白石燒烤

營業中

休息中

多年前來過這個位於吐露港旁邊的白石燒烤場, 但印像已經很模糊。這晚跟一班好朋友重遊舊地，感覺耳目一新; 而且才發現這裏景觀非常漂亮， 除了可以眺望吐露港， 黃昏時分還可欣賞日落醉人景色！這裏不單單是燒烤場，還有很多其他設施例如: 狗狗泳池，兒童彈彈床，兒童遊樂區，飛鏢區及影相區， 真是可以滿足不同人士的需要。這裏不是燒烤放題, 食物可以單點或選擇套餐， 選擇豐富， 套餐更是免租爐費，較為化算。 我們一行12人點了一個10人海鮮套餐$1788 (星期六、日公衆假期)，另加一隻金牌乳豬$638。套餐份量十足，除了有一般的雞扒，豬扒，雞中翼(各4包)，香腸(3種口味各2包)，甜心番薯，三寶丸及香甜粟米之外，較特別的有"彈牙海中蝦"(2包), "蜜汁叉燒"(2包), "半殼帶子"(2包)及"元朗米埔烏頭王" 。 飲品包括水及汽水(各10支/罐) , 及所有燒烤用品。員工服務態度殷勤專業，不一會已經為我們起好爐了。 肉類以雞扒及雞中翼最為出色， 肉質鮮嫩， 芳香入味，惹味非常！香腸有三種口味: 芝士腸，雞肉腸及豚肉腸， 個人較喜歡風味濃厚及皮脆肉嫩的豚肉腸。海鮮方面帶子及蝦也尚算新鮮， 尤其

五一假期，三五知已經朋友介紹第一次去這裡白石燒烤，自己開車地方都不難揾，有停車場，很開心，我地四個人去到，叫左一個5人餐什麼都有齊，費事散叫，食物獨立包裝乾淨企理，無限時間，我地的爐貼近海邊，還有超靚日落景色，值得推介大家去

最近天氣好唔錯～所以同班同學建議去bbq...之前都係食開任食個d...朋友今次話想帶小狗去...所以選擇去了個地方大d ge bbq 場我地叫左個五人海鮮餐+一隻雞預先訂購有88 折 $959+$138海鮮餐比平時ge 餐多左蝦，扇貝同埋青口各樣其實雖然係冰鮮，但燒完口感都唔錯我地自行加左蒜蓉同埋牛油...更加惹味其他肉類都唔錯朋友最鍾意蜜汁叉燒同埋麻辣雞塊值得一讚係原隻燒雞燒出黎超嫩滑好好味～～～另外我地見到個榴槤班蘭梳乎厘同菠蘿，忍唔住都買左...菠蘿一定係超甜同好味嗰個梳乎厘又幾搞笑...平時都係就咁食烘左之後脆脆地又有不一樣口感...其實呢到食物環境都真係好好小朋友完全唔洗玩ipad....朋友話個廁所去到尾都仲超乾淨更值得一讚非常岩一家大細去玩ge bbq 場

記得上一次來白石呢度燒烤已經係十幾年前嘅事喇。當時呢度就只有幾個燒烤位同埋一個高爾夫球練習。以前好難先可以父母車嚟呢度燒烤一次…今次因為有 馬鞍山鐵路系烏溪沙站行過嚟都係15分鐘左右. 本來以為同以前 一樣 一片爛地的燒烤場已經變得相當有規模， 不單只整齊清潔，仲有好多空間與設施供應比小朋友和動物玩樂。 食物方面呢叫咗一個5人用嘅餐，有冰鮮海鮮， 豬肉牛肉雞肉等，非常豐富！ 可以即場烤製， 食物上算唔錯而且都好足夠， 我自己呢就最鍾意佢嗰隻 麻辣味道嘅雞扒 辣辣地有夠麻~~雖然今次安排呢個烤燒位都唔錯但係見到人哋呢有一間間嘅獨立房呀有冷氣有梳化出面仲可以燒烤真係一流，下次帶阿爸阿媽來都可以試下book翻間，仲可以燒埋豬個下抵玩。不過最令我意外的並唔係個到D食物同埋個環境,而系個廁所。去廁所真係乾淨到不得了我已經差唔多係最尾嗰一批人走，但係個廁所仲係可以冇異味同光猛，真係非常之難得，單單就住呢一點，我下次一定會再去 ~~

同朋友去左白石燒烤，感覺環境超級乾淨！係我去過燒烤場之中最乾淨既！！廁所位更係值得一讚再讚~!同埋呢度係望住個海燒野食架！！陣陣涼風吹埋黎超舒服，仲有部飛標機可以玩！！超細心抵讚~我地叫左份5人餐海鮮餐仲整多隻大燒雞~第一次成隻大雞咁燒！！超爽~仲有埋說明書教點燒隻雞~好正！隻燒雞我地燒到好靚仔~真係皮脆肉嫩~每啖都肉質嫩滑好好好味。海鮮就有青口，海蝦，帶子~每款都獨立包裝入好哂~乾淨衛生！感覺超好~~d海蝦肉質幾爽彈~好味！！扒類方面個香茅豬扒，蜜汁x燒做得非常出色~~我地仲買左d麵包and綿花糖黎燒~~岩哂d大朋友小朋友！真係值得推介呢個地方比想燒野食既人！！有哂質數~

白石燒烤場今次是第一次試，但無論環境、食物質數均值得讚赏，而這裏又有埸地適合小朋友放放電玩吹氣宫，真係大小皆宜的bbq場地。先講地方，這裏地方十分宽敞，面對吐露港海景，非常舒適,relax。食物方面，雖然不是自助任燒，但可以挑選自己喜愛的食物包來燒，而食物款式極多，可選海鲜的，也可選扒類。而下載他們apps來join佢地會员，生日當月任何一天只要消费滿1500蚊更免费送你乳豬一隻自己燒，非常低食。

好耐冇燒過野食，一於係夏天之前燒一次先，有朋友揸車就去邊燒都咁方便😆，就帶佢去見識下😎，燒烤場出面有個超大既空地比人泊車， 不過我地平日去所以唔使怕人多車多，一去到就有好多'人'歡迎我地喇💂🏻♀💂🏻哈哈！我地選左個套餐另外加隻雞🐔係原隻咁燒，聽到都興奮！比錢時我見到有個好特別既menu, BBQ都有素食系列👍🏻👍🏻唔再係食肉獸既專利了！成個BBQ場都對住個無敵大海景🌊有海風吹住特別舒服我見到套餐包左既用具，垃圾桶同個燒烤爐，我明點解朋友會話唔錯，四個字-乾淨企理！個爐重可以加個龬唔使用叉燒✌🏻，而每張枱都有一個有蓋垃圾桶，衛生衛生👍🏻重有最緊要食物都係獨立包裝，就連牛油同蒜蓉都係，絕對值回票價！大家有冇留意到，燒野食有說明書🤓，太有heart 喇❤唔講咁多，燒得喇，基本上係等食😂丸類腸類同平時食既差不多，但個厚切叉燒又淋又入味，真係要encore! 好喇！燒到咁上下，到主角出場，由一開始燒既原隻雞雞已經燒到皮脆肉嫩，不得了，點解自己燒都可以咁好味ga😭定係自己燒特別好味🤔比隻脾大家睇下，我自己睇番相都重回味緊😋去過依度燒烤應該唔想再去任食個D場🙊，吖，有heart既地方唔止頭先講個d，

趁住唔係咁熱又有咁多日假期梗係要同班friend出去燒下嘢食啦好耐以前都有嚟過白石燒烤場但係裝咗收之後就冇再黎過啦今次你都覺得地方大左而且安排亦好清晰同以前一樣呢度最出名嘅係燒乳豬乳豬要預先訂架不過都要笑成三個鐘先開始成形當然唔少得海鮮啊有連殼帶子同埋海中蝦環境好咗仲有啲公園草地比一家大細來玩呢度真係幾好嘅選擇嚟架

同一班小朋友及家長的聚腳點，每次嚟都會訂海邊燒烤獨立屋。今次（第三次）亦唔例外...但大失所望，一定要分享。獨立屋一陣酸嘔吐味，用清新劑掩蓋味道，弄巧反絕。食物縮水一半，餐單包食物單位以「包」計算，以前一包有三塊雞排，而家有兩細塊。今次去既大人人數比之前少，只有13大7個4-9歲既小朋友，收費$6888（20人用），即場亦花費幾百買其他食物如棉花糖、麵包。馳名乳豬亦縮水了！大家今次冇食物剩，亦食唔飽…（上次食晒，要打包）超級失望，又少了一個好地方。

很久沒有燒烤，剛好友人相約來到白石燒烤場。此燒烤場出名乾淨舒適，終於有機會一試。到達時朋友已點套餐，不得不佩服場主的智慧，食物全部獨立密封包裝，既乾淨又方便。套餐中有不少海鮮，看起來很豐富。最關心的當然是燒乳豬，大家都是為此而來的。乳豬先處理好放在我們面前，看著乳豬燒烤真有趣。同時我們可在燒烤網上燒其他食材，不用動手很舒適。時間差不多，乳豬會轉色變脆，看起來很好吃。場地人員馬上來把乳豬分好入碟，再送回供我們享用。乳豬很嫩滑，外表很脆，味道很鮮香，沒有想過自己燒的乳豬也會如此好吃。最後我們又燒了烏頭，急凍的加上鹽燒。烏頭魚是當晚另一個驚喜，烤好後鮮嫩多汁，不比鮮魚遜色。很歡樂的一個晚上，再有燒烤活動也會選擇白石。

一大班舊同學約去燒野食，年紀大了當然唔介意花多少少錢，搵個好d的地方啦！有朋友介紹我地去白石，地點唔太就腳但其實揸車都好快到，泊車地點仲好闊落添！入場要先買飛，分別有唔同的套餐，我地11人揀左10人海鮮餐，食物都幾豐富一定夠飽。套餐除左食物、飲品、用具包括在內，已經免哂所有開爐費同服務費，全包價好方便。但如果散點食物，就要收返開爐費。入場處旁邊有隻靚豬同我地招手，呢個先係今次BBQ的主菜！我地會揀呢度燒野食，其中一個目的就係燒佢啦！無聽錯，係原隻乳豬自己燒！入場處旁邊亦見到佢地做唔少promotion，有會員優惠。同埋獨立屋服務。但係我地心繫乳豬，無咩心機慢慢研究了。坐低無耐，幾個大隻哥哥已經拎齊用具、食物同飲品來。每樣野都整理得好好，好乾淨企理。仲有一本天書，教我地點樣先燒得食物最好味。當然，佢地都極速幫我地插好隻豬啦！乳豬轉轉轉，睇住豬皮慢慢燒成金黃色，好療癒啊！一邊燒仲一邊滲出香氣添。燒到差唔多，哥哥又會走過黎幫我地拎去最後處理，用猛火再攻一攻，切好送返比我地。剛出爐的乳豬熱辣辣，皮好脆好香口，豬肉好嫩滑，味道好濃郁，非常好食。同場加映其他海鮮同肉類，基本上每樣都好新鮮同調味得好

我地book左間海邊燒烤獨立屋，10人套餐星期五六日既價錢係$3688 最後朋友放飛機就得6個人去 由於呢間燒烤場訂房要一早比晒所有錢，佢又唔比我地加錢改期，又唔比我地換做唔包房室外燒 ，我地唯有得6個人照去，人頭費就要大約$620我地去到，見到間所謂既「海邊燒烤獨立屋」真係o左咀，個海比一大個帳篷遮住，連條小海景都睇唔到，嘩，間房細不得了，開張麻雀枱都嫌佢細。好，咁都算喇，我地食野算。佢張野食list 係好多樣野，但係分量真係好少。佢話就話4包雞翼，2包豬扒，2包雞扒，2包金沙骨，點知一睇，1包雞翼得5隻，每包扒類/金沙骨得3件。我想問下，10人餐得20隻雞翼，每人得2隻雞翼，每人分唔到1款扒類，收你咁L貴，我真係未食過一次燒烤食到咁節墮到佢d所謂既海鮮，全部都係急凍，雪左好耐咁。咩彈牙海中蝦，蒜茸帶子，元朗米埔烏頭，真係勁難食，帶子係冇味，d肉梅既，個烏頭真係燥左，圖片係有晒錫紙有檸檬香草咁，我地問d職員點燒，佢竟然話就咁放上爐上面燒，下，咩味都冇架喎，鹽都冇粒，叫我就咁係個急凍膠袋拎出黎就咁燒？！ 😤一如所料，得陣泥味😕好難食呢間燒烤場收到咁貴，冇樣野好食分量又少，我真係未食

一行6人踩單車即興踩左去白石燒烤到燒野食！個日天氣好好，係燒野食的好時機！呢個燒烤場環境好好，乾淨企理，而且地方又大，最重要係可以對住靚海境燒野食，好寫意啊！選好燒烤爐位置後，我們開始選餐了，我地6個人就選了一個5人海鮮餐，包括海蝦、蒜蓉帶子、青口、蜜汁叉燒、香茅+蒜香+黑椒豬扒、香茅雞扒、三寶丸、雞中翼、芝士腸、雞肉腸、粟米、蕃薯外加雜錦鮮菇、菠蘿、迷你日本甜薯、香草一口羊及沙嗲一口牛等。真係叫到一枱都係野食，而且所有食物都係獨立包裝，有埋食物名稱，真係衛生之餘又知道自己食緊咩！最貼心的地方是呢個餐係提供埋燒烤工具，包括蜜糖、餐具、剪刀、毛巾、紙巾......亦有燒烤叉同燒烤網任你選擇，令大家可以更方便。而食物方面，樣樣都醃得好入味，所以燒出來時好香，令人想快啲食，加上蜜糖，真係正！我喜歡吃的是迷你日本甜薯，一口一粒，方便易食，燒出來口感軟糯，香甜味美。另外還有蜜汁叉燒，醃得個味好食，燒出來的肉又唔鞋又唔韌，入口帶有碳燒味添！食物好環境又正，而且呢度仲有得燒魚、乳豬、燒春雞等其他燒烤場少見的食材，下次再入黎燒過過癮！

I went there with my family and friends for the first time. The place is very remote and very small. We were arranged to sit like a pavement with some simple facilities. We ordered a seafood package. We have to wait for a long time before the food came. The quality of the food were so bad that we left a lot behind, especially the shrimps, clams and fish. There were no place for children to play at all. The staff there recommended customers to order baby piglets for BBQ. We did not order because

呢個天氣最岩bbq,約埋一班朋友由新港城搭穿梭巴士出發去白石，好方便。燒烤場地好大，有好多大人同細路都岩玩既設施，例如撈金魚、吹氣公園等等。場地寬敞而且仲有180度海景，地方乾淨，絕對無平時bbq既雜亂又dirty既感覺！我地一行四人點左個「5人套餐 $1090」，平日仲會平d $950添！平均每人都係大約200蚊，抵！所以叫多隻「古法吊燒雞 $138」！比完錢已經即刻有工作人員幫助透爐同埋準備好隻古法吊燒雞！隻雞大約要燒40-45分鐘，所以我地梗係一路bbq一路由隻雞燒啦!個set有好多野食，有海中蝦、蒜蓉半殻帶子、咖喱雞扒、蜜汁叉燒、青口、蜜汁雞中翼、雞扒、豬扒、海鮮三寶丸、芝士腸、豬肉腸、雞肉腸、紫心蕃薯、栗米、各人一支水同汽水。食物份量足夠5人食用，而且全部獨立包裝，安全衛生方便，有驚喜！除此之外，個set有埋全新工具提供，包括燒烤網，燒烤鉗，餐刀，餐盒，紙巾，毛巾，調味品，蜜糖等等，有埋燒烤小冊子教你點燒每種肉類，真係細心！食物醃得幾入味，海鮮亦不過不失，唯獨海中蝦麻麻地，食淨晒。燒到甘上下，隻「古法吊燒雞」都差不多熟。燒出來效果有驚喜，肉嫩多汁，連醬汁/鹽都唔使落都夠味！仲