人出街食啦。細佬想食打邊爐，但又好貴。好彩係網上搵到火鍋任食，啱晒我地。雖然話係任食，但佢D牛質素真係完全唔差，牛肉脂肪分布均勻，食落口好正，牛肉好嫩。另外都點左雞肉都，食落好嫩👍 雞肉配麻醬一流！海鮮方面有生蠔，蟹柳，青口，帶子...樣樣都好新鮮。連蔬菜類都有好多選擇，有生菜，南瓜，雞脾菇，冬菇，都好新鮮，放埋湯，湯都爽口左。兩個人打邊爐任食，買單先至五百幾蚊，真係好抵。我細佬咁大食，一個人食左四盤肉，兩盤海鮮，真係本都番曬黎😆

放咗工約咗朋友食飯，即刻上網睇下附近有啲乜嘢餐廳推介。俾我哋搵到呢間環境睇落唔錯，性價比高嘅放題餐廳。$258一個人，可以120分鐘任食火鍋，任食美國特選牛肩胛，任食海鮮，雞翼，炸物，任飲及雪糕，價錢抵食又平民。餐廳裝修方面好有日本味道，環境都好企理，乾淨。我哋揀咗個蕃茄，清湯鴛鴦鍋，有好多配料可以選擇，火鍋配料種類都好多，我哋攞咗菜，腸仔，冬菇，豆卜，魚餅。美國特選牛肩胛真係好正，完全係雪花肥牛，食落好足牛味！ 豬肉都好新鮮，肉好嫩。再食埋雞翼，炸物，雪糕。我地飽到要抱住自己個肚腩番屋企😆

話咁快又到冬天啦，一到呢個季節緊係要打邊爐啦。今次同男朋友去咗相馬日式火鍋任食餐廳。餐廳有唔同既湯底選擇，我地就揀咗我最愛嘅辣湯底同豚骨湯底。牛肉同豬肉都好快黎左，牛肉雪花好靚，煮個十秒肉質好嫩，豬肉都好好食。帶子，廣島蠔，食落好鮮美。黎到先發現雞翼有好多味道，有蒜蓉牛油，芝士，蜜糖，土匪，麻辣….食落都好驚喜，雞好嫩，調味好好，忍不住一隻接一隻，停唔到。炸午餐肉，炸蝦春卷，洋蔥圈，貢丸，牛丸，魚蛋，甜薯仔。真係好豐富件件都好食，真係飽到嘔。我同男朋友食到心滿意足地番屋企，路上已經講緊下次放假要再食過😂

因為近 and 睇 comments都唔錯，所以一直都想試下。今晚下定決心，OepnRice book定位，收工就過去 去到難本上唔洗點等位，入座後就揀餐揀湯底，之後就可以去攞配菜啦～ 配菜，嘢飲嘅選擇其實唔算好多，但基本大路嘢都有。肉質方面，牛肉豬肉都幾好，食完可以 refill，另外仲有海鮮 and 燒物 因為同埋屋企老人家去，佢地又比較傳統，會有少少唔習慣，例如無佢地想要嘅脆肉鯇（其實訂座之前都同佢地講過），有 d 用具嘢要自己去攞等等。

今日放假同屋企人食咗荔枝角嘅相馬日式任食火鍋餐廳。餐廳整體好舒服，座位都好闊落，擺放食物既地方都好乾淨。餐廳上菜好快，坐低揀好晒湯底點好晒嘢食，出去攞蔬菜同飲品，一返嚟嘢食都已經上晒😂首先煮左蔬菜，然後先再煮肉類既話，肉會更好食！係我多年來打邊爐嘅心得😆海鮮方面有帶子，廣島蠔，蟹棒，青口，蜆，虎蝦，螺。我覺得帶子，蠔都好新鮮，特別encore左幾次。中意食既雞翼都有多種口味，蒜蓉牛油雞翼，芝士雞翼，蜜糖雞翼，黑椒雞翼，土匪雞翼，水牛城雞翼，麻辣雞翼。 每隻都嗌咗兩次，好滿足。

我同朋友就最鍾意食放題，可以隨意點嘢食又唔使擔心價錢，今次選擇左荔枝角嘅相馬日式火鍋，上年食過已經好欣賞。餐廳好乾淨，裝修都好有日本風味。火鍋配料方面餐廳都提供咗好多款，可以自己隨意拎。我食唔到辣，所以就點左豚骨湯底。牛肉同豬肉好快黎左，食落好新鮮，好有肉味。蔬菜區方面都有好多唔同嘅選擇，我哋攞咗生菜，冬菇，豆卜。蔬菜都好新鮮。另外再點左熟食，炸蝦春卷，炸洋蔥圈，炸午餐肉，有貢丸，牛丸，魚蛋，甜薯仔等。炸物雖然好邪惡好肥，但特別好食，由奇係炸午餐肉，外脆內軟。

難得放假我想同朋友食餐飯，咁啱俾我哋搵到呢間高質放題，120分鐘任食火鍋，可以任食美國牛肩胛，海鮮，炸物，雪糕。餐廳嘅裝修都非常乾淨，分左唔同既區域，連蔬菜方面嘅選擇都有好多，睇落都好新鮮。湯底方面其實都有好多選擇，我哋就一人一個湯底，中華辣湯同豚骨湯。嚟到放題，當然要食牛肉啦。佢哋嘅美國牛脂肪分布好靚，食落都非常嫩。另外有海鮮任食，我哋每種都點左。蝦，青口，帶子，廣島蠔，食落好新鮮。炸物有洋蔥圈，午餐肉，蝦春卷。炸粉一D都唔厚，樣樣都好好食！另外熟食方面，有貢丸，牛丸，甜薯仔。好好食！

今日同同事一齊去食放題，睇咗網上好多餐廳資料，決定去荔枝角嘅相馬日式任食，價錢都係$258一位，可以話係非常抵食！餐廳環境都非常乾淨，放置火鍋調料同蔬果嘅區域，都好整齊乾淨，選擇都有很多。我就揀咗個蕃茄湯底鍋，有好多配料可以選擇，火鍋配料種類都好多，醬汁都好多！基本上，想食嘅嘢都可以食得到，我自己真係覺得好開心！牛肉一到，賣相同油脂花紋好靚，牛肉係薄切，肉質好嫩，肉味好濃。海鮮任食有帶子，廣島蠔，蟹棒，青口，蜆，虎蝦，螺，我哋每種都點左。廣島蠔，青口，蜆好有驚喜，完全唔似出面急凍左擺好耐個d，食落好新鮮。 最好再食埋個烏冬，真係好飽。CP值高！

今日同朋友一齊去試咗一間網上睇到嘅日式放題餐廳。 見到評論都唔錯，緊係馬上約埋朋友去啦。餐廳環境好乾淨，座位都好舒服。放題方面有火鍋，熟食，炸物等，有好唔同嘅選擇。🤩我哋揀咗兩款唔同嘅湯底，有辣湯同豚骨湯底。牛肉同豬肉都非常新鮮，食落好嫩。蔬菜區方面都有好多唔同嘅選擇，我哋攞咗生菜同埋丸。餐廳上菜嘅速度都好快，唔需要等太耐。🤩雞翼有成六七款唔同味道嘅雞翼，當然要全部都要試試啦。最中意蒜蓉牛油雞翼同土匪雞翼同水牛城雞翼。雞都好嫩，醬汁真係好好食。今餐真係好飽，好滿足！而且食物真係好好食，非常高質！

對於一個鍾意打邊爐嘅人來講，可以搵到一間高質素嘅任食火鍋店真係好緊要！呢一間相馬日式火鍋有好多分店，方便晒唔同地區嘅人！❤️我今日就去咗呢間喺荔枝角嘅火鍋店！果然不出我所料，非常高質，信心保證！❤️❤️一去到嘅時候，店員已經非常貼心咁樣安排入座！而且有好多唔同種類嘅點餐紙，交俾店員就可以，非常方便！送餐速度都好快，我自己叫咗唔同款式嘅海鮮嘗試一下，點知一試之後就真係好鍾意！冇估到原來食任食嘅火鍋店都可以有咁高質嘅海鮮食得到！呢度嘅蝦同埋帶子真係好出色，呢個帶子好鮮甜同埋好飽滿！大蝦都非常新鮮彈牙，好爽滑嘅口感！