登堂 (已結業)

今次呢間餐廳喺觀塘區，餐廳環境好大，分咗幾個區域，今次去嘅時候，咁好彩有樂隊表演！食物方面，種類繁多，今次我叫咗一個低溫黑毛豬豬鞍、海蝦辣肉腸薄餅、菠蘿特飲。。。。。。。。。。。。。。。。。。。。。。。🌻低溫黑毛豬豬鞍職員問我地要幾多成熟，我哋要咗七成熟左右。呢一道菜令我哋留下深刻印象，豬肉肉質鮮嫩，水份油脂好夠，好好味！。。。。。。。。。。。。。。。。。。。。。。🌻海蝦辣肉腸薄餅因為本身鍾意食辣所以就試吓呢個婆餅，不過嚟到就俾佢嘅另一個重點吸引左，就係佢皮薄之餘，真係有好厚嘅芝士！！因為得兩個人所以兩三樣野都夠我哋食，個薄餅都幾大塊🤣

觀塘嘅工廈真係有好多美食好推介！環境大之餘食物性價比仲要好高！平日呢到幾旺場，有九成滿，仲有live Band添！叫咗生牛肉他他伴薯條，生牛肉帶點筋，食落較有咬口，好食。燴牛仔膝配芝士牛油汁自家闊條麵，牛仔膝同意粉分開上，單食意粉都已經陣陣牛油香味，牛仔膝亦燴得夠腍身。威靈頓牛柳，我都幾推介！肉質非常腍身，酥皮夠香。不過飲品方面可以研發更多口味，整體飲品飲落偏甜。奶蓋茉莉綠茶，奶蓋較淡身，不過夠綿滑Pineapple Nata，女仔幾鍾意飲，不過減少少甜會更好！

今日放工約左朋友食飯，見到公司附近有間西餐廳，好似吾錯，價錢又算合理，甘就試一試喇😄 上到去餐廳，環境好寬敞，餐廳色調和諧，座位坐得舒服👍🏻😄我哋兩個人但係佢俾咗四人枱我哋，每張枱上面都有支座枱燈仔，增加食飯嘅氣氛呀😆 好有feel喔之後我哋就落單，點左個德國鹹豬手、避風塘軟殼蟹同埋黑毛豬哈密瓜大約食左$5xx 西餐來講價錢都算合理👍🏻手砌西班牙伊比利亞特級黑毛豬哈蜜瓜: 先黎個前菜，好出色呀🤤🤤又咸又甜，霎時喚醒味覺😋個黑毛豬好嫩口，肥瘦適中，手砌得薄薄地，配埋個好甜嘅哈密瓜，一流！避風塘軟殼蟹: 熱辣辣送上枱，蟹有兩隻，岩岩好同朋友一人一隻，第一口咬落去，估唔到入面係咁junice，再加上有好多脆蒜係到，食落又junice又卜卜脆咁，好好味德國鹹豬手: 服務員好細心，一上台就幫我地砌埋隻豬手，又提我地幾次”小心熱”講返隻豬手真係外脆內軟呀，豬手皮卜人脆，肉質口感吾錯，肥瘦分明👍🏻肉質唔會焗得太乾又吾會太”鞋”。另外不得不提嘅就係佢嘅配菜嘅德國酸菜，正🤤另外重點左杯爆朱厚奶，朱古力味濃， 又唔會太甜/太苦重點一題就係，要讚一讚呢度嘅服務員服務態度好好，好有禮貌，又有笑容😀 餐飯都食得

M1 Group 約半年前係觀塘又開左新既餐廳名叫登堂！一貫M1 Group 既作風，同樣有華麗既裝修，食物大致也是差不多的，不過呢度既選擇就更多，仲竟然有台式奶蓋飲品tim! 50G 手切西班牙伊利比亞48個月特級橡果黑毛豬火腿蜜瓜 HK$208店員耐心跟我解釋西班牙黑毛豬火腿比意大利風乾火腿更加優質, 一般要風乾48個月，而且顏色較深，油花均勻，味道更甘香，更帶堅果味！的確不錯！串燒併盤 HK$368叫左我最喜歡嘅串燒併盤，一盤十幾串，旁邊仲有薯條同沙律，真係乜都有d, 每樣都燒得剛剛好，而我最喜歡嘅有帶子，蝦，鱔同三文魚串！其實兩個女仔食完呢盤野都飽左八成的... 因為餐廳暫時未領到酒牌，所以我地叫左一杯吉蒂博士特飲同一壺蘋果茶，盛載蘋果茶既杯都好精緻！特飲係菠蘿加荔枝味，飲落甜甜地幾啱女仔飲！留意餐廳係冇提供免費水的！到左八點仲有人唱Live tim! 不過就有無限既進步空間...

在電視廣告看到此店，好似個環境好靚，於是在觀塘接女友放工一齊去試試原來有兩面入口，而我倆在扶手電梯那邊上，上到已見有live band感覺很chill地方很大，全層近萬呎，餐廳環境寬敞，共分四個區：用餐區，vip區（設有5間的獨立房間）共享區酒吧區威靈頓美國特級牛柳-配嫩菠菜，手指薯，青胡椒燒汁，眾所周知，威靈頓牛柳出名而繁複的手工菜，首先廚師採用自家製的黑松露醬、鵝肝醬、火腿等醬料醃製生牛柳，其後再包上酥皮烤焗製成。生牛柳連同酥皮一同烤焗會令酥皮吸收肉汁，牛柳口感淋滑，酥皮亦沾滿濃郁的肉味，相得益彰另外，服務很好，店長更教我地點切先係最好12小時低溫慢煮烤乳豬件-配煙肉皺葉甘藍蘭度豆，手指薯，及無花果蜜糖燒汁，烤豬皮超脆，而且肉質鮮嫩多汁，很淋很淋，無花果汁令油膩感完全去掉煙肉皺葉甘藍蘭度豆調味很好，單食已好好味Ice Cube - 用桂花糖同接骨木花糖水，加入梳打水沖成，味道有層次又清新，加入花作裝飾，女士大愛Grapeson-巨峰提子味飲料，除了巨峰提子果肉同果汁，還加入了乳酪，菠蘿汁，入口香甜結合西餐、Cafe及商業聚餐的元素，有扒、甜品、特色奶蓋茶等等，適合作公司會議、講座及

喺大概兩個月之前都幫襯過呢間餐廳覺得唔錯，於是乎早兩日又再去食。點知啲質素已經不及從前諗住叫侍應比兩杯水，點知連水都要俾錢已經係行緊歐洲餐廳嘅制度。唔緊要啦咁我哋就帶嘢飲同埋嘢食啦我叫嘅呢一個係西班牙臘肉腸配法國煙膳嘅一個沙律，Order嗰陣已經同左佢講dressing on side.點知嚟到係冇。然之後同店員講番可唔可以幫我換過另一份，見到啲店員黑口黑面。然後我朋友叫咗嗰個係晚餐嘅套餐先會附上一個是日湯同埋麵包怡豐想試嘅湯同麵包嘅事亦都非常之冇禮貌就咁飛個碗落枱。不過講返啲食物質素先，個沙律整體來講都唔錯嘅幾新鮮但係我朋友嗌嘅晚餐係一個意粉嚟嘅佢就略為淡味，但係由於見到佢啲服務質素同埋食物質素都每況愈下嘅關係未必會再嚟幫襯。

見Openrice大部分食評都話Downtown日日full, 就預早三星期訂枱食team lunch!預先喺訂枱時要求唔坐高枱, 被安排喺其中一個包廂坐, 梳化椅都幾舒服餐廳佔地好大, 但亦衍生咗冷氣唔夠嘅問題。加上人手唔夠, 每次叫侍應都等好耐。落單時侍應表示全場full, 飲品要一併下單, 俾足夠時間水吧預備, 令客人感覺好趕, 餐廳要改善下Set Lunch選擇幾多, 尤其肉類選擇好齊。是日餐湯係粟米湯, 但味道有啲似中式粟米羹, 同餐包唔太夾。主菜’烤西班牙黑毛豬扒’質素好高, 肉質嫩滑又juicy。如果配菜份量再多啲就好!

觀塘比人感覺好市井，但原來呢度有個近萬呎隱世秘景，仲有Live music~ 😍先飲杯最流行嘅芝蓋特飲，唔洗外帶，配搭好有特色。我揀左紅菜頭味芝蓋，配柚子茶。出奇巧味，紅菜頭加落芝蓋，無人人都驚嘅草青味，反而芝味香濃，加搭甜甜地嘅柚蜜茶，非常有特色。朋友就飲紫薯烏龍茶，茶味較淡，紫薯芝蓋一樣咁香濃。前菜蠔食，有8款可以揀。我地揀左兩款，white pearl 較清淡，ancelin海水味就較濃，兩款肉質都偏爽口。食完前菜到主菜，亦係最精彩時刻。先嚟「乾蕃茄香辣上湯龍躉魚柳意大利飯」，急口令咁長嘅名😆 但食過就必定記得龍躉魚柳大大塊，而且肉質軟滑，配上粒粒充滿香濃蕃茄乾味嘅煙靭意大利飯，巧食呀～～ 飯裏面仲加有滑嘟嘟玉子同勝瓜，令味道更清新唔會膩，食多多都得 😆另外再食威靈頓美國特級牛柳❣️ 酥皮夠薄焗得又鬆脆，牛柳香噴噴，入口軟腍☺️ 沾少少汁或夾住菠菜一齊食，又另一番風味 😋

星期四放左工，約左朋友聚一聚，觀塘d工廈出名多野食，就決定試下呢間新餐廳我地三個人叫左一個salad，一個pasta同一個芝士炸薯條呢個慢煮三文魚藜麥沙律，三文魚份量幾大舊，切開舊魚入面十分嫩滑，藜麥份量都好多，但係食完呢個會有d飽芝士炸薯條十分出色，好脆，如果多d芝士就好喇呢個係鮮魷魚手造闊條麵，鮮魷同平時食開嗰d唔同，有鮮味，手造闊條麵十分彈牙呢度有live band唱歌，傾計要大聲d先聽到，坐坐下發覺星期四都全場滿座，建議大家book定位先黎

今晚同埋朋友一齊黎到咗呢間Downtown。餐廳環境好舒適的，裝修精緻，座位也比較寬敞，非常適合聚餐的好地方。低溫慢煮三文魚‧香芒藜麥沙律藜麥入面加入咗芒果肉同三文魚肉, 味道有層次, 沙律上加咗少少芒果汁, 食落好fresh。主角三文魚更加係冇得彈, 因為低溫慢煮嘅關係, 成舊三文魚好嫩, 有三文魚嘅鮮味又唔會太鹹, 而藜麥本身係一種好有謍養嘅食物, 加埋三文魚嘅Omega-3, 成個前菜又好味又健康!鮮海膽手拆鮮蟹肉自家製手造寬條麵主打自家製手造寬條麵,上面放左原件鮮海膽，蟹肉撕得幼碎，建議攪匀再食，以忌廉汁為主調，但特別地加上檸檬，所以食落冇咁覺得膩，仲有紅莓乾，食落微酸更開胃，自家製手造寬條麵夠彈牙掛汁，做到Al Dente，海膽亦新鮮，如蟹肉整大塊會提升口感層次。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

一上電梯入門口"登堂"既招牌零舍搶眼~轉入大堂後個貯酒間都非常引人注目聽介紹話間餐廳有成萬呎咁大，但一上到去又唔覺有成萬呎~估唔到原來內有乾坤~入面仲有成4-5間隔房~隔房既格局，真係十足十會議廳咁。入面仲有擴音機同投影裝置既設備。每間房都有唔同既主題，傢私既配色都別出心裁。某D房間既風格，比較倫向女性化，用比較素既顏色。而深色系既配色就比較適合一大班男人既聚餐~ 房間吧枱及大廳吧枱及大廳既燈光比較暗，雖然係幾有情調，但略嫌有點黑過頭。飲品服務員話餐廳既飲品都係比較偏淡味，因為唔會落好多既糖水，比較健康。飲品就好似係出面奶茶鋪叫左杯少糖同無糖既甜度，但飲落菜既香味真係好出，烏龍荼既味非常香濃！龍蝦湯龍蝦湯的調味都係偏淡，嘗得出龍蝦既鮮甜，但白蘭地既味道都幾重下。OK~食物威靈頓牛排餐廳既威靈頓牛排絕對係水準之上。牛柳香、嫩、熟度5成，果然係美國頂級牛柳！酥皮亦烤得剛好，外鬆內軟。酥皮入面 仲有塊火腿。調味剛好。可以話係我係幾間西餐廳食過最好食既一道威靈頓牛排。必試！！　不過菠菜既伴碟麻麻，令到這道菜的賣相一般，希望可以改善下伴碟。同其他色相較好的蔬菜作配襯，如果唔係有點嘥左咁好既一道菜

經過一星期的忙碌工作日，與友人決定要豪食慰勞自己。選址為美食林立的觀塘工業區，高質西餐廳「登堂」。位於為人熟識的「The wave」，搭電梯上到二樓見到「登堂」招牌就係喇。店內面積好大，佔用二樓全層地方。被安排坐於Bar枱附近，環境幽靜舒服，適合拍拖人士或者一大班朋友聚餐。前菜：低溫慢煮三文魚‧香芒藜麥沙律厚身的三文魚經過低溫慢煮，肉質嫩滑，充滿魚香，外型似煙三文魚但口感猶如刺身。再配以健康藜麥加芒果粒，酸酸甜甜的芒果醬汁，是一道非常推介的開胃前菜。主菜：鮮海膽手拆鮮蟹肉自家製手造寬條麵原件海膽鮮甜，手拆鮮蟹肉絲、蟹膏粒令味道更鮮香，自家製手造寬條麵彈牙掛汁強，香濃忌廉汁配上少許檸檬，令整碟麵不覺得膩。主菜：威靈頓美國特級牛柳期待已久的主菜，好開心冇令到我失望！切開即見嫩紅色的牛柳，肉質鮮嫩多汁，熟度剛剛好，配以外層的酥皮，口感豐富。伴碟的炒嫩菠菜和燒手指薯都鮮甜無比。必試菜式！餐飲：牛油果凍頂烏龍(左)牛油果芝士奶蓋，創新口味引發好奇！奶蓋充滿牛油果香味，有別於平時的咸香芝蓋，烏龍茶底冇加糖，整體清醇，適合喜歡清淡的人士。餐飲：黑爵士(右)竹炭接骨木花芝士奶蓋配伯爵

星期日晚打算開開心心食餐飯，嚟咗 觀塘 一個新場叫"登堂"食物質素尚算可以, 但係其中叫咗一個巨峰提子係無限任添, 同服務員double confirm係唔係真係任添？還是有其他tricky位？ 服務員用堅定眼神話絕對係無限任添.，放心order。結果嚟咗杯巨峰提子，冰佔杯嘅一半，飲完第一杯之後，分別叫咗三位服務員 幫忙任添多一杯，他們都分別話ok冇問題， 直至我哋買單前先至畀多一杯。 但係睇返張單佢係打咗三杯任飲。 請問呢個係咩玩法？

今日去食呢間餐廳，點了兩個餸一個威靈頓牛扒另外一個薄餅出品都可以。不過有兩樣要改善 ，叫咗一杯巨風提子， waitress同我講係無限暢飲 ，不過當飲完一杯嘅時候 同佢哋講想添飲 只係口頭應承問咗三次四次都無人回覆（我都唔想再問）， 最後差不多埋單嘅時候 先來多一杯 張單仲寫明叫咗三次 不過其實只係出咗兩杯,仲要時間相差好耐， 其實唔好寫無限添飲會比較好 因為如果怕洩底唔好寫好過寫 因為根本都唔想比多杯客人。另外一樣就係現場live Band 可以音量唔好咁大聲 。

今晚第一次去 Down Town，經OpenRice訂枱，被安排坐在𨋢口，有很多蚊滋飛來飛去，超討厭！先來和暖的麵包和牛油，但沒有搽牛油的小刀，被迫要用鋸牛扒的刀來搽牛油，奇怪！食物質素很差，首先餐湯不夠熱，西冷牛扒冇味，肉質‘梅梅’地，冇口感！ 甜品食朱古力心太軟，可惜流心餡裡面的朱古力粒都未溶解，還是一粒粒的，完全沒有流心的效果。埋單時，送我兩張優惠券，但我退回給他，因為這麼差的食肆，去一次已經嫌多，以後不會再去！