百味川 (已結業)

係中午時間去左葵廣搵野食，行過百味川就同朋友坐底左，因為俾佢既酸菜魚米線吸引住百味鮮茄魚薯粉 $58 (+$2 轉蕃茄酸辣)(美味指數: 😋😋😋😋😋)朋友嗌左蕃茄魚轉咗薯粉，揀左酸辣湯再跟餐要左杯豆漿整體都抵食。朋友唔太中意食芫茜，但佢話唔記得左走芫茜反而更能帶出蕃茄湯鮮味。蕃茄湯飲落係甜，之後有漸漸辣味回到口腔內，甜中帶辣，再配上薯粉同魚片。薯粉同魚片都爽口，蕃茄湯令魚更有鮮味百味鮮茄魚淮山麵 $58 (+$2 轉蕃茄酸辣)(美味指數: 😋😋😋😋😋)而我都係揀左酸辣鮮茄魚湯，但我就轉左淮山麵，感覺好健康。同樣酸酸甜甜帶些小微辣，仲有蕃茄粒，連湯底都好飲炸雞脾 $21(美味指數: 😋😋😋😋😋)好難食到生炸雞脾，沒有沾上炸漿粉，更食到雞既原味。皮炸得脆卜卜，而且香口，成功吸引到唔少眼球滷水雞脾 $20(美味指數: 😋😋😋😋)滷水雞脾滷得好入味又唔會太鹹，連軟骨位都有滷水既精華，不過美中不足既地方係滷水時間可能太長，肉質唔夠嫩滑有d鞋炸墨魚丸(3粒) $15(美味指數: 😋😋😋😋😋)炸墨魚丸炸到金黃色，熱辣辣既時候食香脆彈牙，真係好好味，不過價錢略微偏貴😋整體食物質素：4.5 / 5💰性價

葵涌廣場好多嘢食，如果鍾意食辣野嘅話呢間都係一個唔錯嘅選擇。入面有多款米線，甚至淮山麵，湯底亦都有好多選擇，酸辣，麻辣等等一應俱全，想食飯亦都有各式各樣嘅飯可以選擇。蔥油雞扒煎蛋飯$45呢個都幾吸引，價錢適中，而且啲雞扒外皮金黃，裏面啲肉仲好滑，鹹味適中，隻煎蛋時間啱啱好！酸辣$29淮山麵招牌紅燒肉$12雪花肥牛$9 金菇$7佢個酸辣味道都幾香，淮山麵係比較幼身嘅面，食落口感亦都比較爽，招牌紅燒肉肥騰騰，鍾意食比較林同埋偏肥嘅肉就最啱食呢個，調味都唔錯，佢配料仲有花生芫荽等所以都比較香。不過如果唔係太大食其實叫兩個餸都夠食。恐龍華田+11$凍檸茶+3凍飲加$3 ，啲特色飲品就加多少少錢，恐龍華田表面有脆脆嘅口感，而且華田味道濃郁，非常推介呢！酸辣無骨鳳爪$32麻辣豬耳雙拼口水雞翼$43如果鍾意食麻辣酸辣小食嘅都可以試吓， $29以下嗰啲如果雙拼就$43 ，可以試多幾樣唔同嘅嘢，麻辣豬耳嗰調味好特別，都幾香幾好食！口水雞翼都唔錯，調味豐富夠香辣！無骨鳳爪我見餐牌寫住兩隻辣椒，原來都真係好辣，我諗要食開中辣以上嘅先會覺得OK如果唔係嘅話食一隻已經有少少頂唔順嘅感覺，雖然係好食嘅～

同好友去葵涌廣場行街，見到呢間百味川米線店好多人，主打川菜！百味川亦有粉麵、客飯、小食等提供，都幾抵下，選擇也不少!座位都幾舒適，行到攰一於入去食嘢休息下～我勁鍾意佢啲小食！麻辣豬肚份量勁多，麻味十足，有咬口。每一舊豬肚都痴滿麻粒，真的好夠味，同朋友真的食到停唔到口，友人讚不絕口入味，麻辣豬肚真係世間美食，哈哈！自選米線番茄湯（雙拼蕃茄酸辣加$2）> $33叫左五餸：生菜、牛柏葉、蘿蔔、豬膶、肥牛米線份量非常多，好飽肚。d豬膶係超級嫩滑，牛柏葉有口感，夠爽。蘿蔔夠哂林身，但味道比較清淡，若加重調味一些會口感更好，五餸都清晒成碗野！秘製豬手飯好大碟，份量好夠，豬手煮得很軟腍，食落又唔會覺得太油膩。配上特製醬汁，朋友忍不住一口接一口，肉質嫩滑，甘香美味，十分出色。柑桔酸梅露跟米線餐$6，自家製架～甜甜酸酸好夠味，加左少少糖水，是解渴甘甜的健康飲品。 朋友叫左可樂，但原來仲有其他特飲例如恐龍華田，我地都無睇清楚添～～呢一餐食得好滿足，嘢食份量好多又平啊！唔好以為咁平服務就會差Ｄ，呢度嘅環境同姐姐服務招呼好好架，這間值得推介！

每次嚟到葵芳廣場都會掃街，但疫情期間唔想企係度食嘢，所以搵個地方坐低，見到呢一間川菜米線好多人，就決定坐低試試。餐廳好好，枱與枱之間用膠板間住，令食客可以安心進食。我哋分別記住左一個牛魔王米線，同一個熱拌薯粉見到佢啲小食價錢好抵食，忍唔住叫咗麻辣手撕雞，香蒜皮蛋同埋炸韭菜餃*牛魔王米線份量非常之多，超級多餸，入面有牛腩牛肚同埋牛筋，所有餸都非常之入味，而米線掛湯程度都十分之好，每啖都麻麻辣辣咁，非常惹味*熱拌薯粉餸有貢丸同埋豬頸肉，炸醬亦都被得非常之多，個酸辣做得非常之好，配上青瓜絲又有清新嘅感覺*麻辣手撕雞必食推介，手撕雞肉嫩口，配以麻辣醬同埋青瓜，食起上嚟唔會太辣，但每一啖都充滿麻香，加埋爽脆青瓜，口感豐富*香蒜皮蛋佢嘅香蒜好特別，應該係加入左黑醋，所以食落唔單止有蒜香仲有啲醋嘅酸味味，非常開胃*炸韭菜餃非常之有驚喜，餃子唔會非常之油，咬落外皮趣卜卜，入面有肉汁，餡料飽滿，誠意之作兩個人食到抱住個肚走，每人都唔使$100，力推

同閨蜜逛葵廣，午飯時間經過百味川，於是一試。眼見店內已坐滿客人，以為要等一陣才能入座，點知原來在不遠處開了分店，可直接入座，實在太好了！與閨蜜一人一碗麵食，我選了自選米線，有幾款湯底選擇（清湯、麻辣、酸辣、沙嗲和蕃茄），當中竟然有沙嗲湯底（很少見），對於喜歡重口味的我當然要試下，果然沒有失望，湯底濃郁👍🏼👍🏼而配料亦有很多選擇，我選了響鈴、滷水雞翼尖、柱候牛肚和自家製韭菜餃，餸料入味。而麵類方面亦有不少選擇，我選了淮山麵（少見要試😋），口感佳而且食完唔heavy。閨蜜叫了一碗酸菜魚米線，味道清新，酸酸的很開胃，而魚肉嫩滑，值得再食👍🏼我們還叫了一碟麻辣手撕雞和青菜，手撕雞辣味適中，配合青瓜絲，令人胃口大開🤗青菜大大碟，好抵食👍🏼

打這篇食記的時候，還未看相片，只是打了「蕃茄酸辣」已經讓我吞口水，只怪味道雖不能準確儲存，卻留下回憶，酸酸甜甜帶微辣，實在教人回味！➡️ 肥牛牛肚蕃茄酸辣米線 $54，蕃茄湯底帶甜，加酸辣實在太匹配了，無論蕃茄或沙嗲都不馬虎，讚！牛肚及肥牛份量十足，肚餓的我整碗吃掉！➡️ 紅燒肉豬耳沙嗲米線 $50，單看賣相已不錯，港式沙嗲不比蕃茄遜色。➡️ 咖央鮮油多 $20，枱上餐牌沒有的，但牆上的有，如圖，鮮油不吝嗇，很香，就連老闆娘（？）都說我挑的很特別。➡️ 涼伴海蜇 $26、麻辣手撕雞 $32、炸墨魚丸 $15，前兩款都很夠辣，但不太辣得的朋友要小心😂，大概因為醃得夠，辣汁滿佈每一處，可是不辣不好味呢！

辛苦做完運動，與朋友到附近的葵涌廣場吃午餐見到百味川店面比較寬敞，又有卡位.百味川吃車仔麵為主，可以自己選擇材料，如果有選擇困難症也有招牌系列有配搭好的面。.我就自己選擇了番茄湯扭扭薯粉，配雞扒、紅燒肉、滷水蛋及金針菇。蕃茄湯底濃郁，有不少蕃茄粒，而且薯粉選用扭扭的，更加能夠掛湯。雞扒分開裝，煎到脆脆地幾好食。有驚喜的是紅燒肉，肥美份量多，而且醃製得好足味！朋友想增加肌肉，所以不吃粉面，直接來一個雞髀，雞髀好深色相信味道濃厚。車仔麵送熱飲，加$3可以轉凍飲，豆漿一大支上的！

自從大埔的分店關閉後，自己就只能夠到葵芳的總店吃他的川味車仔麵。今日適逢要入馬灣，所以順路，就去回憶下味道。這一間餐廳在葵涌廣場的地下，我選擇了他的自選米線🍜，叫了不同的配料，配上米線，另外我特別選擇了番茄🍅湯底。店員非常好，在我吃完這一餐飯的時候，還非常友善地詢問我的意見。我由於叫了非常多的配料，所以餐廳把配料與米粉分開兩個碗給我。他這裏的酸菜非常多，而且頗酸，好令人開胃。炸醬並不是傳統雲吞麵檔的炸醬，而是用碎豬肉，配上鹹鹹辣辣的配料而成。紅燒肉肥瘦比例適中，雖然面頭有非常大的肥膏，但配上瘦肉一齊食，其實並不會太油膩。韭菜餃不過不失，餡夠，外皮唔算太厚。米線都幾好食。最後配上紅豆冰作結。

平時係開葵廣頂樓掃街，想坐低同朋友食下野，可以試下呢間主打平民價川式粉麵嘅小店，提供多款湯底、麵底、配料同小食揀，包保食極都唔會厭✌🏼💗百味酸菜魚紐紋薯粉($58)湯底帶少少魚味同薑味，完全唔腥同油膩，但唔夠酸辣相對好淡🍲魚同酸菜分量十足。酸菜由重慶鄉村嘅農地自家種植，菜葉偏多冇乜莖部，未夠爽脆，而且酸甜欠奉🥬龍脷片唔帶魚皮，嫩滑冇骨啖啖肉，不過夾起有d易爛，冇乜魚味但勝在冇雪味🐟薯粉較幼身，質地煙韌爽口，由於扭紋嘅關係更加掛湯汁。💗沙嗲湯淮山麵+雞腎+魚皮餃+芥末沙律球+豬頸肉($62)沙嗲湯底揀咗微辣，帶少少花生醬同醬油香，好夠惹味，最值得讚係辣得清爽唔肥膩🥜淮山麵原來係由淮山磨粉再加入小麥粉製作而成的麵條。麵質幼細，口感比米線實在，食落爽滑又健康，唔屬於掛湯類🍜配料仲有芽菜、酸菜、花生等等。豬頸肉事先用滷水汁醃過，非常入味，脂肪比例唔多同時肉質唔鞋🐷；雞腎厚切有咬口，不過口感偏硬，食落冇氨味；魚皮餃就正常發揮冇乜特別；芥末沙律球係彈牙嘅炸魚蛋夾住流心嘅脆卜卜蟹籽，芥末味道濃郁但絕唔攻鼻🍢。💗炸白菜雲吞($15/3隻)將手工製雲吞炸到金黃脆口，餡料脹卜卜🥟白菜同豬肉既比例啱啱好，唔

最近天氣都很炎熱，胃口一般般，起初只是點了滷水雞髀及飲品，但看著旁邊的食客點了碗酸菜魚，蠻吸引的，本身也很喜歡吃魚，所以也點了一碗來吃吧。一整碗滿滿的酸菜魚，味道酸酸的，刺激一下胃口，真是令人食指大動。魚湯作為湯底，帶奶白色，配上爽口的酸菜一起吃，很開胃呢！魚肉方面，肉質嫩滑卻結實。米線浸得有點腍，不是我喜歡的硬度。小食點了一只滷水雞髀，滷水味醃得入味，肉質飽滿；雞髀位置啖啖肉，不會太肥膩。天氣太熱，非要點杯冰涼的飲品，涼粉紅豆冰。涼粉回甘香微苦，配上粒粒紅豆冰，夏天呷一口，頓時消暑，透心涼的感覺。

葵廣食野出左名又平又多選擇不過就唔係間間都好食所以真係要睇清楚先好幫襯呢間既准山麵非常特別,而且健康叫左一碗麻辣魚麵配上准山麵, 比平時食既米線完全不同另外叫左個蒜泥白肉蒜泥好香好多, 啱晒我呢啲泥怪口味白肉切得唔會太薄, 保持咬口, 正野飲就揀左呢杯柑桔酸梅露,甜甜地,酸酸地, 而且潤喉, 有時食得辣野多係要保養下食咁多野都係一百蚊左右, 食到我捧著個肚出門口本來想上頂樓繼續掃掃掃, 可惜太飽變相又可以慳返一餐飯錢了

上星期到葵芳行街, 行到肚餓便看一看出名多餐廳的葵涌廣場，和朋友逛街逛到攰的我們都想找一間餐廳坐下來，所以便不想掃街，在地下看到這一間四川粉面餐廳，剛好最近天氣炎熱想吃一點酸酸辣辣的菜式酸菜魚米線，魚的份量不少，頗有驚喜，另外湯底酸味足夠，配合米線非常惹味炸韭菜餃，向來對炸物喜愛的我，對這個小食亦感到滿意，外皮香脆鬆化，餡料亦多，充滿豬肉香和韭菜香蒜泥白肉，同樣味道滿意，將蒜蓉夾散後濃郁的蒜蓉香味沾滿每件豬腩肉，同樣開胃惹味

今日口淡淡唔知食乜嘢好， 諗住掃下街又覺得好冇新意， 所以是是但但搵一間食過米線就算數無意中俾我發現到依間好多人，排哂長龍咁我見佢好似好好味咁又咁多人食咪等多一陣囉之後我見到隔離枱叫咗個炸雞髀好吸引咁嘅樣~果然係唔同D,~唔會用好厚嘅粉去炸外脆內軟係我食個最好食嘅炸雞髀~仲有個蕃茄酸辣湯底，酸酸地好開胃口配埋一個炸豬扒就perfect喇仲有懷舊嘅紅豆涼粉冰 同埋 香滑冰凍奶茶真係好平呀~簡直係平民嘅美食呀原來仲有一條隱蔽巷可以坐低食嘅

川菜係香港屹立不倒咁多年主要因為香港人個慣口都咁重口味唔刺激唔濃味嘅都唔揀黎食今次叫左拍青瓜青爽開胃每次食四川野，作為前菜必點同場加映，叫多個醋木耳同樣開胃爽口今次食撈麵，而且係淮山麵淮戈真係幾好食，而且最緊要係健康唔洗成日食公仔麵擇左貢丸同豬頸肉貢丸唔係平貨，唔會成口粉豬頸內爽口入味，合格胃口咁好，平時好忍得口嘅我都忍唔住了就係叫一杯紅豆冰炎炎夏日一杯冰涼嘅紅豆冰打救左我地點就係葵廣地下食完仲可以上去掃街十分方便

葵芳廣場一向都好多嘢食，但係大部份都係小食，今日好攰所以決定搵間可以坐低食嘅餐廳。餐廳係食川菜嘅，有好多特色嘅粉面飯同小食，可以自己選擇各種唔同嘅餸、湯底同粉麵，我同朋友就選擇左麻辣同酸辣湯底，湯底好濃郁，唔會淨係得個辣字，非常推介招牌紅燒肉，肥而不膩。餐廳嘅小食亦都非常多樣化，佢哋嘅炸髀係先經過滷水，再攞去炸，外皮食起嚟有少少似燒乳鴿，入邊亦都好入味，佢哋嘅麻辣手撕雞亦都唔錯，鍾意重口味嘅人一定要試。