相聚一刻 (已結業)

早兩日係太子始創個邊睇完傢俬 就順便係附近周圍行下 行到入內街 見到好靚既燈牌＜相聚一刻＞ 望一望先知原來係新開既蠔吧 有新張優惠 就入去試 好掛住d蠔😍😍其實佢係有一個半鍾任食生蠔 不過個日時間尚早 未算係好肚餓 所以叫左半打指定生蠔 順便睇下質素如何😉 非常飽滿 又新鮮 每隻都脹卜卜 佢應該係提供左2款蠔 一款爽口d 另一款就creamy d 鍾意食不過唔識分🤣🤣 下次一定要約其他蠔fd黎試任食之後亦叫左2款意粉 黑松露雜菌意粉 黑松露香噴噴 遠遠都聞到 雜菌超多 有4，5款 炒得好乾身北海道帶子蕃茄意粉 最欣賞係用大量蕃茄肉去煮 每一啖都掛住意粉 而且2碟意粉上菜時係出晒煙 熱辣辣就最好食😋食到尾個陣 老板都走黎問下意見 覺得d野食如何 仲介紹2樓係酒吧 我都估到 因為一入餐廳就見到好大副壁畫 加live band舞台 叫下次食完飯就同fd上黎飲下酒唱k

今日去行完花墟來到與朋友相約在「相聚一刻」成間店裝修好靚，好適合打卡，仲有價錢超優惠，真係食得好開心！⭐️生蠔端上來就係視覺上的享受，每隻生蠔都非常飽滿又新鮮，已經唔需要沾醬就好好食，一入口冰涼鮮嫩，清爽可口，超低價、點可以咁抵食，無論一個人來或一班朋友來必點招牌菜式！⭐️海鮮雜燴飯飯粒軟硬適中，每粒飯都沾到醬汁，味道非常足夠，加入適量的黑松露，與濃郁嘅白汁融合一齊相得益彰。⭐️北海道帶子鮮番茄意粉嚴選北海道嘅大帶子肉質鮮美、口感柔韌，再使用香甜濃郁嘅番茄醬汁，意粉口感煙韌搭配一齊真是絕配。⭐️白酒有著微微花果香氣，同時帶著細微的甜度又不澀，非常適合食生蠔食飲用，真係一大享受。非常有港式特色讓人目不轉睛仲有遊戲機台好休閒嘅環境還有美美的油畫作品位子亦唔會太逼

今日又同ee出街去太子shopping 我地行完聯合廣場 去左附近一個新開ge餐廳食好東西 由於我本人實在太鍾意食生蠔 今次揀左呢間餐廳係有生蠔食ge生蠔 $68／6隻唔係講笑 真係好鮮甜 好飽滿 肥嘟嘟 好鮮味 實在太正 100分 呢度原來仲有$308任食1.5hour 下次一定試任食 超吸引 食生蠔又點少得配白酒呢 北海道帶子鮮茄意粉$88主食方面 我地揀左呢個意粉 帶子大大粒 個意粉配埋茄汁超級正 好滿足 超好味 海鮮雜燴飯$88另外仲點左個飯 好多青口同蜆肉mix左去d飯度 好鮮味 very good 環境方面 落地玻璃 傾住計嘆成餐飯 好chill Overall,呢度環境舒服，食物好味，店員又nice，我好滿意呀，一定會再帶朋友黎chill

今日去咗太子附近嘅一間餐廳，呢間餐廳真係一試就愛上，一定要介紹俾朋友，一間餐廳或者於太子站附近，行一次2分鐘就搵到呢一間餐廳，一間餐廳外牆裝修都好有特色，全部都好乾淨好舒服好整潔，佢哋嘅招牌大大隻霓虹燈，好啱打卡用㗎，而且裏面嘅空間寬敞，佢哋仲有一個音樂嘅表演環節，如果有live Band聽，真係一流呀，而且佢哋嘅食物質素都好高，佢哋有海鮮，我哋叫咗個號，真係好深刻，因為佢哋幾號全部都係好新鮮好好食，配埋酒飲，真係好夾呀，而且佢哋嘅家賢君都好好食，叫啲小食，即叫即炸，真係好好食呀，而且佢哋嘅意粉種類都好多，我哋叫咗個意大利粉，都係好入味，而且份量都好足夠，而且佢哋嘅價錢經濟實惠，係平民價錢，如果你到太子附近嘅一定要泥試呀！

同朋友食farewell飯，兩個人叫咗主食同酒，想一齊happy friday埋～白酒：味道易入口帶點酸生蠔🦪：想講蠔一上台已經聞到好香海水味，同埋肉質肥美唔削，係creamy既口感。平時一點加好多茄汁，但今次單食都唔腥，真心有驚喜！忌亷蜆肉意粉：個意粉相對比較清爽，因為忌廉唔係杰灘灘個種，蜆肉都幾多，如果可以咸多少少就好海鮮雜燴飯：個飯比意粉濃味，食到有芝士香。做到粒粒分明既效果，同埋魷魚粒、青口、蝦仁一齊，仲有幾重手既黑椒+蒜香，幾惹味。朋友話幾抵食，下次想試下啤酒🍻

悉逢男朋友生日，知佢好鐘意食生蠔，之前一路都食吾到好食生蠔，無意中係OpenRice 搵到呢間餐廳，地下係餐廳，1樓係酒吧(8點先開)睇OpenRice 寫開5點鐘，我訂左6點半食，5點3行到過去未開，打電話無人聽，好驚執左，好彩去到最後係食到既👍🏽知佢有任食生蠔，價錢仲要吾貴$308一位食個半鐘，男朋友係食得之人，當然係揀佢啦😆仲要包一杯白酒，食吾到太多生蠔，佢有$68半打揀，當然生蠔未黎之前，叫左兩個送酒小食，椒鹽魷魚同雞軟骨，終於到生蠔出場，非常肥美同甜，又夠大隻，好食過好多5星級酒店，男朋友食到讚口不絕，要讚既係我地食完第一打，再叫大概10分鐘內就會再上第二打，佢每次都係1打1打甘上，我地兩個人總共食左5打😆，回晒本！我地仲叫左個意粉同羊架，味道同買相都高質素👍🏽佢餐牌上其他野食都吾貴！

同朋友喺太子界限街附近搵餐廳食晚飯，比四個大字吸引，餐廳牆身用霓虹光管寫著「相聚一刻」，好搶眼。見到餐廳有生蠔供應，於是同朋友入去試一試。樓高兩層，地下為餐廳，屬於開放式全部落地玻璃趟門望街景，好有外國feel😍，樓上為梳化位可給客人飲酒聚餐和玩骰子🎲骰盅。👍生蠔🦪有優惠半打$68,任食$308今晚我哋叫了半打生蠔🦪，每隻都好肥美，吃落新鮮肉質鮮甜，海水味唔重，加少少檸檬汁🍋已可提升鮮味😍🫶👍。食生蠔🦪當然要飲酒🥂，我們叫了兩杯白酒🥂，好抵！白酒少許酸甜同生蠔好配！👍海鮮雜燴飯$88材料有青口一隻、細蜆肉和魷魚粒🦑，米飯質感似意大利飯，用白汁燴飯加上少許黑胡椒粒，好味！👍😋北海道帶子鮮茄🍎意粉🍝$88有兩隻大大隻嘅帶子，外面煎香內裡軟淋好鮮甜唔乾，醬汁主要用鮮番茄🍅烹調，食落啖啖蕃茄碎🍅，味道帶少少酸甜。😋喜歡食生蠔飲酒的朋友，這裏是一個不錯的選擇，價錢十分之抵！

經歷咗3年嘅疫情，更加珍惜朋友間的友誼，但也不盲目，有D必留失的就無謂再執返，講多無謂：而喺疫情中互相鼓勵打氣的朋友仔們就好值得珍惜，宜家得閒就會約出來，或飲茶，或食飯，或飲杯嘢，或行山，或打波.....好明顯今日呢間“相聚一刻”就係一個提供畀大家食嘢，飲嘢嘅好地方，舒適自在。喺嗌主食之前，點咗呢家出名嘅生蠔，嗌幾多呢，2人半打够啩，唔好貪心，遲啲再嗌過，D生蠔肥大肉厚，肉質爽脆，海水味較濃，保留著原始的清新味道。再來杯甜甜哋嘅白酒來送生蠔，超正👍更何况每杯只係30蚊，當然你必須嗌咗半打生蠔先😜“北海道帶子鮮茄意粉”，就係見佢用咗北海道大size的帶子，非常之大隻又鮮甜，口感得到滿足，而且用咗新鮮蕃茄，好好食；“海鮮雜燴飯” 有大隻青口和D細粒D魷魚和蜆，燴飯很地道意大利，八成熟的夾生飯啱啱好。食到呢度已好飽，下次再來啦。

朋友介紹太子附近有間新cafe, 今晚就去試下, 6:30到達入座率已有一半, 環顧四週每台客人都叫左生蠔, 咁我當然唔執輸叫番半打試下先啦🫶🏻🤟🏻🤟🏻🤟🏻叫生蠔仲有優惠, 只要加價$30蚊, 就有一杯白酒, 配埋生蠔簡直一流🥰🥰北海道帶子鮮茄意粉$88帶子大大粒煎得夠香, 鮮茄意粉亦做得唔錯, 食倒有新鮮番茄蓉, 味道帶點酸甜卡邦尼意粉$88卡邦尼意粉材料雖然睇落好簡單, 但食落感覺就好滿足, 濃濃的芝士汁加埋煙肉嘅甘香, 滋味令人難以抗拒唔講你唔知 原來呢度唔單只係一間cafe, 因為洗手間要上去二樓, 上到去發現原來別有洞天, 竟然喺一間酒吧....不過要到8點後才開始營業, 下次有機會再揾朋友過來開心吓先

相聚一刻 太子界限街36號地下G/F, 36 Boundary Street, Prince Edward三角路口見到呢間餐廳， 大大個相聚一刻兜紅燈半打生蠔$68，淡淡海水鹹味，食入口好好新鮮。$88海鮮雜燴飯，點份risotto 先， 入面的海鮮包括青口，魷魚，蜆等，當米粒吸收了大量湯汁，是risotto 吸引之處。$88 北海道帶子鮮茄意粉。帶子是刺身級大大粒厚肉，蕃茄酸酸開胃沾滿了意粉，開胃好食播著歌氣氛很好，點了杯house white 白酒#香港探店 #香港美食 #hkfood #hkfoodie #yummy #foodporn #delicious #cuisine #restaurant #noodle #chicken #hkrestaurant #pasta #spaghetti

在繁忙的城市生活中，尋找一個適合與伴侶共度輕鬆晚餐的地方，是一種簡單而美好的享受。位於太子界限街街角的「相聚一刻」恰巧滿足了這樣的需求。這家餐廳的休閑氣氛與街角熙攘的人群與車流形成了一種奇妙的對比，讓人在品嚐美食的同時，也能感受到城市的脈動。食物價格相當抵食，尤其是他們的任食生蠔。最近在網上看到這個優惠，便決定與老婆一起來試試。由於老婆不吃生蠔，所以沒有選擇任食，而是只點了半打生蠔，另外還點了一份北海道帶子鮮茄意粉給她，而我則選擇了一份海鮮雜燴飯。服務員建議我們點一杯白酒來搭配生蠔，一開始對於這個價位的生蠔和白酒沒有太大期望，但沒想到竟然相當搭。價格合理，讓人無可挑剔。北海道帶子鮮茄意粉和海鮮雜燴飯都表現得相當不俗，口感、味道都能讓人滿意。而生蠔則更是驚喜，新鮮美味，讓人回味無窮。

今日去左太子試下新店相聚一刻✨餐廳環境都幾闊落，坐得好舒服。我哋嗌咗三樣嘢，分別係生蠔、帶子蕃茄炒意粉同埋海鮮意大利飯😆🔸生蠔：我地試左一共六件既生蠔。生蠔都算新鮮，食落都有鹹水味，又算滑同爽口，一啖入口即化，帶有淡淡嘅海水味，都幾開胃。如果你係生蠔控，一定要嚟試下呢間餐廳嘅生蠔！🔸帶子蕃茄炒意粉：本身期望唔高，但估唔到帶子比想像中好食，一黎都幾大舊，二黎煎得岩岩好，唔會煎過龍搞到超硬，同埋都幾香口，正！蕃茄醬都唔錯，好濃郁，同埋都有啲蕃茄粒！🔸至於海鮮意大利飯都令我哋有驚喜😆飯粒幾有咬口，配埋新鮮嘅海鮮，味道更加豐富。啲海鮮包括有青口、墨魚等等，同埋飯上面灑咗啲香草，味道更加有層次🤤呢個飯份量都幾夠，一份飯已經可以飽肚，價錢亦都算合理。如果你係海鮮控，一定唔可以錯過呢個海鮮意大利飯！

今日同朋友黎左太子呢間相聚一刻，呢間餐廳外表都非常有特色，而且有兩層，覺得幾有style,就入去試下。見到餐牌寫住$68/6pcs生蠔，我簡直係懷疑自己嘅眼睛，點會咁抵架，平時$68先食到一隻。我地都係抱住試下嘅心態，點知一上枱已經好surprise, 隻隻都肥大肉厚，好大隻。食落非常新鮮，好鮮甜，完全唔腥冇怪味。好好味呀！☺️☺️而且有個餐廳特製嘅醬汁，酸酸甜甜咁，同個生蠔都好夾。另外叫左兩個意粉，叫左一個北海道帶子鮮茄意粉同埋黑松露雜菌意粉。北海道帶子鮮茄意粉感覺非常開胃，佢嘅蕃茄唔係茄汁，所以唔會太咸，清清地好健康。黑松露雜菌意粉，松露味好香濃，上面有一大堆黑松路醬，而且好多鮮菇，好健康呀😍

我係一個唔識食生蠔嘅人呢亦都好少食生蠔.今次同朋友嚟咗太子搵咗呢一間門面好有特色嘅食店.我見到有三百幾蚊任食嘅選擇,但係最後決定下次先至會再過嚟試。今次先小嘗生蠔,希望我是會喜歡的。我和朋友先要了一杯白酒,白酒用作先打開自己的味蕾,刺激一下舌頭上面的細胞.香香甜甜的感覺有牙齒直至到轉頭再去到喉嚨,芬芳的酒精在口腔內迴盪.然後係時候嘗試生蠔.第一隻先原汁原味,沒有任何的檸檬汁和茄汁,海水的味道飄泊過嚟.清潔得很乾淨沒有沙.其後我再食多兩隻,配上檸檬汁蕃茄汁.感覺很特別.然後有鮮茄蝦意粉,鮮茄的味道與甜味互相配合十分不錯.還有白汁西班牙飯,很濃濃的忌廉味道.朋友傾偈同埋用餐過呢一間餐廳都係一個不錯的選擇.

疫情放緩之後，就開始陸續約返啲朋友見吓面，今日就約咗一個中同去到位於界限街嘅相聚一刻，顧名思義，我哋嘅目的就係要相聚一刻。餐廳嘅裏裏外外都充滿霓虹光管，甚有氣氛。中同話呢度嘅生蠔好抵食，如果鍾意食生蠔嘅話，可以揀1.5小時任食，佢話佢有個朋友可以一口氣食咗三打半😅，即係唔使$8/隻😱。不過我哋就想試吓其他食物，所以就叫咗半打生蠔淺嘗一下。見佢可以做任食生蠔，以為都係細細隻嗰類，原來佢嘅size都絕不欺場，而且每隻都好肥美飽滿，味道就偏淡，啱晒我嘅口味。唧少少檸檬汁，再配埋佢哋自家製嘅Cocktail汁，真係別有一番風味。食生蠔當然係配白酒，整返兩杯先配合返呢度相聚一刻嘅主題。食過生蠔之後，就要食返啲熱食，呢個北海道帶子鮮茄意粉用新鮮蕃茄製成，非常惹味。大大粒嘅北海道帶子唔會煮得過熟，配埋新鮮蕃茄味道真係非常唔錯。另外我哋就選擇咗海鮮雜燴飯，其實佢係一個意大利飯，而且充滿濃濃嘅芝士味道。配有大大隻嘅青口，混埋入意大利飯入面真係幾好味。海鮮仲包括有一隻隻嘅墨魚仔，每隻都爽口彈牙，令人越食越開胃。