白鬚旗艦店 (已搬遷) 新店位置

西貢不時都有些新食店開張，我都好中意試呢d小店，比起連鎖店有誠意得多。聽聞這店好受歡迎，現場睇都是滿座的，我家鄉在印尼，所以一直好想試呢間，試下家鄉既味道。於是我叫了招牌牛丸粉，一試便知它龍與鳳😆可惜食完感覺有d失望，味道不夠正宗，價錢比較貴。但想對地，碗牛丸粉就比較清淡，無加味精。👍🏻店內環境優雅，氣氛不錯，如果不追求正宗印尼味道，都可以嚟試下，下午既時候坐定定，會令你忘記店外的環境。😝

別看西貢墟印尼菜餐廳「白鬚旗艦店」裡面的其中一款招牌食品「白鬚牛骨湯飯」，以為「白鬚牛骨湯飯」「牛骨湯」裡面裝滿了牛肉，其實「牛骨湯」裡面真正有的大多都是牛骨頭，牛骨頭連着的牛肉其實不多。雖然「白鬚牛骨湯飯」「牛骨湯」裡面的實際牛肉份量不是很多，但是牛骨卻為「白鬚牛骨湯飯」裡面的「牛骨湯」，賦予非常濃厚的牛肉甜味。而且「白鬚旗艦店」廚房在製作「牛骨湯」過程期間，加入了很多香料、蔥花跟切片蘿蔔進入「牛骨湯」裡面，令到「牛骨湯」實際味道變得擁有濃厚的牛骨甜味。由於「白鬚旗艦店」奉行類似快餐店的營運模式，食客需要先付款購票，購票之後才能正式取得「白鬚旗艦店」廚房製作出來的食品跟飲品。所以食客在上門光顧「白鬚旗艦店」期間，大部分時間都需要親力親為，自己一個人去收銀櫃檯位置付款購票，然後購票成功之後，幾乎也需要自己去享用完食品之後，自行回收餐具。我除了購買「白鬚旗艦店」裡面的招牌食品「白鬚牛骨湯飯」之外，還另外購買了一杯凍飲飲品「檸檬蜜糖」，合共價錢其實不算便宜，需要港幣九十五元正。「白鬚牛骨湯飯」裡面的「牛骨湯」，的而且確是擁有非常濃厚的牛骨和牛肉的原味。另一方面，我覺得「白鬚牛骨湯飯」「牛骨

好耐之前白鬚係西貢開過一間pop up store. 記得當時試過都唔錯…所以知道白鬚會係西貢再開時…一路想試但路經多次都未有機會直到今日先黎拜訪…首先…呢度係半自助型式…俾錢買左飛就等人送野食黎…食完就要自己收拾好佢…weekend會有額外10%附加費用好肚餓…睇到餐牌好多野都想試下…不過提自己唔好眼闊肚窄…原先想點牛骨湯飯…因為太鍾意食湯飯…不過好彩無叫…見到隔離檯叫左原來真係要Lur骨的(好怕Lur骨的, 本身以為只係湯由牛骨餚製再加D肉)…最後點左豬頸肉湯粉…牛丸湯粉…Gado Gado 同小食拼盤…豬頸肉湯粉…係青咖哩湯底…個人覺得湯底唔錯…豬頸肉都烤得好香…上面放左d炸左既蒜同青蔥…再點個辣椒醬好好味…至於個粉就正常…雖然個碗細不過粉既份量都足夠牛丸湯粉…呢個湯就比較濃(類似泰國粉嗰種)...個人比較喜歡青咖哩湯...牛丸唔係潮式嗰種可以打乒乓波…口感似漢堡牛扒既質地…每粒牛丸都有一pad醬…甜甜地配牛丸都幾好…Gado Gado好味喎…好鬼鍾意食呢味野…主要個Gado Gado汁好好味…夠味but又唔會太甜…不過一碟係唔夠撈…即刻order多碟先…Gado Gado入面有

今個假日來到西貢，行下逛下避開毒煙，難得可以呼吸一下新鮮空氣。到了晚飯時間，經過一間印尼餐廳「白鬚」門口，見佢店內裝修唔錯，環境好舒服，而且食物賣相吸引，而且價錢合理，一於試一試印尼菜。我哋2個人叫左牛骨湯飯，雞絲湯飯，沙嗲雞串同唐揚炸雞，湯底唔錯，夠清甜，飲落知道沒有添加味精，牛肉好林，最驚喜的是沙嗲雞串，好好味，值得一讚😋！未食印尼菜之前，以為都是味濃煎炸食物，但食過之後，真是另一番風味。另外，餐廳2樓設有日式座位，非常特別，經過西貢的朋友，可以試一試！

第一次來呢間印尼餐廳係睇到雜誌嘅介紹，然後係ig都見到唔少嘅人都有去食呢間餐廳，其實去西貢食野來來去去都係泰國菜，車仔麵，特色嘅西餐，印尼菜真係第一次食。餐廳比我嘅感覺好乾淨簡潔，枱數目唔多，服務員大概有三至四位，餐廳大至分為上下兩層，上面就會比較chill 。餐廳屬於自助式服務，要自己落cashier落餐，完成餐後亦要自己將餐具放到盤中。講返食物方面，印尼味道比較得意，辣椒醬會放在湯麵上一齊食，牛丸彈牙，個人覺得始終不及潮州牛丸好味，湯底胡椒味亦較重✨✨蝦多士炸味會比較重，有d翻炸嘅感覺，但味道唔算太差有時候究竟係為食物定係食餐廳嘅環境？其實都係好重要，因為感覺唔好，食咩都無味！但如果餐廳感覺良好，食慾都會大增啦

今日專程去西貢這間泰國印尼餐廳小店午膳，這小店座位不多，有兩層，裝修簡約。建議到上層，靠牆部份是坐榻榻米，大小朋友可以坐軟梳化，很舒服。點食物方面先到櫃檯落單，侍應會隨後送上食物。至於食物方面，我點了餐廳推介，牛骨湯飯，配辣椒醬，煮得很有心機，牛骨湯完全不油膩，配有一塊蘿蔔，好吃，湯又好飲！ 另一款係印尼牛丸湯粉，米粉不是我們平常吃到的那一款河粉，幾特別，可能係印尼出品！他們有一款冰咖啡，但我們沒有點，下次一定會再到！餐廳整體感覺很悠閒，但座位不多。設加一服務收費。逢星期一休息。

突如其來忙碌的六月，身心疲累到一個點完全唔想寫食評。天佑香港，香港人加油💪🏻有好嘅心情去食嘢先至會開心，先至會食得放心❤️其實點解會入黎西貢，係因為見到有介紹話有間印尼峇里風格嘅店，最喜歡有自己風格嘅小店，於是入黎試試佢。都係呢個「square」廣場範圍，唔難搵。入到黎好似一處渡假fu，牆上係「海人」貼紙，亦掛住滑浪板，樓上雅座投影機播放嘅都係衝浪滑浪嘅片，好明顯店主嘅興趣就係衝浪。價格中價位，選擇唔算多，幫襯當日有部分都無哂。牛骨湯飯，70元，牛味極濃做湯底，肉非常腍同入味，完全唔油膩。蘿蔔要大讚，絕對唔係過一過「水」，同樣有牛湯味。牛丸粉，55元，係佢地嘅招牌之一，湯底好濃嘅牛味，但又清甜。牛丸以為好一般，但食落同平時食軟腍啲，好似唔只係牛，可能有混入其他肉。仲有炸雲吞、葱，成碗好豐富。Green Day，65元，係呢個炎炎夏日，當然要叫一碗。全素材，有椰奶，加入生果、穀麥脆、椰片，原來咁素食嘅可以咁好味。紫菜雞卷，48元，即叫即整，好香口，炸粉唔厚，紫菜又可以中和小小油膩感。沙嗲雞串，45元，都幾香口，燒得剛剛好。佢個汁幾特別，小小辣得黎甜甜地。粟米墨魚餅，32元，好香口，啖啖都有

If you hear bakso you will think indonesian style meat ball (which one of favourit food for obama) so i decided to go to saikung and try it. We ordered beef bone soup but to my dissapointed the the soup is tooo salty and the rice too hard Maybe is because they just open in a couple minute since we are the second customer there or the way it is. While bakso is so so no beef smell at all and the soup is opposite of the beef bone soup.. the drink they offered 50% off but becarefull when you choose

假日同朋友去左西貢。係碼頭散步吹下海風再食個午餐。感覺寫意😋星期六日碼頭附近都人山人海，餐廳食店都超多人，行入少少搵食。無咁多人😂呢間白鬚食印尼野既，之前Pop up 果陣幫襯左一次食牛丸粉。自家制牛丸新鮮野味，十分驚喜！今次開旗艦店，餐牌豐富左。多左d湯飯、小食。白鬚印尼牛丸粉 $55牛丸粉味道同Pop up 果陣一樣，不過就大碗左。一碗有齊自家制牛丸、炸雲吞、豆卜。。牛骨湯底既米粉！自家牛丸咬落軟熟有肉汁，裡面混入黑椒，少少辣醒胃炸雲吞裡面包住牛肉，味道唔錯，好脆！真係要唱🎼看起來一樣。吃來就是不一樣～🤣牛骨湯好濃而且油份唔多，可以飲多兩啖。粟火墨魚餅 配 秘制辣椒醬 $32印尼雞湯粉 $52墨魚餅幾香口，上面有d青、紅椒同洋蔥碎，中和油膩感。秘制辣醬偏向火辣，食開十小辣既會覺得有點刺激。雞湯粉有點異國風情。湯底夾雜雞同香料味道，好似香矛定檸檬草。好香丫雞肉都好食，撈埋炸蒜一齊食口感豐富。短暫假日當然要對自己好d，好似四圍去食好野都唔錯丫～

西貢印尼菜～《白鬚旗艦店 》原來我已經好耐無打食評🤣 早排係西貢拍片食左呢間印尼野！本身對印尼野無咩concept,淨係平時星期日係街會聞到好強烈嘅香料味😂呢間白鬚係有兩層嘅, 環境真係幾靚！主食選擇雖然唔多，但都叫有飯有麵可以揀。🎈印尼雞湯粉🐣 $52: 分量都真係幾大碗，而且個湯底雖然唔濃味，但飲得出真材實料無味精，所以飲左好多都唔會口渴！Good!👍🏻 但如果可以再濃味d就好～🎈粟米墨魚餅🦑 $32: 一份有6件，無好正常嘅墨魚餅，有d粟米粒🌽幾彈牙咁，上面有d乾蔥辣椒🌶️酸酸辣辣，再有少少白茅味，幾開胃～.👅：7/10🎏：白鬚旗艦店 (西貢)西貢灣景街9號地舖.#西貢美食 #西貢 #印尼菜 #Indonesiafood #sotoayam #amy出街吃

放假想回歸大自然慢慢過一日，就黎咗西貢。走入呢間新派又靚靚地餐廳一於試下新野。佢餐牌唔係好多野揀，但好似好吸引。主打印尼野食同呢間餐廳既外觀有啲唔夾哈啱，不過東南亞野食都應該啱香港人口味。我地叫咗兩個粉同啲小食。雞湯粉同豬頸肉粉基本上係一樣，只係一個雞肉一個豬頸肉，豬頸肉好食啲，因為燒得幾香口。粉就不過不，唔會繫到過淋。不過對佢個湯就有啲失望了，係幾香既，不過太浠，好似即食麵溝得太多水既感覺，因為我地想像係好似喇沙湯咁嘅味道，結果係好似溝咗水既喇沙湯。炒椰菜係幾好食，好多炸蒜片好香。仲有沙嗲雞串，雖然要等耐啲，但值得等待，因為沙嗲汁好薏味，雞串都燒得好香好脆但又唔會乾到無曬肉汁。最後叫咗個甜品，係新鮮整嘅yogurt，加分位係佢夠曬凍，夏天食透心涼。唔會太甜，食得返水果嘅味道，好欣賞。其實呢間餐廳最欣賞嘅地方係佢好舒適，啱曬係到過一個下晝，當日我地坐係二樓，就好似我地包左成個空間咁。二樓坐塌塌米，呢到自助形式用餐，要自己拎野食上二樓，但之後都無人騷擾你，同好朋友傾左幾個鐘傾都唔會有人叫你走，係一個好地方。設計都好靚夠晒港女們黎食野傾計打卡。

無服務 但收加一自己排隊買嘢食買完比個food count既提醒取餐機你無論坐樓上樓下都要要自拎去食 食完自己拎返去水吧食物 係好靚環境 係好靚但係我係想食嘢我想有味覺既享受唔係視覺既享受其實50幾蚊個麵 我唔介意你 加埋個幾蚊加1個去或者寫加1支持創業費又好唔係無服務又要收加1 其實真係唔合理樓上係環境好好但我唔覺得係一個比客人食嘢既地方除左個張6人大枱外其他位都唔啱用黎食粉麵我見啲人上左黎 坐坐下 無叫嘢食就走總括以言環境 一流服務 0食物 靚味道 普通

原汁原味牛骨湯🤤好好味！牛腩份量幾多，d湯飲曬都無口渴😋值得一試.another must try aside from their signature beef bone soup🦴

要趕走Monday blue mood😔最好的方法就是回顧週末去了甚麼地方吃好西🤤🤤🤤西貢向來不乏泰菜，然而今次卻去了一試印尼菜😉放心！餐廳裡沒有旺角行人天橋那裡印尼姐姐混雜的氣味和嘈吵！反而充滿著峇里島海邊小屋的柔情和愜意😍白色與實木裝潢，沒甚麼可以挑剔！🗯🐂白鬚牛骨湯飯( hkd70 )牛骨湯飯帶有大量炸蒜，湯底含香濃胡椒味，牛肉亦淋身易入口！雖然妹妹認為這種胡椒味很辣，可是另上用來點肉吃的印尼辣椒油非常可口開胃，果然是當店招牌菜！白鬚印尼牛丸粉 ( hkd55 )湯底很有牛骨味，而牛丸當中也夾雜胡椒，因此惹味之餘也帶有辣勁！炸雲吞雖然有點油膩，但味道香，點湯也好好吃😋Purple Haze (hkd88)除了主食外，家姐還想介紹這個smoothie bowl! 因為用料新鮮而且配搭很好，有藍苺、火龍果、香蕉、牛油果、椰汁做出亮眼的紫色和豐盈的口感。再加上奇亞籽和granola，飽𩜲感大增～如果每天都可吃這個當早餐就好了😋（不過價錢再親民點就好🤪）

The newly opened two-story Bakso Flagship Store is definitely a must go place when you are in Sai Kung. It has a vibrant surfing theme, and serves great Indonesian food. To start with, we ordered this shrimp crackers. It would taste even better if it’s warm or hot. The crackers was crunchy, and chili powder on top really did work its magic in making the crackers rather spicy. Do not miss out the sauce! It tasted so good and topped up the flavor of the whole dish!And of course, we tried out the s