相馬日式火鍋 荔枝角 (已結業)

2021年試完一次真的念念不忙，今年第2年來在來這裡吃午市大閘蟹放題$3xx，仲有了琵琶蝦、鮑魚和各種海鮮1300到達坐下時店員叫我哋先選擇湯底，後來送上了豬、牛、雞片上台! 嘢飲和火鍋料吧自助過了一陣子來了4隻， 之後每次要都搵職員追加故事就開始起啦!下午員工2人客人唔算多只有5台客仔，仲要集中一個範圍。 食完一轉大閘後，等第二轉....三轉...五轉..每轉都係即叫即蒸每轉等20-25分鐘，共20隻，但....有4隻壞的唔食得 其餘嗰啲蟹一般而其它海鮮都係頭一轉ok， 之後就唔多新鮮， 除咗鮑魚之外作謂放題係完全唔好格，台唔多員工唔憂做冇服務水準 ....仲要收咁嘅價錢， 真寧願去酒店食!不能吃....

秋風起又到食大閘蟹同海鮮嘅季節🤩，咁啱見到上網有人推介呢間相馬日式火鍋放題🥰，就咁睇相已經好吸引呀！即刻去食！呢到啲大閘蟹真係好鬼正，因為佢哋啲大閘蟹係爆膏🤩仲要隻隻都係咁多！好邪惡，但我鐘意！跟住除咗大閘蟹之餘，仲會有好多海鮮，海鮮又係要必食！因為真係好新鮮，廣島蠔、鮑魚、帶子、各種鮮蝦等等，乜都有齊🥳最鍾意食佢哋嘅鮮蝦，大大隻又真係好鮮甜！跟住佢哋有個小食單骨雞翼都好正，因為有勁多唔同嘅口味，外面炸到香脆，裏面仍然keep住有肉汁，再加埋個款唔同嘅味粉，特別惹味❤️

上個星期朋友帶咗我去荔枝角呢間日式火鍋放題食dinner，咁啱佢地推出咗個任食大閘蟹海鮮火鍋放題，超級吸引！去到大閘蟹當造嘅時期，一開始緊要狂食佢哋嘅大閘蟹先啦！哇估唔到真係好高質🤪，超級好食！啲蟹膏多到成個口都係👍🏻好滿足！之後打邊爐火鍋都有好多唔同選擇，我就揀返清湯湯底，雖然係清湯但味道都唔會好淡。放埋美國特選牛肩胛入去滾兩滾就熟，因為佢哋個牛肉切到好薄🤩清湯嘅味道同牛肉都好夾，令到牛肉嘅味道更加突出，正。除咗牛肉之外都仲有好多唔同嘅配料，海鮮、丸類、蔬菜乜都有齊，打完邊爐都要食下佢哋嘅小食炸物🤩，因為實在太吸引啦，所以每樣都會試吓，佢哋仲要係即叫即整！

本身都成日食呢間相馬日式火鍋店，一直都認為佢地價錢實惠，質素又高。最近佢地又推出左個任食大閘蟹嘅套餐🤩長期顧客嘅我又點可以唔試。講左佢哋啲大閘蟹先，呢個價錢我真係估唔到會有咁高質素！就咁望個賣相已經見到啲蟹仔脹卜卜大大隻，食到入面啲蟹膏真係爆多，好似食極都仲有！跟著打邊爐都有好多肉類同海鮮選擇，包羅萬有😚佢地啲牛係好高質嫁，一直打邊爐咁多次但都係呢間牛味最濃😋最後估唔到佢哋除咗有小食拼盤之外仲有中式點心🥰今次真係大飽口福！

終於又到食大閘蟹嘅時候！上年錯過咗呢間好多人大讚嘅相馬日式火鍋店，bookmark 等咗好耐終於佢哋又推出返啦🥹佢哋啲大閘蟹真係好高質，唔似得出面得好細隻，佢哋係每一隻size都係大大隻！仲要打開入面係真係有好多蟹膏，超誇張😂正！我自己就叫佢哋個胡椒雞湯底，打邊爐之餘又可以驅走大閘蟹嘅寒涼，同埋本身呢個湯底嘅味道都好濃郁☺️配海鮮都好夾！大大隻蠔同埋帶子都比呢個湯底令到個海鮮鮮甜味更加突出！同埋佢哋仲有個單骨雞翼都好好食，有勁多唔同嘅味道😍最後再食埋支雪條就夠晒滿足，估唔到雪條嘅種類都好多選擇😋

哇！我朋友話我知荔枝角嘅相馬日式火鍋推出左個新套餐，任食大閘蟹之餘仲可以打到高質素嘅火鍋！環境方面好有日本風格，而且乾淨企理又闊落，放題任食食足幾個鐘，全程都坐得好舒服。打邊爐湯底都有好多選擇，有辣有唔辣👍🏻肉類大讚佢地嘅美國特選牛肩胛，牛肉入口順滑，每一啖都有濃郁嘅牛肉香味。而且豚肉嘅油脂分布都好平均🥰另外，海鮮有勁多種類，全部都好鮮甜呀❤️仲有小食拼盤同串燒，真係應有盡有🤩👏🏻最後，不得不說佢地嘅大閘蟹，啲蟹膏真係爆多🤤真係未食見到都流口水啦！

上星期去咗D2place市集行完街，諗緊食咩就同朋友係OpenRice 見到呢間火鍋放題店有個大閘蟹任食套餐，即刻就決定食呢間🤩重點大閘蟹真係隻隻外型都好吸引，顏色鮮艷，入面啲蟹膏仲要多到爆，好誇張🤤仲有得打埋邊爐，我就加錢轉左個胡椒雞湯，胡椒味好香！肉類都好高質，我最鍾意食優質豚肉，因為食落好薄，索哂啲湯汁😍仲要小食日式炸物都好多選擇，炸牛丸、春卷、午餐肉都有添呀🤩今次真係大飽口福～jenggggg！

我係個大閘蟹愛好者🦀，咁啱比我發現左呢間相馬火鍋放題店竟然有個任食大閘蟹套餐😍，即刻去試！我至愛嘅大閘蟹好掂🤪，大大隻，仲要係勁多蟹膏，我一個人食左勁多隻！ 火鍋湯底就叫左中華辣湯，望到個湯底就知辣味又幾濃！辣湯配海鮮同牛肉簡直係完美配搭👏🏻，海鮮仲好新鮮，牛肉油花分布都好平均，肉質一啲都唔鞋。最後食埋串燒就夠哂完美啦🥰，串燒串串都燒到金黃色，味道都好好👍🏻食多幾串都值回價格！呢個套餐真係好高質呀！我一定會叫哂身邊嘅朋友去試👏🏻

之前朋友推介話荔枝角有一間日式火鍋放題店，呢排主打任食大閘蟹🥰我即刻叫佢陪我嚟食多次🤪大閘蟹價錢貴仲有得任食，估唔到佢哋仲要係好高質，大閘蟹超多蟹膏！食到好滿足😍打邊爐湯底方面就揀咗最經典豚骨湯底，任食嘅牛肉仲要係美國特選牛肩胛，已經切到薄薄一片但仍然有好香濃嘅牛肉味道🐮正呀另外仲有好多日式炸物，炸蝦、炸春卷各式各樣都有齊晒，識落好香口同埋唔會太油膩😍整體而言，我覺得呢度環境舒適，價錢實惠，下次絕對會再嚟過！

相馬喺社交平台見到網上賣廣告，介紹得美輪美奐，諗住冇十足都應該有四五成呱！當然我都醒目，一定係睇咗OpenRice嘅食評先去啦！諗住去觀塘分店，因為最近，最方便，就諗住試吓呢間先～～ 點知一睇，就見到有人介紹曱甴🪳～有小強好驚！嘩～～ 見到咁，梗係唔去啦！但又好試吓呢間嘢，好想去食！心諗：佢有咁多分店，唔會間間有小強呱～～ 咁咪搵第二間分店試囉，可能觀塘店比較污糟嘅啫！咁，我就揀咗荔枝角分店啦，一定唔會間間分店都有小強嘅！點知，少年～你真係太年輕啦⋯⋯ 頂！入到去一坐低，食咗冇幾耐，大約半個鐘到！無啦啦就有一隻小強爬咗上張凳度！嘩，大佬嚇死我咩⋯⋯ 唯有硬住頭皮，攞張紙巾一嘢就打死佢啦，咁先至有心機再食嘢！不過都係一路望下枱，望下凳，心情戰戰兢兢咁食落去～好啦，講返食評先！我揀咗美國特選牛肩胛＄288一位，有85折！牛肩胛好好味，牛味重，口味一流，肥瘦均勻，肉色鮮艷，口感唔錯，叫咗成六七碟，真係好好味！海鮮有鮮蝦，灰蜆，沙白，花螺！味道新鮮，又鮮甜嘅，值得一試。燒烤有燒雞翼，燒菠蘿，燒蝦多士！呢幾樣都好好味，味道都唔錯！嚟到仲係熱辣辣的，蝦多士仲好脆口！燒雞翼有多款口味，又有原味，又有

9月6號約了朋友一共7人，去了荔枝角分店，之前睇廣告介紹，見倒D大閘蟹非常之吸引，目測應有4兩，而且最吸引係啤酒任飲🍺坐低點了湯底（一人一爐）在疫情期間是不錯的，重點蟹送到了🦀同廣告個size應該相差一倍，當時都覺得冇所謂食多兩隻補返數🤷🏼‍♀️結果D蟹大波霉嘅，羔係苦既再講一講其它熟食（例如串燒天婦羅同點心）我係埋完單先至發現原來一樣都冇黎過😂其它海鮮🦐都不太新鮮飲品方便選擇不多（而且去到先發現冇啤酒任飲）不過你哋可以自行購買成餐飯人均$530食完結果第二日腸胃炎去睇左個400嘅醫生🤧

話說上個月尾喺社交平台睇到上馬今年又有大就喺成一心諗住再去book枱 book咗8月30號 期待去食嘅時候早一日29號去通知我就話九月一號先有得食我就問佢點解我book嘅時候你唔話我知呢 最後我book咗9月6號今日去食 去到 因為未有未有人到我哋係第一個 咁我哋坐低 佢order咗啲蟹之後呢就陸續送嚟啦今年嘅蟹比舊年細隻咗但係都好味嘅 今年多咗嘢食我哋除咗食蟹可以打邊爐咁我哋嗌咗鮑魚 生蠔 琵琶蝦 大頭蝦 另有好多款嘅蝦同埋帶子扇貝 蜆 好多海鮮我哋數之不盡到最後我哋四個人食相信食咗四十零隻蟹到啦 平均每人十隻蟹 在家 八隻琵琶蝦 四件扇貝 十零隻蝦 如此類推都食到好飽埋單1700 51蚊平均係440蚊到一個人 係抵食嘅 因為出面嘅衫兩蟹賣緊都都要30蚊一隻三四十蚊嘅都要 其實我哋食咗平均每人食咗十零隻都差唔多返本因為仲有其他海鮮食咗咁我都期望上馬出年可以再繼續有大閘蟹放題同埋畀更加多嘅海鮮供應畀我哋食

同一班朋友食嘢 緊係揀打邊爐啦👅相馬我第一次食 係朋友大力推介點知抵食得嚟 食材都幾高質😚仲要任食牛、豚肉同雞腿肉，岩哂無肉不歡嘅我😂送到嚟已經見到啲肉好靚仔！牛肉係美國🇺🇸特選嘅牛肩胛，肥瘦適中，牛肉味好濃。豚肉同雞肉口感一啲都唔鞋，啲肉好嫩滑，正呀🤩食多幾碟都回本啦！除咗肉類 仲有得任食海鮮🦞啲海鮮全部都好新鮮！而且選擇都好多，又有帶子又有青口又有蠔🤪多到揀唔哂😋而且環境舒適，店員服務態度都好好👍🏻性價比咁高 真係一定會再嚟多幾次😄

之前冇得堂食搞到已經好耐冇打邊爐啦！今次就搵左間近近地又評價唔錯嘅相馬食返餐勁嘅🥰最鐘意食海鮮嘅我 勁鐘意呢間有好多海鮮呀🤤個海鮮拼盤已經有日本帶子，廣島號，蟹棒，青口，虎蝦，蜆，螺😍都唔知食邊款好先！重點係全部都好新鮮👍🏻我特別推介日本帶子 因為都算大粒又勁鮮甜！虎蝦又大大隻🤤可以大大啖食！而本身個SET嘅肉都幾唔錯 無論係牛肉豚肉定雞肉 三款都好好味 完全唔會有雪藏味👍🏻👍🏻真係食到好飽又滿足😋一定會再嚟過呀

相馬呢間火鍋店之前係觀塘已經食過一次🤪今次嚟到荔枝角分店服務質素各方面都同觀塘一樣咁好👍🏻價錢方面都好抵食 先二百幾蚊 而且晚市仲有120分鐘任食放題👅大把時間可以慢慢食😋見到湯底方面都有好多種類俾人選擇 我就最保守揀咗個豚骨湯底 無論食辣唔食辣都個個岩食 湯底好濃豬骨湯味 不過又唔會太鹹😆牛肉仲要係牛肩胛 牛肉脂肪比例均勻 唔會全部都係肥肉 而且顏色都好靚 未食望落就知係高級牛 食落更加唔洗講 味道好好🤩仲要吸晒豬骨湯嘅精華 自己清左食左幾碟😂仲要有雞又有海鮮仲有小食 呢個價錢真係唔知邊到搵啊🤩