盈翠軒 (裝修中)

買左個團購六人午餐，十一點半黎到，有兩枱客。入到黎一陣煙味，d碗好多乾左嘅漬。d著西裝外套嘅員工全部圍埋一堆傾打牌輸幾錢，得一兩個姐姐真係做野。一坐低就上哂d點心，食都食唔切就凍哂。十五分鐘後，仍然成枱點心，仲上埋個甜品黎。上菜嗰位人，唔知趕住去邊，以九秒九時間派哂d甜品俾人。係要我地自己用手去接住佢嘅。其中一舊係斑蘭馬拉糕，係圓柱體黎，因為嗰位同事做野太迅速，舊糕「打橫左」仲碌埋落枱。然後佢扒睇唔到走左。哩間野我真係唔會再黎，冇下次，服務真係差到極點。

昨晚與朋友享用早前團購的四人餐，發覺款式都較為特別，但味道是不錯的。當中最愛吃斑蘭馬拉糕及蛋白炒飯，真的非常美味。唯一覺得它的甜品味道怪怪的，可能是吃不慣吧。整體上都值得一試！

看到很多食評推介，覺得幾好，就同家人今晚去試試。點知道在落單時就開始覺得不妥，那位櫃台小姐木口木臉，我地未吃完就叫我地埋單(還有兩樣未上，好像覺得我地唔會再點菜)，我地最後的飯和甜品等左成半個鐘才到😑 很奇怪，冷氣會間中停下，鏡子都模糊了，時冷時熱感覺不是太好！我地四個人其實點了兩份“二人世界餐”，可是蟲草沒有了，換了其它的，真有點失望！整體食物味道一般，當中茶壺湯和甜品都不錯，但服務態度，上菜時間，還有冷氣方面有待改善。

下午一點左右到，沒什麼人，不用等位。但也沒有侍應带位，自己找了張桌子坐下。先叫了一碗叉雞双拼饭，但侍應似乎不是很情願我們叫這個饭，說“份量很少，不如⋯⋯”其實我們還在點別的點心，不懂為什麼侍應為什麼這樣答😓然後上双拼饭又不配姜蓉，唯有叫侍應再拿，结果侍應却答到“够咸了”，真是暈菜。最後要再提醒一次，才有姜蓉上來。點了蒸虾肠，很滑，虾也很大。斑蘭马拉糕，不太甜，很松軟。虾饺燒賣也不錯。外加一個安格斯牛排荷叶蒸饭+两份杏汁豬肺湯，汤很浓郁，饭也很干身，所有食物出品都很不錯，只是服務實在一般。

尖沙咀出名多野食今次同屋企人食中餐～5人團購見菜式特别所以試下～一日前打電話訂位先可以用七㸃半到都係得3枱比較靜～坐底飲杯茶餸好快上燕窩竹笙羹冇咩燕窩蛋花就多～味道都可以百花煎釀龍䠢扒即煎即食～一口一舊唔會漏野菌金瓜炒黑䐁肉～夠鍋氣醬汁野味～野菌同南瓜一堆黑䐁肉5小塊小氣d囉黑松露野菌釀竹笙好有賣相～相比其他菜式就偏淡但夠健康頂級安格斯牛蒸籠仔飯賣相吸引～上面既牛肉片過火難咬加飯食整體可以～個汁好正好夾熱帶班蘭馬拉糕顏色吸引～入口鬆軟夠熱辣辣～盈翠桂花糕飯後食都唔會太甜～不錯的選擇整體食物質素不錯～加水要不停叫就算啦～仲要九點到迫人走～團購唔包服務費同茶錢要分開俾～可惜未話走就攞張單黎叫俾咗先～仲有找錢唔攞黎要自己行去收銀枱～服務麻麻

.石窩砵酒焗美國生蠔 $188 4隻.天氣凍成咁❄️一定要叫返啲熱嘢食👍🏻，呢間雖然係一間中菜廳，但估唔到有玩fusion菜😚，連焗生蠔都有😳，好生蠔嘅妹妹當然唔會放過任何有得食蠔嘅機會😫。.焗蠔用鐵版上，喺淋上燒汁時嘅"唦唦聲"係最興奮同最開心嘅一刻🙈，每一隻蠔都非常大隻👅，食落唔會乾身，新鮮熱辣，食一隻即刻暖晒🤓.妹妹仲問左個問題:如果係焗生蠔，都死左啦，咁啫係唔係生蠔囉😢.盈翠軒 (尖沙咀)尖沙咀廣東道33號中港城第五座平台樓層1-3號舖.

有時啊媽好懶唔煮飯 出街食飯佢都想搵間有湯飲既黎食飯有時就味精好重 一係就話唔夠足料~-冰梅涼瓜拚椒鹽蟲草花聽啊媽講 話蟲草花好滋潤即刻食多兩條~平時食呢D 好驚會食到藥材味 但用左炸呢個煮法又新穎-日本姬松茸秘魯瑪卡燉螺頭茶壼湯不嬲都好鍾意飲有螺頭既湯 因為飲落好有鮮味~而且飲完仲可以食埋 一物兩用!估唔到佢茶煲細細 份量又幾多 兩個人share 都可以每人飲到一碗-香煎日本元貝拼鵝肝醬窩粑元貝煎得岩岩好 唔會過熟窩粑炸得香脆 配埋濃郁既鵝肝醬 但又唔會食得成口油 呢點值得一讚!-燒汁安格斯牛粒呢個絕對係食到停唔到口真心安格斯牛粒炒得好有獲氣食落同燒汁好夾 又夠juicy- 鮮魚湯野菌浸菜苗食飯又點可以唔食菜~有魚湯浸菜苗就緊係要食魚湯貪佢可以吸盡魚湯鮮味!-健康紅米珍珠雞平時食珍珠雞就多數係糯米所以成日好驚難消化 換左紅米就即時健康哂

一向都比較喜歡吃中菜, 配搭多, 食物烹調較對味, 又比較少如西餐般用奶, 芝士等我不太受落的材料, 所以任何地方的中國菜我都喜歡, 但為迎合家人和朋友的口味, 粵菜還是最經常吃的菜式. 這次跟老公同事聚餐, 找了近辦工室的尖沙咀, 想到又不想吃普通的酒樓, 得知中港城平台有一新的酒樓, 菜式亦有別一般酒樓的大路款式, 即管試試. 平日晚上人不多, 酒樓面積大, 但入座率只有2-3成, 塲面有少許冷清, 但到用膳後段有兩圍外國人到來, 似是公司聚餐或春茗之類, 令現塲氣氛立即熱鬧得多. 酒樓寛敞沒樑柱位, 但樓底有點低, 有少許壓迫感.雖然有套餐可點, 我們還是喜歡彈性選擇多點, 一人選一款菜更合心意. 脆皮安格斯牛粒($88) 有點像酥炸生蠔般, 一顆顆牛粒漲卜卜很飽滿, 但略嫌有些脆漿散開了, 影響賣相. 炸得十分香脆和挺身, 粉漿也有調味, 咬下也沒有完全散開的狼狽情況. 牛粒味道香濃, 但有點少韌和乾, 有點如吃牛肉乾感覺, 如能保持juicy口感會更好. 整體味道不錯, 面層洒上少許肉鬆提味, 一起吃口感會提升並增加甜味, 味道層次感更好. 香芒手斯玉龍骨 ($48/位)

其實如果唔係買左團購，唔會揾到黎食，不過因為地點有點偏僻，所以ok小人，坐得舒服今次買左個十碟點心餐，賣相正常合格，味道就除在個咸水角又甜又鹹有啲怪外，其他都可接受（因為係團購)，價錢就見人見智啦，宜家外面求其飮餐茶都二百幾兩個人，如果呢餐係正價就算係貴

當晚，跟他到中港城，我們走到第五座平台的酒樓 <盈翠軒>！得知這裡有個二人世界套餐，大家也感興趣！幸好！並非只供應情人節期間，供應至三月中，我們不能錯失機會！ 早前致電店方，晚市不用訂枱，直接 walk in 便可以！平日夜晚，全晚不足十枱客！地方相當冷清！ 入座時，我們要求坐玻璃窗位置！卻是鄰桌有兩大枱食客比較嘈吵！這裡樓底矮，有點壓迫感！供應粵菜為主，燒味、海鮮、小菜...等，亦有套餐可供選擇！二人世界 $598 明碼實價，不設加一服務費！大約一小時便上齊！很有效率！冰梅涼瓜拼椒鹽蟲草花經炸過的蟲草花，完全認不出是蟲草花！ 初嚐椒鹽蟲草花感覺新奇！外層金黃酥香！絕對是佐酒涼伴！可惜他要揸車，滴酒不沾為妙！冰梅涼瓜即是用梅醃製苦瓜，個人覺得新鮮的苦瓜苦味較為淡薄，給人一種清新的感覺； 至於烹調過的苦瓜其苦味突出，店方以梅醃製過，甘苦中帶酸甜！味道平易近人得多！*另可加 $288 配紅酒一支或加 $58 配紅酒一杯！姬松茸瑪卡螺頭茶壺湯以紫砂茶壺及茶杯盛載，一人一壺，紫砂茶壺保溫度高！茶杯大約功夫茶杯的 size！好讓大家細味品嚐箇中滋味！ 湯水鮮甜滋潤又夠足料！內有多

中菜軒環境同一般茶樓差吾多，地方算大。點了幾道特色小菜，都覺得水準一流，亦品嘗到有新意的中菜👍🏼冰梅涼瓜拼椒鹽蟲草花 涼瓜吾苦，嗒嗒下仲有微甜既味道！估吾到椒鹽蟲草花咁好食！第一次咁食，愈食愈停吾到口🙈😂日本姬松茸秘魯瑪卡燉螺頭茶壺湯 以茶壺盛湯，幾新奇好玩😁 仲好好飲！😍香煎日本元貝配鵝肝醬窩粑 日本元貝大大粒，好鮮甜，個醬汁好match ，仲配少少沙律菜，健康！燒汁安格斯牛粒 安格斯牛粒好肥美juicy! 味道好好！估吾到咁好食！類似豆腐磚既物體其實係菇黎🤔 幾爽口同入味，三色椒夠甜, 送飯食一流😋鮮魚湯野菌浸菜苗 個上湯好清甜！我地都飲左好多😂 小白菜好幼嫩，配雜菌好好食！健康紅米珍珠雞 真係好健康😂 好似第一次食有用紅米整既珍珠雞，味道都相對上淡，吾油膩。夏威夷木瓜奶凍 好有創意呀！有心思既甜品！幾可愛☺️微甜，吾錯！

作為酒樓類既餐飲佈置, 算是豪華服務水平十分周到~是次來食晚飯~看看有什麼特色食品!第一樣~同時都係我覺得整得最為出色的一道菜-椒鹽玉龍豆腐這細細粒像小方塊般的是豆腐 , 椒鹽味令到整道菜帶有小小咸味都係最為出色既地方! 份量夠大份~不會不夠吃!咖哩小南瓜黑豚肉這如名所說~是用南瓜包住d黑豚肉用意在於可以吃埋南瓜肉, 南瓜帶甜可以加強咖哩的甜度~喜歡甜咖哩的人可以一試~賣相最為吸引我~因為我比較喜歡特別的菜式..這是牛肉 骨頭應該是牛助骨吧,牛肉十分鬆軟, 帶小小咸的醬汁吃落有小小像台灣牛肉般的感覺!最後安格斯牛肉伊麵份量十分多~很飽肚,牛肉香身夠軟炒得很好伊麵都係帶小咸口感偏軟最為出色係份量方面! 點菜式可以小心d點以免浪費食物~

朋友生日，同佢喺尖沙咀食中菜慶生，叫咗個二人套餐，有六七道菜都幾抵食，而且餐廳地點幾方便，喺中港城，放工行過去就得香煎日本元貝配鵝肝醬喺度嘅元貝size勁大粒食落好爽口，又結實，元貝外面煎得非常香脆姬松茸瑪卡螺頭茶壺湯螺頭湯係用一個茶壺來承載着的，感覺非常特別被外觀所吸引，湯由茶壺嘴慢慢流落嚟好似斟茶咁，茶壺內有勁多湯渣，勁足料！燒汁安格斯牛柳粒安格斯牛柳粒每粒都好大粒，每粒牛柳粒外面都比燒汁包住，入面都好多肉汁甜品係夏威夷木瓜奶凍木瓜好甜切到好細粒啱晒一啖一粒

喺澳門做咗成日嘢返嚟，去港澳碼頭都還好，食肆選擇都唔少，但今日落船選擇中港城，真係諗極都唔知有乜好食！好肚餓呀！點知一落船過完關，就見到M佬勁靚仔咁企喺度等我，佢仲話嚟到中港城，一定要搵間好嘢食！我都好想知中港城有乜好嘢食？！我唔要食快餐店架！終於就嚟到盈翠軒，試吓呢度嘅中菜啦！醬汁牛肋骨：一碟切成4片嘅牛肋骨，又幾抵食呀，而且仲炆得好入味，肥瘦適中，送飯至啱。栗米黑松露野菌釀竹笙：竹笙入面包住唔同嘅菇菌類，當然仲有M佬至鍾意嘅黑松露啦！一咬落就感受到好濃郁嘅菇菌味，加埋索哂粟米汁嘅竹笙，好好味呀。香煎百花龍躉扒：煎到好香好滑嘅龍躉扒，好鮮甜呀，但驚喜在於，夾有蝦滑，完全係perfect match！港式魚香茄子煲：唔駛多講，好夠鑊氣，送飯一流。蜜汁叉燒：本身諗住食燒鵝，點知賣哂，唯有叫叉燒啦！認事一句，呢個價錢食叉燒，性價比就唔多高喇！

好友從澳門來港約我行街食飯，又要趕著回澳門，一天遊，其實都不是什麼遊覽，只是大家約見面，實在太耐沒見過面，聊天才是最大主因。為左方便，好友來回澳門，就約在附近食過晚飯，我自已都好耐沒有踏足這個地方了，重臨，有些感觸，別的好友公司在這裡設有寫字樓，隨著經濟環境轉型，都已結業了。晚上的中港地，比較寧靜，餐館設在平台上，有些偏，但都是容易找到的。晚上，人流比較疏落，環境清靜，雅致清幽。我地都唔知食咩好，見到有二人套餐，就順手點了套餐，好豐富，價錢亦不太貴。冰梅涼瓜拼椒鹽蟲草花～唔看餐牌，都唔知係蟲草花，這是我初次食炸左的蟲草花，香脆，鋪上了椒鹽，有些微辣，好食，佐油一流，涼瓜入了話梅味，開胃，一熱一涼，清熱氣。香煎日本元貝配鵝肝醬窩粑～窩粑香脆、鵝肝甘香、入口即溶、日本元貝大大粒，夠厚身、肉汁鮮甜，有口感。姬松茸瑪卡螺頭茶壺湯～補湯，湯清味濃，螺頭滋陰養生，姬松茸，香氣撲鼻，是男女補身的湯水。燒汁安格斯牛粒～香爆炒牛粒，外脆內軟，肉質嫩清，爆汁，雞肶菇夠爽滑，每粒都掛滿燒汁，入口香濃，啖啖口感。