百樂潮州酒家

營業中

休息中

屋企人食飯，近近地就揀咗呢間！之前都食過幾次,不過今次就有少少嘅失望！叫咗太極鴛鴦湯，個湯好得意，綠色同白色，清清地冇咩特色，但服務好好，間唔中又返嚟幫你添湯!餸- 雞冇雞味，煮得太耐，啲肉唔新鮮,但係就覺得口感一般，唔想食蝦仁西蘭花普普通通，無蝦嘅鮮味，西蘭花又冇乜味，啲蝦都幾多，唯一嘅優點，但係如果好食嘅話一隻都足夠！個魚講左走油，但都好油，而且味道偏濃唔知係咪換咗廚師呢，哩一餐的確有少少失望！

臨近團年飯的時間, 根據以往經驗, 出外用饍定必要提早一個月訂檯才成行, 今年夫家那邊少有地提早做節, 而中菜也是首選的菜系, 經一輪投票後, 盡管夫家不是潮州人, 仍以大比數通過 - 食潮州菜, 而食潮州菜想坐得舒舒服服便會想起“百樂潮州”, 可是分別致電集團的尖沙咀、旺角及元朗分店均已滿座, 正當想要轉舵之際, 幸好還有Element那間分店仍有位置。百樂集團多間分店分別由叔伯兄弟主理, 菜式雖然相似, 但細節上仍是有分派別的, 有走年輕路線的百樂小館, 也有走傳統的百樂潮州。 而這家身處豪宅區地段的 - 百樂潮州魚翅酒家, 則以魚翅為主打, 餐牌內不少鮑參翅肚的菜式, 不過夫家那邊都是奉行“一翅都不食”, 就算是有套餐供應, 可惜也蘊含了魚翅菜式, 最後還是選擇散叫。 大時大節, 即使是訂了座, 加上一行12人, 到達時也難免要等上一陣子的安排, 這樣也好, 可以給我拍拍影影。 這家百樂的店面佔地很廣闊, 店內亦很開揚, 站在外頭一覽無遺, 變相私隱度不高, 不過也設有用木條子加布簾而成的半開放空間, 當然一早給預訂了。 安座後先來潮州菜少不了的特色 - 功夫茶, 茶芥

好喜歡黎呢度飲茶食點心同埋晚飯，食品都做得精緻好味，間中舒舒服服食一餐係享受既！一段時間無黎了，過年後一班朋友話團拜，我即時提議黎呢度。好可惜，是晚所有食品都係預期既差，係比之前既差好遠。廚師轉了？！

今晚walk in去食，7時坐低，講明8點要交枱。不過，餸菜要7:35-7:40pm才上枱。到8時正，我個小朋友仍有半碗飯未吃完，枱上仍有很多餸，但個知客走過來，説要我們埋左單先，因為個客已經等了很久。我告訴她餸菜很遲才送上來，但她都不理會，要我們俾錢。之後，有兩個侍應已經企在側邊，預備收碟。我們在未吃完的情況下，被逼走人。我們用了接近四百元，但只可以吃20分鐘。簡直不知所謂！超離譜！超無禮貌！超粗暴！

未試過有間野是咁垃圾，服務態度差，訂位唔認，食物又唔好食，貴到離譜，除左係九龍站比較方便外一無事處！叫送又慢，隔離王子飯店都好過佢幾百倍，未食完就要趕你走，今時今日咁樣仲生存到真係奇跡！

湯好好飲，聽講每日都唔同湯，唔知有冇味精，總括嚟講四人餐剛剛好，全部食曬，滷味個人不喜愛所以少食，金銀蛋菜也不錯，🦀🦀🦀蟹非常新鮮好味，但不太喜歡濕的糯米飯。

門口的知客沒有禮貌,我打電話訂了枱號，回說可以。但人到了，不但沒法安排，還被她教訓一頓。此處的蠔仔多不新鮮。空氣不清新。食套餐服務較好，因銀碼大，上菜快，散餐會不大受重視。

聽屋企爺爺話舊時系潮州大概都生活咗幾年，至今依然對潮州菜好懷念，講到我地成班孫仔孫女都好像食潮州菜，擇日不如撞日，一於就今日去，跨快趣book位，即刻出發。去到見到面積都幾大下，而且侍應都好熱情咁招待我地。點心種類好多，蝦餃都同粵菜有區別，彈牙，而且味道方面更加入味啲，餡都有區別，芋泥都超級粉吖，細妹佢地都爭住食芋泥，好在分量都足夠喇，我鐘意芋泥搭配豉油，細個嘅都話我食野怪。杏仁白肺湯，好飲，調味好標準！茄子煲比較重口，不過真系好送飯，就一個茄子煲我就可以食成碗飯。蝦仁西蘭花，蝦仁好入味，不過西蘭花就唔咩味。

had lunch here the other day, generally food standard are ok, menu is a bit restricted compare with causeway bay park lok, seats are not very comfortable. One thing good about this shop is during lunch time they will have a smaller protion of their signiture soy sauce goose and fried oyster egg omellete. Their soy sauce (lo shui) smells good with little bit of sweet taste, oystet egg omellete are well cook with pan fried rather than deep fried. the egg skin are slightly hard and have put enough

杏汁白肺湯是需要比較長時間去弄, 因為要沖好多次先可以將個豬肺洗得一乾二淨, 所以平時跟本不會在家裡煲這款湯水呢, 這些錢是要給人家賺的吧! 好香杏汁味, 個湯好白好滑, 其實好似飲緊杏仁茶咁!

之前公司出左3千幾蚊既超級大花紅比我相(等於我半個月人工),所以就決定用黎請親人食飯,去了ELEMENTS既百樂潮州酒樓~貪佢地點夠方便.當中叫左個$388既潮式糯米炒肉蟹係當晚最貴既菜式.重點當然係個糯米,吸收蟹既精華而成,十分鮮甜~肉蟹都新鮮厚肉!$168烏頭亦係抵食之選,魚肉實而甜,帶少少黃油,又無咩骨啖啖肉,配埋佢地個唔太咸既普寧豆醬,正!$98蠔烙亦都好煙韌,蠔落得夠多,而且餅底唔乾,帶濕濕地既感覺(有一點點似台式柯仔煎)!最後當然要食埋手工甜品反沙芋,貪佢外面層糖夠脆夠甜,不過芋頭味不太重,懷疑食材唔靚.5個人埋單$1434,唔算太貴呢!,仲有2千蚊剩...

今天和朋友在圓方露天酒吧 - 喝酒/聊天。傾左個多小時後, 個肚就係度叫, 餓餓地就想找下附近有咩食, 又唔想食中菜/西菜, 坐係酒吧度用 "OPENRICE" 搵下搵下, 就決定嚟 "百樂" 試下啲潮州菜。八點幾到餐廳,無人排隊, 有空台, 但啲台剛剛在執要等兩三分鐘左右才入得。兩個人叫左四個菜, 一個湯。潮州菜最出名當然就係凍蟹啦。咁, 先嚟隻潮州凍蟹! 試試先! 涷蟹: 個人覺得隻蟹無嘜鮮味或蟹味, 唔係幾好食, 而且隻蟹細細隻, 收我八百幾蚊, 覺得唔係好值。鵝片: 肉味香濃而且啲肉又夠滑嫩, 無嘜肥膏, 唔錯! 唔錯!螺頭湯: 嗰湯幾濃味, 清甜可口! 啲湯料十足, 雖然煲左湯, 但好好味, 所以差不多食晒啲湯料。四季豆: 唔食唔可惜! 啲豆夾埋啲欖菜同肉碎食, 就太咸, 所以最後就挑晒啲豆食, 食剩啲欖菜同肉碎。菜甫蛋: 食落去, 就似食緊一塊煎蛋, 菜甫同肉碎唔夠多!

潮州百樂是一間老字號，友人說小時候在銅鑼灣百樂門口，泊的全是名貴跑車房車。所以小時候很想很想有一天可以入去吃飯。現在人大了，不但經濟許可，而且潮州百樂的價錢也因成為連鎖餐廳而變得平易近人。平日晚上的圓方很多人，本想吃泰菜，要多等個半小時，次選川菜，大約十多人。再去潮州百樂，等約十分鐘。我對百樂沒有印象，進去餐廳後感覺似高級茶餐廳，人很多，枱很密。友人說了上一段的說話，便去洗手間。我一個人打開餐牌看，嘩，眼珠跌了出來。晚餐的選擇，有每位$3680, 或者每位$6280……完全聯想不到這個環境是這個價錢！後來侍應端上了熱茶，也多了一個餐牌。嚇死，小菜是$60到百多元左右……合理。先有開胃菜，很爽脆的蔬菜。欖菜肉碎四季豆，略爲太軟身，味道普通。鹵水鵝翼，我吃到有件特別重酒香味，應該酒是後灒的，未夠均勻。鹵水味鹹度不重，多吃也不漏，潮州店鹵水就是靈魂，這個鹵水膽果然名不虛傳。梅菜扣肉，味道較爲普通，炆得很淋，友人不喜歡浪廢，但自己又吃得少，一直迫我吃，還要我吃梅菜。我說扣肉的肥膏已經迫出了油，不肥，友人卻說這是錯誤，沒油是油渣樣，扣肉的樣子還很滑嫩呀。得得得，說到咁肥又要迫我吃清光……嫌我太瘦

!4點幾肚餓。。圓方搵食。。點知問左幾間都話開六點!終於問左呢間百樂available ..crab...taste good but so expensive to eat crab in summer海鮮價。。一兩兩計。。38兩。。一兩40...omg幾欣賞chef把crab開哂骨但無破壞佢形狀塘醋面。。煎得幾香。。吾浸糖好食dtoo much oyster !多到腥chinese dates jelly好香濃。。好彈牙but the service is not good  enough..only幾枱客。。可以主動d加下水

去圓方百樂潮州酒家飲茶。環境寬敞舒適。潮式食品好味，蠔餅香口唔腥，魚蛋粉魚蛋爽口彈牙，河粉爽滑。其他點心亦不俗，叉燒包包身軟醬汁濃，蘿蔔糕味濃毋須點豉油，白粥亦算綿身。如此環境質素，價錢略高亦值。只是以為星期美點抵啲，原來只是推銷並無特價，有點失望。