發哥粥底海鮮火鍋 (已結業)

朋友生日想食海鮮火鍋，但又不想去太遠， 揀了在她樓下這間逸翠軒😀😀可能是在屋邨範圍，晚上人流不多， 清清靜靜， 環境舒服😀😀龍蝦餐每位288除了有指定的海鮮，還有燉湯…飲品櫃選擇不多， 兩個人揀了個竹蔗茅根， 原汁原味冇添加糖好健康火鍋清粥水冰鎮鮑魚鮑魚醃過， 凍食更加好味， 肉厚味爽花膠響螺燉湯湯味濃郁，雞腳又林，充滿了骨膠原， 以形補形 😊😊安格斯牛肩肉牛味重又唔肥，每人兩件太少了海鮮拼盤 - 蟶子、 龍蝦、 海蝦、 貴妃蚌、 左口魚塊 、花甲 全部海產非常新鮮， 尤其是龍蝦和貴妃蚌， 厚身彈牙， 不用添加任何調味料已經非常鮮甜另外可以自選8款火鍋料 :花膠、 豬粉腸、 牛柏葉、雲吞、 萵筍、 蝦膠、新鮮雞塊、順德釀冬菇比較有特色，少有做火鍋料冬菇大隻， 釀的魚肉入口彈牙，雖然各種份量不多，食下食下都好飽，最後加了南瓜、芋頭、粟米做粥底，入口有海鮮甜味又有南瓜的香味，可惜太飽，只食到一小碗食完已經9時多，朋友滿意，可以即刻回家，我還要坐車呀！

發哥係大圍開左間新分店，作為忠實粉絲梗係又要捧下場啦！地理位置有d偏遠，大圍站行過去都要20分鐘左右。最想試就係粥底火鍋，諗起烚完海鮮之後再加上粥，吸曬海鮮精華，正。我同友人今次一個簡左A 龍蝦餐，一個簡左B海蟹餐😚發哥好貼心，突登有個牌教我地每樣海鮮碌幾耐，唔會太生太熟破壞口感同食材點完野食侍應就送上小食，有青瓜同花生，爽脆開胃。隨即送上一jar竹蓆水，成日覺得打邊爐都係飲D清熱氣既野好d，呢個就啱曬啦臨食前仲送埋盅燉湯，有雞腳螺頭，好濃主角登場啦！！！一拎上來都嚇親我同朋友，真係好多海鮮啊。樣樣都好新鮮好生猛，海蝦都好大隻，肉質實淨。魚又好滑。蟹同龍蝦都肥美多膏，帶子同蟶子就有應有水準。總之D海鮮就全部都好新鮮鮮甜，個湯底味道唔濃，完全食得出佢原本既味道！食完海鮮就梗係烚下烚下啦，有食到牛肩肉，豬潤等等，配料吸收海鮮味，好正

原來沙田顯徑冬菇亭都有得食海鮮粥底火鍋！大大個招牌寫住發哥粥底海鮮火鍋，就行入去試一試啦。環境都唔錯，座位寬敞唔使坐得太迫，餐牌選擇款式多，有基本嘅海鮮餐例如龍蝦、海蟹，如果大食嘅就可以叫一款大胃王餐就兩款海鮮都有齊，仲有其他雞煲任食，秋冬好似仲有羊腩煲之類嘅食物。出面唔同嘅汽水都係任飲，仲有竹蔗水，如果酒精類飲品就要另計。醬料等等都係出面自取。蟹餐同龍蝦餐都好吸引，好難選擇，我哋就兩樣都試吓。裏面仲有其他海產包括你會見到餐牌上面有新鮮鮑魚或冰鎮鮑魚（二選一）聖子皇貴妃蚌多寶魚黃金蝦海蝦時令貝見到啲色澤都係好鮮艷，比較新鮮，一般按時令或季節可能裏面嘅食物內容會有所調整。安格斯牛肩肉你會見到佢個花紋分布都非常平均，質素唔錯，有牛嘅香味。另外就可以喺50幾款配料當中選擇其中8款，佢會按人頭俾返個份量，經過今次體驗後發現係絕對夠食而且直情係食唔晒⋯如果你覺得呢度嘅豬紅，黑豚肉都好值得推介，其他都唔錯，可以叫返個菜中和一下。食到最後嗰個粥嘅配料都好豐富，包括有唔少嘅粟米粒，南瓜粒同埋芋頭粒等，等多陣就食得，裡面仲有好重嘅海鮮香味，食完飽到不得了。

去開大圍搵個朋友食飯，佢介紹左呢間任食火鍋。呢間餐廳有龍蝦套餐，海蟹套餐同埋雞煲加火鍋套餐。我哋今次都揀咗龍蝦套餐。套餐包括左半隻龍蝦，新鮮或者冰鎮鮑魚同埋另外六種海鮮，仲有安格斯牛肩肉同埋另外八款火鍋配料可以揀。一入到去就有個燉湯，好足料，雞腳煲到好腍，最緊要係個湯好濃味，好補嘅感覺龍蝦超級大隻，估唔到仲有好多膏。煮完之後，肉質好彈牙，一d都唔霉好多汁！新鮮鮑魚都算大隻，好鮮甜彈牙！蟶子皇同貴妃蚌都超好食！佢個粥底火鍋清清地更加食到佢嘅鮮甜味！平時食火鍋最驚就係食蜆會有沙，呢個係完全冇沙！安格斯牛肩肉雖然淨係得4塊，但係食得出佢真係好高級，入口即溶！另外，套餐仲包埋飲品任飲同埋仲有八款配料，我哋叫咗炸魚皮，牛柏葉，油麥菜，墨魚滑，肥牛等。本身見佢每樣得兩三件，以為會唔夠飽，點知我同朋友都食到抱住個肚返屋企！

咁啱等朋友收工，所以就搵吓附近有咩食，咁啱大家都想打邊爐。所以就搵左呢間發記蒸氣火鍋！跟住侍應話俾我知，原來日頭係另一間餐廳，夜晚就變身轉為火鍋店。我同朋友都叫咗龍蝦餐$288，冇諗過包咁多其他嘢食，仲有新鮮鮑魚，安格斯牛肉，聖子同其他新鮮貝類！另外仲有八款配菜可以任揀。我揀咗鯇魚腩，金菇，海蝦，墨魚丸，蝦丸等等。另外要讚下呢間餐廳嘅自家製竹蓆茅根，好鮮甜，打邊爐一流！仲有碗燉湯，打邊爐都有燉湯飲，呢個幾值得加分！啲海鮮嚟到好新鮮，佢種類都好多，佢嘅貴妃蚌好鮮甜，而且好大舊，重點係冇沙！另外仲會有新鮮鮑魚，其中侍應俾咗一隻冰鎮鮑魚，我哋同佢講番佢態度都好好即刻幫我地改返！另外個安格斯牛肉好有牛味，一食落去覺得好正，直情想食多幾舊。海蝦都十分鮮甜，而且好多肉，佢個蝦頭仲有好多膏！另外個墨魚丸都好好食，食得出係自家製，好咬口！我地最後先整龍蝦，呢間餐廳亦都好貼心，有一個粥底火鍋海鮮建議食法，我哋跟住嚟整，啲海鮮十分鮮甜，而且好多肉。龍蝦亦都好多膏。最後個粥底加咗粟米同南瓜，一食落去好鮮甜好惹味！其實二百幾蚊呢個價錢一啲都唔貴，所以非常建議大家可以試下！

又想食蒸氣海鮮火鍋，咁啱係東鐵線附近，所以就搵咗大圍呢一間，不過我搭巴士所以就直到。一入到去，原來晏晝又係另一間餐廳，夜晚就轉蒸氣火鍋店！可以揀唔同嘅主食，有龍蝦，海蝦，大王海鮮套餐，同埋羊腩煲！我哋係最鍾意食海鮮，所以就揀左龍蝦餐！入邊仲包括幾種海鮮，有新鮮鮑魚，蟶子皇，貴妃蚌，多寶魚，海蝦，仲有安格斯牛肉。另外仲可以揀八款配菜，首選一定係自家製墨魚丸蝦丸墨魚滑蝦滑。另外一開頭會俾咗兩個前菜同足料既燉湯，大家可以望到呢張圖，其實啲材料係好滿好多。主角終於到啦，另外仲好貼心，有一個粥底火鍋建議食法，我地跟足指示，啲海鮮好新鮮 ，貝類完全冇沙，可以見到餐廳入貨新鮮，仲要洗得乾淨！ 食隻海蝦有嚇親，好實肉，好鮮甜，而且佢個蝦頭都有膏，好後悔八項配料冇加海蝦啊！另外聖子都好大條，足足由我手心咁長，呢一個價錢淨係食海鮮已經好抵。另外仲有八個配料，叫咗一份美國肥牛，一食落去已經好有牛味，油脂分泌都好平均。到咗重頭戲，就係龍蝦，龍蝦多膏，而且好多肉。最後我同左粥底一齊食，好鮮味，海鮮嘅鮮味已經跌晒係個粥底到，再加埋粟米同南瓜粒，淡淡粥都好鮮味！其實二百幾蚊可能自己買都買唔到呢個價錢，仲要已經洗乾淨

有朋友住沙田嗰頭去探下佢，發現附近有間發哥粥底海鮮火鍋，就喺一間叫做逸翠軒嘅酒樓裏面。價錢都適中而且地方寬敞，裏面有幾款唔同嘅海鮮餐選擇，仲有另外一份餐牌有雞煲火鍋任食，不過係為咗食新鮮嘅海鮮都係揀返海鮮餐。我哋最後揀咗龍蝦餐同埋海蟹餐。上面有好多唔同款式嘅海鮮龍蝦比想像中大隻，而且覺得食呢啲火鍋一定要選擇蟹，因為咁樣會對之後食嘅粥底味道很有幫助㗎。同埋味道都幾鮮甜，都算有好足夠嘅肉。食蟹好香甜！新鮮鮑魚或冰鎮鮑魚可以二選一，各有各好食，不過就覺得新鮮再好食啲，冰鎮個調味唔算話特別正。聖子皇、貴妃蚌、多寶魚、黃金蝦、海蝦、時令貝（帆立貝）全部口味都好新鮮，爽口又彈牙。安格斯牛肩肉顏色都好靚，額外仲可以多選八款不同的配料，我哋四個人去食就總共有四個人嘅份量，基本上係冇咩可能食得晒。特別推介豬紅來貨不錯，竹笙可以吸收湯底海鮮味道精華，仲有黑豚肉都比想像中高質素得多。最後個湯底整成嘅粥，仲加上南瓜、粟米及芋頭提升更豐富層次，仲有好香嘅海鮮蟹味。配料同埋飲品係出面自己拎，飲品除咗可以任飲汽水之外仲有甜味適中嘅竹蔗茅根我就最推薦。更有一人一碗湯！

唔講唔知，原來顯徑都有海鮮粥食發哥粥底海鮮火鍋x逸翠軒海鮮小廚，環境同一般酒樓差唔多！整體來講食物質素都幾好，海鮮好新鮮，好足料！以服務方面，上菜速度都好快！今次我就嗌咗個A龍蝦餐(半隻)，唔好睇佢得半隻以為好少，其實隻龍蝦都幾大隻架，而且啲肉好鮮甜，肉質彈牙，正！係配料方面，我就嗌左日本黑豚肉(3片)，美國肥牛(3片)，竹笙！黑豚肉肉質好幾滑！肥牛都好好味，好大塊，同埋真係廄肥，唔會食落去乾爭爭咁！兩款肉都好正！最後就到我最鍾意食嘅竹笙啦，記得落晒所有嘅嘢，最後先落竹笙，可以吸收晒湯底嘅精華，咁先好味㗎嘛！另外每個套餐都會有一隻鮑魚，我就揀咗冰鮮鮑魚，係是先由餐廳用秘製醬料葉好咗，食落去鹹鹹地，但係又唔會蓋過鮑魚嘅鮮甜，10分推薦！當食完所有配料，就可以煮個粥啦，足底已經吸收晒所有食物嘅精華，會有廚房幫客人加粥，煲大約5分鐘等個粥滾左就可以食㗎啦！我夠膽講呢個海鮮粥係我人生食過最好味嘅粥！係嘢飲方面，食咗咁多熱氣野，梗係要飲返啲下火飲品啦，我就揀咗飲竹蔗茅巾水，可以無限添飲，記得飲多啲呀！

本身以為係去冬菇亭打邊爐，點知原來呢度裝修得非常企理。我哋食粥底打邊爐套餐，揀咗龍蝦餐。餐廳有自家製竹蔗水，清甜解渴，打邊爐飲啱晒！一開始先飲個燉湯。味道都唔錯，幾足料㗎！之後有冰鎮鮑魚。幾入味，肉質軟淋強勁海鮮拼盤出現！最正當然就係龍蝦！煮完幾分鐘，一撩起就食得，啖啖肉，鮮甜又好味！海蝦都唔錯，每人有兩隻，肉質都好爽口彈牙。跟住可以揀八款配料，每一樣嘅份量都唔細。脆鯇骨腩片係推介，鍾意食魚嘅唔好錯過！響鈴雖然唔係細細件，但打邊爐我都一定要食最後放幾件豬膶煮及第粥，煮完咁多海鮮之後個粥底好鮮甜！好飽好滿「粥」！

After work on a weekday, I stopped by a newly renovated hot pot restaurant near my house. They had hot pot set for dinner and there are many varieties you can choose from. I ordered the lobster hot pot set, which comes with half piece of lobsters shrimps, clam, scallop, razor clams, abalone, and fish. The seafood were very fresh and the shrimps were still alive when the waitress served them on the table. In addition to the seafood, you can choose 8 side dishes for the hot pot. I got the be

朋友話帶我去大圍食超抵食火煱，原來係帶我去顯徑邨嘅冬菇亭，聽到之後心諗早知著條牛仔褲，費事整污糟我條靚裙，誰不知到咗火鍋店之後卻大跌眼鏡。原來火鍋店與普通酒樓冇乜分別，地方寬敝，裝修都光猛新淨。睇咗菜單，選定咗食龍蝦套餐，套餐除咗指定嘅海鮮、牛肩肉外，仲有時令燉品加自選8款火鍋配料，以$288嘅價錢，仲有自家制竹蔗水和飲品任飲，的確非常抵食。今日嘅時令燉品係淮山子螺頭燉雞，好清甜滋潤。海鮮拼盤有龍蝦、蟶子皇、貴妃蚌、多寶魚、黃金蜆、海蝦……等。鮑魚雖然每人得一隻，但係size不小，我選擇了冰鎮鮑魚，好鮮甜。牛肩肉，好有牛味，少少肥，比肥牛健康。蟶子皇和貴妃蚌只需輕灼幾分鐘，爽脆又鮮味。我揀咗其他嘅火鍋配料，有花膠、鮮雞、釀冬菇、蝦滑……等，質素都唔錯。火鍋料最緊要係新鮮，呢度提供嘅火煱料，我都非常滿意。要讚嘅重有桌上個時間牌，提供灼海鮮嘅最佳時間，只要跟足，一定唔會過熟。食完之後，侍應仲幫我加上南瓜、芋頭、粟米煮一鍋又香又甜嘅美味香芋南瓜粥，令我和朋友飽上加飽，捧著個大肚子回家。

這是一家的單點式火鍋店，主打3鍋，分別是龍蝦鍋、海蟹以及雞煲併海鮮餐。由於辣度是可以自行決定，所以就和朋友來吃吃看。　　在點菜之前，就會先詢問鍋底種類並先上鍋，服務態度極細心，服務員會細心為你斟竹庶汁，撇油，又會推介不同小食，保證食物保持新鮮，店員建議點選龍蝦鍋，底料確實夠足，未開始前先試一下湯底，湯頭非常濃厚，而且額外配上一盅燉湯，湯內有雞腳、杞子以及磨菇，十分甘甜可口。食物份量亦足夠，只是2個人吃，都已經十分足夠。叫上了我最喜愛的枝竹，比我想像還要爽甜，到重點菜式：龍蝦，蒲出頭，賣相已經十分吸引，先試吃一口，肉汁鮮嫩，完全做到啖啖肉的效果。另外亦點上了魚皮餃，爽口至極，後來到了粥食，湯底已十分濃郁，配上大量粟米、菇，好夠味好好飲。整得黎講十分唔錯 會再來食過

今曰同屋企人去顯田邨附近探親戚，親戚話係樓下開左間新嘅粥底火鍋，可以去試下！之前冇試過觀塘個間嘅分店幾抵食，所以見到個名就知有信心保證。餐廳應該間左唔係好耐，好快就安排我地入座，我地揀左龍蝦套餐，除左有大大隻龍蝦之外仲有8款海鮮！我見呢間除左火鍋，晚夜仲有小菜小炒，選擇好多。燉湯。開餐前先飲個靚湯，每個人都隨餐送一盅燉湯，材料有雞腳、花膠螺頭等，好足料。個湯好滋潤，唔似平時係街飲嘅味精湯！螺頭出曬味，個湯好潤。龍蝦餐龍蝦餐除左有原隻龍蝦之外，仲有新鮮鮑魚、聖子皇、貴妃蚌、多寶魚等8種開鮮，仲有安格斯牛肩肉。聖子皇好有咬口，貝殼類吐沙好乾淨無沙好鮮甜。龍蝦有手掌咁大隻，啲肉爽口鮮甜，仲有膏架。肥牛好有油香，唔會好老。我地仲叫左蝦滑、魚皮餃、脆肉鯇同菜，食完之後就加芋頭粒、南瓜粒同粟米落去煮成粥。個粥又甜又綿，仲有海鮮嘅鮮味，好飽阿。

聽聞發哥再開分店，即刻搵埋友人一齊再去食。滋補燉湯味道鮮甜，入面湯料十足有雞肉、花膠、螺頭等。海鮮拼盤擺盤有氣勢，中間仲有粒雕花紅椒好靚。鮑魚上檯嗰陣仲郁郁下好新鮮，好鮮甜啖啖肉好好味！蟶子皇大大隻長過手掌，好爽甜！帶子肥美，味道清甜。海蝦已用竹籤串起方便剝殼，蝦肉爽脆，好彈牙。海蟹大小同手掌差唔多，肉多嫩滑，味道好鮮甜。龍蝦蝦肉成舊擺落口，喺口腔內散發陣陣鮮味，肉質好彈牙，好有口感，好正！火鍋配料任揀八款，另外仲有份靚安格斯牛肩肉，份量啱啱好。最後食埋個南瓜粟米粥，入口好綿，吸咗海鮮味更加清甜，飲曬成碗好滿足！

有次行過顯徑，見到開咗發哥，之前食過觀塘同九龍灣店，今次喺大圍唔知食咩，一於食發哥！個燉湯好足料，有螺頭、雞腳、杞子、淮山等等，湯好甜，好正！海鮮拼盤次次都驚為天人，真係好新鮮好大隻。鮑魚仲郁緊，全部都大大份。順便揀埋8樣火鍋配料，韮菜餃同竹笙好高質！殼類海鮮好鮮甜，啖啖肉，肉質彈牙。扇貝大大隻，全部唔使點醬油都已經好甜好鮮。蟹肉好多，又有蟹膏，鉗都好厚肉，一啲都冇呃秤。海蝦肉一啲都唔梅，唔係死蝦。一人兩隻啱啱好。新鮮鮑魚好煙韌，彈力十足。龍蝦大大隻，真係好抵食！牛肩肉雖然細細塊，但牛味超級濃，有咬感，好好食。最後個粥吸收哂海鮮嘅甜味，唔使落調味料已經好好食，食咗三碗，就算幾飽都食得落。