相聚一刻 (已結業)

朋友中意食生蠔，聽講太子呢間《相聚一刻》生蠔好抵食，於是就同佢黎試一試我地叫左半打生蠔，價錢只係$88！生蠔大大隻，賣相好吸引首先飲鹹鮮海水再少少檸檬汁同甜甜嘅茄汁，令嫩滑冰爽嘅蠔肉更上一層樓，真係好好食呀！另外，見到餐牌話惠顧半打生蠔可以用優惠價$30加配白酒。難得聽日放假，我地都加左2杯過過口癮。我地亦叫左海鮮雜燴飯同黑松露雜菌意粉海鮮雜燴飯真係好出色，有大大隻青口，仲鋪滿芝士。飯粒軟硬適中，好有口感，而且墨魚同蜆肉嘅份量亦都好多，食到我想添飯！黑松露雜菌意粉都唔錯，有好多菇菇，同黑松露真係最佳配搭，份量亦好多另外想讚一讚餐廳嘅員工服務態度真係好好，會提我地小心熱，慢慢食，好貼心！加上見到餐牌話$388可以任食生蠔，下次會再黎幫襯！

今晚咁啱經過太子，受霓虹燈吸引之下，發現有新店取代了之前芳華絕代既鋪位，而家叫相聚一刻。見到佢有個大大隻半打生蠔，價錢非常吸引，十分抵食。$68 有6隻，仲要size 唔細，有手掌咁大隻，食落去質素唔差，有海水味咁嘅價錢冇得輸。佢仲可以加$30有一杯白酒，啱晒夜晚來cHill下生蠔配白酒，一流享受。佢仲有任食生蠔，每人都係三舊水搞掂!下次都可以試吓！佢仲有意粉同意大利粉，其他主食等價錢都相當親民，唔使一舊水食到好鬼飽，個海鮮燴意大利飯，忌廉白汁好入味，飯粒分明唔會太硬。另外帶子鮮茄意粉都好出色，有新鮮蕃茄蓉配上大大粒帶子，味道鮮甜。估唔到呢間望落去嘅平民西餐廳，味道質素一啲都唔平民，大家經過不妨一試，絕對有驚喜。

收工約咗朋友喺太子附近食飯，好耐冇見，所以都想飲返兩杯。地鐵站行出幾分鐘，就見到呢間餐廳，裝修好得意，好似日本居酒屋咁霓虹燈牌嘅招牌好吸睛，一望就留意到餐廳對外嘅設計，有一種去咗日本居酒屋嘅感覺，仲要睇落去應該都坐得幾舒服（啱晒啱啱收工嘅我哋，唔想行只想坐低飲兩杯😵‍💫）坐低望到餐牌，發現呢間竟然有得揀生蠔飲食，仲包埋一杯白酒。不過朋友話想試吓多啲唔同嘢食，所以我哋就揀咗半打生蠔，同埋用優惠價買咗兩杯白酒（$30杯其實幾抵）加購嘅白酒幾香甜，唔會話好重酒精，所以有種淡淡的水果香🍇生蠔好快手就有Staff嘅手上上咗枱🤣望落好新鮮好大隻，係肥美飽滿嗰種😍😍😍😍😍，仲會跟埋檸檬同自家制cocktail source想講個生蠔真係拎上手先知，原來好重身同大隻，食落去好creamy，而呢個價位來講性價比高到傻咗😍🌟🌟🌟🌟之前去過其他舖頭食生蠔，雙倍價錢都冇咁大。仲要啲蠔好新鮮，完全冇腥臭味！我哋仲叫咗海鮮雜燴飯，醬料包滿晒飯粒，入口係濃厚嘅芝士香。燴飯嘅上面仲有一隻芝士焗青口，好好食！會返入邊每一啖都會食到海鮮配料，超多魷魚蜆肉，超級足料😆朋友叫咗黑松露雜菌意粉，上到嚟發現有超多黑松露醬，好香！

上次我同啲朋友去咗太子嘅相聚一刻西餐酒吧，我哋叫咗一份半打生蠔同埋一杯白酒，2個主食。🦪半打生蠔+$30追加白酒生蠔好新鮮，唔重海水味，亦唔重礦物味，清而甜，幾好！生蠔肉質幼滑，配上啲檸檬汁，真係好開胃。欣賞餐廳選用既白酒，都係清香嘅口感，唔太濃烈，好配啲生蠔！🍝北海道帶子鮮茄意粉意粉煮得唔錯，唔會太軟同埋太硬，就係啱啱好。帶子食材新鮮，大大粒有2粒，加上巧妙地用番磨碎嘅番茄粒加鮮番茄醬汁做dressing，真係有驚喜！🐙海鮮雜燴飯海鮮包括墨魚、魷魚、青口都好鮮甜，米飯夠軟身得黎有啲似意大利飯既口感，配搭上芝士粉粒同奶油醬好creamy，每一啖都好香滑🤤原來佢哋既係西餐又係酒吧，樓上仲有得唱k加掉飛標，仲有可以包房同frd一齊玩，生日揀呢度慶祝真係個好選擇！餐廳中間位置仲有live band，show既日子記得要打去餐廳先問問啦📞呢度有得食有得玩，重點在於食物高質唔會流於表面，打卡之外價錢亦對得起食物，額外一提🤫餐廳男侍應亦招呼十足，好有禮貌亦照顧周到👍

有一次喺太子食飯嘅時候見到對面有一間好多霓虹燈裝飾嘅餐廳，見到佢除咗有生蠔食之外，仲有意粉等等，所以就約咗今日嚟食。入到去見到有唔同嘅裝飾，又有好似居酒屋咁樣嘅。餐廳有分兩層，下面嗰層就係西餐廳。上面嗰層就係酒吧見到有飛標機之外，亦都有好大張嘅酒吧枱，見佢酒櫃嘅酒都好齊全。入咗之後店員都好熱情咁樣推介佢哋嘅招牌食品，佢哋話佢哋嘅生蠔係來自廣島，見到佢哋嘅餐牌除咗散要之外，仲有呢個任食放題，不過就我同朋友食半價就夠，另外就在加咗少少錢要杯餐酒。生蠔食咗六隻，每隻都大大隻，非常肥美。問咗餐廳出產地來自日本廣島。味道同口感方面，味道清爽清甜。相對上唔會話有好重嘅海水同埋金屬味，初初食生蠔嘅朋友都可以食呢一款先作一個入門版。上盤方面見到佢除咗有檸檬之外，亦都有茄汁。keep住保鮮嘅冰亦都係好足夠，所以就唔會話咁易變壞，而且清洗方面亦都係清洗得救乾淨唔會話有好多污糟嘢喺入邊。見到隔籬枱有人叫咗個放題套餐，相信對質素有保證！主菜方面都係聽店員嘅推介帶咗兩樣嘢，黑松露野菌意粉入面加入好多唔同種類嘅菇菌，並且加上大量黑松露碎伴成。食落黑松露味特別香濃惹味。意粉硬度適中，有咬口，同時有蒜吊味，所以有淡淡

嘈到樓上4樓都聽到boom boom boom 。人做吧你做吧做到咁嘈真係有啲擾民上手芳華絕代都好哋哋，最衰仲要唱埋譚詠麟啲歌。大佬啊2023年喇仲唱譚詠麟平日又嘈假日又嘈係咪唔俾人瞓啊

今日收工之後同朋友嚟到呢一間相聚一刻食飯，個店名真係好應景，因為我同朋友都成大半年冇見啦😆裝修來講，門口大大隻字既霓虹燈完全吸引到我嘅眼球，一定唔會搵唔到呢間舖，鋪入面嘅裝修都好有特色，滲入左少少舊時日本居酒屋嘅元素，啱晒打卡，入面仲要有兩層，上面嗰層仲有得擲錶、唱K，真係啱晒一大班朋友一齊嚟玩，鍾意嘅仲可以開房添！我哋叫咗半打生蠔，生蠔嚟到都幾大粒，唔好睇佢好似唔夠豐厚咁，其實食落去有驚喜，咬落去啖啖都係肉，比酒店嘅生蠔大粒好多，而且夠新鮮同creamy，層次十分豐富綿密，如果俾我要encore嘅話，一定非生蠔莫屬😎✨之後我哋仲叫咗個海鮮燴飯，因為我哋真係好鍾意食海鮮，又唔會肥，海鮮嘅料俾我哋想像之中多、有八爪魚等等，以呢個價位嘅海鮮燴飯嚟講，真係超值之選，食完已經覺得好飽肚，而黑松露俾海鮮燴飯嚟講呢就有稍為失色，香味係夠既但黑松露味可以再出啲，而且略嫌有啲過油，不過最後我同朋友都食得好滿足咁返去，有機會經過會再黎☺️

太子界限街一頭好多好嘢食，之前嚟親都係食餃子，今次就搵咗間西餐廳試吓！本身以為呢間「相聚一刻」會係西餐廳佈局，入到去先發現佢係日式裝修，有賣西日菜式（隔離枱仲叫咗條金目鯛刺身極度吸引！）樓上好似係唱K耍樂，不過就八點先開，唔怪得咁多人嚟相聚一刻喇！坐低先嗌咗「生蠔半打」（$68），六十幾蚊可以食到半打生蠔真係勁抵，而生蠔係日本進口，好新鮮，蠔肉亦都好厚身，有清甜嘅香味，可以配埋茄汁食用，更加提鮮！跟餐仲有一杯白酒（$30），我哋自己嗌多一杯（$60原價），白酒好易入口，亦唔會好甜，好啱配埋啲蠔嚟飲用！正餐方面，我哋叫咗一客「北海道帶子意粉」（$88），十分抵食！首先佢有兩大粒帶子，煎得好香，食落一啲都唔覺得寡，而意粉係有好濃重嘅蕃茄味，甜甜酸酸，令人食唔停口！另一客就叫咗「雜錦海鮮燴飯」（$88），值得一讚嘅係海鮮量有極多，有魷魚、青口等等，每啖飯都有滿滿嘅海鮮！而飯底亦十分Creamy，加上芝士碎，成個飯食落就非常令人滿足。餐廳店面大，好適合同親朋好友一齊嚟到呢到相聚！

呢間位於太子嘅酒吧餐廳，地面係餐廳俾人食飯，樓上有得玩飛鏢，適合一班朋友一齊食嘢一齊玩。餐廳而家做緊優惠$308任食生蠔，仲包一杯紅酒或者白酒。我同朋友都唔係好食得咁多，所以就叫咗半打生蠔食下。$68有六隻，好抵食。雖然價錢咁平，但係質素一啲都唔差。生蠔大大隻好creamy。呢個價錢有呢個質素真係冇得彈。另外，仲叫咗一個卡邦尼意粉同埋海鮮燴意大利飯。卡邦尼意粉，芝士同忌廉嘅味道都幾濃郁。海鮮會意大利飯，好足料，返入邊有好多八爪魚，蜆同蝦。每一款意粉或者會飯都只係$88。

今日約左朋友行街，發現左間酒吧餐廳，價錢唔算貴，所以揀左黎食。餐廳做緊生蠔半打都係$68，而且比$308仲可以任食90分鍾，真係抵到爛呀😍😍😍今次我地2個人叫左半打生蠔、海鮮燴飯、黑松露雜菌意粉同2杯白酒1. 日本生蠔生蠔新鮮度非常高，啲蠔肉鮮嫩夠晒大隻，而且好乾淨冇沙粒，食落超過癮。佢嘅味道非常鮮甜，加上啲檸檬汁，令味道更加豐富，真係好正！😋😋2. 海鮮雜燴飯海鮮雜燴飯材料夠晒多，有青口、魷魚同蜆肉等等，加上啲香料，味道非常鮮美。啲飯粒夠晒香軟，而啲海鮮都好新鮮，真係好好味。而且佢嘅份量岩岩好😋😋3. 黑松露雜菌意粉有香濃嘅黑松露醬同各種唔同嘅菌類，味道非常濃郁。如果你鍾意食意粉，又鍾意黑松露醬，呢款意粉真係一定要試下！啲意粉煮得剛好，唔會太軟或者太硬，啲菌類都好新鮮，而且黑松露醬味道香濃，每一啖意粉都有香氣，令人回味無窮😋😋😋4.白酒house 白酒，容易入口，味道唔會話太甜，用黎送生蠔出岩岩好，突出到蠔嘅鮮美，正呀整體黎講，餐廳食物質素高，而且價錢仲非常之抵，如果係生蠔控嘅人就真係唔好錯過啦

今日黎到依間位於太子既西餐廳食野！網上睇佢最出名既係生蠔，所以就心思思想黎試下喇ＸＤ餐廳環境好有特色風格，霓虹燈既招牌非常充滿香港風格餐廳仲有Live Band既角落，如果撞正有Live Band Show一定好好feel餐牌選擇好豐富架！主食/小食都好多款式選擇，仲有不少套餐提供！生蠔真係超抵！！任食都係三百蚊一位咋！如果散叫亦都好抵，平均每隻都係大約$11我地叫左2杯白酒~入口清爽帶有淡淡的花香~食生蠔飲白酒真係絕配呢！生蠔好大隻呀！餐廳採用既係日本廣島蠔，所以唔怪得體積咁巨型呢！入口非常鮮甜，食得出好新鮮海鮮雜燴飯米飯軟硬適大，帶有些少Al Dente既口感～係正宗的意大利飯特色海鮮種類亦有不少，食材食鮮，性價比十足的一道主菜北海道帶子鮮茄意粉北海道帶子非常大粒，入口彈牙新鮮茄汁做得好出色，不會過酸過甜，令到每一口意粉都十分好味！總結而言非常不錯的一間餐廳，而依個價位黎講實屬性價比非常高的一間餐廳！下次再黎試多Ｄ不同既食物先得

朋友介紹呢度有平靚正生蠔，超期待！餐廳都幾多打卡位，上層重有得包廂🎲🎯一大包朋友嚟飯聚都正👍🏻🥢白酒食生蠔梗係要配白酒，呢度嘅白酒酸度同甜度比例均衡，都幾易入口。🥢半打生蠔$68半打生蠔！大隻厚肉，真係佛心價🥹平時自己買生蠔返屋企開都冇咁平，呢度重幫你開埋洗埋，超抵食！啲蠔洗得好乾淨，唔會有殼碎～食落好有海水味🦪🥢黑松露雜菌意粉好多菇菇，黑松露味濃郁，好食😋🥢海鮮雜燴飯入面有好多蜆肉同魷魚，每一啖都會食到海鮮配料；意大利飯嘅飯粒軟硬適中，芝味香濃🤤

今晚去太子路過以前芳華絕代個位變咗間酒吧，播住最流行嘅粵語歌🤭啱哂一班朋友去飲酒chill chitchat!!竟然有任食生蠔🦪價錢又唔算好貴！而意粉都係100內一碟，好抵食！！！我哋就咁叫黎食試下生蠔質素先🤣超肥美，脹卜卜👍🏼👍🏼勁新鮮，一啲都唔腥，好高質，而且都算大隻咼！！北海道帶子鮮茄意粉超醒胃!!好多蕃茄配意粉，酸酸甜甜好好食！而且相對其他佢比較多汁，撈意粉啱哂！帶子好大粒，煎得啱啱好，入面好嫩！😍蜆肉忌廉意粉仲有好多雜菌，菇，蜆肉，好香！而且意粉好有咬口，軟硬適中，煮得好好！最正係忌廉唔會好肥膩感覺，好味道！！👍🏼👍🏼最後梗係要咗杯白酒！忘憂一下🤭🤭入口好舒服，食下飲下吹下水，人生一樂也🫶🏻

太子街角相聚，最適合同親朋戚友一齊黎！除左餐廳之外，上層仲有K房同酒吧，今次就黎左食西餐！呢到除左有fusion 風格裝修(日式、抽象風，另外用木擺設)之外，比較特色既係有圓檯，適合數目比較多既朋友相聚（但就要book 位啦！）食物方面：生蠔🦪9隻係我食過最容易入口嘅生蠔，完全唔腥，偏清淡蠔香，肉身肥美，醬汁係茄汁配黑椒粒，加少少上蠔身唔會搶走鮮味而有多重甜味，重點係價錢好平，而且仲有放題可以揀！白酒cheers!送蠔一流～忌廉蜆肉意粉意粉睇落serving 細，食落就唔覺！呢個意粉都幾足料，配上大量烤過既菇塊同蜆肉！卡邦尼意粉蛋黃汁已經同醬汁混成一體，平均地沾係意粉身上，呢個意粉賣點就係有條狀芝士碎，再加上香濃既醬汁！北海道帶子鮮茄意粉最後就係鮮茄意粉，呢個意粉我認為又有d唔同賣點，首先係作為中高檔食材既北海道帶子大大粒，面燒過而有帶上焦香同牛油香味，另外既就係有大量鮮茄作為底汁，酸酸甜甜好開胃！

阿女知我喜歡食生蠔，佢喺太子搵到一間靜中帶旺嘅餐廳叫相聚一刻，佢哋嘅生蠔新鮮又抵食，所以今晚同我一齊去試吓。餐廳分兩層，樓上座位比樓下多，大部分都係梳化，坐得舒服，還有掟飛鏢機，好適合一大班人相聚relax 一下！餐廳主打生蠔308任食包一杯白酒！半打生蠔只係68蚊，重可有優惠價買白酒一杯，真係好抵食。另外還有西餐和小食供選擇。新鮮生蠔配白酒，生蠔係每日新鮮運到，即叫即開，生蠔好肥美，首先原汁原味食，海水味不重，口感creamy。之後食可以點些茄汁，味道會比較濃一點。而食生蠔的絕配，當然是襯上一杯白酒，白酒可謂生蠔的最佳拍檔。它的味道較為清淡，可以帶出生蠔鮮味。忌廉蜆肉意粉：鮮甜蜆肉、菇菌與濃郁忌廉醬汁完美融合，每條意粉都沾滿醬汁令人回味無窮。北海道帶子鮮茄意粉：用咗北海道刺身級帶子，帶子厚身又細密，味道濃郁鮮甜，用牛油煎一煎外脆內軟，一咬鮮味爆發，加入新鮮番茄，番茄有平衡的酸香與清甜味道，可以用來提升食物味道之餘，亦可豐富口感，用來炮製意粉，非常之好吃。