相馬日式火鍋 荔枝角 (已結業)

今日上網搵吓有啲咩食 突然間見到呢間位於荔枝角嘅日式火鍋 都幾多人推介 一於去試吓佢先！而家天氣咁凍 真係好啱食火鍋 同一大班人食足120分鐘 開開心心咁過一日🥰呢間相馬火鍋係用咗一人小火鍋 可以獨立每人一個火鍋 啱晒而家疫情 大家都好驚同人share🙈我今次叫咗中華辣湯 天氣凍凍地食返啲辣野就啱晒啦 佢係日式既辣 唔似重慶嗰種辣 好似我呢啲唔太食得辣嘅人就啱啱好😋我哋叫咗好多牛肩胛同黑豚肉 好新鮮 色澤光潤 有肉味！回本之選！除此之外我哋叫咗個炸物拼盤一齊share 真係一定要講吓佢哋嘅吉列炸蝦 炸粉好薄 蝦肉彈牙新鮮 唔會比啲雪藏急凍貨👍🏻 除此之外仲有蝦多士 炸春卷等 都好邪惡🥰