皇朝明珠

營業中

休息中

三門仔一日遊有簡單行山路線，一定要先醫飽個肚！三門仔比較偏僻，當然揸車人士較方便，但其實喺大埔中心搭74K巴士入去15分鐘左右就到三門仔站，仲喺正皇朝明珠門口落車，再隔離就係聯益碼頭可以揀搭船或者行山去地質公園我哋一行四人叫咗好幾款點心同主食，蝦餃、燒賣、菜苗餃等等點心可以逐件叫，連燉湯都可以一位起叫，彈性高好多。餐廳推介上湯金魚餃配水晶球我哋叫咗一位一份，擺盤好精緻，隻碟嘅花紋都好靚，金魚脹卜卜入面係蝦肉，另外水晶球好似粉果咁有啲菜有啲菇，好鮮甜🙌🏻 另外是日精選燉湯係竹笙湯，用瘦肉煲唔會太肥，但又好香肉味，竹笙清清地好甜。招牌脆皮乳豬例牌皮脆肉少肥，好食過好多大酒家！三式腸粉有鮮蝦、牛肉、叉燒，一次過滿足大家三個願望。蜂巢荔茸盒脆到不得了，入面芋茸好綿滑，鹹香可口。雪山流沙包即叫即做需時30分鐘，流心有鹹蛋黃唔會太奶太甜，脆皮酥酥的好食。買單仲送咗兩張$200晚市coupon，滿$1000就可以用到算好抵

早排車聚，有車友推介過一間響大埔嘅中式餐廳，話非常之高質素，所以最近就帶埋屋企人呢間位於大埔三門仔嘅「皇朝明珠」飲茶。幸好今日風和日麗，天朗氣清，響餐廳望出去個景觀非常開揚，好似令到餐茶都好飲啲咁。門口仲可以有位置畀食客去泊車，仲有付費嘅叉電設施添。我哋嗌咗幾款唔同嘅點心，有「黑毛豬北菇燒賣」、「皇朝蝦餃皇」、「上湯金魚餃配水晶球」、「陳皮山竹牛肉球」、「蜜汁黑豚叉燒包」、「皇朝三色蒸腸粉」、同埋「蘿蔔千絲酥」。「蝦餃」、「燒賣」、「牛肉球」、「叉燒包」「腸粉」同埋「蘿蔔千絲酥」都好足料，但唔會鬆散易爛。而且有適當嘅調味，唔會過份濃味。「上湯金魚餃配水晶球」係非常之值得推介嘅食品，手工精緻，無論大人定小朋友都會畀佢吸引。另外我哋仲嗌咗一份「招牌脆皮乳豬」例牌，餐廳職員介紹，呢份乳豬係即場燒嘅。果然甘香鬆化，皮脆肉嫩，以呢一個價錢嚟講，非常有可能勝過坊間唔少中菜餐廳。主食要咗一份「荷香籠仔班球蒸飯」，魚肉蒸得恰到好處，保留咗魚肉嘅肉質嫩滑之餘，又將部分嘅魚汁滲落去荷葉飯入面。非常有驚喜，甚至有種喜出望外嘅感覺。我哋仲嗌咗一份嘅「鮑參翅肚羹」，湯羹熬製嘅火喉到家，都係值得嗌嚟食嘅餐品。最後

一家人假日去左間海邊酒家飲茶, 小漁村有風味得嚟食物又高水準🤩好值得推介👍🏻難得嚟到有海景嘅餐廳, 雖然室內冷氣好夠涼❄️但點都坐戶外位啦, 可以邊食邊睇海景✌🏼『上湯金魚餃配水晶球』HK$48位上枱呈現小魚缸裡一條金魚✨再配粒石春, 超別緻, 打卡一流!『黑毛豬北菇燒賣』4粒 HK$80豬肉燒賣, 有豬、蝦、蟹籽、冬菇🍄豬肉肥瘦比例好好, 咬落唔膩又唔柴🌱『皇朝蝦餃皇』4粒 HK$88蝦好夠彈牙有鮮味🦐似係用鮮蝦做, 外皮有QQ 口感💫『魚湯松茸鮮竹卷』3件 HK$68鮮竹卷都係肉、木耳、蝦個啲料, 但一上枱. 侍應跟隻匙羹, 預客人飲埋個湯咁款💁🏻‍♂️咁我又真係飲下🧏🏻‍♀️真係真材實料上湯!! 幾好飲🥣『皇朝三式蒸腸粉(鮮蝦，叉燒，牛肉)』HK$108一次過滿足哂3個願望😂平時總要決定叫邊款腸粉好, 呢個三式就唔同口味都有啦!!! 牛肉好夠淋滑, 蝦就大大隻又爽!『鴻運乳豬(例)』HK$228雖然例牌, 但都好大碟👀見酒家戶外有個燒燒味爐, 都估到好食, 皮好脆口, 肉鹹度適中!『松茸老雞燉花膠湯』HK$198湯好清甜, 同花膠雞一齊真係冇得輸組合, 加埋松茸, 又係另一層次🧠茶位

今日入大埔三門仔探朋友，佢話附近開咗間出色中菜點心餐廳，話一定要帶我去試吓，門口仲可以泊車，大埔墟亦有有小巴直達，都幾方便！鴻運乳豬例牌店員推介呢個招牌乳豬，食落真係好正，值得推介！鴻運乳豬熱辣辣上枱，外皮特別鬆脆，而肉質保持軟嫩濕潤，皮下略有脂肪，食用口感恰到好處！再沾以純厚乳豬甜醬就更惹味！上湯金魚餃拼水晶球 超可愛既上湯金魚餃外型獨特，味道鮮美爽滑，尤其蝦肉爽口彈牙～水晶球皮薄口感柔嫩，加上餡料足，口感夠哂豐富～黑毛豬北菇燒賣大大粒菇味濃郁，選用優質北菇、黑毛豬，口感煙韌啖啖肉！皇朝蝦餃皇以薄薄蝦餃皮包裹著彈軟有嚼勁既蝦肉，晶瑩剔透、鮮甜又多汁！皇朝三式蒸腸粉呢款蒸腸粉可以試齊三款餡料，包括鮮蝦、叉燒、牛肉～最愛叉燒內餡，透薄又香軟既腸粉包裹半肥叉叉燒，口感軟綿綿滑嘟嘟！時令燉湯呢款竹竺螺片燉雞湯用上天然高質湯料，健康無添加，湯頭飲落格外清甜，絕無油膩感，具滋陰補腎，清肝潤肺等功效！蘿蔔千絲酥外表金黃酥脆，層層香酥，咬開有飽滿香甜蘿蔔，香氣滿溢！荷香籠仔斑球蒸飯我同朋友都好鍾意食蒸魚，呢個荷香斑球蒸飯就岩哂！大大籠上枱好吸晴！石斑肉嫩滑彈牙，米飯索盡荷香及斑球油香，食落啖啖滿足，

香媽個好朋友以前住三門仔，但佢搬咗之後就冇再點樣過嚟啦，今次特登同朋友過嚟飲茶食點心有室內同室外雅座，室內嘅設計超Grand，好似去咗酒店一樣燒賣 蝦餃真材實料，鮮蝦製作金魚餃擺盤靚到唔捨得食牛肉球淡淡陳皮香，肉質鮮嫩紅燒乳豬上到枱仲熱辣辣，食落卜卜脆三色腸粉牛腸蝦腸網腸各有特色，皮簿且滑XO醬炒蘿蔔糕醬料自家製，豐富蘿蔔絲，好有口感叉燒包黑豚肉製作，超juicy，包軟熟鮑魚福建炒飯配料豐富，真係食到鮑魚，每一粒飯都食到鮑魚汁嘅味道

Weekend放假訓到自然醒，中午同屋企人揸車去大埔三門仔飲茶，上網搵到呢間皇朝明珠好多人推介，地方寬敞得黎環境又靚，去到既時候出面坐滿哂人，令我們都好期待！上湯金魚餃拼水晶球賣相好靚好有心思！金魚樣栩栩如生，包著彈牙蝦肉；水晶球有多種菇同蔬菜，飽滿又清香！黑毛豬北菇燒賣特選黑毛豬，用料上乘，肉味香濃，咬開仲有肉汁，幾Juicy皇朝蝦餃皇外皮晶瑩彈牙，包住鮮嫩爽脆蝦肉，食落好有嚼勁皇朝三式蒸腸粉有齊鮮蝦、叉燒、牛肉，腸粉軟滑又有彈性，又滑又嫩好出色鴻運乳豬例牌乳豬皮脆肉薄，烤製至皮金黃香脆，肉質嫩滑、肉汁豐盈，加上脂肪比例平均，食落鬆化甘香時令燉湯是日靚湯係竹竺螺片燉雞，具滋陰補腎、清理肝熱功效，湯頭味道清甜滋潤，加強免疫力一流魚湯松茸鮮竹卷新鮮腐竹呈現半軟半爽，別具口感唔會過淋，包著肉粒、蝦肉、松茸等，再以魚湯煮製，味道匹配又鮮香梅子醬皇蒸排骨大大件排骨啖啖肉，口感腍滑又入味，酸梅香味夾雜麵醬豉香，倍添惹味蜂巢荔茸盒色澤金黃，炸至鬆脆，咬落外脆內軟，香甜荔茸令人回味無窮

朋友幫了我處理一些小事，順道一起食午餐，知道大埔三門仔有一間中菜館《皇朝明珠》，飲茶及食即點即製點心。皇朝明珠有室內及戶外區，地方寬敞，用靚茶葉泡茶，有茶的香氣又解膩，食材新鮮，美味之極，真的停不了筷。鴻運乳豬妙齡乳豬外皮黃金香脆，色澤均勻，肉質嫩滑豐盈，乳豬秘製醬料醃製，肉汁，皮肉脂肪比例平均，鬆化甘香。燒烤肉香配合純厚乳豬甜醬，上台時，急不及待起筷，熱辣辣皮很鬆脆。上湯金魚餃配水晶球金魚餃包裹蝦肉餡，栩栩如生的金魚餃放在上潤湯中暢泳，別具意境。蝦肉餡金魚餃躍入池中，上湯中暢泳。黑毛豬北菇燒賣以薄薄的麵粉皮包著手切黑毛豬梅頭肉、大蝦和香菇，黑毛豬味道濃郁，更增添風味。皇朝蝦餃皇蝦餃皇脹卜卜，配搭新鮮彈牙蝦仁餡料，用料滿滿，鮮味多汁。皇朝三式蒸腸粉（牛肉、叉燒、鮮蝦）腸粉的粉米漿皮做得薄很順口！牛肉的味道非常突出，為清淡的腸粉注入香氣。叉燒汁滲入腸粉，超級惹味！鮮蝦口感爽彈、味道鮮甜，外層軟滑、中層香脆、內餡彈牙，三重口感！皇朝明珠地址: 大埔三門仔路鹽田仔27地段

喜歡飲茶鮑參翅肚羹鮑魚、海参、魚翅、魚肚是海四珍，用上頂級食材，是矜貴菜式，鮮甜美味，吃出幸福的味道。時令燉湯原盅燉湯，材料有瘦肉、竹笙等新鮮材料熬燉，加上用金華火腿帶起鮮味，湯頭清甜醇香，味道鮮香，滋補養生。陳皮山竹牛肉球牛肉球加入陳皮，增添風味，肉質嫩滑，細味下有馥郁果皮陳香。椒鹽牛油果用椒鹽炸牛油果，感覺很清新，不容易吃膩。芝士蝦球伊麵蝦球爽口彈牙，厚肉多汁，鋪滿金黃色的芝士汁，伊麵掛滿香濃醬汁，非常惹味。馬拉糕馬拉糕軟熟鬆軟，帶香濃蛋香味道，吃下去不黏牙。楊枝甘露聞到清新柚子香，再來是芒果爽甜味道，是一道豐味甜點，打造難以忘懷的味蕾之旅皇朝明珠地址: 大埔三門仔路鹽田仔27地段

今日勁好天終於冇落雨，即刻同屋企人入咗去大埔飲茶。天氣涼涼哋，所以我哋坐咗喺出面，仲可以望到海景。上湯金魚餃配水晶球賣相滿分，靚到唔捨得食，餡料結實，水晶球有好多種不同嘅食材，口感好豐富。魚翅羊肚菌灌湯餃個湯底好清甜，好足料，對得住個價錢。黑毛豬北菇燒賣完全冇豬肉嘅膻味，北菇好香。皇朝蝦餃皇皮薄餡靚，蟹肉好彈牙。三式蒸腸粉分別係蝦，叉燒同牛肉，一碟可以食到三種味道，值得一試。蘿蔔千絲穌賣相又係好靚，食落去好香脆。蜂巢荔茸盒好少地方食到呢款傳統點心，好大粒，而且入面仲有蝦肉，必點！金磚豆腐即點即炸，外脆內軟，份量啱啱好。招牌脆皮乳豬估唔到例牌會係咁大份，乳豬係即點即燒的，好有heart，皮脆肉嫩！松茸老雞燉花膠湯點咗呢個好滋補嘅湯，餐牌上面仲有好多不同湯羹選擇。雪山流沙包有啲似甜品，入面嘅餡料好creamy，每一口都是滿足。

趁今日放假同啲friend出嚟食嘢皇朝明珠個位置係比華利山再入少少，今日咁啱得閒就揸車過嚟食吓啦🩷🩷我哋一行四個人都非常為食，所以嗌咗好多點心同埋小菜第一樣有乳豬例牌啦！😍外脆內嫩非常香口好好味～而且呢到好多點心都好特別，第二度食唔到好似呢個安格斯和牛酥食落去牛味好重 味道咸香 好酥脆！一流 😋😋😋仲要讚一讚個花膠酸辣湯！好出色～好足料而且調味岩岩好另外仲叫左響螺燉湯 都唔錯！身為食肉獸我地仲點左紅燒乳鴿！好多汁嫩滑～正超鍾意手打百花餅 啖啖蟹肉好驚喜迷你蛋撻新鮮出爐酥皮好脆而雪山流沙包都好香好好味🫶🏻🫶🏻仲叫咗幾款燒賣金魚餃同埋腸粉樣樣都好精緻好好味整體嚟講店員服務好好地方好舒服好高級大氣好適合同屋企人朋友去聚餐而嘢食全部都好精緻仲要好好味Very good

特登約埋住大埔嘅朋友去試黃朝明珠飲茶我哋揸車去佢個免費停車場都滿晒，不過好彩有工作人員幫手最後都拍到位入到去覺得裝修好靚，好豪華都坐得好舒服 店員推介咗我哋叫幾個點心竹笙響螺燉湯 好足料呀飲落好清甜好滋陰紅燒乳鴿 熱辣辣脆卜卜 仲會幫我哋剪開乳豬例牌 比外面酒樓嘅乳豬多啲肉 皮都好脆蝦餃上湯金魚餃配水晶球賣相實在太靚啦，都唔捨得食！金魚餃入邊其實係蝦餃仲多蝦一個普通蝦餃 好正手打百花餅，蟹肉同蝦肉打食既 就得，剛剛好夠熱！超出色👅和手酥 入面係黑椒牛肉粒個酸辣羹好好食 超濃味夠鹹夠辣！好滑！仲有呢個新鮮出爐，迷你蛋撻 入口即溶蛋香濃！甜品方面，我哋叫咗個芒果布甸同埋杏仁茶兩種都好有誠意總括嚟講，我覺得呢度環境好舒服 如果天氣涼啲可以坐外面 望住山同海飲茶🍃😋

真係估唔到遠離鬧市嘅大埔三門仔竟然會有一間咁高質嘅中菜！味道絕對唔輸一線中餐廳，真係忍唔住要推介俾大家！呢間中餐廳位置好大好闊落，有室內同室外兩個用餐區，室內嘅裝修好精緻，空間感好大，牆上亦都擺設着唔同嘅裝飾品，睇落去好高級！室外嘅用餐區就面對着一片寧靜嘅大海，一邊吹住海風一邊食中菜，感覺好寫意！上湯金魚餃拼水晶球呢個菜一睇過擺盤就令人眼前一亮，真係好似一條金魚喺魚塘裏面游水咁！金魚外皮好薄好軟綿綿，裏面嘅蝦肉好新鮮彈牙！最值得睇嘅係佢個湯都有好重嘅金華火腿味，睇得出係用好多金華火腿慢火熬製嘅，少啲心機都唔得！蝦餃蝦餃好大粒，裏便啲蝦肉一如既往嘅新鮮，咬落去有彈牙又多汁，一啖一個超滿足！燒賣燒賣齋睇相，就知道好大粒，裏面嘅蝦係超級大隻，裏面嘅瘦肉肥瘦適中，同啲蝦肉好夾！算係高質嘅燒賣！三式腸粉呢個三色腸粉都好出色，腸粉睇相都見到晶瑩剔透，所以食落完全好軟滑！最重要係佢有三種唔同嘅肠粉，最啱我呢一選擇困難唔知道揀邊一款肠粉嘅人！可以一次過試晒唔同味道！脆皮乳豬呢個乳豬都不得了，外皮燒到脆卜卜，咬落去索索聲，亦都完全唔會有任何臊味，肉質亦都係紮實嘅，無論係乳豬嘅選擇同埋燒製都恰到好處！

想遠離繁囂 同阿媽走入大埔三門仔嘆中菜😎【豐彩璀璨饗宴】$880/人✨蜜汁黑毛豬叉燒.金磚豆腐•鹵水豬仔腳.椒鹽牛油果頭盤有四款 黑毛豬叉燒軟腍 豬仔腳滷得入味 肉肉獸表示喜歡❤️✨松茸螺頭燉老雞湯頭鮮甜美味 滋陰潤喉✨香煎百花釀海斑球做法特別 口感豐富👍🏿✨紅燒牛肋肉加入秘製醬汁 牛肋肉肉味濃郁✨欖油杞子菜苗菜苗鮮甜爽甜 ✨XO醬蘆筍炒蝦球蝦球爽口彈牙 辣辣地好惹味😮‍💨✨香脆乳鴿（半隻）乳鴿香脆可口 每人半隻有點不夠喉✨龍蝦湯洞庭麵帶子鮮蝦鮮味十足 烏冬嫩滑彈牙食埋煙韌紅棗糕就prefect🥰

今日入大埔搵朋友，朋友介紹嚟呢間餐廳食飯，特登揸車過嚟，出面望到海同埋好多避風塘船，環境清幽。店員主力介紹佢哋嘅套餐，最後我哋揀咗一款套餐。前菜四品分別有蜜汁黑毛豬叉燒、金磚豆腐、鹵水豬仔腳同椒鹽牛油果。四款前菜都幾好食，最特別係椒鹽牛油果，冇諗過呢個配搭竟然會咁夾。松茸螺頭燉老雞個湯好足料，入面有不同嘅材料，好多珍貴食材，味道好濃郁。香煎百花釀海斑球賣相好精緻，海斑油脂豐富，好嫩滑，配上蝦膠，口感十足！紅燒牛肋肉感覺上係慢煮嘅牛肉，配上醬汁，好惹味。欖油杞子菜心呢間餐廳用嘅都係有機蔬菜，簡單而且鮮甜。XO醬蘆筍炒蝦球蝦球又大又彈牙，整道菜式配搭滿分。香脆乳鴿超級新鮮熱辣，個皮好香脆！龍蝦湯洞庭麵湯底清淡而且鮮甜，份量剛剛好。最後食埋甜品紅棗糕，好飽好滿足！