相馬日式火鍋 荔枝角 (已結業)

大閘蟹一黎會自動落，咁都ok，2個人俾左4隻我，全公，目測2兩好細隻，好唔好食就見仁見智啦，蟹醋我就無點因為無肉無咩位好點🤷🏻‍♂️，其他野食，平既還好不過不失，個海鮮完全唔得，大頭蝦唔新鮮變咗味同埋梅既，大閘蟹後期有再叫又係公，等左半個鐘都未有，要再叫先上，然然係衛生環境，我係坐卡位，格離牆身有啲好細隻既曱甴仔係度走來走去，好影響食慾，入舖既時候已經覺得燈光唔夠同埋有陣酸味，本以為係工廠區又係樓上舖本身既味黎，原來係鋪入面散出黎既味，我地共2人食左連加一差唔多$1000，本來係諗住食大閘蟹過下口癮，點知大閘蟹唔合格，又細隻又得公，打邊爐就正常野啦唔計海鮮，不過人均消費$500就真係唔值囉

琴日屋企人生日黎左呢間荔枝角既相馬日式火鍋打邊爐，我地叫左晚市無限時套餐，$498一位加一，大家食完都好滿意！先講下邊爐外既小食，呢間火鍋店有各款口味單骨雞翼，我地都每隻味拎左幾隻黎試，有好多口味選擇，每款都好有特式，單骨好貼心！食得好方便，味道亦好濃郁，雞翼脆口！另外，黎得海鮮任食放題，當然唔可以唔叫海鮮，海鮮方面都有好多選擇，有蝦、蜆、螺、廣島蠔等等，我地最鍾意就係個蝦，生猛新鮮，有鮮味，大大隻，彈牙，我地成家都食左好多！除左海鮮之外，邊爐最重要既當然係肉，呢度所有牛肉同豚肉都係任食，就算係質素都保持到，果然冇令人失望！

美國頂級牛肉紅當當勁新鮮，口感嫩滑，唔會好老，牛肉好瘦，個人喜歡食瘦既牛肉😂😂👍🏻仲有牛小腱都好好食🥩今次我食咗豚骨湯😋👍🏻湯底足料入味，唔會好多油！火鍋都係一人鍋，衛生啲，尤其是依家疫情咁嚴重大閘蟹海鮮任食套餐係重頭戲，大閘蟹鮮甜易剝，方便我呢啲懶人😂青口，蠔，峴肉都無咩沙，易入口。蝦多肉鮮甜🦐🥰🥰多謝老公幫我剝殼😝😝炸物都好香脆，唔會好快臨曬👍🏻有午餐肉，炸雞翼，炸蝦棒🍤大大份唔會縮水🤣👍🏻👍🏻拍拖去街或者約朋友食飯都可以來呢到試下，位置方便，環境舒適，唔會好迫好窄，冷氣都適中，打邊爐唔會熱到出曬汗💛🥹

今個周未同老公出開街想打邊爐，就黎左呢間相馬日式火鍋度食晚餐🥘呢間最特別既係有海鮮任食，鍾意海鮮既我當然唔可以放過😆呢間火鍋既配料好多，出邊有自取既配料，例如有豆腐，飲品方面仲有熱薑茶添！唔想飲汽水都有選擇👍最重要既當然係任食既大閘蟹！我同老公都好鍾意食大閘蟹，平時蟹季都會買d返屋企食，但食開大閘蟹都知大閘蟹真係唔平，呢度竟然有任食既大閘蟹，仲要蟹身大隻，多膏，任食黎講一定要食到盡！邊爐方面，我地叫左個蕃茄湯，蕃茄味夠濃，特別係菜會吸住蕃茄味，好正！牛肉都豚肉既質素亦好好！肉質嫩滑！食海鮮之餘都唔好唔記得要叫返多d肉！咁先食返夠本架！😆（雖然咁多野賣單都只係每位$428加一）

前排見foodie介紹開呢間荔枝角既相馬日式火鍋，見到有任食大閘蟹海鮮火鍋放題咁吸引，即刻琴日去左試下！我夜晚8點半後去食，埋單$428加一，任食海鮮黎講真心抵！海鮮方面有蝦、扇貝、螺、蠔等，款式多，一黎到就有一大盆，全部都係任食，連大閘蟹都係任食，黎個價錢真係好抵食！海鮮新鮮，真係淨係黎食海鮮都夠回本！我就叫左個清湯，配埋海鮮都好夾，打邊爐既時候湯式仲吸哂海鮮既汁，令食材更清甜！除此之外，仲有炸物小食都係任食，有多款唔同既日式炸物，我就每樣拎左d黎試，有春卷、炸蝦等，每件炸物都炸得好脆身！口痕既可以一試！

炸物勁好食！重點係任食😂😂真係可以早晨午餐都唔食，就為咗又更大個胃食嘢🤣😋😋惹味雞翼爆好食！有麻辣雞翼，土匪雞翼，芝士，蜜糖雞翼，各樣味都有🤪每隻味道既雞翼都可以試下！麻辣粉好入味，土匪雞翼脆卜卜，芝士雞翼又唔會好漏👍🏻大閘蟹好大隻，勁多蟹膏🤤🤤雞肉，雪花肥牛都好新鮮。雪花肥牛好快熟有得食，佢個中華麻辣湯底都係正到無得彈🤤🤤👍🏻男朋友食咗黑松露牛乳湯，湯底濃滑👍🏻我同男朋友來食，我地兩個都讚到無停過😂😂👍🏻冷氣適中，唔會太凍太熱。嘢飲都可以任飲👍🏻👍🏻有得食有得飲😌😌值得！

大閘蟹放題，除左大閘蟹仲有打邊爐﹑串燒﹑單骨雞翼有幾款，芝士雞翼﹑蜜糖雞翼﹑黑椒雞翼﹑土匪雞翼﹑水牛城雞翼﹑麻辣雞翼。大閘蟹都有其他海鮮選擇，有日本帶子﹑活刀貝﹑廣島蠔﹑虎蝦。打邊爐方面都有好多涉湯底可供選擇，中華麻辣﹑泡菜﹑豚骨，有料許湯底需另外加錢，小鍋加18蚊，湯底有牛乳﹑山盛香菜鍋﹑黑蒜豚骨。最主要係想食大閘蟹，每人每次都會有兩隻蟹，食完再加，蟹大約三兩左右，蟹手腳肉唔算多，蟹膏就比想像中多，可以試試！

本身已經諗住同男朋友打邊爐🍲講咗好耐想食😂星期五放假拍拖拖得閒無嘢做上openrice搵到荔枝角附近有呢間餐廳！🤩仲好近我地兩個😌大閘蟹任食放題套餐係呢間餐廳主打出名的！大閘蟹蟹肉鮮甜多汁，肥美可口，鮮黃色既蟹膏超級好食！😍😍而且火鍋放題都好好食！我同男朋友食咗個中華辣湯，湯底色香味俱全😂👍🏻辣椒味離遠都聞到，辣椒爆炒之後加湯非常入味👍🏻👍🏻美國頂級牛肉勁新鮮，紅撲撲咁😍😍易入口，配埋麻辣湯簡直絕配！我地兩個都飽到就來行唔郁咁😂😂大胃王食肉獸可以入來一試！👍🏻😂

星期日同男朋友拍拖食飯，來咗呢間日式火鍋店，坐低見到湯底勁新奇既湯底好吸引我好奇心😂😂除咗平時食開個啲麻辣清湯番茄湯底之外，佢仲有山盛香菜，牛乳，牛腸，黑松露牛乳同埋濃香龍蝦湯底人君選擇😂😂我試咗個黑松露牛乳🤣正到爆！加咗牛乳既湯好滑，黑松露入味，兩隻溝埋幾好味🤤👍🏻👍🏻呢個必試！美國頂級牛肉一齊食，牛乳味同牛肉味溝埋真係正到流曬口水🤤🤤仲有唔同既醬料自己溝。大閘蟹肉肥美🤤🤤蟹膏好食！👍🏻蠔又大粒，唔會腥👍🏻吉列蝦爽口彈牙！👍🏻👍🏻🍤有機會真係要來食！

三人行食大閘蟹+打邊爐，本身都知啲蟹會幾細隻，同一般心去試，一開始喺食蟹先，第一轉啲蟹比我想像中好食，有甜味，都係細細隻，到叫第二轉，唔同嘅蟹，無味啲蟹膏都唔同色，我哋都食咗小小就唔要，之後特登再叫多一次，睇吓有冇好啲，點知一樣唔食得入口，可能我哋只係想食大閘蟹，下次都係買返屋企自己整算啦

食物美味， 牛同豬都對得住價錢， 炸物有驚喜。一群後生仔班底服務好， last order 收晒嘢之後仲特登入廚房拎多 d菜俾我。 (其實預左佢打發我走。) 加油， 咪變old seafood.

好耐冇打邊爐啦，咁啱見到OpenRice有呢間相馬日式火鍋放題，好多人推介睇落又好吸引，所以就約埋朋友去試。見到佢哋個Menu有個任食大閘蟹海鮮火鍋放題，價錢都係四百幾蚊左右，又唔算太貴，我哋就叫咗呢個。一見到佢哋啲大閘蟹我就知道呢餐好抵！因為佢哋嘅大閘蟹睇落好吸引，外殼顏色好鮮艷，打開入面啲蟹膏超級多，真係好正🥹中華辣湯同埋胡椒雞湯湯底都好濃郁！中華辣湯就辣味香濃，10分惹味，食辣愛好者必要。胡椒雞湯就胡椒味重，飲完暖笠笠。另外同大家分享我最愛嘅小食，就係單骨雞翼！雞翼炸到脆卜卜，仲有好多唔同嘅口味，仲要任食，真係想食乜味都得啦🤪

呢間餐廳真係一流！大閘蟹飲食放題套餐真係好吸引！$400任食大閘蟹！😍😍重要好足料！每隻蟹都有好多蟹膏，肥美多汁，甘黃既蟹膏爆曬出來🤤🤤🤤真係好抵！餐廳環境衛生乾淨，唔會特別濕或者污糟。去廁所都方便，而且服務員態度好好，好有耐性，同埋好細心，嗌咗咁多樣嘢食都無漏單👍🏻而且餐廳都好近地鐵站，勁方便就搵到！路痴既我都可以好快咁搵到間餐廳🤣🤣我同兩個朋友一齊去食，大家都話下次一定要帶埋其他朋友來一齊食多次🥰🥰🥰真係好正！😋😋👍🏻

星期六中午同媽咪係荔枝角行街買衫，諗緊有咩好食😂就見到附近有間日式火鍋店。鋪頭位置方便，出地鐵站行一分鐘就到。火鍋放題好正，湯底有好多款選擇，除咗清湯之外仲有番茄，甜豉油，中華辣湯，豚骨，泡菜湯。我食咗番茄湯，肥牛，金菇，蟹柳，爽口，滑，新鮮！番茄湯仲有鮮甜味，非常不錯！😋😋另外仲食咗串燒，有牛肉串，雞肉串，燒菠蘿，燒蝦，粟米同金菇肥牛卷😍😍爆好食，燒完都好多汁，配燒汁一齊食超香👍🏻👍🏻而且好足料！阿媽咁嘴刁都覺得呢間餐廳好有良心，味道好食之餘仲好足料，佢都大讚👍🏻👍🏻下次要帶埋屋企人親戚sssss過來一齊聚餐🤣

雖然知道未係大閘蟹季節，見到佢有得食都嘗試下，蟹就無乜膏，食落無大閘蟹味；佢主打宣傳送琵琶蝦，想講啲肉梅嘅，即唔新鮮（雖然知道係雪藏）但都唔應該個質素咁差； 扇貝鮑魚又係無味，咁多樣海鮮只可以讚蠔係最好；啲串燒落啲唔知咩粉攪到好咸， 連食翠玉瓜都覺得好咸，仲要每位收$408，比呢啲質素真係食水太深