相馬日式火鍋 荔枝角 (已結業)

Happy Friday梗係揀間好嘢食迎接我開心嘅假期🤭喺長沙灣返工就揀咗荔枝角嘅呢間相馬 食完近近地諗住去D2 Place行個圈😋本身二百幾蚊都唔期望話好多嘢食，點知呢個價錢都有好多選擇而且肉類仲可以任食！超出我嘅期望🤩兩個人食咗幾碟牛同雞，啲雞肉好肥美又滑☺️湯底方面都好啱我口味唔會太鹹或者太淡👍🏻下次想試吓佢哋都幾特別嘅泡菜湯底😋呢間火鍋店真係好抵食😳！如果你想打邊爐真係建議你嚟呢間☺️一定唔會失望！

呢間火鍋店都好多湯底俾人選擇 見到啲款式都可以配合到唔同人嘅需要 有辣有唔辣 最鍾意食辣嘅我梗係要揀返個中華辣湯🤭佢哋嘅肉類都好多選擇 有牛有雞又有豚肉 最鍾意食嘅就係佢哋嘅豚肉😛係日本鹿兒島黑豚肉呀 靚嘢嚟嘅！ 每一碟都有十幾塊 而且每一塊都切到厚薄適中 而且唔會話成塊都係肥肉 又唔會剩係得瘦肉 肥瘦適中😋油脂分布得啱啱好 仲要一啲豬肉嘅腥味同冰鮮味都冇🤩除咗肉類之外仲有大量蔬菜🥬食咁多肉梗係要食下啲菜平衡返😂另外佢哋有個七色雞翼都好吸引 有勁多種唔同嘅味道 每隻味道我都試過晒😋

放工約咗朋友去食飯，大家就揀咗打邊爐🤣呢間火鍋店嘅環境好舒適同闊落。而且店員嘅服務態度都好好👍🏻我哋就叫咗佢哋晚市120分鐘放題套餐，見到個餐牌已經覺得好吸引👅肉呀肉呀肉呀全部都係肉🥰我自己就最鍾意食牛，佢哋啲牛肉嘅油脂分布好平均！仲有豚肉雞肉都係任食😍而且佢哋仲有好多唔同嘅炸物，我自己就最推介食雞翼！本身都好鍾意食雞翼，同埋佢哋呢度嘅雞翼有勁多款唔同嘅味道😚自己覺得蜜糖雞翼甜甜地咁好正！我個朋友就鍾意食辣，佢就最推介土匪雞翼同水牛城雞翼🤪辣辣地咁好過癮

有冇人同我一樣一年四季都鍾意打邊爐👅成日打邊爐嘅我梗係要揀番間有質素嘅火鍋店嚟食啦呢間嘅食物選擇有好多！肉類有得任叫牛肉，除咗有牛肩胛仲有美國進口牛肉😆滿足你唔同口感嘅需要👍🏻牛肩胛油脂分布平均！唔會成塊都係肥肉😆美國進口牛肉都好切到好薄，好重牛味！兩款牛肉嘅味道都唔錯。除咗牛肉仲會有雞肉同豚肉俾人揀🐖🐓除咗主角嘅肉類之外，我覺得佢哋都有好多唔同嘅小食同埋炸物仲有海鮮，我真係大飽口福🤩

夏天都可以打邊爐😆話說嗰日好想食肉所以就決定咗去打邊爐🤪仲要特登揀咗呢間有得任食嘅火鍋店！講到明任食緊係要食返夠本啦！以往食嗰啲火鍋店一主打係任食就會食物質素好差或者得好少俾人揀！但呢間完全唔會 啲嘢食多到揀唔晒 我哋叫到成枱都係😂佢哋啲海鮮都好新鮮 又有蝦又有帶子又有蠔😆打緊邊爐突然之間好想食串燒😂叫埋佢哋嘅串燒拼盤🥰又有燒魚餅，免治雞肉棒，金菇肥牛卷，燒粟米等等😚每款都有幾串咁🤩主角肉類嘅質素都好好 食得出唔係cheap cheap雪藏肉😋打邊爐啲肉冇雪藏味係真係好緊要！如果唔係真係多多都唔想食

今次就去咗呢間位於荔枝角嘅日式火鍋放題店😆見到佢哋都有好多唔同嘅湯底 今次我就揀咗蕃茄湯底酸酸甜甜咁幾開胃 😋肉類方面都係任食嘅！海鮮方面都有好多唔同嘅選擇 有日本帶子、廣島蠔、蟹棒、青口、虎蝦等等😚佢哋嘅廣島蠔真係要大讚！勁細心已經幫手拆咗殻 而且大大隻又肥美仲好有鮮味👅炸物拼盤都好出色 唔會太油 仲要係即叫即炸 好多款式🤪最鍾意食佢哋嘅蝦多士炸到脆卜卜 又係我最鍾意食嘅海鮮🦞好邪惡👍🏻下星期同男朋友又再嚟食過🥰

老公生日懶得自己煮 決定打邊爐 就諗住揀間好少少嘅火鍋店😋見呢間相馬都幾多人推介 喺荔枝角又近近地就一於試吓見到佢有好多唔同嘅湯底 今次就試咗兩款 叫咗佢哋嘅蕃茄湯同豚骨湯 蕃茄湯底有好濃嘅新鮮蕃茄味 感覺比較fresh 而豚骨湯底嘅豬骨味都好濃 牛肉嘅厚薄適中 而且好重牛肉味 忍唔住食咗好多炸物拼盤都好出色 有好多唔同嘅炸丸 連炸午餐肉都有添價錢其實都幾抵食 決定下次唔想煮飯都可以再嚟食 平平哋乾手淨腳唔洗煩🤣好過叫外賣！

好耐冇食放題啦！今次食嘅呢間日式火鍋放題店都幾抵食！無論係餐廳環境定係店員服務都好好😆通常人人食火鍋都最鍾意食肉 但我自己就最鍾意食佢哋嘅海鮮🦞不過出面嘅火鍋店海鮮選擇得好少 呢間就出奇地多 啱晒最鍾意食海鮮嘅我 而且出面食海鮮嘅價錢都好貴 呢度二百幾蚊又有得食肉又有咁多海鮮真係抵到爛😍啲蝦全部都勁新鮮大大隻😋又有青口又有蟹棒！呢啲海鮮打邊爐都係最佳配搭🤩我仲揀咗最百搭嘅豚骨湯底 好夾海鮮🦞而且味道好濃郁又唔會咸到要不停飲水仲有好多唔同嘅炸物小食選擇添👍🏻👍🏻

今日晏晝去咗荔枝角相馬日式火鍋打邊爐👍🏻店舖環境都幾大間 空間感十足 地方都乾淨企理 啱晒同朋友坐低慢慢一邊食一邊傾😆我哋叫咗120分鐘任食放題套餐 餐廳提供多款靚牛🐮不同肉類🐷🐔套餐仲會包左唔同嘅海鮮、串燒、炸物等等湯底方面我哋就揀咗蕃茄湯底同豚骨湯底，豚骨湯底豬骨味濃厚，極具和風滋味！番茄湯底就酸酸甜甜都好開胃😚自己仲極度推介佢哋嘅炸物！全部新鮮炸好 香口得耐又唔油😛就算熱氣都忍唔住要食多幾舊🤭最多食完又去自助吧到拎多幾杯茶飲🫖

今次嚟到荔枝角食放題火鍋，當中有肉類、海鮮、蔬菜、炸物、飲品等等👍🏻環境方面坐得都好舒適 座位闊落 而且樓面裝修都好新淨👍🏻今次我就叫咗甜豉油湯底👅呢個湯底配海鮮出奇地夾 帶出咗海鮮嘅鮮味之餘又甜甜鹹鹹😋好有日式風味😆肉類有牛肉又有豚肉仲有雞肉 自己就最鍾意食佢哋啲雞肉 因為肉質真係好嫩滑💓雞肉配甜豉油湯底係冇得彈🥹真係好好味😆佢哋嘅牛肉方面都好出色 牛肉嘅品質都好頂級😛好開心發現咗一間咁抵食高質嘅餐廳😋睇嚟呢排又會係咁打邊爐啦😜

聽朋友推薦呢間火鍋店性價比幾高，夜晚又諗唔到食咩好 就決定試下係咪真係好似佢講到咁吸引！湯底都幾多選擇，不過想食清小小，所以就揀左個健康啲嘅番茄湯底🍅 番茄味都幾濃，見到湯底都真係有番茄，清清地又唔會蓋過啲肉味，打邊爐必食呢個湯底。肉類選擇最基本嘅都有齊，牛雞豬都有得揀！每碟都有十幾塊 份量都幾足。仲有幾多小食提供埋，串燒同炸物都有好多款，滿滿一盤😋最鐘意食佢地嘅芝士春卷🤩勁濃嘅芝士味！雞肉串燒都好正 啖啖肉 好有炭燒嘅風味 平時外面食一串都十幾蚊😂緊係即刻食多幾串！

放工同同事一齊去食dinner 就去咗附近呢間荔枝角嘅火鍋店。環境方面都幾有日本風，乾淨企理又舒服😌呢到嘅食物種類選擇好多，心大心細嘅我哋都唔知揀邊樣好，不過好彩好多食物都係任食😋我哋緊係咩都試吓啦！打邊爐最緊要係啲肉夠靚！佢哋嘅牛肉係特選嘅牛肩胛🫶🏻色澤光鮮 就咁望未食已經知道啲牛幾靚👍🏻未食掉咗落去滾嘅時候 已經聞到牛味好香👅咁嘅價錢仲食到咁靚嘅肉真係超出想像❣️平平哋估唔到仲有啲幾靚嘅海鮮食😆仲要有埋啲即炸嘅小食👏🏻

第一次嚟到呢間荔枝角嘅火鍋店食嘢，食物嘅種類都算幾多選擇。除咗有大量嘅肉類選擇之外，仲有好多唔同嘅蔬菜🥬自己覺得食完肉一定要食埋菜先夠平衡！肉類嘅話嘅質素都算唔錯 牛肉切得好薄 雞肉都嫩滑 豚肉就肥瘦適中 除咗呢啲之外見到都會有好多唔同嘅炸物、小食、雪糕、飲品提供👍🏻應有嘅都有 仲有唔少比較特別嘅食物！重點係覺得佢哋個自助配料區好多唔同嘅醬料 本身自己係重口味人士 慣咗食嘢好濃 咁多唔同嘅調味料就可以跳返個啱自己嘅醬汁點肉食😋食肉點埋醬先最好味😆整體來講性價比都幾高 環境都幾舒適 之後都會再嚟食。

「🌶焫焫焫焫焫焫著～」打邊爐精華就係湯底！今次就嚟咗荔枝角呢間相馬火鍋放題叫左佢地嘅中華辣湯😈湯底好香辛辣味！仲要見到有幾隻辣椒喺湯底入面❤️‍🔥正呀！呢個湯底我覺得陪佢哋嘅肉或者海鮮都好夾🤪有辣味嘅加持之下更加開胃食多幾碟🥰太辣又可以去佢哋嘅飲問佢拎飲品降下溫😚無論係牛肉定係豚肉都遲到好薄可以吸晒辣湯嘅精華😋呢間仲有唔少嘅靚海鮮可以食埋！見到佢哋嘅廣島蠔都好大隻👍🏻👍🏻我仲要食咗佢哋好多炸物😆香脆得嚟又唔油！唔錯唔錯店員嘅服務態度好NICE😆食嘢嘅環境方面都幾舒適😌

日本放題🤪二百幾蚊可以食到120分鐘😌真係十分之抵食👍🏻食物環境各方面都質素唔錯🫶🏻極力推介比大家😝肉方面一定要叫佢地嘅牛 牛肉肉質鮮嫩！唔似外面某啲放題一樣價錢但啲肉啲色勁暗沉 睇到都唔想食😩呢到真係食足幾大碟都唔夠😚炸物拼盤都有好多好嘢👏🏻私心推介❣️係佢地嘅吉列蝦同蝦多士🦐最鐘意食蝦🤭仲要係炸到脆卜卜 冇得彈呀🥰湯底都幾多元化下 我就試過佢地嘅泡菜湯底、番茄湯底都幾唔錯👍🏻唔會好咸同油膩❗️減少打邊爐嘅罪惡感👅