發哥粥底海鮮火鍋 (已結業)

原來沙田顯徑冬菇亭都有得食海鮮粥底火鍋！大大個招牌寫住發哥粥底海鮮火鍋，就行入去試一試啦。環境都唔錯，座位寬敞唔使坐得太迫，餐牌選擇款式多，有基本嘅海鮮餐例如龍蝦、海蟹，如果大食嘅就可以叫一款大胃王餐就兩款海鮮都有齊，仲有其他雞煲任食，秋冬好似仲有羊腩煲之類嘅食物。出面唔同嘅汽水都係任飲，仲有竹蔗水，如果酒精類飲品就要另計。醬料等等都係出面自取。蟹餐同龍蝦餐都好吸引，好難選擇，我哋就兩樣都試吓。裏面仲有其他海產包括你會見到餐牌上面有新鮮鮑魚或冰鎮鮑魚（二選一）聖子皇貴妃蚌多寶魚黃金蝦海蝦時令貝見到啲色澤都係好鮮艷，比較新鮮，一般按時令或季節可能裏面嘅食物內容會有所調整。安格斯牛肩肉你會見到佢個花紋分布都非常平均，質素唔錯，有牛嘅香味。另外就可以喺50幾款配料當中選擇其中8款，佢會按人頭俾返個份量，經過今次體驗後發現係絕對夠食而且直情係食唔晒⋯如果你覺得呢度嘅豬紅，黑豚肉都好值得推介，其他都唔錯，可以叫返個菜中和一下。食到最後嗰個粥嘅配料都好豐富，包括有唔少嘅粟米粒，南瓜粒同埋芋頭粒等，等多陣就食得，裡面仲有好重嘅海鮮香味，食完飽到不得了。