百味川 (已結業)

加班加到9點幾，返到葵芳都接近11點，個肚餓到咕咕聲，想搵食真係非常有難道。好彩仲有百味川！店舖位於葵涌廣場地下，係每日必經之路。店內空間的確細小，但呢個鐘數去通常都幾鬆動，仲有卡位坐！我通常會點小鍋米線，貪佢餸多（豆卜，牛丸，豬肚，雞肉）比單點平，性價比高。麵底有米線，薯粉，淮山麵。好多人鍾意食淮山麵，貪佢健康又易入味，薯粉滑嘟嘟，但上次食過太淋，米線就淥得啱啱好，唔軟唔硬有彈性。而湯底可以揀清湯，麻辣，酸辣，蕃茄酸辣。上次食過酸辣湯底，略嫌唔夠酸辣味，今次點麻辣湯底就正合心意喇！麻辣湯嘅花椒油非常提味，湯底飲完都唔會口乾，$45 喺深夜時分嚟講~ 的確非常慰藉！至於服務方面，店員都好勤快，好少落錯單或漏單，街坊生意算係咁啦！

蕃咖湯配滑魚肉既米線整得幾好食 你會食倒濃郁既汁 而唔係溝到好多水落重味精既感覺 價錢大眾化 齋想食蕃咖湯米線唔錯既選擇剛好叫既口水雞小食 大細份量都好細 基本上只係兩隻細雞奕 切開一半 就收左$18 感覺好似唔抵 麻辣油就落得太多 基於成本我覺得佢可以落少D~

又係到咗我最鐘意下午茶嘅時間，經過見到呢間餐廳都有唔少食客，於是就決定入去試下我揀咗一個百味鮮茄魚米線＄45，仲送一杯凍豆漿。無論係番茄定係魚肉嘅份量都比我想像中多好多而且番茄都好大件，大過一個湯匙！佢除咗大件之外，仲好甜，煮得好腍，入口容易，最後我連蕃茄皮都食埋tim魚肉亦都比我想像中好味道，份量出奇地多之外，肉質亦都好滑，仲帶d鮮味，而且一d骨頭都冇相信廚師都花咗好多心思去挑骨。食到最後階段都仲有魚肉同埋番茄比我撈米線，可想而知d配菜係幾咁足份量，實在難得，$45 有呢個質素同份量，抵食p.s如果餐廳有提供熱豆漿就更好

新都城一田新開張打去睇下去之前係葵涌廣場食左午餐先,係地下行左一個圈見到呢間店舖裝修好新,好似係新開,咁入去試試啦！入到睇差唔多都滿座,心諗應該幾好味掛,睇餐牌唔算多野食,我叫左酸菜魚淮山麵,唔多舖頭有淮山麵所以便試試。等左一陣先來豆漿先第一淡飲落去感覺好普通唔太重豆味，之後麵來左先試下d酸菜,唔感好酸有微微辣味都可以,淮山麵好幼好滑口感幾好,再試下d魚好滑都有魚味，葵涌廣場來講都算幾好算,如果經過都會再食。

見佢開左一段時間，就諗住試下！一入到去，阿姐叫我地兩個坐一邊卡位，真係肥少少都坐唔到環境方面:個手袋放上腳度，個人已經貼晒枱凳！服務方面:拉客叫你入去食既時候就幾熱情，一坐低叫野食，啲態度就變晒，勁晦氣！食物方面:米線不過不失，豬腸就有啲韌，薯粉無食到，所以唔清楚，最過份係蒜泥白肉，厚切唔緊要，啲肉又柴又韌！！唯一可取係響鈴，夠脆！！總結:無下次！食物麻麻，服務麻麻，啲位感覺仲窄過新釗x同譚x！！

蕃茄酸辣干拌面 酸酸甜甜又麻辣，惹味又好食,我食的是淮山面,面色白且幼,可能醬太濃,所以食不出和其他面有什麼分別,干拌面只接受酸辣和蕃茄酸辣哦,而且辣度都固定了，不是太受得辣建議試其他,辣度和三哥小辣差不多啦紅燒肉酸辣干拌面 大推紅燒肉 色香味俱全,不會太甜,軟糯干身肉味濃口水雞翼并蒜泥白肉 口水雞翼就辣，一般般,隻汁不似口水汁,蒜泥白肉帶酸的蒜蓉,蒜泥比例不多,不過勝在豬肉入口不會一口油,口感清爽值得一試!

今日同朋友經過葵芳，跟住見新開左呢間米線諗住試吓！因為本身個人好鍾意食酸菜魚，見到有酸菜魚米線，$55呢個商場來講一碗米線屬於貴！但係梗係要試吓啦朋友仔叫咗個番茄湯底+，$9三條竹笙湯底濃郁，十分港式嘅湯底，配合香港人嘅口味酸菜魚淮山麵一攞到上嚟個樣平平無奇，味道亦都係一樣！有啲失望，酸菜唔好食，最可怕嘅事酸菜魚竟然攞龍利做囉！可唔可以比少少誠意？酸菜魚用龍利成件事錯晒，見到真係唔係唔太想食，仲要＄55份量又唔係多，不過算啦用龍利樓就嘥氣！試過一次就算數，沒有驚喜試過就算唔會再食呢間，平平無奇！唔值呢個價錢，如果係咁係葵芳掃街仲開心

自從去年換了新工作後幾個月都要去一去內地工作從前是很少很少回內地的雖然食物是好吃 但總怕食物的質素不好畢竟是吃下肚子的還是會很擔心*直到去年年尾到廣州工作回港前去了一家比較地道的小酒家用餐當時是突然想吃「酸菜魚」我記得好像只要RMB40不到就有一鍋非常豐盛的酸菜魚!自從那次吃過後就一直念念不忘同事W告訴我葵涌廣場地下開了一家有酸菜魚吃我當天下班學完瑜珈課後就直奔葵芳!!*我去的時候是星期四的晚上8點左右店裡都坐了8成滿同事W說她上次來的時候店門有一堆人在等!*酸菜魚米線 $55一碗酸菜魚米線價格是$55我個人是覺得有點小貴不過米線跟魚肉的份量都蠻多的*酸菜魚是來自四川的菜餚重點當然是它的大白菜酸菜! 我不知道是不是自家醃製的味道不算酸 醃製的味道不太重應該是新鮮醃製 而且時間不太久湯是我喜歡的「酸菜綠」沒錯!但就是不夠濃郁 有點可惜*酸菜魚的魚肉都是用新鮮的魚肉與酸菜煮過後 更顯其滑嫩爽口沒有魚刺就可以一口接一口的吃*我個人覺得這裡的酸菜魚米線是中規中距但畢竟香港不是有太多地方吃得到酸菜魚就算有可能也是一大鍋而且不便宜這裡優點在於可以一人吃! 如果酸菜魚有點辣辣的相信會更惹味要是你也跟

在葵芳下班便順道買個晚餐好了，看到這間米線都沒有吃過，好吧，就即管一嘗。我和妹妹兩個人叫了一個珍寶八味過橋米線(清湯)，百味小鍋米線加紅燒肉(麻辣微辣)和蒜泥白肉。紅燒肉非常軟，入味。而其他配菜就不過不失了，湯底的味道不錯，不算太咸。酸味及辣味一般，不算太辣。蒜泥白肉就真的只有蒜泥在上面，沒有任何醬料，不辣，可是蒜泥磨得很幼，不錯。整體而言，食物不過不失，但價錢略貴了一點。但值得一讚外賣盒早已將米線和湯分開，很體貼。

今晚試左酸辣米線，估唔到湯底好好味，酸味到位，辣味適中。杯豆漿甜度剛好，有豆味，讚。下次到葵芳會再幫襯，試下蕃茄湯底和淮山麵。員工服務唔錯，環境舒服、杯碟乾淨。

不如趁住放假 去葵廣覓食下🤤-蕃茄湯麵 ($27)啊姐加咗豬潤($9) 炸醬($7) 紅燒肉($9) 同揀咗淮山麵👅蕃茄湯夠濃 食食下覺得有少少似華嫂嘅風格😂重點喺佢酸甜度幾均衡 不過最估唔到喺佢個蕃茄湯同炸醬好夾 感覺將個湯味道再度昇華～除此之外 淮山麵都幾特別 浸耐咗都唔會話發脹/失口感 呢點啊姐我幾欣賞👅同埋佢啲餸都幾多選擇下 有啲似食緊車仔麵😂豬潤處理得幾好 爽口得嚟無腥味紅燒肉喺估唔到有嘅餸 將梅菜扣肉帶到米線 幾得意😂平時嚟親葵廣都喺立食多 有時收工攰想坐低食野嘅 呢間新開嘅麵店都喺唔錯嘅選擇💓

好鍾意食個番茄撈麵，一試難忘! 第二次去係食酸菜魚麵，酸味岩岩好，魚肉夠新鮮，另外本人推介淮山麵，好新穎，同個酸菜湯同魚好夾，最後係連湯都飲晒。You won't forget the noodle once you have ever tried! Especially the tomato stirred noodles, and the pickled cabbage fish noodle, you can't find any others like that with the same price!

辣子妹又出動去試新辣店，學完琴，一於去葵廣睇睇有咩食，見到地下有間新開嘅四川店舖未食過，辣與米線的合體，永遠都是我喜愛的haha可能因為新開張嘅關係，鋪面都會比較光亮酸魚入面有酸菜而名，魚塊都算多，有6-8塊，魚肉滑，可能因為湯底都濃味，所以蓋過左魚腥味，入口都算不錯，不會只有雪藏魚的口感。紅燒肉係必食的配菜，肥瘦度剛好，香口，淮山麵有啲似拉麵，都是彈牙，不會太軟身。要注意的是，呢度既辣度比較一般的更要辣，男朋友叫左小辣，我一試湯底，已是其他店舖的中辣，不過湯底只有一味辣，沒有太大的香味，看來仍需改善。

平時見le間野人流都幾旺，就專登黎試菜。。。環境方面就真係麻麻，雖然係平民，但係枱算矮身（橋腳都橋唔到）衛生因為始終係新開，所以都尚可。。我諗係屋企人生意亦係新開，所以運作方面仍然有代改善。。好！講講個menu:。。。我地叫左兩個餐。。。百味小鍋米線（酸辣湯底）（牛丸、雞肉、豬肚、豆卜，炸醬）我好睇重花生脆唔脆，佢係唔脆ge。。。湯底唔算好辣，雖然睇落好似好辣（我譚仔食10小辣🙋🏻）但幾入味，可以酸d。。。麻辣豬肚：入味，唔硬，麻辣味好夠。。。雞肉：雞肉應該用類似薯粉ge野煮過，所以好滑而且雞肉係夠入味，同滑，值得一讚。。。牛丸、豆卜個d正正常常，冇乜好提。。。第二個係自選，我地選左（貢丸，魚皮餃，麻辣豬大腸，酸辣湯底，淮山麵）。。。淮山麵見到老闆極推淮山麵就試試，冇任何淮山味，口感似幼身ge上海麵，可以一試，個人喜好都係覺得米線夾d。。。麻辣豬大腸：有豬大腸個陣SO 味，鍾意食Le 陣味就會覺得好正，入味。。。我個人覺得le間野最適合叫外賣，因為坐得真係好唔舒服。。。分享完畢🙇🏻‍♀️

見葵廣新開左一間麵鋪，有朋友食過話OK可以一試，咁就同個朋友去試下啦，點知真心好失望啊係門外企左一陣都冇人招呼，食飯時間忙都明既，唔緊要啦！隔左陣被安排坐係一張細小的4人長方枱仔同2位食客搭枱，冇幾耐呀姐加多個人坐變左坐5個人枱，都真係幾鬼迫！食野郁多小小就會撞到隔離食客！之後叫左個蕃茄湯淮山麵，配牛丸、雞肉。淮山麵都ok 唔會過腍，湯底都夠味仲有少少蕃茄粒既雞肉幾滑，但牛丸就有一陣牛內臟嘅牛羶味！可能本人唔鐘意陣牛雜味啦，所以麻麻地！我地坐嘅位置真係比較窄，侍應遞碗麵既時候倒瀉左D湯，熱湯整到朋友隻手成手都係湯、係枱面又有，一時唔小心都明既，但一句唔好意思都無，又冇幫手抹枱、一張紙巾都冇、一句野都冇講就走左去，感覺完全被忽視！唔係咁呀嘛？朋友叫左蕃茄麻辣撈淮山麵，配生菜、冬菇、雞翼。因為上菜嘅時候見唔到有蕃茄，就同侍應講落錯單，俾埋張單佢睇，點知佢望完唔出聲，唔理我地繼續同其他食客傾計！我地再搵其他侍應講先處理雞翼唔算細，但略嫌滷水味唔夠。冬菇都幾厚身而且幾滑，但係唔係醃過所以冇乜味。令人失望係加左生菜（$7），但就得兩條，數得出真係得兩條咋！同平時食米線唔洗加錢搭既份量係冇分別囉！