皇朝明珠

營業中

休息中

呢度嘅點心款式好多種類，層出不窮，今日仲好好彩咁樣坐到戶外位置。必點上湯金魚餃配水晶球，猶如一幅畫，一定要相機食先。黑毛豬北菇燒賣同皇朝蝦餃皇呢兩款傳統點心亦都相當出色，絕對係水準之上。魚翅羊肚菌灌湯餃用料好矜貴，性價比高！三式蒸腸粉好滑，一碟可以試晒三款不同嘅味道，豉油另上，貼心。蘿蔔千絲穌同蜂巢荔茸盒兩款炸嘅點心都好好食，尤其是係蜂巢荔茸盒呢d傳統點心，10分推介！見到乳豬係即刻燒嘅，即刻點咗招牌脆皮乳豬，食落去脆卜卜，而且好夠味。雪山流沙包食落去個皮感覺有啲似莎翁，好特別，入面餡料好豐富，甜而不膩。基本上每一款點心都好好食，鍾意食點心嘅朋友一定要過嚟試吓。

出糧後既假日就梗係要對自己好啲啦xpp所以就決定同好閨蜜嚟食餐好既～呢度户外清優，室內堂皇，更有包廂添！！全晚既餐點都令人滿意，當中有幾款仲非常出色～呢度既炸物香脆而不油膩！！呢個脆豆腐完全做到外脆內嫩，加上調味得宜，拎黎做前菜真係無得輸～～燉湯亦係另一出色之作，足料清甜每啖都係精華！！有出色既前菜湯品開開胃，主菜都無令人失望～不論係熏香脆嫩既乳鴿定翠綠清爽既菜苗都同樣做得對位～主食同甜品都無揸流灘～簡簡單單嘅紅棗千層糕都已經係呢餐完美嘅句點，下次中午帶埋屋企人嚟試下呢度嘅點心先得😆😆

喺倫敦讀大學嘅時候已經好鍾意去皇朝集團的酒樓食飯返到嚟香港之後都喺一樣唔同嘅喺香港依家酒樓的位置、景色特別靚有靚靚海景很有氛圍感而且聽講最近夜晚推出咗特色私房菜所以特登過嚟試下～好多菜式都好特別！即燒乳豬 ：即刻燒乳豬超脆荷香羔蒸飯 ：好香口、飯的口感好好三十年花雕瓊漿斑球：食之前噴上三十年花雕好好玩上湯浸泡有機菜心：超鍾意有機菜心~鮮甜又嫩口！個上湯好好味百花釀鮮蟹鉗 ：手打蟹肉！真材實料！啖啖蟹肉～

皇朝明珠 即燒乳豬 鮑魚燒賣 蝦餃 上湯金魚餃拼水晶球 椒鹽豆腐 白三色腸粉環境：大埔朋友，如果想搵地方飲茶 皇朝明珠 真是不二之選很大的泊車位置 一個大草地 有室外 有室內今天微微雨 氣溫非常舒服 室外都坐滿了 唯有坐室內如果想坐室外 早點打來訂位比較好服務：餐廳員工非常友善 車到門口時 撐傘來迎接 感受非常良好志 還帶我太太和兩個女先入座今天兩個大人兩個小朋友，叫了一些點心 沒有點飯或面已經很夠食上湯金魚餃配水晶球黑毛豬鮑魚燒賣Q皇朝蝦餃王碧綠菜苗餃潮州粉果鴻運乳豬海參酸辣羹三色蒸腸粉黑椒和牛酥金磚豆腐鮮蝦菊花脆春捲千層紅棗糕Q香芒布甸

今年要去旅行提早同母親慶祝母親節，佢話睇到馬田同佢阿媽周圍去搵嘢食好開心，叫我我都準備定啲驚喜俾佢😭今次我都叻女搵到呢間隱世中菜館，喺大埔火車站再轉小巴就可以直達門口。怕麻煩嘅我決定叫個套餐，有齊前菜主菜甜品等等。單單喺前菜已經有4款，包括黑毛豬叉燒、金磚豆腐、滷水豬仔腳同埋好特別嘅椒鹽牛油果。 牛油果就食得多，椒鹽就真係第一次食，咬落去有啲半溶化嘅感覺，食完下次唔想再食椒鹽豆腐😭主菜方面，紅燒牛肋肉都非常出色，有啲似西式煮法嘅slow cook感覺，食落口唔嚡身，但係保持到肉味，出色👍🏻另一個XO醬蘆筍炒蝦球味道就冇咩驚喜，但係呢就非常之足料，蝦球都非常之爽口。套餐仲有龍蝦洞庭麵同埋我覺得係中菜必備嘅甜品養顏紅棗糕，紅棗糕，而家雖然好多地方都有得食，但係要做到甜而不膩其實都唔容易，呢度嘅都非常出色。最後值得一提嘅係店員服務都非常之好，希望大家多啲支持吓香港小店唔好掛住北上消費啦🥲

早排同屋企人去三門仔玩，經過呢一間中菜館，就入去飲個茶食個飯，估唔到比我哋一大驚喜！上湯金魚餃拼水晶球呢道菜賣相好好，金魚好精緻，裏面都係彈牙嘅鮮蝦餃，野菌餃好重菇菌味， 反而令我最驚喜嘅係個清湯底，有好重嘅金華火腿香味， 絕對值得一試。蝦餃呢個應該係比較符合現代人嘅蝦餃，蝦餃偏大粒唔可以一啖食曬， 而蝦餃入面亦都冇筍，所以口感嚟講會比較平實。 但蝦肉彈牙，調味適中。 好食嘅。燒賣 燒賣入面嘅蝦亦都係好彈牙好實， 燒賣嘅口感紮實，豬肉嘅比例肥瘦適中，食落去香得嚟唔肥。三式腸粉呢度點心一上枱嘅時候已經知道佢嘅工架非常好，有別於一般嘅又厚又白嘅腸粉皮，呢度嘅腸粉皮係油亮透光嘅。 三種餡料分別係蝦肉、叉燒以及係牛肉， 三款都做到佢應有嘅水準。脆皮乳豬乳豬燒成的芝麻外皮香脆， 咬落有肉汁， 已經係上品，無野補充海參酸辣羹最後亦都嗌咗一個酸辣羹， 食咗一輪清點之後，想試返一道惹味嘅。 酸辣羹入面非常之足料，酸同辣嘅味道比例都非常之好。成碗清哂。最後酒樓仲送咗糖水畀我哋， 服務態度亦都係一流。建議大家嚟大埔墟踩單車之前，可以嚟呢一度享受一下美景同美點。 一定可以令你嘅旅程更加難忘。

在悠閒的夜晚,我來到位於大埔三門仔的皇朝明珠,徜徉在這環境清優的天地之間。背山面海的景致,令人心曠神怡,免費泊車的設施,更方便顧客輕鬆前往,盡情享受這大自然的恩賜。開胃小吃鹵水鴨掌和燒乳鴿,香氣撲鼻而來,令人食慾大振。鹽燒牛油果清爽可口,與椒鹽一口炸豆腐酥脆可口,形成絕佳對比,為味蕾帶來絲絲驚喜。主菜更是精彩絕倫。新鮮魚湯甘甜鮮美,溏心鮑魚肉質細嫩多汁,軟硬適中,讓人回味無窮。火灼芝士扇貝,芝士香濃,扇貝鮮甜彈牙,美味非凡。原隻番茄包蝦滑更是亮點之作,蝦肉鮮甜與番茄香味完美融合,滋味獨特,令人難以忘懷。在這宜人的環境中,品嚐美味佳餚,無疑是一種無上的享受。皇朝明珠將美景與美食完美結合,為食客們帶來難忘的用餐體驗,值得一試。

有好一段日子沒有到户外走走，恰巧這個週末有好友相約到三門仔用膳，正好在用餐前踏踏單車運動一下好友早已訂坐，原來是家環境舒適雅緻的中餐館呢店員有禮殷切，點了茗茶後便細閱菜單晚市主要有三款套餐，當晚我倆所選的“豐彩璀璨饗宴”已包括前菜、湯品、頭盤、主菜、主食和甜品先有的前菜有四款蜜汁黑毛豬叉燒肉質軟嫩，鹵水豬腳仔皮爽入味湯品原盅呈上，燉湯清潤暖胃頭盤是香煎百花釀海斑球此為一道令人驚喜之作，口感爽彈的蝦膠與細嫩的海斑魚肉互相輝映，鮮味十足主菜亦有四款當中以紅燒牛肋肉和惹味的xo醬蘆筍炒蝦球最對口味，深得我心作為主食的龍蝦湯洞庭麵也不馬虎，滑溜的稻庭烏冬配上鮮味的帶子和蝦球，味道清鮮而不寡最後更有香甜的紅棗糕為甜品作結，整體令人非常滿意

朋友介紹大埔比華利山附近開了一間新餐廳，菜式以及餐廳的環境都非常精緻，是fine dinning 級數，泊車亦都非常方便， 於是同太太去試一試。今次選擇了一個「豐彩璀璨饗宴」套餐，上菜次序真的會根據餐牌上的先後來作順序，很有一氣呵成的感覺。前菜分別有： 蜜汁黑毛豬叉燒，金磚豆腐，滷水豬仔腳，椒鹽牛油果。 今次係我第一次食椒鹽牛油果呢一個配搭，覺得好特別，另外叉燒以及金磚豆腐都非常適合我口味， 叉燒肉質入口酥化，半肥瘦剛剛好！松茸螺頭燉老雞湯： 清甜，用燉的方式去烹煮，絲毫沒有流失湯料的精華，一啲都唔浪費， 食落發現應該沒有用鹽作調味，湯的鹹味全是來自金華火腿粒的鹹香來作調味， 非常高質！香煎百花釀海斑球：一上枱時，馬上聞到的是蝦餅的香氣， 應該是經過少許油炸， 所以更加提升味道上的層次， 底下的海斑肉質嫩滑，咬落非常juicy, 唔會過熟乾身， 一啖咬落口，層次口感非常特別，先是食到香口彈牙的蝦肉，其後食到嫩滑肉汁的魚肉，誠意推介呢一個一定要分開三口去品嚐，千祈唔好一啖食晒落口 XD 紅燒牛肋肉:肉質嫩滑，附送應該是洋蔥製成的汁醬，意外地發現竟然能將牛肋肉的味道提升，大家記得要落呢一個

精緻中菜 去到飲完湯都已經滿足了8成 HAHA前菜: 蜜汁黑毛豬叉燒 . 金磚豆腐 . 滷水豬腳 . 椒鹽牛油果叉燒肥瘦相間, 入口軟嫩。金磚豆腐, 炸皮薄, 調味佳。滷水豬腳, 散發住滷水和八角香氣, 加小小蒜香醋汁, 更開胃椒鹽牛油果, 如果牛油果再熟一點 當中咬開更軟滑 跟外皮更有對比 會更驚喜!湯: 松茸螺頭燉老雞燉湯 入口清爽 但不失鹹香 金華火腿粒 瘦肉粒 老雞的味道一一燉出加上 松茸清香 螺頭鮮甜呢個湯 令我好滿意!頭盤: 香煎百花釀海斑球全晚最驚喜的菜色 火侯控制得宜, 外脆, 蝦膠爽彈, 斑球嫩滑.大愛 !主菜: 紅燒牛肋肉, 欖油杞子菜苗, XO醬蘆筍炒蝦球, 香脆乳鴿紅燒牛肋肉 牛肋肉 軟稔 加上洋蔥汁 的鮮甜 好夾欖油杞子菜苗 用料新鮮 菜心苗 爽口無渣XO醬蘆筍炒蝦球 夠惹味 蝦球大大粒香脆乳鴿 有手套供給 食用方便 咬開爆肉汁主食: 龍蝦湯洞庭麵龍蝦湯 係好似上湯龍蝦伊麵 個隻上湯加蝦球 , 帶子, 小小絲瓜碎, 洞庭麵(原來即是烏冬:-P)其實女士吃到這個位置都已經超滿足可以比埋同行男伴吃 呵呵呵甜品: 紅棗糕煙韌的口感 再加上甜而不油膩的味道 雖然飽飽

屋企人最鍾意食中菜，我就特登搵左呢間皇朝明珠試一試！ 去到已經覺得裝修好高級，有啲似去左酒店中菜館。當晚由於樣樣野都想試店員就推介我地試吓呢個豐彩璀璨饗宴，啱哂第一次唔知咩好食/有選擇困難嘅我！每人有4款前菜、湯品、頭盤、主菜、主食同甜品。 誠意推薦個湯品「松茸螺頭燉老雞」好足料見到大大粒嘅松茸同螺頭，湯頭非常濃郁，好好飲。主菜方面一共有4款，當中最令人回味嘅係紅燒乳鴿，真係同名一樣做到皮脆肉嫩，味道方面其他主菜都非常滿意，份量亦都好大份，價錢雖然唔算特別平，但份量同味道絕對對得住個價錢👍🏻母親大人食完仲話想訂定母親節再嚟食其他野😆

一向好鍾意呢度嘅環境，平時過嚟飲茶，今日就第一次過嚟食晚飯。睇咗餐牌好耐，最後揀咗一款套餐，入面咩都有，可以試多啲唔同嘅菜式。前菜有四款，蜜汁黑毛豬叉燒、金磚豆腐、鹵水豬仔腳同椒鹽牛油果。個人最鍾意豆腐同埋豬腳仔，豆腐好滑好脆，配上避風塘蒜，好好食。個燉湯入面好多不同嘅材料，有牛肝菌，松茸，遼參等等，好味到成個湯連埋所有材料食晒。香煎百花釀海斑球呢個配搭好得意，好似食西餐咁，好有層次。紅燒牛肋肉、欖油杞子菜苗整體上亦唔錯。XO醬蘆筍炒蝦球，廚師好用心，淨係用蘆筍最中間嘅部位，蝦球亦都相當新鮮！乳鴿即點即炸，餐廳職員亦都好細心咁預備定洗手嘅茶同埋手套，服務態度好好，好貼心。龍蝦湯洞庭麵有帶子同海鮮，湯底鮮甜！養顏紅棗糕熱辣辣，紅棗味道好香濃，仲有咋喳，難得食到一啲好食嘅傳統點心同糖水，😍😍

之前成日問人哋有啲咩中菜好介紹可以帶屋企人去食 俾我發掘到呢間位於三文仔新裝修嘅中菜小館 裝修華麗 而且乾淨又寧靜 一張大圓枱可以容納到大概15人聚餐 家庭聚會必去💓💓 我哋今次食咗$880呢個盛宴套餐 食材都係貴價貨 絕對對得上呢個價錢🙌🏻先嚟前菜開開胃 蜜汁黑毛豬叉燒.金磗豆腐.鹵水豬仔腳、椒鹽牛油果 🥑呢幾款細細碟 但係味道真係有驚喜 熱辣辣 黑毛豬叉燒外脆內嫩 咬落蜜汁湧晒出嚟 香甜無比 而且係半肥瘦 屋企人都大贊好食🤣香煎百花釀海斑球每人一個海斑球 咬落去脆卜卜 上邊嘅蝦滑彈牙實淨 下便嘅海斑用咗腩位 兩者相互影響 口感好豐富 蔬菜嗰度亦都唔會Hea你 蝦球用咗新鮮大蝦配搭蘆筍炒 蝦球彈牙大粒 而且新鮮無比 絕對稱得上係我愛嘅蔬菜款式🥰🥰主菜就有紅燒牛腩肉 半肥瘦嘅油脂口感十足 牛肉唔會好韌 再配埋紅燒汁 入口即溶 睇得出廚師花咗好多心機😘龍蝦湯洞庭麵烏冬麵爽口彈牙 滑溜而且龍蝦味濃郁乳鴿更加唔使講啦鮮嫩多汁除咗呢啲款式之外 仲有多款小菜包埋松茸螺頭燉老雞 清甜無比 而且有螺頭花膠同松茸 識落新鮮鮮甜又滿滿嘅骨膠原

今日同男朋友左手工去咗大美督附近食晚餐呢間裝修必緻又隱世嘅小菜酒館 真係好適合安安靜靜食飯嘅情侶或屋企聚會我哋叫咗人均$800一位嘅套餐包括咗四款前菜、湯、主食、麵食、乳鴿、炸物同甜品 性價比極高 而且可以食到好飽👍🏻👍🏻食物都係一款一款咁樣過嚟 唔怕食到好急～前菜方面 有四款小碟 有琵琶豆腐、椒鹽牛油果、豬腳仔同蜜汁叉燒 四款都係即叫即整 每人大約兩件 而且最有驚喜嘅係椒鹽牛油果 從來未食過用椒鹽嘅做法😍熱辣辣之餘外脆內嫩 牛油果味濃郁 作為前菜真係開胃之選之後就食呢個石斑蝦滑 味道有驚喜 估唔到兩者咁夾 清淡得來蝦肉爽口彈牙 石斑嫩滑 熱辣辣香脆主菜方面 呢個嫩滑無比嘅紅燒牛肋肉 咬落唔會好嚡 每一啖都感受到肉味嘅濃郁 好想再encore☺️而且每人有半隻乳鴿 鮮嫩多汁 啖啖肉 男朋友都大讚好食總括而言 如果大家想安安靜靜食飯 而且又可以感受到新鮮食材 好建議大家過嚟呢間試下！

大埔美景美食，私隱度高前菜有鹽酥牛油果外脆內軟， 蕃茄天然甜乳豬皮脆肉嫩， 唔肥膩最喜歡焗帶子，非常多芝士蒸魚夠新鮮,實物係大條（攝影技術問題🙈影出嚟唔知點解變細左）甜品有奶黃餡煎堆， 紅棗糕，蛋白杏仁茶，甜度剛好食埋甜品大滿足