白鬚旗艦店 (已搬遷) 新店位置

假期入左西貢行下充下電, 行經籃球場發現一開貌似就開既餐廳就入左去試下.  首先講下裝修環境真係好唔錯, 以水泥同木為主好舒服, 室內共兩層. 樓下剛好有位, 就選擇坐低左, 因當日天晴, 回望門口方向, 突然有一刻覺得自己係旅行中好chill. 之後選擇好要咩就出去買飛點菜.第一樣係 印尼牛丸粉: 買相唔差, 先飲一啖湯, 感覺唔係味精野, 再試牛丸, 好唔似平時食到既牛丸, 口感有少少似入口即溶而且有牛味, 加上印尼辣椒醬好野味, 碗粉既份量都算大, 我相信一般人都好滿足之後再黎個甜品 White Pine: 主要係乳酪+菠蘿香蕉, 凍冰冰加上水果味好fresh, 一問之下完來乳酪係冇奶成份好適合素食者同奶類敏感人士食用.食完兩個野已經好飽.食完後, 走上樓上參觀, 發現好適合一班人聚, 有結他, 遊戲機, 但不確定可否租用...哈哈, 有機會搵地方玩時可試下打去問下.眼見整間鋪都由年輕人主理, 個個都滿帶笑容, 好有一團追夢既火.整體環境及食物而言, 小編覺得係一個非常唔錯假日好hea處, 想有一個兩小時旅行feel, 依度係一個好選擇, 而且食物唔會令你失望.

之前喺舊店pop up store已經食過一次， 而家見到佢地正式開舖， 就返去試吓有無唔同。今次舖位大過以前好多， 有上下兩層，環境都幾舒服。 食物種類多咗， 以前得牛丸粉， 而家仲有埋雞湯粉，豬頸肉粉嗰啲， 另外仲有海鮮set可以打去book定先， 佢地話試業唔想啲貨唔新鮮所以有booking先會即日入貨。 尋晚試咗個雞串同墨魚餅做小食，再叫咗海鮮set (蝦同蜆)同一個烤魷魚， 海鮮都幾新鮮， 最驚喜係個海鮮汁， 應該係印尼style啩(因為香港無乜食過)， 好惹味， 神來之筆。餐廳環境正， 所以hea食chill吓堅一流。 最後外賣多個牛丸粉返去俾屋企人食， 保持到之前pop up stare嘅水準! 唯一美中不足係飲品選擇唔算多， 如果有埋印尼啤酒咁就好喇。

This newly opened joint in Sai Kung has a good feeling. Opened by a bunch of friends from different walks of life looking to create something different from their previous day to day office lives. You can see they are trying to go create a nice vibe with chillout areas to the back (outdoor space with smoking) and upstairs on the mezzanine floor. With the potential for cinema nights, music and also liquor license coming, they should have a lot going for Bakso. The food itself is Indofusion. Clean

今日同朋友發現咗呢間新開嘅餐廳， 裝修好型好文青，落地大玻璃好舒服，好好hea!主打印尼麵仲有啲小食，食品賣相精緻，味道亦不錯。signature 白鬚牛丸夠辣，湯底亦不錯。雞湯粉湯底較清， 但配以擬似自家製辣椒醬汁，幾好呀，分開上，不吃辣的可以留俾食辣嘅朋友。服務員態度親切，很有誠意。

終於有機會食到因為上次呢間餐廳有pop up shop話係印尼巴里正宗風味 喺當地學嘅可惜人不在港 試唔到好開心見到佢地開左長期鋪今個weekend 有時間立即入左黎食 順便附近hea下首先一定要講入到去見佢地裝修同擺設好有heart每一個細節都做得好好木製餐具🍴 枱櫈 裝飾 仲有配上點點滑浪滑板元素 combine起黎確實好chill 好舒服😌講返野食今次同男朋友食我食左主打嘅印尼牛丸麵 佢就食左雞肉麵仲有小食 凍檸樂我未試過食一碗麵有咁多餸 好滿足😋😋😋全部餸都超好味 只係牛骨湯底唔太夠咸可以咸少少 麵嘅份量再多少少男朋友食嘅雞肉麵就無呢個問題而小食 老闆/店員好nice 咁上餐時特別講唔好怕太油係落左椰子油 健康嘅小小舉動好warm 加左少少分總結 成間餐廳裝修係超正野食好好味 唯一係啖左啲但總體真係超級巴里小島風味希望下次都繼續有驚喜