相聚一刻 (已結業)

$308一位二小時任食生蠔好去處提供日本廣島蠔朋友仔唔係食太多生蠔所以另一選擇有$68/半打生蠔仲可以加$30 有一杯白酒配生蠔就一流👍🏻咁又可以滿足吓我佢又唔洗食太多各需選擇😬呢度有二層樓下多數食晚餐樓上多數係食小食同飲酒好多飲酒熟客自己上去樓上呢度除咗生蠔,小食,飯同意粉所以我地叫咗二個意粉因為意粉多選擇#日本廣島生蠔😋大隻肥美飽滿海水味不太重但係有金屬味好新鮮👍🏻#配二杯白酒帶點酸但配生蠔ok 嘅#北海道帶子鮮茄意粉$88二粒帶子煎到剛剛好👍🏻好有鮮茄味道😋#黑松露雜菌意粉😋$88好多菌黑松露味道好出👍🏻二碟意粉冇咩買相有代改進😅用水樽方便自斟#有happy hour 15:00~20:00 $68買二送一 抵👍🏻

落地玻璃食西餐夠chill ，仲要有2層，初頭以為食景，點知有驚喜。叫左牛扒，同羊架，2樣水準都高。牛扒入味又林，唔使點汁都有牛味。羊架，煮到啱啱好熟，所以嫩口得來又唔so，仲要大大舊，好抵食，2個人食，仲有酒飲，晚餐埋單唔使300元，抵食又好味。而且個度啲人個個都態度好好，細心又照顧周到🥰而且成個環境乾淨，最緊要係個廁所都乾淨，地點又方便。我嚟嘅時候，1樓酒吧就黎開埋，開左會再黎多次，應該好好氣氛，而且成個環境好乾淨，地點又方便。老闆有心經營，做得唔錯👍🏻

今日好開心同屋企人去咗太子嘅一間餐廳，呢間餐廳真係好令人驚喜，意外地好食，如果經過太子旺角嘅朋友，一定要嚟呢一間啊，裏面嘅選擇食物好多，有高質素，而且佢新開張，一定要去試吓，去捧場一下，佢嘅裝修環境都好靚，坐得好舒服，所以一定要推介俾朋友，首先一間餐廳位置去太子站，下一次2分鐘就會搵到呢個餐廳，真係好方便呀，呢間餐廳好適合朋友同埋屋企人聚會，而且空間好大，好有私人空間，唔使怕擠迫，而且佢嘅選擇好多，我覺得最特別係佢嘅生蠔，真係好好食呀，賣相又靚，仲有紅酒配，紅酒係入口即溶，真係好好飲啊，而且佢哋嘅意大利粉都好好食呀，全部份量都好多，不過仲有意大利飯，但係好好食，可以媲美出面嘅意大利飯，而且佢哋呢度環境都好舒服，，有兩層高，平時仲有現場音樂伴奏，真係好高貴，下次同朋友一定要嚟聽歌呀！

今次去到「相聚一刻」呢間餐廳，主打任食生蠔，有90分鐘既任食生蠔盛宴。餐廳好近太子站，而門口有個大大個霓虹燈招牌，好容易就可以搵到。今次嚟到唔太大肚餓，所以冇試到任食，只叫左半打生蠔。不過呢半打生蠔，隻隻都好肥美，有淡淡嘅海水味，真係好新鮮。加上佢地依家優惠，只要$68，真係好抵呀！除咗生蠔，我地仲叫咗北海道帶子鮮茄意粉同卡邦尼意粉。北海道帶子有兩粒，大大粒，仲好新鮮，同埋佢嘅蕃茄味道好出，好味。卡邦尼意粉就比較正常啦，但都好食。最後，我地仲叫咗兩杯白酒。味道正常，不過加咗酒，氣氛就好啲啦～鋪面有兩層，今日樓上都冇開放，唯有下次再試啦。總括而言，相聚一刻係一個不錯嘅餐廳，唔止有好味嘅生蠔，其他嘅菜式都好食，而且價錢亦都好抵，有機會會再黎試埋其他小食。

今日經過太子，見到有新餐廳開張，仲做緊優惠，於是同朋友入嚟試一試。 餐牌亦有其他小食同主食，好似龍蝦🦞、羊架同小食拼盤等，適合同朋友一齊嚟聚會！ 餐廳仲有新張優惠 $308一位嘅 90分鐘任食生蠔加紅酒/白酒一杯套餐，下次想食生蠔放題可以過嚟呢度呢！✨生蠔 🦪 $68/ 6PCS今晚我地叫左半打生蠔，睇相都見到好肥美呀，而且生蠔相當新鮮，肉質鮮甜，最重要係生蠔完全脫殼，食起上嚟都好方便。我哋仲加左少少檸檬汁，可以提升鮮味，點埋中間個酸辣醬就更加惹味啦～宜家仲可以加多 $30 有白酒一杯 ，好抵呀！生蠔控唔可以錯過呀！✨北海道帶子鮮茄🍅意粉 $88鮮茄🍅新鮮而且味道酸酸甜甜，味道唔錯，加埋兩粒大大粒又得得煎香口嘅帶子，食落都幾開胃。✨忌廉蜆肉意粉🍝  $88 意粉嘅軟硬適中，蜆肉嘅份量都好多，差唔多每一啖都可以食到蜆肉！意粉中嘅黑椒仲帶出蜆肉嘅鮮味來。

朋友好鍾意食生蠔，佢話最近發現咗一間唔錯嘅餐廳，就一齊去咗食。餐廳有生蠔任食，三百幾蚊任食個半鐘。我哋叫咗一個卡邦尼意粉、海鮮雜燴飯、六隻生蠔，同兩杯白酒。卡邦尼意粉同海鮮雜燴飯好快就有得食，卡邦尼意粉個汁整得好creamy，意粉煮到好有彈性，煙肉都幾多。海鮮雜燴飯上枱都係熱辣辣，有青口、魷魚、八爪魚，雜燴飯個白汁略帶濕，不過不失。重點嘅生蠔終於出場，佢哋嘅size比想像中大，肉質鮮美，食落好新鮮，帶有香濃嘅海水味。生蠔配埋檸檬汁同泰式辣醬食好夾，更突出生蠔嘅鮮甜。生蠔配白酒好完美呀。半打生蠔$68有咁高嘅質素，性價比非常高，我同朋友都忍唔住再叫多半打。總括而言，餐廳嘅生蠔令人留下深刻印象，下次有機會一定再去食。

今日同同事係開依頭做野，趕頭趕命咁要搵間餐廳食晚飯😩 跟住見到e 間店，好似係新開嘅咁裝修幾有特色我地一人揀左一個意粉，真係好平🤣🤣🤣🤣🤣晚飯竟然有八十幾蚊，抵到呢🤓🤓雖然望落一大塊似雞扒，但其實佢係雞柳黎😌：白汁雞柳意粉。雞柳煎過我所以聞落幾香下。雞柳有事先處理過，入面都入味👍🏼👍🏼冇咩雪藏味。白汁的話會比較稀身，食落冇咁膩北海道帶子鮮茄意粉。帶子幾大粒，唔會煎乾曬，幾好食。蕃茄夠酸，好正，撈埋啲意粉幾開胃好食，值得叫卡邦尼意粉，經典菜，同樣地個汁會稀少少，所以味道上會略淡😜不過配埋啲煙肉個味道都唔錯我地另外仲叫左蠔😂😂😂冇計，真係好抵食，唔食都過唔到自己。每隻都好大隻滿足

經過見到呢度新開張，去八吓，見到門口有個牌寫住任食生蠔$308，好似幾抵咁，你預到我唔好彩，等我食番你一百幾十隻到時你唔好喊。佢係咁嘅，每次出一碟六隻，食完再叫，叫到你嗌停。啲蠔都新鮮肥美，味道唔算濃郁，但啖啖肉口感十分唔錯。佢呢個套餐係只包生蠔同一杯餐酒，唔包其他嘢食的。原來齋食生蠔都唔講得笑，並唔係想像中食得咁多。我冇認真數，但印象中起碼食咗五、六碟，即係三十幾隻，已經飽到食唔落了。計一計，平均十蚊隻，我應該有賺了。望吓個錶，只係用咗半個鐘頭多啲，距離90分鐘限時甚遠。但因為實在再食唔落，坐多陣埋單走人。值得一讚係佢絕無花巧，話任食就真係任食，唔會漏單唔會dum波鐘，你夠膽食佢就夠膽俾。聽老闆娘 Apple 姐講，呢個新張優惠唔知做到幾時，如果鐘意食生蠔不可錯過。

同朋友行街經過呢間餐廳做緊新開張優惠，指定生蠔$68有半打，又可以以$30加購白酒，同朋友一於入去試一試，chill 一 chill！同朋友叫咗半打生蠔、兩杯白酒、北海道帶子鮮茄意粉、忌廉蜆肉意粉。生蠔上枱時候好驚喜，價錢雖然平，但一啲都唔求其，生蠔肥美多汁，有檸檬、泰式辣醬作為配料，底下仲有一大嚿冰去保持生蠔的新鮮度，$68 有6大大隻，除返開10幾蚊一隻，好抵食，推薦！餐廳仲有提供任食生蠔，俾$308就可以任食，配白酒一杯，不過我同朋友少食多滋味就夠🤣。單單食生蠔當然唔夠飽，所以同朋友仲叫左兩個主食。北海道帶子鮮茄意粉，有兩粒大大粒嘅北海道帶子，鮮茄味道酸酸甜甜，都幾開胃！忌廉蜆肉意粉，裏面蜆肉嘅份量十足，每一啖都可以食到蜆肉，忌廉醬汁好creamy，唔錯！餐廳環境都闊落，同餐廳名一樣，適合同朋友過嚟聚會，飲吓酒食生蠔！

原來太子真係好多野食，今次路經相聚一刻，真係wow一聲。首先被生蠔🦪menu吸引左，然後店內環境真係夠哂chill. 仲播緊pop music，試問又點可以唔入去呢？呢度生蠔真係性價比高到飛起，佢地仲好識做生意，點生蠔水加多$30就可以配搭埋白酒一杯🍸，邊有人會唔加錢丫？！🤭🤭白酒搭生蠔🦪，仲要係大大隻肥美生蠔呀。生蠔大隻肥身，口感十分飽滿，入口有淡淡海水味，值得一讚，係非常新鮮，完全唔腥呀！雞蛋🥚挑骨頭🦴既話就係有幾蠔有少少蠔殼碎，要小心進食～（咁抵食到咁高質生蠔，仲要嫌三嫌四？🤭🤭🤭）食完生野，點都要食返啲又熟又飽肚既食物，點左兩個意粉，一個係北海道帶子鮮茄意粉，另一個係忌廉蜆肉意粉白色個款，比足蜆肉，忌廉汁唔算好好地掛住啲意粉，不過以$88黎講，算係唔錯了，因為份量都唔係hea的紅色呢款，味道唔錯，唔會係濃味酸甜勁假的感覺，而係茄汁🥫乖乖掛住意粉，而帶子雖然食到係雪藏款，但同意粉🍝幾夾。份量亦不是hea的呀！😙😙

🍴北海道帶子茄汁意粉🍅 78 蚊蕃茄新鮮 蕃茄汁 juicy意粉係比較幼身爽口 帶子煎得幾香口 唔錯🍴白汁雞柳意粉🐥78 蚊白汁幾香濃 有洋葱 煙肉等等 意粉幾爽口 雞柳煎得幾香咸 同白汁 match 🍴生蠔6 隻 68 蚊好爽既生蠔 海水味偏淡 生蠔 juicy蠔味適中 配白酒唔錯#意粉 #白汁 #蕃茄 #生蠔 #雞柳Score 平均分< 6.8/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻~~~~~~~~~~~~~#相聚一刻太子界限街36 號地下~~~~~~~~~~~~

今晚同朋友去左旺角太子果邊行街，行完後我們去左呢間餐廳一起吃晚餐。見到佢有大電視，正在播KTV,主要播普通話歌。餐廳裝修新穎有趣，幾有特色。首先上左兩杯白酒，酒精濃度比較高，飲落去比較濃烈，都幾有feel.頭盤有生蠔🦪，好新鮮，幾鮮味，加左檸檬汁後完全唔會腥，點埋中間個酸辣醬就更加惹味。雜菜沙律🥗：車厘茄同生菜🥬又好fresh,幾開胃，唔錯。白汁雞柳意粉（$88）：個白汁又唔會溜，食落都ok, 雞柳煎得幾香，肉質都唔算好韌，唔錯。北海道帶子鮮茄意粉（$88）：番茄🍅味食落都算新鮮，淡淡地都ok，酸酸甜甜咁都算開胃。佢份量都算多，比成2粒帶子咁多，仲要咁大粒，一定夠哂飽肚，唔錯，真係好抵食。

$388 B餐 送清湯底牛脊肉油花花分佈均勻，肉味濃郁，肉質軟嫩 脂肪甘香 肥牛肉質細嫩 入口即化 脂肪含量比較多金錢牛展肉質口感比較韌，但味道比較鮮美脆肉鯇片脆肉鲩肉質結實、口感清爽脆口，而且耐煮不爛、且肉味清香可口墨丸墨魚粒粗中帶幼細，並不至於好彈牙，但確實有咬勁貢丸冬菇與豬肉味都濃，爽彈，可以用來打乒乓波 哈哈鯪魚球牙鮮味十足，口感爽滑彈牙，令人回味無窮整體來說，成個餐既份量極為充足十分，一個人足夠有餘！

晚餐去左太子食相聚一刻餐廳，以前同同學都黎過呢個位食。餐廳外面係落地玻璃扇窗，在行人路可以see through 我點咗一杯紅酒， $58 ，另外見佢餐牌有半打生蠔$68 就點埋，一於試下紅酒🍷配生蠔🦪六隻生蠔配以檸檬, cocktail sauce海鮮雜燴飯味道唔重，幾好，因為都怕太重味同太膩，飯係用咗泰國絲苗米，呢個海鮮雜燴飯有芝士拉絲配料有青口、帶子、蝦、魚肉，雖然每樣唔係好多，勝在有，都係幾豐富既。餐廳環境係cafe 形式，都岩同朋友黎傾下計，食個晚飯吹下水，我地坐果個位旁邊有卡拉ok 電視、仲有band 位，真係不得了😆😆是日晚餐Summary：海鮮雜燴飯 $88半打生蠔 $68一杯紅酒🍷 $52

收工同朋友去太子搵食，行行下見到好大個霓虹燈寫住「相聚一刻」，吸引左我地行去睇有咩食🤣餐廳新開張，裝修風格好chill又打卡able🤘🏻好啱同朋友坐係到吹水！生蠔🦪 $88我地叫左半打生蠔，望落見到已經好大件肥美😍而且食落都鮮甜👍🏻好抵食！海鮮雜燴飯 $88份量足料大份🫡仲有兩隻大件嘅青口👍🏻Risotto 軟硬適中，每一啖都食到濃濃嘅白汁香味，正！北海道帶子鮮蕃茄意粉 $88 帶子好好食😍外脆內軟得來又好鮮甜！意粉🍝軟硬適中，醬汁主要用鮮蕃茄烹調，食得出滿滿嘅誠意！呢餐飯配搭埋餐酒，好有聚會氣氛👍🏻 推介同朋友嚟太子「相聚一刻」😎