百味川 (已結業)

星期日放假，當然要吃個豐富的下午茶了，來到葵芳這間叫百味川的米線店，我都喜歡吃米線，就試試這間吧。一看餐牌，有多種組合的米線，有自由配搭的，又有各種小食，選擇很多。我們點了麻辣豬大腸牛肚肥牛油麵，酸辣豬扒肥牛薯粉，還有小食：香辣牛柏葉、口水雞翼和炸雞翼尖。兩個湯底味道香濃，麻辣和酸辣味突出。香辣牛柏葉：如其名，真的又香又辣，牛柏葉很爽脆。口水雞翼：冰冰涼涼的雞翼配上麻辣酸香的醬汁，十分開胃。炸雞翼尖：雞翼尖用滷水滷過再用油炸，入味又香。

葵涌廣場多美食係人都知，但多數既人去到葵芳都係掃街，有機會都要試吓坐低食下其他唔同既野食。行過經過呢間主打酸菜魚米線既店一於入去試下！去既時候正係做緊下午茶優惠，所以嗌曬所有想食既野都係二百蚊有找！同男朋友各嗌左兩個薯粉，分別係:❣️百味鮮茄麵（$49）呢個主要食材有豬膶同牛肉，豬膶同牛肉非常夾，豬膶完全唔軟，好爽口，牛肉非常新鮮有鮮味，同蕃茄湯底配合得好好！❣️百味酸菜魚米線（下午茶價$48）平時食酸菜魚就食得多，搭埋個薯粉又幾好食，酸菜魚湯底幾入味，重酸味，但辣味就少少，唔係好辣，唔係好食得辣又想食酸菜魚既朋友一定接受到！❣️涼拌海帶(下午茶價$18)呢個比想像中辣，中意食辣既朋友一定要試下，好開胃！❣️蒜泥白肉(下午茶價$18)非常重蒜茸味，重口味朋友之選！❣️蒜香皮蛋(下午茶價$18)呢個除左有蒜味之外，仲有小小辣，係一個唔錯既開胃小食之選！❣️紅豆冰 & 凍檸茶 (下午茶套餐加$3)總括黎講呢個係一個好抵食既下午茶！

今日同啊妹行葵廣，無啦啦想食下啲四川野如酸菜魚lol就黎左呢間「百味川」，記得有個bestie都介紹過但無奈要趕住返歸要嗌外賣。酸菜魚泡飯魚嘅質地較嫩滑，酸菜味道不太強烈，易入口、飯吸滿左微辣帶鮮嘅湯汁，啖啖滿足。滷水雞髀不過不失啦，單呢一味加支「樽仔奶茶」都可以做個開心下午茶餐。樽仔咖啡同奶茶嗜好甜嘅朋友應該很喜歡麻辣豬肚豬肚夠入味，香麻辣嘅調味，好有「土匪」嘅感覺。肉質有咬口、有趙勁得嚟又唔會難 咬開。炸韭菜餃原來韮菜餃點甜辣醬好夾，感覺中和左韭菜強勁的味道。回應返標題嘅跳出comfort zone!珍寶過橋米線(蕃茄茄酸辣湯底，淮山麵)店員姐姐(老闆娘？) 介紹我地試蕃茄酸辣湯！原本都怕會辣，但姐姐極力推介，話隻辣都容易入口。試完真係覺得冇介紹錯！番茄嘅酸甜好開胃、微辣又帶左點小小嘅刺激感。用料方面又非常豐富，見鋪滿碗面就知道！面身幼細、輕輕有啲彈性，冇我想像嘅潺潺淮山感..hahaa試新野搵到hidden gem嘅感覺真係好amazing..抵我食之前同佢影左d 懶係product shotbtw下次一定會黎堂食

🇭🇰葵芳必食川菜 【#百味川 】🍜麻辣米線 小辣 配金菇冬菇豬扒 $58米線味道十分有水準，仲可以選擇唔同既配餸，配餸同湯底既酸菜又多。而且外賣會貼心地分湯，等啲餸吾會浸淋，豬扒拎到番屋企依然咁脆卜卜～🍛炸豬扒蕃茄滑蛋飯 $52一個好味既豬扒飯，一睇豬扒就知龍與鳳，蕃茄同滑蛋既配搭都不錯。炸豬扒外脆內軟完全配合出整個飯既層次！🖤醋香雲耳 $28呢個超推介！醋味超濃～而且分量好夠每舊都好爽口！比譚仔好食好多～🤍蒜泥白肉 $34呢到既蒜泥白肉完全唔會差得過譚仔，雖然佢既白肉有啲厚令到有啲硬，不過蒜蓉都有足夠既味道同白肉逕到。🥤恐龍華田 $11恐龍華田算係有誠意既一個既飲品，雖然係外賣但係自己拎，但係都唔會話啲野溶晒⚪️炸墨魚丸 $16雖然份量不大得三粒，但係味道搭救，配合埋佢既酸辣汁！簡直係最佳配搭！不過下次換細啲個盒，環保吖嘛～嗌左咁多野食先$199真心抵😋📍 百味川 (葵芳)葵芳葵富路7號葵涌廣場地下A39號舖

鐘意食辣既朋友真係食乜都想有川辣揀🤣呢度有多款川味小食價錢亦算平叫幾碟大家share唔錯嫁！-麻辣牛魔王米線 $58牛魔王包左牛肚牛筋牛腩😍牛腩煮岩岩好😋第一次食叫左小辣但真係有d辣🤣可以因為冇左酸辣個種酸中和下所以比較刺激😂但湯底味道唔錯！-麻辣手撕雞 $32推介！世界級正😋雞絲好足料呢個價錢真係算抵食🤣但呢個真係好辣辣到好過癮😋-手拍青瓜/川味雲耳 $26青瓜爽甜🥒兩款前菜都拌得好入味😋但真係偏辣🤣-蒜泥白肉 $36可能平時三哥個醬汁太出色呢個得蒜沙冇乜味道唔夠惹味🤣想試既話可以叫川香白肉應該會惹味d😉-🌟評分:🏅🏅🏅🏅

麻辣牛魔王淮山麵🐮$58個名有牛魔王😂當然係叫緊我啦😎碗麵入面超多配料👍牛腩、牛根同牛肚仲要比想像嘅多🤩牛腩夠腍夠入味🤤牛根亦相當爽口😛牛肚口感脆嫩😆絕對適合一眾牛魔王嘅口味👌除咗米線，仲可以轉其他麵😇油麵、淮山麵同埋扭紋薯粉🍜如果唔食得太辣🌶都有微辣選擇😋百味酸菜魚米線🐟$58酸菜魚份量都唔少🙈魚肉肉質鮮嫩👌湯底味道相對比較甜😛如果再酸啲味道會更加出色😄蒜泥白肉🐷$32薄切五花肉😛而且有勁多蒜蓉🧄每一啖都食到彈牙嘅膠質感😋又真係幾好食👍川辣無骨鳳爪🐔$32鳳爪夠哂大隻😋食落爽口彈牙😎不過呢個有啲辣🌶但辣得過癮😆柑桔酸梅露🥤跟餐+$6涼粉紅豆冰🍹 跟餐+$11百味川 (葵芳)葵芳葵富路7號葵涌廣場地下A39號舖

去葵芳通常都係去葵芳掃街，但係其實除咗三樓之外，地下個層都有好多正嘢食架。今次食左一間米線，價錢方面真係無敵呀。百味酸菜魚米線叫左佢哋嘅招牌米線，好少鋪頭有得食酸菜魚米線。仲要唔過半百，真係好抵食。份量完全足夠。魚片新鮮夠滑，配埋酸菜真係好開胃。百味麻辣魚米線鐘意食辣嘅人一定要嗌呢個米線，真係好正，質素超班。碗米線嘅色澤非常吸引，望落去就好有食慾！麻辣手撕雞叫左小食，份量都幾多呀，雞絲入味，一啖小食一啖米線，正呀。華田爆脆多士仲叫左個甜嘢添，華田味都幾濃，加埋脆脆真係停唔到口！

疫情終見緩和，打工仔終於安心點可以午餐堂食，回到開始旺起來的葵涌廣場再嗜久違的准山麵，繼上次食到百味川的招牌酸菜魚之後，相信今次點的紅燒肉就是稱得上招牌的一款，家鄉紅燒肉准山麵配酸辣湯底$50紅燒肉炆煮得邪惡入味，肉層上的脂肪令人又愛又狠，但食得紅燒肉就預左要用肉體運動去還債，而加埋隻大大件蛋黃的鹵水蛋就非常吸睛飽足。酸辣湯惹味之餘酸菜與辣椒粒粒分明，配上准山麵掛湯容易，滲透的吸湯感就變得更入味可口。口水雞翼$29難得放縱叫多個風味小食獎勵自己，開邊雞翼六大件，件件沾滿秘制醬汁，芝麻香與微辣紅油味讓雞翼香口吸引，同場還有廿幾款小食選擇非常多。餐飲整返個凍檸樂都只係+$8，都算係有良心的加配特飲價錢，地下旺鋪來說CP值都算是值回飯錢。👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

聞名不如見面，呢到係網紅熱推酸菜魚米線之地，今日經過即刻試試佢先😋😋💛酸菜魚米線湯底超濃，係煲出嚟嘅白色魚湯禁，啖湯不得了，一啲油都無，BB辣，酸酸地，好開胃，魚好滑，一啲都無腥味👍🏻唔怪之得咁多人慕名而來😍😍💛恐龍華田呢杯阿華田不得不得了，最衰我自己走左冰，晤係仲靚，阿華田勁濃，係特濃果種，個面仲要加多埋阿華田粉，咩料牙，好正牙，酸菜魚米線未到我已經忍晤住飲左大半杯喇😍😍必飲！百味川 (葵芳)葵芳葵富路7號葵涌廣場地下A39號舖

收工之後，又唔想咁快番屋企，於是就四圍逛下，又想食D小食，其實6-7點呢D時間，成日都想食D小吃，咁晚上就唔駛食太飽，希望可以減下肥~行到呢家百味川，之前好似都食過佢D麵係幾唔錯的，今次就試下小食先.....依家有抗疫餐，比之前真係平好多, 唉生意唔易做....蒜泥白肉--$32   好香蒜味，而且都份量幾多，家下食呢D好，順便殺下菌受提升下身體抵抗力~醋香雲耳--$26  酸酸的好開胃，也可消消白肉的滯感，食落好爽口，好好味，如果多D就好了....呢D小食真係停唔到口。蒜香皮蛋--$32  自己真係好少食皮蛋，雖然我都好LIKE呢種食物，不過真係好少有得食，所以見到有就一於試下。原來蒜同皮蛋係幾夾的，皮蛋質地都唔錯，唔會太軟，入口有D口感又綿綿的~正港式凍奶茶$16---呢個真係冇可取替的至愛，茶味都夠，奶就多左Ｄ，如果下次再來，提議要少奶先得～雖然咁食好像貴左Ｄ，但就可以食到多Ｄ款，始終我都係口痕，想口小食，而且當促進下本土經濟ＬＡ～

今日約咗朋友嚟葵涌廣場行街行完街我哋想食啲辣嘅嘢於是乎就去咗呢間百味川食個early dinner卡位都坐得OK唔會太迫佢下午茶都有啲好抵嘅選擇不過我哋都想食魚於是乎就叫咗一個酸菜魚米線一個鮮茄魚麵另外仲加咗幾款小食首先嚟到嘅係全部小食落完單冇幾耐就嚟 超快我哋叫咗麻辣手撕雞麻辣豬肚同埋炸雞翼尖首先講吓個手撕雞個味道都較得好重口味好啱我🤤而且雞絲嘅份量都幾多 係抵食嘅至於個豬肚呢就令我非常之印象深刻啦🤩因為除咗辣之外佢仲有好香嘅麻味係非一般地香一啖食落去嗰種調味料嘅層次好豐富而且豬肚又好新鮮唔會有豬臭味個雞翼尖呢味道就OK嘅不過略嫌炸得耐咗少少因為顏色已經偏黑了朋友叫咗酸菜米線佢話個口味係一般大眾都會接受到嗰種酸菜魚即係唔會話特別太酸或者過分地辣佢覺得都好食嘅而且啲米線又唔會煮得太淋鮮茄魚麵就係我叫嘅我見有其他食評介紹淮山麵於是我又貪得意叫嚟試吓😆以前都未食過原來淮山麵嘅口感都幾特別比較硬身有咬口我自己就幾鍾意個湯底係比較偏甜一啲但係都好飲嘅而且仲有好多蕃茄肉係入邊啲魚塊都幾新鮮唔腥唔會話一夾就散所以都幾好食食咗一半之後發現佢枱面有樽辣菜甫於是乎我加咗兩羹落去試吓估唔到同個蕃茄湯底又幾

想食酸菜魚好耐，今次見到葵芳廣場哩度有得買酸菜魚，而且鋪面都好乾淨，所以就嗌咗外賣嚟試下。酸菜魚佢係無骨嘅，而湯底都非常之好飲，配上蕎麥麵我覺得都非常之健康。除咗食麵之外，我仲加配咗炸雞髀，不過佢嘅雞髀偏向烤雞翼嗰一種，唔係炸雞髀如果可以更加香脆啲，咁就完美喇。總體而言，我覺得都唔錯嘅。

百味川依家有外賣自取優惠，去得葵廣緊係要幫襯下。自選4餸麻辣湯底淮山麵，自選4餸包括：雞腎、牛栢葉、豬肚、牛肚；雞腎口感爽彈；牛栢葉、豬肚口感爽口；牛肚口感厚身，充滿滷水味道；麻辣湯底小辣多麻少辣，辣度4分；准山麵口感爽滑，容易掛湯。自選4餸酸辣湯底淮山麵，自選4餸包括：娃娃菜、芝心丸、龍蝦丸、雞肉；娃娃菜口感爽腍，好入味；芝心丸口感Q彈，芝士餡料拉絲效果突出，味道咸香；龍蝦丸口感彈牙，表面鋪滿蟹柳、蟹籽，食落好有鮮味；雞肉去皮拆骨，肉質嫩滑；酸辣湯底酸辣兼備，酸菜、芽菜吸收大量湯汁，食落好惹味。川辣無骨鳯爪，份量多，辣度6分，食落啖啖肉。炸龍蝦丸，配以泰式辣椒醬食用，味道香辣。凍阿華田，味道香甜。凍檸蜜，檸檬配搭西洋菜蜜，味道獨特、酸甜。

今日食既呢一間外賣餐廳叫百味川, 係位於葵芳廣場入面的, 主打米線和飯食同朋友一人各點了不同的野食, 呢度買外賣仲有9折, 性價比超高!!麻辣牛魔王呢個超香既麻辣味道, 店家好貼心的會將佢分湯處理, 咁樣就唔會拎返屋企既時候被米線吸哂d湯變脹牛魔王既食材包括左有牛腩, 牛根同埋牛肚, 我揀左既係小辣, 味道不錯, 麻味重而且好香口牛肚同牛根都係超好食!! 吸收哂麻辣味道既牛根係辣辣的而且好入味!!炸滷水脾飯呢度既炸滷水脾係先滷再炸, 仲要係會將炸滷脾分開放, 脆脆的超入味!! 一隻脾都夠餸哂成碗飯

抗疫期間我都唔太想媽咪去咁多街市，所以今日放工我就去葵廣到買外賣返屋企食。今次見到百味川外賣有9折我就拍板係咁叫，老豆晚餐鍾意食飯，我就order 炸豬扒蕃茄滑蛋飯比佢， 佢話小小甜甜酸酸，豬扒啖啖肉，岩哂佢喎。媽咪就鍾意d小食飲紅酒， 所以我叫左麻辣手撕雞，蒜泥白肉和 蒜香皮蛋 一齊食， 另叫多份蔥花碎牛蛋多士，份多士材料超豐勁多碎牛和雞蛋，加左蔥花超香。麻辣手撕雞夠哂刺激， 蒜泥豬肉和皮蛋都幾入味。而我就order 左川香乾拌麵酸辣底， 材料夠哂多有豬頸肉，青瓜絲，枝竹和貢丸，小小豬肉碎和酸菜拌勻哂食超惹味， 夏天之選。我地一家人咁叫外賣食仲抵過媽咪買餸煮飯，媽咪話下次唔想煮就叫我再去買。