百味川 (已結業)

成日係葵廣lunch，但原來有間頗有水準既車仔麵無發掘到出黎! 餐廳麵食既配料好似去食車仔麵咁，但湯底同一般米線舖一樣，有清湯，麻辣，酸辣，蕃茄。小食種類都唔少，飲品都有特色野點左杯柑桔酸梅露，真係酸梅湯溝柑桔，但幾有層次。一入口係酸梅湯既味，慢慢滲出柑桔既甜，呢兩隻味既配搭幾match川香白肉!? 平時食開蒜泥白肉，見呢度有新野緊係試下做法一樣，但蒜泥換左做豆瓣醬，味道由蒜香轉左做咸香。我個人對豆瓣醬一般因為比較咸，我都係點少少做下調味。食落味道唔錯，腩肉厚薄適中，肉味夠香主角緊係旁邊既中辣麵!豬潤牛肉豆卜淮山麵麻辣中辣，淮山麵應該係餐廳既賣點，的確係其他餐廳唔會見到啖湯最香口，濃郁肉味既肉湯，加上麻辣非常惹味!!! 中辣黎講佢唔算好辣，都係俾你吊下味過下引豬潤超有水準雖然細細塊但都有一定厚度，食落爽滑彈牙，係岩岩熟既爽口口感，真係食落卜卜聲，而且無渣鮮牛唔太特別，幾厚幾大塊，但可能落粉重手左，似一般打邊爐食既滑牛，但牛味係幾濃既，食到少少牛肉應有既彈性淮山麵超驚喜，幼麵我鍾意生麵，貪佢爽口彈牙。但原來淮山麵更好!!! 面質爽滑，而且吸湯能力超強，完全吸到湯汁味都仍然keep到又滑又

這一間米線一個星期最少你一次，就是被他的紅燒肉所吸引！雖然紅燒肉很多人都怕肥！但是這裏的紅燒肉就是能夠做到肥而不膩！麻辣湯底香濃，小小麻，不太辣，我喜歡而同事最喜歡喺呢度定嘅蕃茄湯底，湯底足料，用新蕃茄煮成湯底，蕃茄肉滿碗都是，正！

一向揀飲擇食既我🙈又唔食酸辣🙈又唔食內臟🙈又唔食酸菜醃菜🙈仲唔食蔥其實平時去呢類餐廳就會變左無咩岩食（sad)但偏偏又好想食薯粉🤤好耐無食啦見到佢有呢個自選米線配搭就fit曬啦有咩唔要既全部同我走曬佢😆👋🏻··我揀左👇🏻·麻辣湯小辣💰HKD28配料好豐富😯炸醬、芽菜、酸菜、香蔥、花生、芫茜揀飲擇食既人走左酸菜同芫茜蔥😆但都已經覺得好豐富🤤·揀左兩個餸招牌既家鄉紅燒肉、同埋豆卜每樣都有三件，而且大大件😍紅燒肉熱食超稔身又入味！而且肥瘦相間，整得好靚🐷豆卜就純粹係我個人喜好😝食麻辣湯一定要叫啲會索湯汁既野食架嘛🤤·湯底小辣對我黎講岩岩好唔會覺得太咸，畢竟出面食好多時叫小辣，個湯都會好咸😟呢個湯就無呢個問題👍🏻👍🏻👍🏻·薯粉份量超多，我食到飽上心口都仲係完成左一半😂😂不過又彈又爽～又伴著啲花生芽菜果啲一齊～好過癮😝·🐥風味小食💁🏼‍♀️貪心的人仲叫左一碟口水雞翼💰HKD26一上碟見到鋪滿白芝麻好靚仔剪成6件單骨雞翼，啫係三隻老實說係稍貴左啲🙊不過佢都做得幾入味，夠辣但又唔太過份如果可以煮得再離骨啲會更好🙈 ·而家先知呢間野收零晨12點😂長期OT既我可以繼續考慮呢度（悲喜交加🙈）

今日放工等埋朋友仔,行入葵涌廣場,葵涌廣場依然環境沒有太大改變.突然見到間川菜有酸菜魚米線, 睇圖已經好吸引, 唯有食住等喇, 等唔切同埋百味川服務都唔錯主動幫我地落單. 我點左酸菜魚薯粉, 酸菜魚薯粉有好多酸菜魚, 酸菜魚夠大舊, 肉身比較"林"身仲要無骨呀.呢個值得一讚. 薯粉形狀好特別. 配菜夠味帶出左酸菜魚既鮮味. 朋友仔點左小鍋淮山麵. 估唔到淮山麵麵身比較幼身,質感唔錯.配菜好多款式. 小食就叫左蒜泥白肉,麻辣豬耳,蒜泥白肉個蒜蓉夠味,白肉都唔錯. 麻辣豬耳,豬耳夠爽口和麻辣方面唔錯.食落有少少辣. 飲品叫左我好鍾意既咸O七同豆漿.

今日番工前去葵廣搵食，行過見到尼間百味川有酸菜魚米線食，好吸引，坐低叫碗食先店面細細，尚算整潔，亦有卡位提供，幾好坐餐牌簡單清晰，有招牌系列，風味小食，自選米線🍜同飲品我叫左百味酸菜魚米線🍜，另加十一蚊叫左杯咸檸七百味酸菜魚米線，味道酸酸辣辣好醒胃，不會過咸，辣度剛好，魚塊分量好足，調味恰當無腥味，肉質亦相當嫩滑，整體算不錯吃的，如果可以酸小小會更好食完辣野啱係要飲番杯咸檸七潤一潤中和下啦，咸檸大大粒好夠味，七起亦夠曬冰凍，飲落真令人透心涼啊埋單67蚊，好滿足嘅午餐，食飽飽去番工lu

百味川 — 麻辣米線 & 酸辣米線最近去葵廣行街經過地下果層都會見到呢間唔係開左好耐嘅米線鋪，一直都想試下🧐。今次叫左兩個麵：-1. 自選米線 $28 — 麻辣微辣, 淮山麵，加豬頸肉$9、竹笙$9 👉Total $46:👍麵底可以揀米線、薯粉、淮山麵。淮山麵比九州拉麵再幼d,但質感完全唔同，比較爽口少少。都唔錯！-👎🏼個湯底完全冇麻辣味😞，第一啖飲落去酸酸甜甜咁，過多陣d 辣先出黎。與其話係麻辣，不如話係酸辣。（食到尾都食唔到麻果陣味😢）-💸d 餸少得過份！竹笙得3條（圍返要$3/條😱），豬頸肉得5-6條左右。好似叫招牌系列嘅餸會多d,抵食d🤔。-2. 招牌系列 — 百味小鍋米線 — 酸辣，薯粉 $47 （牛丸、雞肉、麻辣豬肚、豆卜）（右圖）：✔️d料比自選米線多好多，抵食好多。-💯麻辣豬肚係成碗麵嘅亮點，食到花椒、麻味，但又唔會好辣，好好味。😍-😐 佢個酸辣湯底似鎮江骨果隻味，好似食緊鎮江骨麵咁。我就麻麻，睇個人口味🤷‍♀️。回頭指數：5/10 （好想再食佢個麻辣豬肚😋)

係廣場行完街大戰完後，攰到不行了，見到呢間麵店幾特別，有淮山麵食，我最鐘意就係食淮山架啦我同老公叫左「珍寶百味過橋淮山麵（番茄麻辣）」$59麻辣就食得多，番茄麻辣真係第一次食珍寶包括有（牛肉、雞肉、魚片頭、火腿、豬潤、龍蝦丸、枝竹、豆卜）一碗就夠我同老公兩份啦！再加兩個小食，一定夠哂飽！淮山麵好滑好好食，爽口彈口既麵加埋番茄麻辣湯底真係無得彈口水雞翼$26好夠辣，係四川既味道呀！雞翼好入味，仲大大隻蒜香皮蛋$29唔洗講.....皮蛋同蒜真係夾到無得再夾，加埋底部有小小醋點綴一下，味道更加出眾食到辣辣地緊係叫返杯「柑桔酸梅露」飲下，解下熱又可以解下辣啦，唔會太甜，酸酸地夠哂開胃醒神！

去到葵廣，唔想掃街，想好好咁座底食餐飯，見佢D位幾闊落，就入去座底，之後先發現佢叫百味川，因為今日喉嚨唔舒服，怕食辣會死，差D想起身走，點知友人話佢有好多唔辣嘢阿媽教落蒜可以殺菌，我一於食蒜泥白肉同蒜香皮蛋厚切白肉，雖然片數唔多，但口感豐富紫薑皮蛋食得多，蒜香真係第一次，估唔到又非常夾喎！友人陪我一齊唔食辣，佢食招牌菜百味鮮茄魚淮山麵，見佢有好多魚肉，佢話幾嫰，冇骨我就食清淡D，自選竹笙，肥牛，腩肉，貢丸，豆卜配清湯。材料新鮮，湯底清甜。希望食完快D好。

我好鍾意食米線，麻辣酸辣諗下都正可惜男朋友唔鍾意食辣，次次食米線佢都唔係好啱食。今日竟然比我地搵到間佢又食得開心，我又食得開心既米線店，真係好感動睇下餐牌，選擇有好多，除左正常米線都有既麻辣同酸辣之外，仲有唔食辣既人都可以食得好滋味既蕃茄湯底。佢終於唔洗食冇咩味既清湯底啦而麵底可以揀米線、淮山麵同薯粉，好多選擇！百味鮮茄魚淮山麵$56呢個湯底真係好香濃鮮甜，好耐都冇係出面食過咁濃既蕃茄湯底。佢既蕃茄係魚嫩滑得黎又唔腥，而且完全冇骨。魚同蕃茄既份量都好多，唔怕唔夠餸而佢既淮山麵好特別，係有少少咬口果d，好食麻辣四餸米線$60店員推薦第一次食食小辣，黎到發現食曬一碗原來都幾辣㗎窩，不過麻就冇咩feel，可以落多d花椒就好啦，湯底係正常好食既麻辣湯底，大家應該可以幻想到。特別既係佢d米線係幼米線，所以比起平時d米線可以吸收到更多湯，讚我貪心揀左四個餸，牛展、五花腩都幾好食，不過我覺得最正既係響鈴同娃娃菜，因為完全吸收曬湯底既精華，咬落去d湯汁出曬黎，好好食口水雞拼蒜泥白肉$41口水雞翼有四個半隻，出面d辣醬好香，可惜雞本身冇咩味。蒜泥白肉d蒜泥磨到好碎，同白肉一齊食真係好夾跟餐叫左兩個特飲，

葵廣，大家第一時間係會諗起掃街，掃街係就係可以食到唔同種類既野，但好難確保都好食，係呢度竟然俾我搵到間好野食！麵食為主，價錢都唔貴，有少少野要留意返就係百味酸菜魚、百味鮮茄魚、百味鮮茄仲有家鄉紅燒肉米線都唔可以換湯底，我十分欣賞廚師有廚師既堅持！呢碗係珍寶百味過橋米線，我就加左酸辣同轉做淮山麵，淮山麵好幼身好入味，真心推薦！而且份量十足，咩配菜都至少有兩件，龍蝦丸係鮮味貴既個種（相信大家平時打邊爐就知有時會買到伏既龍蝦丸）皮蛋排得好靚，擺盤既分已加！朋友自選左麻辣同紅燒肉竹笙淮山麵，我食左啖紅燒肉！真係嘩左出聲，好好食！絕對係肥而不膩，入化即化。原來係葵廣都食都咁高水準既紅燒肉，太驚喜太開心太滿足！我好少讚成咁，絕不誇張！

葵廣一向多平野買之餘，亦係平價美食天堂，除左小食掃街外仲有唔少平靚正既食肆。呢日經過發現呢個原先係鞋舖既位置開左間川菜，呢排天氣濕濕熱熱就決定試下去下濕招牌套餐好抵食，四十蚊有找就有大大碗麵配野飲，+多$18仲多過小食添！濃底濃郁，落足料煮，裡面有唔少蕃茄，煮得好淋身，最怕蕃茄煮得生魚肉又多又大舊，而且煮得好嫩，怕腥既媽咪都話煮得好好、唔腥。近年興養生，所以轉配淮山麵。麵條幼滑，比起米線掛汁力更強，啖啖都痴滿蕃茄味味道濃香惹味又唔會過鹹，酸菜、芽菜、肉碎等配料非常豐富，增加口感。紅燒肉肥瘦均勻，肉質軟稔，煮得好入味！好大兜好抵食，雲耳爽口彈牙，加醋拌勻味道好開胃。份量十足，五花肉層次鮮明，肥瘦適中，配上滿滿既辣椒粒同辣油，辣得黎好香口，食起黎好爽！可惜特價套餐追加小食無得揀蒜泥白肉，相信一定同樣出色！性價比極高既一間四川麵館，難怪近四點都仍高朋滿座，愛食川菜既人必定要試下

有辣的地方我又出現了！今日下班後到葵涌廣場逛街買衫（葵芳地鐵站門口），其間都見到辛辣店鋪，最吸引的是 《百味川》， 因為有魚又有辣，還可以座下來！ 店鋪環境乾爽，可容納約廿人。店員也很稱職、有服務百味酸茶魚淮山麵 HKD 56 連湯底也是濃濃魚湯，魚塊也有數十塊，挺多份量，魚肉鮮甜而較軟身易於咀嚼。第一次食淮山麵，好像平時飲湯食材刨出來搬，味道淡淡的但配合魚湯又幾好味 川香白肉 HKD 29 平時在x 記吃得多蒜泥白肉，今日原想比一比但見到川味白肉便立即轉了！ 這道菜也有辣椒子所以辣味特重。 重點是其選用白肉是挺厚身，咬下去很有質感。有點點咸可配合麵吃中和-可能平時吃的x仔都是博博的所以沒這種感覺吧

今日與太太來到葵芳，葵涌廣場，見到百味川，食川式米線，現在天氣熱辣辣，米線有湯水並且是川式，我與太太都想試嚇。餐廳整潔明亮，牆上貼滿了圖文並茂的招牌，令人見到垂涎欲滴。百味小鍋米線(酸辣湯)$47。配有雞肉，牛丸，麻辣豬肚及豆卜。米線腍中帶點爽，湯底酸酸辣辣非常惹味，配菜中最喜歡豬肚及牛丸，牛丸有牛肉味帶爽口。家鄉紅燒肉淮山麵$47。配有紅燒肉及鹵水蛋。紅燒肉大大件，不過有點鞋，鹵水蛋蛋白比較滑，蛋黃很香。淮山麵很幼滑，吸收了湯底的味道不錯。涼拌海帶$24。涼拌海帶原來都很辣，太太食得辣比較喜歡。口水雞翼$26。口水雞翼，帶著麻辣的味道，十分嫩滑，真是抵食美味，十分推薦。與太太每人要了一個凍飲。太太要了個凍檸蜜跟餐$11。我要了個冬酸梅露$11。食完口水雞的麻麻辣辣，再飲冰冰涼涼的酸甜飲品，真是非常正哦。

葵芳美食多不勝數，外賣小店亦多，今日唔想企喺到食外賣，朋友提議到地下嗰間百味川食麻辣米線。酸菜魚淮山麵$56魚塊好鮮味，再飲啖濃湯，當堂醒神晒，淮山麵浸透喺嗰酸菜湯，吃來酸酸辣辣好惹味。珍寶百味過橋米線$59材料係好多，牛肉、雞肉、魚片頭、火腿、豬膶、龍蝦丸、枝竹，真係估唔到原來係咁大碗，個湯底揀咗小麻辣，先有一陣辣味，其後雙唇便感覺麻了，你估唔到真係好大碗，一個人除非係一個好好胃口嘅男人，否則一個人是不能夠完成的。另外叫咗二個小食包蒜泥白肉$29腩肉肥瘦適中又夠厚切，蒜茸淋上香油都唔錯。另一個醋香雲耳$24雲耳算是爽口。再點多一份上湯油菜$24上湯浸娃娃菜，好淋好甜，個湯底幾好味，清清地。一般店鋪的油菜喺淋蠔油上碟，好少地方可以揀上湯油菜。飲品半價都算大眾化。

間中都會同朋友到葵廣搵食，今晚經過一間叫百味川的麵食店，見佢啲麵食同埋小食都好似幾有特色，就被吸引左入去😋雖然佢店面細細，估唔到又有驚喜喎！其實最吸引我嘅係酸菜魚米線（$56）🍜因為平時好少機會食到，所以我立即點左一碗，另外朋友點左一碗豬膶牛肉鮮茄麵（$47），我哋見佢有淮山麵特登揀咗淮山麵底！佢仲有好多小食，我哋揀咗蒜泥皮蛋（$29），拍青瓜（$24）同埋口水雞翼（$26）。大概10分鐘食物就上齊，我急不及待要試酸菜魚米線，哇～個湯真係好鮮魚味😋👍，而且啲酸菜味道更融入咗啲湯同埋米線當中，真係無違和感，唔會因爲米線緣故令湯底變淡，魚肉方面佢雖然係用鯰魚柳，但勝在無骨而且肉質鮮嫩，配上酸菜嘅味道即刻令到魚肉加分不少😋👍另一碗豬膶鮮牛肉鮮茄麵同樣出色，牛肉豬潤都係煮得啱啱好，唔會太熟有柴感覺，都可以保持鮮嫩這是最難做到的👍蕃茄湯底酸酸甜甜非常濃郁，淮山麵既爽口又軟滑更非常掛湯！兩碗我哋都食個清光，連湯都飲晒！正呀喂😂👍除咗麵食出色，想不到佢嘅小食都一樣咁好味！蒜泥皮蛋一上枱已經好吸睛，糖心皮蛋排得工整好靚，中間有一大堆蒜泥，無論辣道同埋味道都好有四川風味！呢個真心好味！想用來撈麵😂👍口水