選址為美食林立的觀塘工業區，高質西餐廳「登堂」。位於為人熟識的「The wave」，搭電梯上到二樓見到「登堂」招牌就係喇。
店內面積好大，佔用二樓全層地方。被安排坐於Bar枱附近，環境幽靜舒服，適合拍拖人士或者一大班朋友聚餐。
前菜：低溫慢煮三文魚‧香芒藜麥沙律
厚身的三文魚經過低溫慢煮，肉質嫩滑，充滿魚香，外型似煙三文魚但口感猶如刺身。再配以健康藜麥加芒果粒，酸酸甜甜的芒果醬汁，是一道非常推介的開胃前菜。
主菜：鮮海膽手拆鮮蟹肉自家製手造寬條麵
原件海膽鮮甜，手拆鮮蟹肉絲、蟹膏粒令味道更鮮香，自家製手造寬條麵彈牙掛汁強，香濃忌廉汁配上少許檸檬，令整碟麵不覺得膩。
主菜：威靈頓美國特級牛柳
期待已久的主菜，好開心冇令到我失望！切開即見嫩紅色的牛柳，肉質鮮嫩多汁，熟度剛剛好，配以外層的酥皮，口感豐富。伴碟的炒嫩菠菜和燒手指薯都鮮甜無比。必試菜式！
餐飲：牛油果凍頂烏龍(左)
牛油果芝士奶蓋，創新口味引發好奇！奶蓋充滿牛油果香味，有別於平時的咸香芝蓋，烏龍茶底冇加糖，整體清醇，適合喜歡清淡的人士。
餐飲：黑爵士(右)
竹炭接骨木花芝士奶蓋配伯爵茶底，芝士奶蓋濃而不膩，充滿淡淡香甜接骨木花味道，此為加分及驚喜位。伯爵茶茶味香濃，適合稍為喜歡重口味的人士。
甜品：焗香蕉酥皮卷‧自家製開心果雪糕
香脆酥皮包住軟腍的香蕉，層次感十足。不得不讚其自家製開心果雪糕，食得出是出自真材實料的！
所有食物都好高質素及用心，令我同友人都十分滿足，想立即叫晒所有朋友來試「威靈頓美國特級牛柳」呀！
