百味川 (已結業)

位於葵芳的一家米線店, 非常的小店格局, 而且位於很方便的位置, 所以有時都需要等位才能進去除了米線外, 還有不同的食物可以選擇但難得黎到呢度當然就要吃佢出名的蕃茄魚米線蕃茄魚米線魚是無骨的魚, 所以吃的時候不用怕會有骨吃到湯底我是選擇了酸辣的湯底, 這裡的酸辣酸味很濃, 而且蕃茄濃郁非常, 吃著非常的飽肚!!口水雞翼點了一個小吃是口水雞翼, 這是單骨的雞翼, 味道更入味!! 辣得可以呀 麻麻辣辣的味道, 沒有辣度可以選擇, 但如果覺得太辣可以放入米線入面泡兩泡非常好味!!

偶爾也會過來覓食，這天較趕時間，雖然樓上有好幾層食店，但是很易迷路，又懶得找，所以通常貪方便，就隨意在地下找家麵店醫肚吧，沒想到臥虎藏龍，尤其是嗜辣人士要一試，那麻辣湯底的確令我很難忘。粉麵飯皆有，不過那麻辣牛肉湯麵圖片吸引著我，所以點了這款。麻辣牛魔王淮山麵：材料有牛筋、牛肚、牛腩，配菜有芽菜、榨菜、炸蒜粒、辣椒粒、芫茜、花生及蔥花。幾個牛部位都燜得軟腍，辣味入味。尤其是牛腩肉易於撕開。辣度方面，挑戰中辣，嘴唇都變紅及脹起來了，很滋味呢！淮山麵細條幼滑，不太掛湯。炸墨魚丸：外皮金黃脆口，裡面肉質雪白彈牙，帶點墨魚味，蘸點泰式甜辣醬更提升味道。恐龍華田：解辣一定要杯冰凍的。這個特飲是杯柯華田底的飲品，灑上一層厚厚的胚芽柯華田粉在面，很足料，難怪那麼濃厚的味道。

推薦指數：🤩🤩🤩米線愛好者 又嚟出動搵食啦！嗌左兩款米線加小食，性價比幾高，米線有水準，驚喜多款小食選擇，味道唔錯👍🏻酸辣小鍋米線，配豆卜魚片頭雞肉，湯底夠酸夠辣，配料份量十足😃最鐘意係個酸辣度剛好，米線唔會煮得過腍，仍然彈牙，加上啲炸醬肉碎酸菜等等，正呀另外一款係乾伴麵，可以自己揀咩粉麵，我就揀左扭紋薯粉，超有咬口！嗌左自家製韮菜餃🥟非常好食，皮薄多餡！豬頸肉味道都唔錯，份量足料好惹味👌🏼小食點少得皇牌炸雞髀！極juicy 😋炸到皮脆但肉嫩，重點唔會油膩膩，好好食😎另外口水單骨雞亦都好正，又麻又香，單骨方便一口一雞亦，而且小食單點都唔貴，抵食🥳

葵涌廣場不嬲都好多野食掃街之外想坐定定呢 就有百味川呢個好選擇呢張大約三點半左右啦我去到果陣差唔多兩點半 食緊午餐果浸加食下午茶果浸爆哂場🙈以為要等位 好彩仲有另一邊就係前行再轉入去 唔係姐姐帶過去都唔知呀咁都幾好呀 兩個鋪位 好彩呢邊岩岩好有張枱仲有早餐架原來😂都係30幾蚊左右咁我就揀左雞翼牛筋淮山麵配沙嗲湯底（小辣）唔太食得辣既朋友叫小辣岩架喇因為小辣都夠辣 湯底幾香幾濃淮山麵索哂湯底好正牛筋煮得好淋 推介！朋友揀左酸菜魚飯酸菜好多 魚仲多！食極都係 好誇張魚都幾滑 唔錯 但酸多啲就更加好喇炸髀！念念不忘既炸髀呢個真係要食 一定要食熱辣辣 面要落左淮鹽 一咬落去好脆好多汁有食乳鴿既感覺同埋好大隻好厚肉好似21蚊 好抵食 啖啖肉好爽仲好貼心提供手套 抵讚！麻辣手撕雞都幾大碟 雞絲好多 唔係用青瓜黎墊底搵笨架😂又係抵讚！都真係幾辣 但夠開胃飲品就恐龍華田同紅棗茶華田好濃 好幸福🤤紅棗茶香甜 但就細杯左啲整體黎講絕對可以再幫襯 炸髀一定會再食！

葵廣餐廳食店好多，有可以邊行邊食，亦有可以坐但慢慢食。今次我就揀左呢間喺地下樓層既百味川食下午茶。個人推薦呢度既炸雞髀！！$35已經配埋薯條同埋紅豆冰，抵食。而且雞髀都幾大隻，食落有平時酒樓食炸子雞既風味！佢杯紅豆冰都幾正，啲紅豆煲到淋哂，入口軟綿綿。如果想食麻辣湯麵，第一次食記得唔好叫太辣，我叫小辣都覺得比其他地方辣！不過必試佢既扭紋薯粉，竟然唔駛加錢！蒜泥白肉（下午茶$18)蒜香皮蛋（下午茶$18)豬耳木耳絲薯粉小麻（下午茶$40)炸雞髀薯條配紅豆冰（下午茶$35)

提到食酸菜魚，一定會諗起一大鍋，足夠兩至三個人一齊食，但疫情關係，又不建議聚餐，但又想食酸菜魚，百味川會是一個幾好的選擇。酸菜魚淮山麵，湯底酸度適中，非常惹味，魚片分量十足，配上淮山麵爽口又健康，一個人都可以食到酸菜魚。蕃茄魚淮山麵是第二款好選擇，湯底用了大量番茄熬煮而成，酸甜可口，魚肉分量十足，嫩滑美味，配淮山麵甚覺清新。口水雞翼，雞翼一分為二，令醬汁更入味，麻中帶香，食的時候也更為方便。蒜香皮蛋，蒜味十足，皮蛋清爽，毫無苦澀味。配上紅豆冰，為悶熱的天氣降降溫度，軟腍的紅豆，有入口即溶的感覺。

今日嚟葵芳Shopping, 最底層見到呢間小店，過咗Lunch Hour依然坐滿食客。仲有我最like嘅米線。愛辣嘅我揀咗麻辣魚米線．百味鮮茄魚淮山麵，淮山麵口感唔錯，魚肉滑嘟嘟．啖啖肉👍🏻鮮茄湯好濃郁，感覺好清新健康，麻辣湯底仲可以選擇辣度，好醒胃。 恐龍華田 好好飲，勁夠味。滿佈華田碎😋 蒜泥白肉 好夠蒜蓉好香口。 炸雞全翼 即炸熱辣辣脆卜卜，好惹味，切開六件，唔洗食得好論盡。 炸韮菜餃 勁香口，好多韮菜。好味👍🏻以後嚟葵芳行街，又多間指定食店喇😋

葵廣地下永遠旺場，直去百味川但已滿座，店員指導我地去佢附近巷內新開的鋪（即小巴落車大門口即轉右的巷仔，對面有速剪舖），真好！開多間堅方便，廚房都在這邊！兩母子分別叫了麻辣米線、沙爹油麵及小食～麻辣大腸、腩肉、麻辣豬耳米線麻辣小辣香加辣，酸菜吊味一絕，大腸鹵得夠香，豬耳夠淋蒜泥白肉 - 即制好味！燙過暖暖的厚厚的加上蒜泥，有咬口，幾層肥加肉夠厚好香好味道！阿仔叫沙爹鮮牛雞扒油麵（小小辣）沙爹夠味、鮮牛滑，份量足，即炸雞扒分開上，皮脆肉嫩，見到隔離枱有人叫炸雞都大隻，一定一樣咁正阿仔另叫$15炸墨魚丸，超熱，好味道（他大愛）加埋野飲食咁多飽曬，地點方便下次再嚟

搭小巴去葵涌廣場，一落車入門口轉右。行幾個舖，就會見到百味川。這間在葵涌商場地下的百味村。裝修簡潔感覺乾淨。食物方面選擇都好多，有風味小吃，飲品，招牌嘅米線系列，和自選米線 今日點了一個自選淮山麵，招牌紅燒肉，自家製韭菜餃，涷檸檬茶，由於肚餓，忍唔住點多隻炸雞髀。淮山麵的湯有不同香料味道，我選了沙嗲中辣，我覺得可以，愛吃辣的朋友可建議選擇更辣的口味。配合淮山麵整個很配合，紅燒肉也很入味。炸雞髀都炸得好香口，調味都很好味。值得推介。

百味川-假期都要番工，番工之後唯有係葵廣搵下野食。以前去葵廣最鍾意上三樓掃街，但宜家疫情下都唔敢除低口罩食野。-行行下見到呢間百味川，見到有酸菜魚，心諗已經好耐無食四川野，俾個機會佢啦！-我衝住個酸菜魚菜泡飯而黎，店員既服務態度都幾好，落單上菜又快手，但係個酸菜魚真係唔係我杯茶。-酸菜：可能煲得太耐，食落口無乜味魚：雪藏魚，入唔到味，一夾就爛配菜：白蘿蔔煲到淋曬，有湯底啲味湯底：唔夠酸，少少辣，偏咸😨可以再辣啲飯：普通一碗飯😂總結：可一不可再

剛好碰着下午茶時段$38 有兩餸 +蕃茄酸辣 $6 附送飲品 熱檸水 今次揀左木耳絲 雞肉 同淮山麵平時我多數選擇蕃茄湯底第一次試蕃菇酸辣湯底 蕃茄湯底帶少少辣味淮山麵好爽下次再食先

上星期同好友去葵涌廣場行街，晚飯時間周圍睇下有咩好食，見到呢間百味川堂食要排隊，又有唔少人叫外賣，一於試下先!百味川主打川菜，亦有粉麵、客飯提供，招牌系列配好哂仲送熱飲，都幾抵下!我同好友都揀左自選米線系列，蕃茄湯配自家製韭菜餃同招牌紅燒肉，淮山麵健康又彈牙，口感爽滑，韭菜餃鮮香味美，紅燒肉肥而不腻。蕃茄湯有香蔥同莞茜，濃郁又香甜。酸辣湯配腩肉、雲吞，扭紋薯粉彈牙有咬口，腩肉爽滑，雲吞滑嫩鲜美。川辣無骨鳳爪麻香風味超惹味，鳳爪口感香Q彈性十足。醋香雲耳口感爽脆，充滿醋香，好開胃。涼粉冰微苦帶甘香，飲落去透心涼。

葵芳shopping 行經葵富路7號葵涌廣場地下A39號舖 ·見餐廳面積不算大，下午茶時間食客頗多，我們點左麻辣牛魔王 $58+$11餐飲轉紅豆冰，牛腩夠腍、辣牛筋 夠惹味、牛肚夠腍很入味，湯底麻辣得好正，配米線很好味👍炸韭菜餃$15三粒餡料足脹卜卜，香脆可口，點些泰式辣醬更好味😋炸墨魚丸$15三粒，炸得金黃色很爽口真彈牙，配泰式辣醬食很夾。雙併$43醋香雲耳極爽口、麻辣豬肚夠辣香味。百味鮮茄米線$49+$6酸梅露。牛肉腍嫩、新鮮豬潤夠滑，蕃茄湯底好味，真不錯。

葵涌廣場通常都是掃街雜食，很久沒有過來這邊，發現多了很多四川重慶食店，見到那紅油、酸辣，辣癮起，可是吃這些麻辣的湯麵，坐下來吃較適合、穩陣。這家專吃川菜，款款都蠻吸引的，點了餐牌之招牌系列。百味酸菜魚淮山麵麵條有幾款選擇，而且是特別少有的麵款，如扭紋薯粉、淮山麵、 油麵等。雖然米線是一直最喜愛的，但還是試試別的。上網看過淮山麵是什麼，原來是以淮山磨粉再加入小麥粉製作而成的麵條，麵質較硬身，比起米線不那麼彈牙，但是相對更有益健康。出乎意料之外，份量大碗，魚塊跟酸菜也鋪滿了一整碗滿了佔據不少，酸菜微酸辣，較爽口。每片魚片滑嫩無骨，魚皮也沒有。湯㡳不油膩，唯獨湯底以鹹為主，多於酸，個人卻較喜歡酸味突出的。不得不提旁邊的菜甫粒作額外的小配菜，辣辣的且爽口，混入湯麵裡一併吃，增添口感。麻辣手撕雞涼拌小碟的手撕雞夾雜了青瓜絲，青瓜清新爽口，麻辣醬料醃得入味，麻辣得來卻很過癮。

很喜歡吃辣，很喜歡吃麻辣四川菜！在香港，一直以為要上館子先食到美味川菜。葵涌廣場的小店百味川，平民價格，都食到好正嘅麻辣美食！小店有幾張相隔超過1.5米或有膠板隔開的枱，餐牌有小食、米線和飯供選擇。我們點咗兩個小食 - 麻辣手撕雞和蒜香皮蛋，兩碗米線 - 麻辣牛摩皇和麻辣魚，兩杯飲品 - 冬酸梅露和豆漿。麻辣手撕雞：麻辣雞絲加上青瓜絲，對我們來說，夠麻夠辣！蒜香皮蛋：不會很多油，很好味。麻辣牛摩皇 / 麻辣魚米線：有大中小辣度選擇，小辣我們都夠晒了 比起坊間的連鎖米線店，這裡的麻辣味道更好、更足料。另外，牛炆得淋，非常正！枱上面有菜寶，不太咸，加在米線上很合適菜寶還可以買回家吃呢！吃到飽飽，大滿足！埋單200蚊有找！ 吃完還可以去同一層的老字號糖果店夾糖