登堂 (已結業)

早排朋友生日去左觀塘釣蝦慶祝晚餐時間想搵間靚d既餐廳食個靚飯就來左“登堂”👯一坐低望下個menu咁熟口面既🤔睇下個杯墊發現原來都係m1 group 呢個group既餐廳食物基本都有番咁上下無味精係加分點🙆而且佢地意粉係手造既 高汁必食😋♥️/今次叫既幾樣野食都好OK👍1️⃣龍蝦湯 超濃龍蝦味🦐2️⃣黑毛豬肋骨 條粟米勁好食🌽3️⃣和牛肉醬貝殼粉 隻溫泉蛋係重點❗4️⃣帶子魷魚意大利粉 同咸蛋黃超夾5️⃣甜品雪葩每樣野食都係好食既 而且份量大大份好彩有我超級食量既朋友係度😂/🍹方面有驚喜 竟然有大熱奶蓋！我地叫左一杯奶蓋櫻花茶🌸奶蓋唔算好厚滑 但芝士味十足另外一杯愛文芒果烏龍茶 唔太甜👍/不過一個小缺點係成間餐廳太大人手唔多夠 每次都要等一陣先有人理上菜亦自然偏慢 同埋趕頭趕命🤷另外當日附近幾張枱都係飲酒 會有d嘈🙆/觀塘 - 登堂#Hanako_觀塘🌻#Hanako_西餐🌸

今日去觀塘練波, 火辣辣真係好辛苦， 完成之後當然要食好西，试下去新商埸，the wave, 貪佢冷氣充足。1樓有間泰國嘢同M記，2樓全層就有間西餐廳， 太座話啱啱去完泰國不如食西餐啦， 於是我哋就上去望下。呢間叫登堂嘅餐廳， 非常之大， 一眼望埋去有各適其適嘅枱同大房， 佢嘅嘢食有扒，有pizza，意粉，飯…… 先嚟過頭盤無花果煎鵝肝， 新鮮嘅無花果酸酸甜甜，配上外脆內軟嘅鵝肝， 咬落去一陣鹅油， 邪惡首選。呢個焗羊扒即叫即做，羊肉嫩滑， 食落去軟淋淋，唔會好嚡， 等20分鐘好值得。北海道帶子飯，帶子大大粒珍寶size， 意大利飯一粒粒好爽口, 配上蛋黃，玉子豆腐同絲瓜， 食落去好creamy。另外，用咗38蚊無限添飲巨峰梳打，我諗好少餐廳而家會做refill， 啱曬極度口乾嘅我。 太太就叫左一杯好優雅嘅Ice Cube 飲落去甜甜地，有花香味，因為每粒冰入面都係有鮮花。整體嘅服務都唔錯， 員工做事都好爽手又有禮貌。

早前先食過「M1 Group」旗下既餐廳，而咁耐以嚟，已經食過三間隸屬呢個集團既餐廳，每間都有不同之處，對呢個集團有信心，價錢又合理，於是再去「集郵」，誓要食均「M1 Group」既餐廳，今次就帶埋屋企人去食其中之一既「登堂」。環境佔左「The Wave」既一整層，分左兩個區域，裡面係Dinning Area，有屏幕播住電影/MV，而岀面係Bar Area，兩邊其實都可以食正餐，是日Dinning Area已滿場，被安排坐Bar Area，其實都冇乜分別，live band係Bar Area表演，可以近距離聽歌仲正！唯一美中不足係張枱細左少少。燒西班牙黑毛豬肋骨 $138(Half Ribs)是為前菜，豬肋骨都大份，半份都有約七條，仲配有捲心菜沙律、烤粟米、薯條，豬肋骨用上美式煙燻醬、味道可以，我就覺得可以再腍啲，肉質較為實左少少，不過好抵食。12小時低溫慢煮烤乳豬件  $238中式既乳豬食得多，西式既食過未？仲要係12小時低溫慢煮，咁特別，當然要嗌嚟試下。最底有燴煙肉皺葉甘藍蘭度豆、手指薯，上面就放左大大件烤乳豬，配無花果蜜糖燒汁。色澤十分之靚，乳豬皮令身，切落去已經卜卜脆，乳豬因為

之前去開觀堂行開倉，見到The Wave完全唔同晒，多左好多餐廳，所以夜晚就去試下呢間登堂。佢個模式好新穎，開放式廚房等你睇到廚師煮野食，一碟一碟咁係個到想完拎出黎，令人特別期待。個陣去可能都叫新開，經理好熱情咁介紹餐廳背景同理念，話係呢到行政總廚從來唔用味精、雞粉調味料，只採新鮮雞湯、菜汁、牛肉汁等等天然調味，強調健康西餐，呢到主要都係西餐牛扒意粉pizza 個類食物，份量都幾多。我地叫左個炭烤美國1855極佳級黑安格斯肉眼牛扒，五成熟，岩岩好，好香炭燒味，加埋佢片蒜香牛油，very good👍🏻另外仲叫左美式煙燻醬燒西班牙黑毛豬肋骨，可以見到份量幾足夠，同埋肉質厚實，加上外層個煙燻醬另豬肋骨好入味。之後再叫左個香煎法國鵝肝手工貝殼粉配白松露菌油，呢個完全係比佢menu張相吸引到，咁大塊鵝肝，出到黎都冇縮水，一樣咁大塊，貨真價實。鵝肝煎得好香脆，個手二意粉好特別，好有咬口好chewy，係手制意粉嘅味道。佢出面仲有個bar枱位，得閒係到飲番杯都幾chill.黎觀塘又多個選擇喇。

由飲品到食物 餐廳都主打無味精無雞精無糖:自家製冷泡烏龍茶🍵 x 蜜糖牛油果奶蓋🥑🍼茶底好清香 唔甜 健康為主上層牛油果奶蓋 好少見奶蓋唔係芝士味 好特別牛油果蜜糖奶昔🥑🍯🥛同樣地唔會好甜 而係有幽幽的牛油果奶香低溫慢煮三文魚 x 香芒藜麥沙律🥭🥗炎炎夏日最岩食 好開胃三文魚肉質嫩滑 沙律入面有好多舊香甜芒果同木瓜 澳洲藍青口 x 乾蕃茄白酒忌廉汁🥘🍅隻隻都好大隻 肉質保持嫩口 又有鮮甜肉汁忌廉汁好濃啊 麵包浸到索哂d汁 一流鮮魷魚自家製手造闊條麵 x 煙肉菠菜芝士忌廉汁🦑🍝手造的真係唔同d 比較彎曲 無機造出黎既咁直 可以沾到多d汁 而且麵質比較彈牙加埋鮮魷魚都一樣好彈牙 係好好的主菜之選黑松露菌醬野菌pizza🧀🍕個底係薄批 脆脆的但上面就有一層好厚的mozzarella芝士用上珍貴的白松露油 加埋有黑松露醬 簡直就是松露二重奏加埋新鮮野菌 令到成個pizza 都好香————————————————————————————#觀塘 #觀塘美食 #觀塘好去處 #kwuntong #kwuntongfood #香港好去處 #hkgoodie #foodiehk #foodiehkig

這裏環境闊落,閒日晚間也差不多滿座,但見開放廚房內有很多廚師分工處理各式美食,所以食物可迅速地送到枱上。我叫了西班牙黑毛豬肋骨,肉質鮮嫩不鞋口,加上美味的酱汁令我吃到連手指也舔埋！炭烤美國1855極佳級黑安格斯肉眼牛扒,5成熟恰到好處,切開嫩滑多汁,加上香脆的薯條,非常滿足。這兩道菜都加上不同顏色的配菜,單是配搭和擺設都令人食指大動。 甜品叫了焗酥皮香蕉卷伴自家制開心果雪糕,第一次吃這款雪糕，有濃濃的開心果味道和小小的果仁粒,好味又特別,我喜歡！飲品叫了一壺蘋果茶,用透明玻璃茶具盛著,很雅致,還有叫了櫻花奶蓋茶,淡淡的樱花香味,边品嘗边想著旅遊時見到漫天樱花的浪漫！這一餐值得我再次到來嘗試其他菜式。

今晚又加班，觀塘真係好多樓上食肆🍴，試咗呢間係the wave 裡面，內裡裝潢都幾有特別🤔.🥢北海道帶子薄切柚子醋汁。呢碟係幾開胃，不錯👍🏿🥢白酒汁煮澳洲藍青口。汁同藍青口比較分離，唔太入味🤭🥢香煎緬因州龍蝦尾意大利🇮🇹飯。意大利飯煮得夠味，加入蝦乾、鹹蛋黃同蛋白，fusion 設計🥢烤西班牙🇪🇸黑毛豬排🐽。太薄身口感不夠略嫌太乾🙊.整體來說可以飲嘢🍹傾計，服務同食物有待提升⤴️

係啦咁我哋今日就去咗觀塘的wave 3樓嘅呢一間西餐廳度食晚飯嘅講返呢度嘅環境先啦係坐得好舒服嘅咁枱同枱之間係有好多空位唔會背脊貼住人哋背脊所以喺朋友聚餐傾計都唔會咁嘈咁我哋係一男一女去啦咁頭盤食咗兩隻生蠔咁佢哋呢間餐廳係有10款唔同嘅生蠔選擇嘅 我哋就揀咗白珍珠同埋藍寶石去試, 我個人比較驚海水味好重嘅生蠔所以我會比較推介白珍珠到咗主菜我哋嗌咗威靈頓牛柳, 咁喺切開面頭塊麵包嘅時候已經feel到嗰塊牛柳好juicy, 配搭麵包簡直絕配, 因為令到成件事唔會好 "溜" 另外我地嗌咗個先海膽手拆蟹肉自家製手做寬條麵, 咁一直落去個麵質已經知道有落過功夫啲面食落去係好有彈性, 另外值得一提嘅係佢嘅蟹同海膽味極濃 由於我哋兩個都偏細食, 所以到最後都完成唔到成份牛柳同埋呢一個寬條麵呢間餐廳距離觀塘地鐵站只係5分鐘腳程, 而且用食物質素去做標準嘅話性價比算偏高 幾適合情侶或者一大班朋友喺度聚餐

今晚去觀塘the wave 第二層的登堂食晚餐，知道佢地有個抵食的威靈頓美國特級牛柳，入到餐廳，好大，是二樓全層，佔地一萬呎，一邊係水吧加Live band，一多啲座位較靜，寬敞舒適 。餐牌好似份雜誌般，有不同國藉菜色，先來杯自家製登堂冷泡奶蓋茶，裡面有三種茶底，有伯爵茶奶蓋 $48，飲落奶蓋比起出面台式飲品更杰，奶蓋厚滑，以茅屋芝士打製，味道更香濃，而茶底並沒加糖，好清醇。另一杯叫了熱玫瑰花水果茶$55，用了乾果帶酸味，夠開胃，北海道鮮帶子意大利飯 $188新鮮珍寶大帶子，刺身級帶子半生熟，好鮮甜，加上中式食材，勝瓜同咸蛋黃，原來都好夾，為意大利飯增添味道。威靈頓美國特級牛柳 $348非常期待的主菜，之前一直想食，但一般餐廳都再超過$500 以上，但這店竟然收$348，而且牛肉味好鮮、質感又稔，好厚身，酥皮牛油味香，夾心用了唔會太咸的煙肉片同少量鵝肝醬，滲透酥皮，還有菠菜墊底，非常滿足。

約左閏蜜食飯, 佢地話不如試下呢間西餐, 我睇見位置都方便, 食物似乎都唔錯, 於是book定位黎到後, 原來餐廳好大, 環境幾舒適, 食物種類好多, 我地揀左好耐先揀左個串燒拼盤食住先串燒拼盤,有11串, 以肉類和海鮮為主, 配菜係薯條, 可以2至4人食醬汁除左茄汁外, 仲有 沙嗲汁, 泰式生蝦汁, 泰式羅望子醬, 將串燒蘸上不同醬汁, 更加惹味串燒包括, 白鱔, 油脂豐腴, 雖然魚骨可以直接食, 但個人覺得骨比較粗, 自己食前先起骨. 再整件白鱔入口更好味海虎大蝦, 非常鮮甜, 又唔會燒到好乾北海道帶子夠鮮味三文魚油脂甘香, 肉質唔鞋口澳洲牛肉, 雖然燒至全熟, 但牛味豐富西班牙黑毛豬五花腩, 肉質嫩滑, 充滿油香, 但也不會過份油膩雞翼燒得夠焦香, 帶點孜然味辣肉腸有兩款, 內裡juicy, 辣辣地幾惹味蔬菜類就有粟米 &脆玉瓜車厘茄串食完串燒, 已感覺有7分飽, 但又未必食得落多個主菜, 而且我地被甜品吸引左所以叫左2個甜品, 法式芒果拿破崙 & 焗酥皮香蕉卷, 侍應提醒係即叫即焗, 所以要等起碼20MINS法式芒果拿破崙, 做得出色, 酥皮鬆脆可口配軟滑忌廉, 味道唔太甜,

好耐無去觀塘食飯，今日在附近做完野，記得有幢工廈叫The Wave有好多野食，見呢間未試過就揀左佢。我地由觀塘地鐡站行入去，差唔多5分鐘路程，都算方便。因為太口渴，一坐低我地叫左一杯百爵冷泡茶$36同一壺蘋果茶$40。冷泡茶感覺無咩味，反而果壺蘋果茶就好香。餐廳每日都有蠔賣，不過就要問職員果日有邊款，而今日就得Normandy ，無得揀。因為成$65一隻，所以我地只係叫左兩隻試下。味道的確係同menu形容的一樣。如果有其他款試埋就好喇，希望下次試到。另外叫左一碟低溫慢煮烤乳豬件，簡直係外脆內嫩，又唔油，好好味！下次來會再encore。鮮魷魚手造闊條麵，上面加左好多芝士，要趁熱搞拌，個闊條麵因爲係手造，食落感覺同平時食開果啲完全唔同，值得一試，魷魚都非常新鮮。總結呢間餐廳有很大驚喜，下次會帶家人朋友來試。

今晚 原本book 左間餐廳係the wave 食all day 但去錯左餐廳 呢間餐廳入去時 好似好高檔（價錢）拍好單車 好定定睇餐牌 好唔係好貴wor 今晚叫左個限量供應的 海膽蟹肉 檸檬汁意粉🍝🍝 嘩😱😱 l 正到爆呀 海膽新鮮 檸檬汁菁生 食完好滿足 🤤🤤 快d黎試下 還有要讚 服務一流 有地方拍單車 個個都對你笑😀😀

（63度溫泉蛋，八爪魚，鷹嘴豆，黃車厘茄，冰沙律菜，日式芝麻醬） 💰148 8⃣小編知道呢道菜影出黎真係咁吸引，但如果大家去食就一定要order。芝麻醬其實認真有小小膩，但蛋液減淡呢個感覺。所以most importantly溫泉蛋一定要撈埋佢。冰菜主要都係食個質感，蛋液mix芝麻醬呢個組合，令到冰菜食落去更加滋味。加埋八爪魚，鷹嘴豆，黃車厘茄，呢d咪叫完美perfect match咯死野！/鮮魷魚自家製手造寬條麵 💰148 7⃣主要材料為煙肉，新鮮嫩菠菜同埋芝士忌廉汁，食多去真係好鬼死creamy，如果同出面餐廳比。醬汁比較厚身小小，芝士都落得幾重手下！但係其一加分位。佢地自己手造既tagliatelle食落去都幾有彈性，但當然唔會彈到假牙甩啦，可以同埋值得一試。/12小時低溫慢煮烤乳豬件 💰238 7⃣小編珍惜好鍾意慢煮整任何食物，因為可以將其肉汁保留，食落去唔會話好柴感覺。呢個烤乳豬件食落去唔會話好膩，可能陪住佢地既無花果蜜糖燒汁食。仲會配上皺葉甘蘭度豆同埋手指薯一起食，其實呢個main course都夠兩個人食。

下班後都是回家宅的筆者，今晚看在美女朋友的份上，來到觀塘飯聚。飯聚地點是The Wave內的2樓餐廳。餐廳內有駐場樂隊，演唱著輕快柔和的音樂。配隨著昏暗淡黃的燈光，餐廳氣氛情調濃厚。一盤有約10串份量，4人進食相對足夠。不過每款只有1串，如烤雞翼只有2隻，想平均來分享就有點難度了。串燒烤得惹味，北海道帶子和海虎大蝦蠻彈牙的。略嫌白鱔有點腥，雖然塗上了濃味燒汁也蓋不過腥味。拼盤配了4款醬汁，甜酸辣任君挑選。上枱時，職員非常耐心講解醬汁特色。當中，泰式羅望子醬是最重辣度。其餘3款分別是茄汁、沙嗲汁以及泰式生蝦汁。期間發生了一點小意外，雞翼不幸有血未烤熟（但燒雞翼的確是挺難掌握。）。通知餐廳後，再換來了新的2隻。主要想一試手工粉的特別，「登堂」的手工貝殼粉是奶白色、呈長條形，有別平日在超巿所買得的。貝殼粉煮得非常腍身，長條形的設計令它更加能夠掛汁。貝殼粉汁是煙莫薩里拉芝士汁，稠身有濃郁芝士香。貝殼粉還伴上煙肉、燒南瓜粒等配料。原本有一點擔心海鱸魚柳會帶腥味，看來是筆者想多了。海鱸魚柳肉質滑溜，塗上了黑松露菌醬烤焗，令每一口都充滿黑松露的獨有香氣。魚柳底又沾了貝殼粉的煙莫薩里拉芝士汁，味道有點

觀塘向來是個搵食嘅好地方，加上近年辦工室和寫字樓愈來愈多，因此亦催生了不少新食店。筆者雖然不是在觀塘區返工，但也會定期去覓食。早排見朋友到訪了 The Wave 2 樓一間叫「登堂 Downtown」嘅食肆，見餐廳環境唔錯，裝修既新潮又有格調，加上食物夠吸引，所以趁今日 Blue Monday，放工後就約埋老公去食餐好。翻查過網上資料，原來「登堂」是 M1 GROUP 餐飲管理集團全新打造的概念性餐飲品牌，店內面積很大，佔地過萬呎，環境寬敞舒服，除了大堂用餐區外，還設有多間獨立房間，適合公司作會議室、講座和派對之用。另外店內亦設有 Coffee Lounge，客人可以在這裡細味手沖精品咖啡。由於這天天氣有點熱，所以入座後，決定先點飲品再揀食物。老公選了登堂奶蓋茶 ($48)，而我就揀咗杯果茶梳打。原來店裡的奶蓋並非用奶精或芝士粉炮製，而是採用了低脂的茅屋芝士發打而成，所以入口「芝」味比較清新。我點的草莓玫瑰果茶梳打 ($48)，味道亦不俗，入口酸甜適中，很討好。至於食物方面，選擇亦不少，除了有時令生蠔外，還有湯類、頭盤小食、手造麵條、意大利飯、主菜、自家製薄餅、甜品及雪糕等。同老公商議