皇朝明珠

營業中

休息中

係大埔三門仔附近有間出名的中菜餐廳-皇朝明珠,環境清淨而且裝修都好靚。今次約了朋友一家中午來飲茶,精緻既點心配上舒服既環境真係好正。鴻運乳豬例牌乳豬皮超脆, 肉質嫩滑,配上特製乳豬醬食更好食皇朝蝦餃皇個外皮晶凝通透,蝦肉彈牙,真係皮薄餡靚上湯金魚餃配水晶球金魚樣栩栩如生,蝦肉彈牙黑毛豬北菇燒賣呢個燒賣特選黑毛豬,食入口好多肉汁皇朝三式蒸腸粉其實是鮮蝦，叉燒，牛肉腸, 腸粉皮彈牙又軟滑,好正鮑參翅肚羹入面有好多材料,例如鮑魚、海參、魚翅、花膠等,十分好食蘿蔔千層酥整得好酥,食入口好香,配上蘿蔔絲很吸引荷香籠仔海蝦蒸飯原來係炒飯底,上面有好多炸蒜同開邊蝦,個飯又大份,岩晒多人一齊分享而且呢度既服務質素好好,茶葉都好香濃,下次一定要再來皇朝明珠大埔三門仔路鹽田仔27地段#大埔美食 #大埔 #三門仔 #飲茶 #美食探店 #美食分享 #香港美食 #HKKOL #HKFOODIE #HKBLOGGER

週末約咗幾個朋友去大埔飲茶，有人提議入三門仔嗰間皇朝明珠食，話嗰度啲嘢食好味之餘，周圍環境都好靚，又有得泊車，一於去試吓。👏去到嗰度，環境靚到不得了，有山有水，室內裝修高雅，又可以坐外面欣賞靚靚嘅境色，朋友話怕熱又怕蚊，所以都係坐喺室內。😅呢度啲茶葉質素好高，唔同普通嘅茶樓，茶味香濃。食物方面都幾多選擇，有幾樣點心係經理特別推介，我哋叫咗嗰啲點心之餘亦叫咗其他我哋鍾意食嘅嘢。😄等咗一陣，點心陸續出籠。先嚟個燒乳豬，上枱時仲係熱熱哋，皮脆肉嫩，正！跟住嗰幾個都係經理推介嘅，上湯金魚餃配水晶球，好似條金魚喺水入面游緊水，餃入面都係新鮮嘅蝦，湯係用金華火腿熬出嚟，好香濃，水晶球嘅料都係用鮮蝦做，一個字，鮮！😋飲茶又點可以冇蝦餃燒賣呢？佢哋用嘅料都係唔差嘅，相信係師傅每日新鮮手做，唔似有啲茶樓由中央工場派送嘅。佢哋腸粉有樣好特別嘅就係三色腸，一碟有三款包括鮮蝦、义燒同牛肉，滿足唔同人嘅需要。👍另外叫咗义燒酥、麻辣小雲吞、蟹肉芙蓉餃、手打百花餅同牛油果鮮蝦春卷，冇一樣係會令你失望。再嚟個燉螺頭湯，用料十足，清甜冇味精，個個飲完都讚不絕口。最後食埋個流沙包做甜品，呢餐真係冇得頂。👍👍

今日同朋友去大埔三門仔飲茶餐廳內裏格局典雅，外面有一大草坪，加上無敵大海景, 小船泥灘, 充滿大自然氣息餐廳中央有一張可以坐到16至20人枱 餐廳外都有一個個小包廂 人多也好人少也好傾生意招呼客人一流上湯金魚餃配水晶球外型十分精緻,金魚栩栩如生,大大粒蝦仁金箔黑松露素餃同樣設計別緻,三角形的餃子頂有金箔裝飾,散發出高貴氣息,餡料結合松露的香氣,一級棒三色蒸腸粉分別有蝦、牛肉和叉燒,材料十分豐富,下次一定要再嚐嚐另一款甜梅菜黑豚腸。牛油果鮮蝦脆春捲: 春捲皮脆極入口即化，牛油果拼大蝦, 小有的配搭, 好吃手袋和牛酥: 這個一定要讚，首先設計別緻，像個貴婦的小手袋，打卡一流，裏面的黑椒牛肉粒好入味安格斯肥牛生炒飯: 實在是太讚了,飯粒分明,牛肉鮮嫩又足料。加埋餐廳秘製xo醬, 100分招牌脆皮乳豬: 這個乳豬不得了， 師傅竟然可以燒到乳豬沒有肥油，酥脆可口，多吃幾片都毫無罪惡感，是必嚐之選時令燉湯竹笙螺片瘦肉: 無味精好足料楊枝甘露: 啖啖芒果柚子，超豐富蛋白杏仁茶: 好重杏仁味，今次飲茶以完美的甜品作結

同朋友去大埔酒樓飲酒，揀咗皇朝明珠。見到餐牌選擇多，揀了美食同朋友一邊品嚐。鮑參翅肚羹非常入味，真材實料熬出來，材料有鮑魚、海參、魚翅、花膠等等，十分足料又惹味，值得推介!脆皮乳豬色金黃、外皮超鬆化同脆卜卜、肉質幼嫩，點上乳豬醬，食到停唔到口。上湯金魚餃配水晶球，金魚餃精緻可愛，好啱打咭，餡料有爽滑既蝦肉，清湯都好甜。一整盤蒸飯放上餐枱，聞到香噴噴既荷葉香味，炒飯上鋪滿大塊斑球。皇朝三式蒸腸粉，有叉燒腸粉、鮮蝦腸粉、牛肉腸粉，熱騰騰且口感軟滑，晶瑩透薄既腸粉，齒頰留香; 叉燒腸粉帶有啖啖叉燒的香味; 鮮蝦腸粉包裹鮮甜飽滿既蝦肉; 牛肉腸粉內牛肉軟腍中帶點韌度。

喝茶必點既一道點心-上湯金魚餃配水晶球，金魚餃皮夠薄，見到透著粉嫩嘅蝦肉，食落喺蝦嘅鮮味、爽口美味!芝士蝦球焗伊麵，芝士味道夠香濃，蝦球大隻又圓碌碌，伊麵份量比多，伊麵索晒芝士鮮甜味道。黑毛豬燒賣，爆餡嘅豬肉同蝦肉，食落肉質鮮甜，蝦肉夠爽口彈牙，沾上XO 醬，非常惹味。時令燉湯-竹苼茶樹菇瘦肉燉湯，材料豐富，茶树菇的清香能充分帶出配材既濃香，每喝一口湯都覺滋潤。食埋甜品，為一頓午餐更完滿。選了杏仁茶，上枱時聞到撲鼻而來既杏仁香氣，色澤呈奶白色，帶淡雅嘅堅果香氣，口感香醇。皇朝明珠大埔三門仔路鹽田仔27地段

環境方面： 闊落寬敞明亮，乾淨整潔，亦都有免費泊車服務服務方面:服務細心仔細，不過不失椒鹽牛油果：我期望的是有層炸衣包裹牛油果，上面灑滿椒鹽，但事實是一個温熱的牛油果，上面灑了少少椒鹽，一碟分量連半個牛油果都沒有，價值$46，差極😡黒松露素皇餃：口感實在難以下嚥。餡料乾澀無味,缺乏應有的鬆軟多汁。蒸得過熟，一夾即散開。咬下去完全失去了應有的彈牙口感。黑松露的風味也未能充分釋放,完全唔值22蚊一隻！😡秘製XO醬炒腸粉：這次真是讓我失望透頂。口感讓人食之無味。腸粉本身缺乏應有的鬆軟彈牙,更令人遺憾的是xo醬的調製也出了問題,缺乏該有的香辣醇厚,味道十分淡，令這道腸粉完全不入味， 口感分離，XO醬還 XO醬腸粉還腸粉。🫠🫠其它炸物：有油溢味，不能評價更多，相都無心情影，亦不會有下次。🫠總結：價錢貴，食物質素好一般，性價比低用這個價錢可以在其他餐廳食出更高質素

呢日同幾位朋友嚟到三門仔飲茶，地點真係隱世，睇地圖系比華利山再入少少，但聽聞食物質素唔錯，就嚟試一試。落車時見到餐廳門口唔係特別顯眼後嚟發現原來係後門，向入面行，原來內有乾坤。呢間中菜館用有一個大草地同海景，戶外環境感覺舒服，沿住外圍行着一圈，發現仲有幾間屋仔，詢問職員先知，原來有啲獨立嘅房間可以預訂。中菜廳室內部分，灰色同木色嘅裝修配搭舒服得嚟有氣派。如果只系睇餐廳外面嘅環境。 估唔到裏面系裝修得咁靚。而且每張枱擺放都有啲距離，枱面空間都大，喺度食嘢，感覺比較自在同舒適。四個人點咗一大堆嘢食，哈哈。上湯金魚餃配水晶球呢款點心上檯真係好吸睛，好適合打卡影相，味道都好好，金魚餃有大大隻蝦喺入面，外皮唔會過淋過厚，味道不錯，水晶球味道都唔錯，配上上湯同精緻嘅小白菜，一個精緻嘅點心，可以滿足到視覺、嗅覺同味覺時令燉湯，滿滿嘅湯料，裏面有螺片、雞肉。、豬肉、竹笙等，有雞肉同豬肉嘅甜，螺片令到湯頭更濃郁，仲帶淡淡鮮味。蝦餃賣相飽滿，裏面又係有原隻蝦，食落啖啖蝦肉好爽黑松露素皇餃呢款係店員大推，賣相有驚喜，呢種三角形包發嘅餃好少見，而且仲喺接口位，點上金邊，幾別緻，裏面有紅蘿蔔粒、應該放咗兩種菇類

上次去三門仔遊船河先知有間區內出名嘅餐廳，聽講因為地方較隱秘，有好多明星黎，呢個周末想走遠少少郊遊下就選擇左係口袋已久的呢間餐廳，呢間就係三門仔嘅皇朝明珠。早知道係走高格調路線，但價錢還不算太誇張，因為食物都同樣精美又好食，特別喜歡佢嘅大廳裝修，好適合一班人黎食飯。好多人打卡嘅上湯金魚餃配水晶球，金魚餃嘅蝦大到好似會隨時爆發咁，水晶球都一樣，但相對無上湯金魚餃咁搶鏡，而佢哋清湯都好甜，就算伴碟嘅菜都好食，呢個絕對值得叫。黑毛豬北菇燒賣，雖然相對下個樣平平無奇，但食落去都幾好味。皇朝蝦餃皇真心好靚，個蝦餃皮先至做得好，晶凝通透，入面嘅蝦肉又係澎湃到不得了，仲勁過上湯金魚餃。我相信應該係第一次三個味嘅腸粉，皇朝三式蒸腸粉，三種內容有鮮蝦，叉燒，牛肉，一碟腸粉，各有支持者，又唔駛煩邊個食呢樣個樣。枱上嘅人都愛牛油果，見到椒鹽牛油果太特別所以叫下，食落去又幾得意，都幾有興趣之後自己試下整呢個。呢個秘製XO醬煎蘿蔔糕，相對有點失色，可能前幾個質素太好，如果叫點心又唔夠多人，先選前幾個點心會好少少。係因為呢個乳豬才過來，當然一定要食招牌明爐燒脆皮乳豬，個皮好薄，而且個豬都算幾嫩滑，算係必點菜式。叫

海景酒家，假日放鬆首選。📍地點：大埔🍽️菜式：中菜💰人均消費：午餐 HK$250~300🔖服務費：✅ 另收茶位$30，XO醬$30/枱🧻餐巾/ 濕紙巾：❎ / ❎🪑座位類型：圓枱📝落單方式：點餐紙落單🚙泊車：免費【碧綠菜苗餃 2粒】💰HK$44蒸餃整顆翡翠綠色，好似兩舊翡翠玉石係蒸籠裡。菜蝦各一半比例。【皇朝蝦餃皇 4粒】💰HK$88蝦餃皮晶瑩通透，蝦大粒爽口。【黑毛豬北菇燒賣 4粒】💰HK$80黑毛豬依個食材總係會另一般菜式加分，肉味特別濃，4粒好快掃哂！【上湯金魚餃配水晶球 1位】💰HK$48一個大淺圓碗，好似一幅金魚池畫作，睇得又食得。【醬皇蒸鳳爪】💰HK$58醬汁好夠濃郁，鳳爪入哂味，已呈骨肉皮分離，份量又多。【皇朝三式蒸腸粉(鮮蝦，叉燒，牛肉)】💰HK$108牛肉夠芫茜，叉燒夠香，蝦夠大隻爽口，腸粉夠滑。另上嘅豉油好好味，鹹中帶甜好啱胃口。【蘿蔔千絲酥 3件】💰HK$68蘿蔔千絲酥一向係小編飲茶必點。依間好大件，蘿蔔夠淋身同甜，酥皮重牛油味。【鴻運乳豬 - 例】💰HK$228乳豬剛燒出嚟，唔係工場交貨係唔同啲。皮脆肉嫩，乳豬醬唔死鹹，嚟到必叫！【松茸老雞燉花膠湯】💰HK$198

上個星期去咗三門仔呢一間新裝修嘅茶樓度飲茶補祝父親節，門口就有泊車位，仲有充電樁可以付費充電🔋 餐廳有室外位置可以望住海景進餐好舒服，室內裝修好別緻，眼見都有好多唔同嘅藝術品，每張枱都好有私人空間，店員好快就備好茶水，全部人都好有禮貌，就算同外國客人都溝通得好好～點心方面都好多選擇，而且部份可以按件數order，變相可以按人數或食量去調整，非常貼心👏🏻🥢上湯金魚攪配水晶球一上枱就吸引曬全枱人嘅眼球，因為真係靚到唔捨得食呀！！！嗰個即刻攞電話出嚟影相打卡，金魚其實係蝦餃而水晶球係上素餃，兩者都皮薄餡夠多👍🏻🥢黑毛豬北菇燒賣好得👍🏻👍🏻豬肉餡整得好滑身🥢皇朝蝦餃皇每粒都好飽滿，啲蝦好爽口🥢陳皮山竹牛肉球真係食到陳皮味👍🏻 出面好少食到👍🏻👍🏻🥢蜜汁黑豚叉燒包個包好軟熟，叉燒餡肥瘦適中🥢皇朝三式蒸腸粉有齊鮮蝦、叉燒、牛肉，咁就唔使拗一次過滿足三個願望🥢蘿蔔千絲酥外皮好鬆脆，入面嘅蘿蔔又煮得好鮮甜，非常好味🥢招牌脆皮乳豬見店員推介佢哋自家燒嘅乳豬就嗌咗一個例牌試下，果然係好鬆脆值得一試🥢荷香籠仔斑球蒸飯熱辣辣一大籠上枱，打開嘅剎那蒜蓉嘅香味飄曬出嚟🤩 魚肉好滑蒸得剛剛好，蒸飯吸收咗荷葉嘅香氣🥢

九龍人入大埔發掘美食😋室內環境非常別緻，店員服務好細心🥹當天更遇上其他客人辦派對活動😲午市有一系列點心、湯羹和麵飯，選擇好豐富😍✨上湯金魚餃配水晶球飲茶必食蒸點心🙌🏼招牌金魚餃配水晶球太可愛了吧‼️圓碌碌的小金魚裹着蝦仁餡，而水晶球則是素菜餡，美得不捨得吃🥹✨黑毛豬北菇燒賣✨皇朝蝦餃皇✨碧綠菜苗餃✨魚湯松茸鮮竹卷另外招牌燒賣和蝦餃皇的餡料飽滿，大大粒好滿足！而且還可以單件點，不用局限一籠四件，非常好👏🏼而碧綠色的菜苗餃和魚湯浸的鮮竹卷也好入味～✨皇朝三式蒸腸粉（鮮蝦、叉燒、牛肉）✨黑椒和牛酥腸粉類也太多選擇！心思思的你最好點招牌三式，一次過吃盡經典味道😎煎炸點心類，竟遇上黑椒和牛酥🤩外皮酥酥脆脆，黑椒和牛餡惹味🐮✨鮑參翅肚羹跟長輩來吃，不妨點一碗矜貴的湯羹類，美味足料又補身😊還用熱爐一直溫着，好貼心呢！✨招牌脆皮乳豬✨蜜汁黑毛豬叉燒皇例牌小菜，必點店家推薦的脆皮乳豬！🐷乳豬皮燒得非常香，油脂和肉恰得好處🫡另外一款叉燒皇用上黑毛豬的口感很嫩，肥瘦均衡👍🏼✨雪山流沙包✨牛油酥皮迷你蛋撻甜點部分，流沙包絕對令人難以抗拒！😍雪山皮酥酥的，內裡是奶黃流心，鹹甜鹹甜不會膩～很久沒有吃蛋撻，迷你小口剛

久久未來三門仔，趁假期有好天氣，郊遊時也順道到酒樓「皇朝明珠」飲茶。環境清幽近海，酒樓座位舒適，可以好好地悠閒用餐。午市有點心、粥粉麵飯、燒味、湯羹、甜品等，可以吃得很豐富呢！我們先吃過點心，再吃了一點燒味，感覺一家大細都能吃得滿足～上湯金魚餃配水晶球超可愛的擺碟！蝦餃用了可愛的金魚造型，大人小朋友的覺得這樣子很趣緻。水晶球是素菜餃，多汁清甜～放在上湯碟上，就如金魚在池塘暢泳碧綠菜苗餃有嫩綠的菜苗、蝦肉、豬肉的內餡，菜苗嫩綠多汁清爽皇朝蝦餃王蝦餃王的皮薄而有彈性，有滿滿的新鮮蝦肉，充滿蝦香，每一口都能品嚐海鮮風味黑毛豬北菇燒賣黑毛豬肉配上鮮香的北菇，肉質彈牙，肉汁鮮美，不帶油膩感魚湯松茸鮮竹卷清甜的魚湯作湯底，腐皮包上了鮮嫩的松茸、豬肉、爽脆竹筍，口感豐富，松茸的香味與竹筍的清脆口感相互襯托，帶來層次豐富的美味皇朝三色蒸腸粉（鮮蝦、叉燒、牛肉）集齊鮮蝦、叉燒和牛肉三種口味，一次過滿足吃盡各款腸粉的慾望！蒸腸粉皮薄有通透感，入口柔軟。鮮蝦爽口鮮甜，叉燒肉香，牛肉嫩滑，實在不錯黑椒和牛酥酥皮有豐富的層次，因而入口鬆脆，和牛肉質嫩滑，配上辛香的黑椒汁，變得很惹味雪山流沙包包點的外皮鬆軟，有微

首先被它的戶外打咭靚海景吸引, 在這寧靜的漁港吹著海風享受高質食物實在是一大享受, 新鮮即席燒烤的乳豬和酥炸鮮魷都好味得, 其餘各款手造點心包括蝦餃、燒賣, 還有那個特色金魚餃和那個鮑參翅肚羹, 都認真值得一試, 還有他的鮑魚酥及和牛酥, 外皮酥脆又夠豪華,都不可錯過, 另外那三式手捲腸粉（鮮蝦、义燒、牛肉)也全力推介，到甜品時間, 試了包括楊枝甘露和雪山流沙包及紅棗糕, 都較別家酒樓有特色, 整體環境和食物都很滿意, 實在要推介本土這所特色的餐廳, 刺激本地消費。

位於三門仔嘅皇朝明珠今年一月先正式開業，地點唔近市中心，但可以惠及大埔居民同特登去三門仔郊遊嘅市民。店內裝修簡潔，自然採光，外面仲有一大坪草地同戶外用餐地方，可以帶寵物鴻運乳豬脆皮鹹香，一家人食份量剛好。手工點心賣相靚又好味，上湯金魚餃配水晶球色彩繽紛，皮薄餡靚。黑毛豬北菇燒賣同皇朝蝦餃皇都係招牌必食點心，大大粒好鮮甜。當然唔少得皇朝三式蒸腸粉可以一次過食晒三款腸粉唔使嗌交😂 點心同燉湯都可以逐位叫必推芝士海蝦焗伊麵，芝士醬多到可以沾滿每一條面，伊麵又有彈性唔會太林，海蝦球爽口鮮甜。飲茶當然要食煎炸嘢，少少哋一碟都好啦，香煎手打百花餅有墨魚粒好爽彈，炸得外脆內軟

趁假期又天朗氣清, 約父母一同出行去新界遊車河, 至約下午一點途經大埔三門仔, 一於搵間好D嘅餐廳孝敬父母, 首先這餐廳的停車場有免費泊車, 而且戶外座位更可享無敵吐露港景, 面向八仙嶺, 實在冇得輸, 雖然父母怕熱想坐室內, 但是窗口位仍然可以遠眺八仙嶺, 待應殷勤的招呼, 點心菜式甚多選擇, 剛才入餐廳時看見大廚烤乳豬, 當然必須一試, 果然皮脆肉香, 另外見有一個鮑翅羹也不算貴, 當然都試, 上枱時認真豪華整套餐具都燙晒金包括匙羹, 雖然份量不大, 但正正可供大家淺嘗, 另外有款金魚餃拼野菌餃伴高湯, 買相簡直贏晒, 其餘的點心都質素甚高, 物有所值, 特別一提甜品點心也不容錯過, 那個雪山流沙包及紅棗糕都夠其他餐廳美味, 父母認真滿意這頓下午茶, 大家用餐後, 又再繼續我們新界遊的下半部分啦。