百味川 (已結業)

上星期係葵芳放工，阿仔打比我話，婆婆好累唔想煮飯叫我係葵涌廣場到是但買d 野返屋企食當晚餐。我心諗你地又比考驗我， 因為我問仔仔你想食咩，佢話想食飯， 我話咁公公呢，公公又話想食飯， 但我和婆婆想食米線， 於是我係葵廣百味川到買，因為咁岩果到有齊我地想食的野，於是我就買左4個外賣返去開餐。首先講講呢到米線佢地係會分開上下層咁放，咁就唔會浸腍哂d 米線， 呢一點抵讚。百味酸菜魚米線 ～ 岩哂我酸酸小小辣，魚又無骨。珍寶百味過橋米線～ 岩哂婆婆，因佢鍾意食唔同的配料，而且夠哂豐富。牛三寶飯 ～ 有齊 牛根，牛肚和牛腩，岩哂鍾意食牛的公公。口水雞翼炸醬飯 ～ 估唔到呢到的口水雞小小辣又惹味， 仔仔食一隻後話好惹味係咁爭住食，一路過小小辣，一路飲水，一路食，笑死我地。其實疫情期間，有時煮咁多餐真係好辛苦的，所以我地做後生嘅，買外賣返去食，好過佢地去街市嘅。加上呢到4碗野加4杯飲品都唔洗200百，好抵的了。我亦見到6點後自取做緊8折，好優惠呢！

.近排都留喺屋企食多，想食酸辣粉又唔識整，唯有出下舊圖望梅止渴啦。上星期去咗葵涌廣場百味川食酸辣粉，黎到叫咗一個百味鮮茄魚米線$58同一個麻辣魚薯粉（特辣）$58。小食就叫咗一個麻辣手撕雞$18同一個蒜香皮蛋$18。先講米線，口感幾好，唔會太淋太濕，軟硬適中。薯粉幾出色，口感唔會太硬太韌，一咬落即刻斷開，口感一流。鮮茄湯底好香亦好足料，好重番茄味，夠甜。反而麻辣湯底唔夠辣，可以再麻d。至於魚肉，佢係用龍脷柳，平時好少見都幾特別🤣，好在於肉質夠淋，一定唔會韌但缺點就係無咩口感。手撕雞都夠麻香同辣，不過雞肉如果嫩返啲就更好啦。皮蛋就發揮到正常水準，不過可以再辣少少。

剛剛收工經過葵涌廣場見有d肚餓就貪方便在地下果層搵吓有咩好食, 最後揀呢間醫肚😋自選米線, 店員叫我試吓佢地個沙爹湯話好出色好好味🤩ok冇問題一於試吓, 咁叫得沙爹湯梗係配金菇同肥牛啦再加多個自製韭菜餃, 沙爹湯的確香濃好好味👍🏽韭菜餃仲正索晒沙爹湯但又唔會蓋過韭菜獨有嘅香味...i like it🤪麻辣牛魔皇：牛腩/牛根/牛肚樣樣都好入味又夠淋😋炸雞肶、炸龍蝦丸、炸墨魚丸：香口小食點會唔好食😂雞肶真係冇得頂🤟🏼特別推介：辣菜甫😋😋食完忍唔住買咗半磅返屋企看門口！餸麵一流🤩

一直都好想試個麻辣魚，最近6點後餐廳只可以外賣，我估唔到份量差成咁，魚得6－8片，生菜有6－8條，未試過食一間餐廳令到我打食評去講有幾咁差，街市買棵生菜都係3，4蚊姐，洗唔洗縮骨到咁呀，我食碗呢碗所謂8折左之後都要47蚊既麻辣魚，完全好似冇食過野咁！！！！做生意咁做法，老細實發達啦

呢間店嘅食物雖然唔係好特別 但係對當年喺學生時期嘅我來講同朋友嚟行街 行到攰攰地 就黎呢到坐底食下野 今次舊地重遊 係回憶嘅感覺吖細個胃口冇咁大 就咁食一個面 依家胃口大左識嘅嘢多咗好多百味鮮茄魚 $58 + $2蕃茄酸辣 淮山麵湯底勁足料 好多蕃茄 淮山麵吸哂 濃濃嘅湯汁 好味 魚柳份量都多自選麵餐$29 +豆卜+$7 肥牛 +$9 紅燒肉 +$12揀左沙嗲湯底 叫左 大辣 唔係好食到沙嗲味 可能因為叫咗大辣嘅緣故 不過都係好食 揀左淮山麵 比起其他面較為健康非油炸 紅燒肉幾出色 大大嚿 炆到軟淋 又夠入味炸雞髀 $21 炸到外皮金黃色 卜卜脆 一啖一邪惡雙拼小食$43麻辣豬耳 拼口水雞翼 麻辣豬耳個汁好正宗嘅川味 呢個有驚喜好好食 係朱耳略嫌有少少硬 口水雞翼 好貼心 咁整開半隻 方便我呢啲’lady ‘店舖外面就係行街嘅鋪頭 但坐係到食野 又唔覺特別嘈 仲可以聽埋隔離鋪播咩歌tim

位於葵涌廣場, 少數有得坐低既餐廳, 行街行到攰攰地, 就梗係坐低食舒服D啦!百味川如其名, 當然係食川菜啦, 見到menu味味都咁吸引~麻辣魚米線 ($58), 湯底辣得黎好開胃,米線口感好好, 小麻都有一個辣既後勁, 十分惹味魚質嫩滑, 吸曬D麻辣既精華, 但仍然會有本身既魚味!響鈴都好香口, 同湯一齊食, 美味!蕃茄湯底准山麵, 配響鈴加雞扖加枝竹 ($57)雞扖水準幾好, 枝竹加蕃茄湯底好滋潤, 准山麵性質平和, 最岩健康既朋友食~集麻辣鮮香爽嫩集於一身既口水雞翼, 是今餐的highlight!夏天食呢個真係絕配~紅棗茶補血, 甜甜地咁仲好潤喉食辣既朋友叫左咸檸七, 佢話調得幾好味~

行葵廣係少女時代指定動作。好耐冇行啦😅。行到攰攰地喺地下層搵咗間餐廳醫肚仔。😝口水雞翼～雞翼係單骨。哈哈。櫻桃小嘴都食到。溫馨提示❤️雞翼都幾辣。食🉐️辣先好嗌牙。揀咗個自選米線～湯麵定撈麵🧐辣定唔辣🧐食咩食餸🧐要咩麵底通通自己揀。🤪心多多唔想揀。可以揀餐牌上配搭好嘅。個湯底黃甘甘嘅？我揀咗沙爹小辣淮山麵。感覺健康d😅餸就揀咗豬手。豆卜。豬大腸。豬頸肉。豬手淋身易入口。🐽仔食到好滋味。恐龍華田～味道濃濃的。大愛。❤️

行完葵芳商場 去左地下果層 百味川試下🥳 叫左一個慢煮牛筋白蘿蔔乾拌米線（酸辣）牛筋腩好入味夠林..酸辣味適中，另一個牛腩豬頸肉豬膶淮山面（沙嗲湯底），淮山面好滑 沙嗲湯底 好好味！小食 香辣牛栢葉，麻辣手撕雞。辣得非常過癮😋辣到流鼻水🤪川菜feel ! 正👍🏻

真係好耐都冇去過葵廣啦😅咁啱係附近做完野收工，同事就話帶我去食好西‼️我開頭諗，葵廣除左掃街...有咩餐廳好食🤔話說我之前食過間伏野🤣我幾驚佢帶我去同一間😓好彩唔係😌呢間「百味川」同我之前食果間伏野差9條街‼️呢間好食好多😎🔹家鄉紅燒肉米線$50 ：紅燒湯底味道濃郁，唔會過咸👍🏻呢碗入面只有兩款餸，就係紅燒肉加滷水蛋🥚紅燒肉煮得夠腍，滷水蛋都好入味另外都有酸菜、花生🥜、芽菜同埋肉碎等配料所以食落口感都好豐富😍🔹百味小鍋米線$49 ：同事話呢到既蕃茄湯好正👍🏻但食米線既話我又鍾意食辣🔥點知佢竟然有蕃茄酸辣，啱晒我心水😎佢湯底唔會好辣，因為佢個蕃茄味真係好濃郁😍食落好開胃🤤呢碗米線其實有4樣餸雞肉🐔、牛丸🐮、麻辣豬肚🐷同埋豆卜雞牛豬樣樣都齊😂勁豐富而我最鍾意豬肚同豆卜豬肚煮得夠入味👍🏻食落帶少少花椒味，好香😍豆卜更加唔使講，配呢個湯底真係無得輸😎🔹蒜泥白肉$32 ：食米線又點可以唔叫蒜泥白肉😂呢間d白肉厚薄適中，肥瘦分明蒜泥都又夠香😌唔怕口臭就叫啦‼️反正都帶口罩，冇人知🤣🔹炸韭菜餃（3隻）$15 ：呢個好好食👍🏻雖然係炸，但炸出

葵廣入面好多小食店，今次就braunch時段來食。行過呢家百味川，門面都幾光猛ok，所以就入去試下。我平時好少食酸菜魚，雖然聽人講就講得多，而且好多地方都有得食，今就終於有機會可以試下呢個新興起的食物~百味酸菜魚湯飯--呢個應該都是本店的招牌菜，一上菜碗湯好熱，我最愛熱辣辣的湯，所以入口都好好飲。既有酸菜味，也有鮮甜的魚味。唔會太咸，調味剛好，而且份量都好足，呢個湯配飯都是好o岩，食完真係好飽~百味鮮茄魚丸米線--好足料的湯底，因為有好濃的蕃茄味，米線吸曬d湯, 真係好正呢。魚丸魚片都好彈牙，唔腥，好食之選。口水雞翼--好開胃的小食，而且辣度ok，令人食完想再食的小吃，最後我地都叫多左一碟haha。

葵涌廣場消費又低，又成個迷宮咁，行下食下最o岩打發時間。呢間粉麵睇門面，同其他檔口級數似乎差唔多，都係d 下欄o野，但幫襯完之後，卻發覺甚有驚喜，可謂禾稈冚珍珠~首先粉麵呢d 餐廳都係快食快走，人客出出入入，又點菜又埋單又清檯，侍應都咪話唔忙唔大壓力，有時難免對d 客人態度會不太良好。但係以我觀察，呢度o既侍應係好客氣，就算個客yap o左佢埋o黎先逐個餸「er…er…er」咁諗，都面不改容，仲係好和善。呢度o既粉麵只需叫兩個餸就已經送o野飲，出面同級o既麵檔，好多時都係要另外例如半價加配飲品咁。如果外賣自取，會再打九折。我見佢牆上仲寫住夜晚十點後八折添！間鋪好似開到十二點~我點o左一個三餸自選米線 (total $55)。豬腸係我食車仔麵呢類必點o既o野；芥未沙律球純粹貪得意所以叫，其實就係爆漿海鮮丸，唔係好重wasabi 味，都幾好食。最後一個就係我覺得好抵o既香煎雞扒，另上o既，只需要$12！你當係小食都好。湯底o係o個堆酸辣、麻辣、沙嗲等等之中，只係揀o左清湯，大約就係一般雪菜肉絲o既味道，唔算話好特別。不過有樣o野我好喜歡，就係麵底可以揀淮山麵而且仲係同價！口感比普通米粉爽口

今天來到葵芳吃個快捷晚餐，想吃一些湯湯水水，酸酸的面類，看到開飯網有不少好評同推薦，最後選了這間酸菜魚米線，店面比較小，好在當時六點幾不是太多人，都有位， $58一碗送一杯熱飲，熱飲選了熱奶茶。上菜時的酸菜魚米線好大碗，魚新鮮、嫩滑，份量也算多，酸菜味道不錯，湯底也可以，米線有咬口，雖然感覺清清地，味精不是很多，但是又未知於好食到令人難以忘懷，熱奶茶偏苦澀，味道比較濃，如果加多啲奶會比較容易入口，不過喺葵芳其他食肆嘅物價比較下，價錢算係小貴。

一直好想試下食 呢間百味川，佢喺葵涌廣場裏面 地理位置好方便，好近做嘢嘅地方，所以今日嚟咗試， 睇完menu見佢有好多選擇，因為佢係主打米線， 而佢最出名係佢嘅酸菜魚米線，所以今日就叫咗嚟食， 個人比較鍾意食辣嘢，所以加餸要多咗一份麻辣豬肚 ，因為今日lunch食得比較少，好肚餓所以特登小食叫多咗一隻炸雞髀， 嘢飲方面跟餐加嘢飲好抵，叫多一個紅豆涼粉冰都只係加11蚊，超抵玩。酸菜魚米線一碗裏面有好多魚塊，而且佢個湯底亦都好好飲，酸菜味好濃， 特登轉咗淮山麵， 淮山麵比米線更爽口，而且唔需要加錢就可以免費轉，感覺好抵食。炸雞髀方面， 隻雞髀好大隻，而且炸得個皮好脆，佢唔似出面嘅炸雞髀，會用好厚粉包住隻雞髀，好真材實料。紅豆冰方面 甜度剛剛好而且好足料，一杯紅豆冰裏面有好多紅豆同涼粉，比例剛剛好，涼粉好爽口，而紅豆亦都有咬口唔會煮得太淋。侍應同我講原來佢哋外賣自取做緊九折，如果十點後黎會有八折，係宵夜一流選擇。

好耐冇嚟葵廣shopping掃街🛍喇，冇嚟一排都好似好大改變咁，又多咗好多唔同嘅食店，今日想食辣就試一試呢間百味川，順便歇一歇腳～同朋友每人叫一碗車仔麵🍜，大約$50有交易，沙嗲汁真係辣得幾過癮，怕辣可以試蕃茄湯底🍅haha。跟餐加錢叫嘢之飲，試咗好鬼吸引嘅恐龍華田🦖$11，入口超濃郁，推介！然後小食最正係口水雞翼🐣$18，非常香辣過癮，而且將每隻雞翼剪開成一半咁，令口水汁滲埋入去最裡面又容易食，好細心！

原來唔經唔覺都已經有近六個月了，喺新冠疫情底下，基本上日日都冇乜出街，冇乜好地方出去，而家暫時舒緩咗好多，所以可以出嚟行一行鬆一鬆，但未又話唞返啖氣既時間。喺返屋企附近周圍行下，咁啱有朋友經開呢頭工作，所以我就可以趁住今日放假嘅時候，同老友記落去食少少嘢下午茶一番。Let’s go葵芳廣場已經係我嘅老地方，基本上衹要你講得出個鋪頭名，我就可以即刻馬上十分鐘內行到去。今次朋友為我揀咗一間叫百味川Pak Mei House嘅 食店。初初去到見唔到個朋友。所以我等左陣。之後我就打電話畀佢點知原來佢喺百味川嘅另一個分鋪，原來呢間餐廳好得意嘅。佢除咗有主店之外佢仲喺隔籬嘅商鋪租咗個鋪位。然後就有另一邊嘅百味川，但係都係同一家店同一個老板。好喇坐低喇我哋開始食野朋友就點咗。沙嗲小辣(湯)跟豬大腸 豬潤 雞腎 要油麵 另飲凉粉冰而我就點咗。蕃茄魚-轉薯粉 恐龍華田 架央多士我朋友就覺得沙爹小辣湯底都唔算太辣但係就有個好香濃嘅沙爹味非常之有口感。  至於配菜方面豬大腸豬膶兩個都好爽口亦都好滑好彈嘅亦都好入味。右面係我至愛彈牙可口非常至於雞腎亦都非常鮮嫩。喺夏天嚟講飲返杯凍凍涼粉冰絕對係賞心樂事涼粉夠爽